TITUS
Rg-Veda: Rg-Veda-Samhita
Part No. 409
Previous part

Hymn: 55_(409) 
Verse: 1 
Halfverse: a    práyajyavo marúto bʰrā́jadr̥ṣṭayo br̥hád váyo dadʰire rukmávakṣasaḥ /
   práyajyavo marúto bʰrā́jadr̥ṣṭayo
   práyajyavaḥ marútaḥ bʰrā́jadr̥ṣṭayaḥ
   práyajyavo marúto bʰrā́jadr̥ṣṭayo

Halfverse: b    br̥hád váyo dadʰire rukmávakṣasaḥ /
   br̥hát váyaḥ dadʰire rukmávakṣasaḥ /
   br̥hád váyo dadʰire rukmávakṣasaḥ /

Halfverse: c    ī́yante áśvaiḥ suyámebʰir āśúbʰiḥ śúbʰaṃ yātā́m ánu rátʰā avr̥tsata //
   ī́yante áśvaiḥ suyámebʰir āśúbʰiḥ
   ī́yante áśvaiḥ suyámebʰiḥ āśúbʰiḥ
   ī́yante áśvaiḥ suyámebʰir āśúbʰiḥ

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 2 
Halfverse: a    svayáṃ dadʰidʰve táviṣīṃ yátʰā vidá br̥hán mahānta urviyā́ ví rājatʰa /
   svayáṃ dadʰidʰve táviṣīṃ yátʰā vidá
   svayám dadʰidʰve táviṣīm yátʰā vidá
   svayáṃ dadʰidʰve táviṣīṃ yátʰā vidá

Halfverse: b    br̥hán mahānta urviyā́ ví rājatʰa /
   br̥hát mahāntaḥ urviyā́ ví rājatʰa /
   br̥hán mahānta urviyā́ ví rājatʰa /

Halfverse: c    utā́ntárikṣam mamire vy ójasā śúbʰaṃ yātā́m ánu rátʰā avr̥tsata //
   utā́ntárikṣam mamire vy ójasā
   utá antárikṣam mamire ví ójasā
   utā́ntárikṣam mamire ví ójasā

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 3 
Halfverse: a    sākáṃ jātā́ḥ subʰvàḥ sākám ukṣitā́ḥ śriyé cid ā́ prataráṃ vāvr̥dʰur náraḥ /
   sākáṃ jātā́ḥ subʰvàḥ sākám ukṣitā́ḥ
   sākám jātā́ḥ subʰvàḥ sākám ukṣitā́ḥ
   sākáṃ jātā́ḥ subʰúvaḥ sākám ukṣitā́ḥ

Halfverse: b    śriyé cid ā́ prataráṃ vāvr̥dʰur náraḥ /
   śriyé cit ā́ pratarám vāvr̥dʰuḥ náraḥ /
   śriyé cid ā́ prataráṃ vāvr̥dʰur náraḥ /

Halfverse: c    virokíṇaḥ sū́ryasyeva raśmáyaḥ śúbʰaṃ yātā́m ánu rátʰā avr̥tsata //
   virokíṇaḥ sū́ryasyeva raśmáyaḥ
   virokíṇaḥ sū́ryasya iva raśmáyaḥ
   virokíṇaḥ sū́riyasyeva raśmáyaḥ

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 4 
Halfverse: a    ābʰūṣéṇyaṃ vo maruto mahitvanáṃ didr̥kṣéṇyaṃ sū́ryasyeva cákṣaṇam /
   ābʰūṣéṇyaṃ vo maruto mahitvanáṃ
   ābʰūṣéṇyam vaḥ marutaḥ mahitvanám
   ābʰūṣéṇyaṃ vo maruto mahitvanáṃ

Halfverse: b    didr̥kṣéṇyaṃ sū́ryasyeva cákṣaṇam /
   didr̥kṣéṇyam sū́ryasya iva cákṣaṇam /
   didr̥kṣéṇyaṃ sū́riyasyeva cákṣaṇam /

Halfverse: c    utó asmā́m̐ amr̥tatvé dadʰātana śúbʰaṃ yātā́m ánu rátʰā avr̥tsata //
   utó asmā́m̐ amr̥tatvé dadʰātana
   utá u asmā́n amr̥tatvé dadʰātana
   utó asmā́m̐ amr̥tatvé dadʰātana

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 5 
Halfverse: a    úd īrayatʰā marutaḥ samudrató yūyáṃ vr̥ṣṭíṃ varṣayatʰā purīṣiṇaḥ /
   úd īrayatʰā marutaḥ samudrató
   út īrayatʰa+ marutaḥ samudratáḥ
   úd īrayatʰā marutaḥ samudrató

Halfverse: b    yūyáṃ vr̥ṣṭíṃ varṣayatʰā purīṣiṇaḥ /
   yūyám vr̥ṣṭím varṣayatʰa+ purīṣiṇaḥ /
   yūyáṃ vr̥ṣṭíṃ varṣayatʰā purīṣiṇaḥ /

Halfverse: c    ná vo dasrā úpa dasyanti dʰenávaḥ śúbʰaṃ yātā́m ánu rátʰā avr̥tsata //
   ná vo dasrā úpa dasyanti dʰenávaḥ
   ná vaḥ dasrāḥ úpa dasyanti dʰenávaḥ
   ná vo dasrā úpa dasyanti dʰenávaḥ

