TITUS
Rg-Veda: Rg-Veda-Samhita
Part No. 410
Previous part

Hymn: 56_(410) 
Verse: 1 
Halfverse: a    ágne śárdʰantam ā́ gaṇám piṣṭáṃ rukmébʰir añjíbʰiḥ /
   ágne śárdʰantam ā́ gaṇám
   ágne śárdʰantam ā́ gaṇám
   ágne śárdʰantam ā́ gaṇám

Halfverse: b    piṣṭáṃ rukmébʰir añjíbʰiḥ /
   piṣṭám rukmébʰiḥ añjíbʰiḥ /
   piṣṭáṃ rukmébʰir añjíbʰiḥ /

Halfverse: c    víśo adyá marútām áva hvaye diváś cid rocanā́d ádʰi //
   víśo adyá marútām áva hvaye
   víśaḥ adyá marútām áva hvaye
   víśo adyá marútãam áva hvaye

Halfverse: d    diváś cid rocanā́d ádʰi //
   diváḥ cit rocanā́t ádʰi //
   diváś cid rocanā́d ádʰi //


Verse: 2 
Halfverse: a    yátʰā cin mányase hr̥dā́ tád ín me jagmur āśásaḥ /
   yátʰā cin mányase hr̥dā́
   yátʰā cit mányase hr̥dā́
   yátʰā cin mányase hr̥dā́

Halfverse: b    tád ín me jagmur āśásaḥ /
   tát ít me jagmuḥ āśásaḥ /
   tád ín me jagmur āśásaḥ /

Halfverse: c    yé te nédiṣṭʰaṃ hávanāny āgáman tā́n vardʰa bʰīmásaṃdr̥śaḥ //
   yé te nédiṣṭʰaṃ hávanāny āgáman
   yé te nédiṣṭʰam hávanāni āgáman
   yé te nédiṣṭʰaṃ hávanāni āgáman

Halfverse: d    tā́n vardʰa bʰīmásaṃdr̥śaḥ //
   tā́n vardʰa bʰīmásaṃdr̥śaḥ //
   tā́n vardʰa bʰīmásaṃdr̥śaḥ //


Verse: 3 
Halfverse: a    mīḷʰúṣmatīva pr̥tʰivī́ párāhatā mádanty ety asmád ā́ /
   mīḷʰúṣmatīva pr̥tʰivī́ párāhatā
   mīḷʰúṣmatī iva pr̥tʰivī́ párāhatā
   mīḷʰúṣmatīva pr̥tʰivī́ párāhatā

Halfverse: b    mádanty ety asmád ā́ /
   mádantī eti asmát ā́ /
   mádanti eti asmád ā́ /

Halfverse: c    ŕ̥kṣo ná vo marutaḥ śímīvām̐ ámo dudʰró gaúr iva bʰīmayúḥ //
   ŕ̥kṣo ná vo marutaḥ śímīvām̐ ámo
   ŕ̥kṣaḥ ná vaḥ marutaḥ śímīvān ámaḥ
   ŕ̥kṣo ná vo marutaḥ śímīvām̐ ámo

Halfverse: d    dudʰró gaúr iva bʰīmayúḥ //
   dudʰráḥ gaúḥ iva bʰīmayúḥ //
   dudʰró gaúr iva bʰīmayúḥ //


Verse: 4 
Halfverse: a    ní yé riṇánty ójasā vŕ̥tʰā gā́vo ná durdʰúraḥ /
   ní yé riṇánty ójasā
   ní yé riṇánti ójasā
   ní yé riṇánti ójasā

Halfverse: b    vŕ̥tʰā gā́vo ná durdʰúraḥ /
   vŕ̥tʰā gā́vaḥ ná durdʰúraḥ /
   vŕ̥tʰā gā́vo ná durdʰúraḥ /

Halfverse: c    áśmānaṃ cit svaryàm párvataṃ girím prá cyāvayanti yā́mabʰiḥ //
   áśmānaṃ cit svaryàm párvataṃ girím
   áśmānam cit svaryàm párvatam girím
   áśmānaṃ cit svaríyam párvataṃ girím

Halfverse: d    prá cyāvayanti yā́mabʰiḥ //
   prá cyāvayanti yā́mabʰiḥ //
   prá cyāvayanti yā́mabʰiḥ //


Verse: 5 
Halfverse: a    út tiṣṭʰa nūnám eṣāṃ stómaiḥ sámukṣitānām /
   út tiṣṭʰa nūnám eṣāṃ
   út tiṣṭʰa nūnám eṣām
   út tiṣṭʰa nūnám eṣãaṃ

Halfverse: b    stómaiḥ sámukṣitānām /
   stómaiḥ sámukṣitānām /
   stómaiḥ sámukṣitānãam /

