TITUS
Rg-Veda: Rg-Veda-Samhita
Part No. 407
Previous part

Hymn: 53_(407) 
Verse: 1 
Halfverse: a    kó veda jā́nam eṣāṃ kó vā purā́ sumnéṣv āsa marútām /
   kó veda jā́nam eṣāṃ
   káḥ veda jā́nam eṣām
   kó veda jā́nam eṣãaṃ

Halfverse: b    kó vā purā́ sumnéṣv āsa marútām /
   káḥ vā purā́ sumnéṣu āsa marútām /
   kó vā purā́ sumnéṣu āsa marútām /

Halfverse: c    yád yuyujré kilāsyàḥ //
   yád yuyujré kilāsyàḥ //
   yát yuyujré kilāsyàḥ //
   yád yuyujré kilāsíyaḥ //


Verse: 2 
Halfverse: a    aítā́n rátʰeṣu tastʰúṣaḥ káḥ śuśrāva katʰā́ yayuḥ /
   aítā́n rátʰeṣu tastʰúṣaḥ
   ā́ etā́n rátʰeṣu tastʰúṣaḥ
   aítā́n rátʰeṣu tastʰúṣaḥ

Halfverse: b    káḥ śuśrāva katʰā́ yayuḥ /
   káḥ śuśrāva katʰā́ yayuḥ /
   káḥ śuśrāva katʰā́ yayuḥ /

Halfverse: c    kásmai sasruḥ sudā́se ánv āpáya íḷābʰir vr̥ṣṭáyaḥ sahá //
   kásmai sasruḥ sudā́se ánv āpáya
   kásmai sasruḥ sudā́se ánu āpáyaḥ
   kásmai sasruḥ sudā́se ánu āpáya

Halfverse: d    íḷābʰir vr̥ṣṭáyaḥ sahá //
   íḷābʰiḥ vr̥ṣṭáyaḥ sahá //
   íḷābʰir vr̥ṣṭáyaḥ sahá //


Verse: 3 
Halfverse: a    té ma āhur yá āyayúr úpa dyúbʰir víbʰir máde /
   té ma āhur yá āyayúr
   té me āhuḥ yé āyayúḥ
   té ma āhur yá āyayúr

Halfverse: b    úpa dyúbʰir víbʰir máde /
   úpa dyúbʰiḥ víbʰiḥ máde /
   úpa dyúbʰir víbʰir máde /

Halfverse: c    náro máryā arepása imā́n páśyann íti ṣṭuhi //
   náro máryā arepása
   náraḥ máryāḥ arepásaḥ
   náro máryā arepása

Halfverse: d    imā́n páśyann íti ṣṭuhi //
   imā́n páśyan íti stuhi //
   imā́n páśyann íti ṣṭuhi //


Verse: 4 
Halfverse: a    yé añjíṣu yé vā́śīṣu svábʰānavaḥ srakṣú rukméṣu kʰādíṣu /
   yé añjíṣu yé vā́śīṣu svábʰānavaḥ
   yé añjíṣu yé vā́śīṣu svábʰānavaḥ
   yé añjíṣu yé vā́śīṣu svábʰānavaḥ

Halfverse: b    srakṣú rukméṣu kʰādíṣu /
   srakṣú rukméṣu kʰādíṣu /
   srakṣú rukméṣu kʰādíṣu /

Halfverse: c    śrāyā́ rátʰeṣu dʰánvasu //
   śrāyā́ rátʰeṣu dʰánvasu //
   śrāyā́ḥ rátʰeṣu dʰánvasu //
   śrāyā́ rátʰeṣu dʰánvasu //


Verse: 5 
Halfverse: a    yuṣmā́kaṃ smā rátʰām̐ ánu mudé dadʰe maruto jīradānavaḥ /
   yuṣmā́kaṃ smā rátʰām̐ ánu
   yuṣmā́kam sma+ rátʰān ánu
   yuṣmā́kaṃ smā rátʰām̐ ánu

Halfverse: b    mudé dadʰe maruto jīradānavaḥ /
   mudé dadʰe marutaḥ jīradānavaḥ /
   mudé dadʰe maruto jīradānavaḥ /

Halfverse: c    vr̥ṣṭī́ dyā́vo yatī́r iva //
   vr̥ṣṭī́ dyā́vo yatī́r iva //
   vr̥ṣṭī́ dyā́vaḥ yatī́ḥ iva //
   vr̥ṣṭī́ dyā́vo yatī́r iva //


Verse: 6 
Halfverse: a    ā́ yáṃ náraḥ sudā́navo dadāśúṣe diváḥ kóśam ácucyavuḥ /
   ā́ yáṃ náraḥ sudā́navo dadāśúṣe
   ā́ yám náraḥ sudā́navaḥ dadāśúṣe
   ā́ yáṃ náraḥ sudā́navo dadāśúṣe

Halfverse: b    diváḥ kóśam ácucyavuḥ /
   diváḥ kóśam ácucyavuḥ /
   diváḥ kóśam ácucyavuḥ /