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 6 
Halfverse: a    yád áśvān dʰūrṣú pŕ̥ṣatīr áyugdʰvaṃ hiraṇyáyān práty átkām̐ ámugdʰvam /
   yád áśvān dʰūrṣú pŕ̥ṣatīr áyugdʰvaṃ
   yát áśvān dʰūrṣú pŕ̥ṣatīḥ áyugdʰvam
   yád áśvān dʰūrṣú pŕ̥ṣatīr áyugdʰuvaṃ

Halfverse: b    hiraṇyáyān práty átkām̐ ámugdʰvam /
   hiraṇyáyān práti átkān ámugdʰvam /
   hiraṇyáyān práti átkām̐ ámugdʰuvam /

Halfverse: c    víśvā ít spŕ̥dʰo maruto vy àsyatʰa śúbʰaṃ yātā́m ánu rátʰā avr̥tsata //
   víśvā ít spŕ̥dʰo maruto vy àsyatʰa
   víśvāḥ ít spŕ̥dʰaḥ marutaḥ ví asyatʰa
   víśvā ít spŕ̥dʰo maruto ví asyatʰa

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 7 
Halfverse: a    ná párvatā ná nadyò varanta vo yátrā́cidʰvam maruto gácʰatʰéd u tát /
   ná párvatā ná nadyò varanta vo
   ná párvatāḥ ná nadyàḥ varanta vaḥ
   ná párvatā ná nadíyo varanta vo

Halfverse: b    yátrā́cidʰvam maruto gácʰatʰéd u tát /
   yátra ácidʰvam marutaḥ gácʰatʰa ít u tát /
   yátrā́cidʰvam maruto gácʰatʰéd u tát /

Halfverse: c    utá dyā́vāpr̥tʰivī́ yātʰanā pári śúbʰaṃ yātā́m ánu rátʰā avr̥tsata //
   utá dyā́vāpr̥tʰivī́ yātʰanā pári
   utá dyā́vāpr̥tʰivī́ yātʰana+ pári
   utá dyā́vāpr̥tʰivī́ yātʰanā pári

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 8 
Halfverse: a    yát pūrvyám maruto yác ca nū́tanaṃ yád udyáte vasavo yác ca śasyáte /
   yát pūrvyám maruto yác ca nū́tanaṃ
   yát pūrvyám marutaḥ yát ca nū́tanam
   yát pūrviyám maruto yác ca nū́tanaṃ

Halfverse: b    yád udyáte vasavo yác ca śasyáte /
   yát udyáte vasavaḥ yát ca śasyáte /
   yád udyáte vasavo yác ca śasyáte /

Halfverse: c    víśvasya tásya bʰavatʰā návedasaḥ śúbʰaṃ yātā́m ánu rátʰā avr̥tsata //
   víśvasya tásya bʰavatʰā návedasaḥ
   víśvasya tásya bʰavatʰa+ návedasaḥ
   víśvasya tásya bʰavatʰā návedasaḥ

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 9 
Halfverse: a    mr̥ḷáta no maruto mā́ vadʰiṣṭanāsmábʰyaṃ śárma bahuláṃ ví yantana /
   mr̥ḷáta no maruto mā́ vadʰiṣṭana_
   mr̥ḷáta naḥ marutaḥ mā́ vadʰiṣṭana
   mr̥ḷáta no maruto mā́ vadʰiṣṭana

Halfverse: b    _asmábʰyaṃ śárma bahuláṃ ví yantana /
   asmábʰyam śárma bahulám ví yantana /
   asmábʰyaṃ śárma bahuláṃ ví yantana /

Halfverse: c    ádʰi stotrásya sakʰyásya gātana śúbʰaṃ yātā́m ánu rátʰā avr̥tsata //
   ádʰi stotrásya sakʰyásya gātana
   ádʰi stotrásya sakʰyásya gātana
   ádʰi stotrásya sakʰiyásya gātana

Halfverse: d    śúbʰaṃ yātā́m ánu rátʰā avr̥tsata //
   śúbʰam yātā́m ánu rátʰāḥ avr̥tsata //
   śúbʰaṃ yātā́m ánu rátʰā avr̥tsata //


Verse: 10 
Halfverse: a    yūyám asmā́n nayata vásyo ácʰā nír am̐hatíbʰyo maruto gr̥ṇānā́ḥ /
   yūyám asmā́n nayata vásyo ácʰā
   yūyám asmā́n nayata vásyaḥ ácʰa+
   yūyám asmā́n nayata vásyo ácʰā

Halfverse: b    nír am̐hatíbʰyo maruto gr̥ṇānā́ḥ /
   níḥ aṃhatíbʰyaḥ marutaḥ gr̥ṇānā́ḥ /
   nír aṃhatíbʰyo maruto gr̥ṇānā́ḥ /

Halfverse: c    juṣádʰvaṃ no havyádātiṃ yajatrā vayáṃ syāma pátayo rayīṇā́m //
   juṣádʰvaṃ no havyádātiṃ yajatrā
   juṣádʰvam naḥ havyádātim yajatrāḥ
   juṣádʰvaṃ no havyádātiṃ yajatrā

Halfverse: d    vayáṃ syāma pátayo rayīṇā́m //
   vayám syāma pátayaḥ rayīṇā́m //
   vayáṃ siyāma pátayo rayīṇā́m //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.