Halfverse: c    marútām purutámam ápūrvyaṃ gávāṃ sárgam iva hvaye //
   marútām purutámam ápūrvyaṃ
   marútām purutámam ápūrvyam
   marútãam purutámam ápūrviyaṃ

Halfverse: d    gávāṃ sárgam iva hvaye //
   gávām sárgam iva hvaye //
   gávāṃ sárgam iva hvaye //


Verse: 6 
Halfverse: a    yuṅgdʰváṃ hy áruṣī rátʰe yuṅgdʰváṃ rátʰeṣu rohítaḥ /
   yuṅgdʰváṃ hy áruṣī rátʰe
   yuṅgdʰvám hí áruṣī rátʰe
   yuṅgdʰváṃ hí áruṣī rátʰe

Halfverse: b    yuṅgdʰváṃ rátʰeṣu rohítaḥ /
   yuṅgdʰvám rátʰeṣu rohítaḥ /
   yuṅgdʰváṃ rátʰeṣu rohítaḥ /

Halfverse: c    yuṅgdʰváṃ hárī ajirā́ dʰurí vóḷʰave váhiṣṭʰā dʰurí vóḷʰave //
   yuṅgdʰváṃ hárī ajirā́ dʰurí vóḷʰave
   yuṅgdʰvám hárī ajirā́ dʰurí vóḷʰave
   yuṅgdʰváṃ hárī ajirā́ dʰurí vóḷʰave

Halfverse: d    váhiṣṭʰā dʰurí vóḷʰave //
   váhiṣṭʰā dʰurí vóḷʰave //
   váhiṣṭʰā dʰurí vóḷʰave //


Verse: 7 
Halfverse: a    utá syá vājy àruṣás tuviṣváṇir ihá sma dʰāyi darśatáḥ /
   utá syá vājy àruṣás tuviṣváṇir
   utá syá vājī́ aruṣáḥ tuviṣváṇiḥ
   utá syá vājī́ aruṣás tuviṣváṇir

Halfverse: b    ihá sma dʰāyi darśatáḥ /
   ihá sma dʰāyi darśatáḥ /
   ihá sma dʰāyi darśatáḥ /

Halfverse: c    mā́ vo yā́meṣu marutaś ciráṃ karat prá táṃ rátʰeṣu codata //
   mā́ vo yā́meṣu marutaś ciráṃ karat
   mā́ vaḥ yā́meṣu marutaḥ cirám karat
   mā́ vo yā́meṣu marutaś ciráṃ karat

Halfverse: d    prá táṃ rátʰeṣu codata //
   prá tám rátʰeṣu codata //
   prá táṃ rátʰeṣu codata //


Verse: 8 
Halfverse: a    rátʰaṃ nú mā́rutaṃ vayáṃ śravasyúm ā́ huvāmahe /
   rátʰaṃ nú mā́rutaṃ vayáṃ
   rátʰam nú mā́rutam vayám
   rátʰaṃ nú mā́rutaṃ vayáṃ

Halfverse: b    śravasyúm ā́ huvāmahe /
   śravasyúm ā́ huvāmahe /
   śravasyúm ā́ huvāmahe /

Halfverse: c    ā́ yásmin tastʰaú suráṇāni bíbʰratī sácā marútsu rodasī́ //
   ā́ yásmin tastʰaú suráṇāni bíbʰratī
   ā́ yásmin tastʰaú suráṇāni bíbʰratī
   ā́ yásmin tastʰaú suráṇāni bíbʰratī

Halfverse: d    sácā marútsu rodasī́ //
   sácā marútsu rodasī́ //
   sácā marútsu rodasī́ //


Verse: 9 
Halfverse: a    táṃ vaḥ śárdʰaṃ ratʰeśúbʰaṃ tveṣám panasyúm ā́ huve /
   táṃ vaḥ śárdʰaṃ ratʰeśúbʰaṃ
   tám vaḥ śárdʰam ratʰeśúbʰam
   táṃ vaḥ śárdʰaṃ ratʰeśúbʰaṃ

Halfverse: b    tveṣám panasyúm ā́ huve /
   tveṣám panasyúm ā́ huve /
   tveṣám panasyúm ā́ huve /

Halfverse: c    yásmin sújātā subʰágā mahīyáte sácā marútsu mīḷʰuṣī́ //
   yásmin sújātā subʰágā mahīyáte
   yásmin sújātā subʰágā mahīyáte
   yásmin sújātā subʰágā mahīyáte

Halfverse: d    sácā marútsu mīḷʰuṣī́ //
   sácā marútsu mīḷʰuṣī́ //
   sácā marútsu mīḷʰuṣī́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.