Halfverse: c    ví parjányaṃ sr̥janti ródasī ánu dʰánvanā yanti vr̥ṣṭáyaḥ //
   ví parjányaṃ sr̥janti ródasī ánu
   ví parjányam sr̥janti ródasī ánu
   ví parjányaṃ sr̥janti ródasī ánu

Halfverse: d    dʰánvanā yanti vr̥ṣṭáyaḥ //
   dʰánvanā yanti vr̥ṣṭáyaḥ //
   dʰánvanā yanti vr̥ṣṭáyaḥ //


Verse: 7 
Halfverse: a    tatr̥dānā́ḥ síndʰavaḥ kṣódasā rájaḥ prá sasrur dʰenávo yatʰā /
   tatr̥dānā́ḥ síndʰavaḥ kṣódasā rájaḥ
   tatr̥dānā́ḥ síndʰavaḥ kṣódasā rájaḥ
   tatr̥dānā́ḥ síndʰavaḥ kṣódasā rájaḥ

Halfverse: b    prá sasrur dʰenávo yatʰā /
   prá sasruḥ dʰenávaḥ yatʰā /
   prá sasrur dʰenávo yatʰā /

Halfverse: c    syannā́ áśvā ivā́dʰvano vimócane ví yád vártanta enyàḥ //
   syannā́ áśvā ivā́dʰvano vimócane
   syannā́ḥ áśvāḥ iva ádʰvanaḥ vimócane
   syannā́ áśvā ivā́dʰvano vimócane

Halfverse: d    ví yád vártanta enyàḥ //
   ví yát vártante enyàḥ //
   ví yád vártanta eníyaḥ //


Verse: 8 
Halfverse: a    ā́ yāta maruto divá ā́ntárikṣād amā́d utá /
   ā́ yāta maruto divá
   ā́ yāta marutaḥ diváḥ
   ā́ yāta maruto divá

Halfverse: b    ā́ntárikṣād amā́d utá /
   ā́ antárikṣāt amā́t utá /
   ā́ntárikṣād amā́d utá /

Halfverse: c    mā́va stʰāta parāvátaḥ //
   mā́va stʰāta parāvátaḥ //
   mā́ áva stʰāta parāvátaḥ //
   mā́va stʰāta parāvátaḥ //


Verse: 9 
Halfverse: a    mā́ vo rasā́nitabʰā kúbʰā krúmur mā́ vaḥ síndʰur ní rīramat /
   mā́ vo rasā́nitabʰā kúbʰā krúmur
   mā́ vaḥ rasā́ ánitabʰā kúbʰā krúmuḥ
   mā́ vo rasā́ ánitabʰā kúbʰā krúmur

Halfverse: b    mā́ vaḥ síndʰur ní rīramat /
   mā́ vaḥ síndʰuḥ ní rīramat /
   mā́ vaḥ síndʰur ní rīramat /

Halfverse: c    mā́ vaḥ pári ṣṭʰāt saráyuḥ purīṣíṇy asmé ít \!\ sumnám astu vaḥ //
   mā́ vaḥ pári ṣṭʰāt saráyuḥ purīṣíṇy
   mā́ vaḥ pári stʰāt saráyuḥ purīṣíṇī
   mā́ vaḥ pári ṣṭʰāt saráyuḥ purīṣíṇī

Halfverse: d    asmé ít sumnám astu vaḥ //
   asmé ít sumnám astu vaḥ //
   asmé ít sumnám astu vaḥ //


Verse: 10 
Halfverse: a    táṃ vaḥ śárdʰaṃ rátʰānāṃ tveṣáṃ gaṇám mā́rutaṃ návyasīnām /
   táṃ vaḥ śárdʰaṃ rátʰānāṃ
   tám vaḥ śárdʰam rátʰānām
   táṃ vaḥ śárdʰaṃ rátʰānãaṃ

Halfverse: b    tveṣáṃ gaṇám mā́rutaṃ návyasīnām /
   tveṣám gaṇám mā́rutam návyasīnām /
   tveṣáṃ gaṇám mā́rutaṃ návyasīnãam /

Halfverse: c    ánu prá yanti vr̥ṣṭáyaḥ //
   ánu prá yanti vr̥ṣṭáyaḥ //
   ánu prá yanti vr̥ṣṭáyaḥ //
   ánu prá yanti vr̥ṣṭáyaḥ //


Verse: 11 
Halfverse: a    śárdʰaṃ-śardʰaṃ va eṣāṃ vrā́taṃ-vrātaṃ gaṇáṃ-gaṇaṃ suśastíbʰiḥ /
   śárdʰaṃ-śardʰaṃ va eṣāṃ
   śárdʰaṃ-śardʰam vaḥ eṣām
   śárdʰaṃ-śardʰaṃ va eṣãaṃ

Halfverse: b    vrā́taṃ-vrātaṃ gaṇáṃ-gaṇaṃ suśastíbʰiḥ /
   vrā́taṃ-vrātam gaṇáṃ-gaṇam suśastíbʰiḥ /
   vrā́taṃ-vrātaṃ gaṇáṃ-gaṇaṃ suśastíbʰiḥ /

Halfverse: c    ánu krāmema dʰītíbʰiḥ //
   ánu krāmema dʰītíbʰiḥ //
   ánu krāmema dʰītíbʰiḥ //
   ánu krāmema dʰītíbʰiḥ //


Verse: 12 
Halfverse: a    kásmā adyá sújātāya rātáhavyāya prá yayuḥ /
   kásmā adyá sújātāya
   kásmai adyá sújātāya
   kásmā adyá sújātāya

Halfverse: b    rātáhavyāya prá yayuḥ /
   rātáhavyāya prá yayuḥ /
   rātáhavyāya prá yayuḥ /

Halfverse: c    enā́ yā́mena marútaḥ //
   enā́ yā́mena marútaḥ //
   enā́ yā́mena marútaḥ //
   enā́ yā́mena marútaḥ //


Verse: 13 
Halfverse: a    yéna tokā́ya tánayāya dʰānyàm bī́jaṃ váhadʰve ákṣitam /
   yéna tokā́ya tánayāya dʰānyàm
   yéna tokā́ya tánayāya dʰānyàm
   yéna tokā́ya tánayāya dʰāníyam

Halfverse: b    bī́jaṃ váhadʰve ákṣitam /
   bī́jam váhadʰve ákṣitam /
   bī́jaṃ váhadʰve ákṣitam /

Halfverse: c    asmábʰyaṃ tád dʰattana yád va ī́mahe rā́dʰo viśvā́yu saúbʰagam //
   asmábʰyaṃ tád dʰattana yád va ī́mahe
   asmábʰyam tát dʰattana yát vaḥ ī́mahe
   asmábʰyaṃ tád dʰattana yád va ī́mahe

Halfverse: d    rā́dʰo viśvā́yu saúbʰagam //
   rā́dʰaḥ viśvā́yu saúbʰagam //
   rā́dʰo viśvā́yu saúbʰagam //


Verse: 14 
Halfverse: a    átīyāma nidás tiráḥ svastíbʰir hitvā́vadyám árātīḥ /
   átīyāma nidás tiráḥ svastíbʰir
   áti iyāma nidáḥ tiráḥ svastíbʰiḥ
   átīyāma nidás tiráḥ suastíbʰir

Halfverse: b    hitvā́vadyám árātīḥ /
   hitvā́ avadyám árātīḥ /
   hitvā́ avadyám árātīḥ /

Halfverse: c    vr̥ṣṭvī́ śáṃ yór ā́pa usrí bʰeṣajáṃ syā́ma marutaḥ sahá //
   vr̥ṣṭvī́ śáṃ yór ā́pa usrí bʰeṣajáṃ
   vr̥ṣṭvī́ śám yóḥ ā́paḥ usrí bʰeṣajám
   vr̥ṣṭuvī́ śáṃ yór ā́pa usrí bʰeṣajáṃ

Halfverse: d    syā́ma marutaḥ sahá //
   syā́ma marutaḥ sahá //
   siyā́ma marutaḥ sahá //


Verse: 15 
Halfverse: a    sudeváḥ samahāsati suvī́ro naro marutaḥ sá mártyaḥ /
   sudeváḥ samahāsati
   sudeváḥ samaha asati
   sudeváḥ samahāsati

Halfverse: b    suvī́ro naro marutaḥ sá mártyaḥ /
   suvī́raḥ náraḥ marutaḥ sá mártyaḥ /
   suvī́ro naro marutaḥ sá mártiyaḥ /

Halfverse: c    yáṃ trā́yadʰve syā́ma té //
   yáṃ trā́yadʰve syā́ma té //
   yám trā́yadʰve syā́ma té //
   yáṃ trā́yadʰve siyā́ma té //


Verse: 16 
Halfverse: a    stuhí bʰojā́n stuvató asya yā́mani ráṇan gā́vo ná yávase /
   stuhí bʰojā́n stuvató asya yā́mani
   stuhí bʰojā́n stuvatáḥ asya yā́mani
   stuhí bʰojā́n stuvató asya yā́mani

Halfverse: b    ráṇan gā́vo ná yávase /
   ráṇan gā́vaḥ ná yávase /
   ráṇan gā́vo ná yávase /

Halfverse: c    yatáḥ pū́rvām̐ iva sákʰīm̐r ánu hvaya girā́ gr̥ṇīhi kāmínaḥ //
   yatáḥ pū́rvām̐ iva sákʰīm̐r ánu hvaya
   yatáḥ pū́rvān iva sákʰīn ánu hvaya
   yatáḥ pū́rvām̐ iva sákʰīm̐r ánu hvaya

Halfverse: d    girā́ gr̥ṇīhi kāmínaḥ //
   girā́ gr̥ṇīhi kāmínaḥ //
   girā́ gr̥ṇīhi kāmínaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.