TITUS
Rg-Veda: Rg-Veda-Samhita
Part No. 411
Previous part

Hymn: 57_(411) 
Verse: 1 
Halfverse: a    ā́ rudrāsa índravantaḥ sajóṣaso híraṇyaratʰāḥ suvitā́ya gantana /
   ā́ rudrāsa índravantaḥ sajóṣaso
   ā́ rudrāsaḥ índravantaḥ sajóṣasaḥ
   ā́ rudrāsa índravantaḥ sajóṣaso

Halfverse: b    híraṇyaratʰāḥ suvitā́ya gantana /
   híraṇyaratʰāḥ suvitā́ya gantana /
   híraṇyaratʰāḥ suvitā́ya gantana /

Halfverse: c    iyáṃ vo asmát práti haryate matís tr̥ṣṇáje ná divá útsā udanyáve //
   iyáṃ vo asmát práti haryate matís
   iyám vaḥ asmát práti haryate matíḥ
   iyáṃ vo asmát práti haryate matís

Halfverse: d    tr̥ṣṇáje ná divá útsā udanyáve //
   tr̥ṣṇáje ná diváḥ útsāḥ udanyáve //
   tr̥ṣṇáje ná divá útsā udanyáve //


Verse: 2 
Halfverse: a    vā́śīmanta r̥ṣṭimánto manīṣíṇaḥ sudʰánvāna íṣumanto niṣaṅgíṇaḥ /
   vā́śīmanta r̥ṣṭimánto manīṣíṇaḥ
   vā́śīmantaḥ r̥ṣṭimántaḥ manīṣíṇaḥ
   vā́śīmanta r̥ṣṭimánto manīṣíṇaḥ

Halfverse: b    sudʰánvāna íṣumanto niṣaṅgíṇaḥ /
   sudʰánvānaḥ íṣumantaḥ niṣaṅgíṇaḥ /
   sudʰánvāna íṣumanto niṣaṅgíṇaḥ /

Halfverse: c    sváśvā stʰa surátʰāḥ pr̥śnimātaraḥ svāyudʰā́ maruto yātʰanā śúbʰam //
   sváśvā stʰa surátʰāḥ pr̥śnimātaraḥ
   sváśvāḥ stʰa surátʰāḥ pr̥śnimātaraḥ
   suáśvā stʰa surátʰāḥ pr̥śnimātaraḥ

Halfverse: d    svāyudʰā́ maruto yātʰanā śúbʰam //
   svāyudʰā́ḥ marutaḥ yātʰana+ śúbʰam //
   suāyudʰā́ maruto yātʰanā śúbʰam //


Verse: 3 
Halfverse: a    dʰūnutʰá dyā́m párvatān dāśúṣe vásu ní vo vánā jihate yā́mano bʰiyā́ /
   dʰūnutʰá dyā́m párvatān dāśúṣe vásu
   dʰūnutʰá dyā́m párvatān dāśúṣe vásu
   dʰūnutʰá dyā́m párvatān dāśúṣe vásu

Halfverse: b    ní vo vánā jihate yā́mano bʰiyā́ /
   ní vaḥ vánā jihate yā́manaḥ bʰiyā́ /
   ní vo vánā jihate yā́mano bʰiyā́ /

Halfverse: c    kopáyatʰa pr̥tʰivī́m pr̥śnimātaraḥ śubʰé yád ugrāḥ pŕ̥ṣatīr áyugdʰvam //
   kopáyatʰa pr̥tʰivī́m pr̥śnimātaraḥ
   kopáyatʰa pr̥tʰivī́m pr̥śnimātaraḥ
   kopáyatʰa pr̥tʰivī́m pr̥śnimātaraḥ

Halfverse: d    śubʰé yád ugrāḥ pŕ̥ṣatīr áyugdʰvam //
   śubʰé yát ugrāḥ pŕ̥ṣatīḥ áyugdʰvam //
   śubʰé yád ugrāḥ pŕ̥ṣatīr áyugdʰuvam //


Verse: 4 
Halfverse: a    vā́tatviṣo marúto varṣánirṇijo yamā́ iva súsadr̥śaḥ supéśasaḥ /
   vā́tatviṣo marúto varṣánirṇijo
   vā́tatviṣaḥ marútaḥ varṣánirṇijaḥ
   vā́tatviṣo marúto varṣánirṇijo

Halfverse: b    yamā́ iva súsadr̥śaḥ supéśasaḥ /
   yamā́ḥ iva súsadr̥śaḥ supéśasaḥ /
   yamā́ iva súsadr̥śaḥ supéśasaḥ /

Halfverse: c    piśáṅgāśvā aruṇā́śvā arepásaḥ prátvakṣaso mahinā́ dyaúr ivorávaḥ //
   piśáṅgāśvā aruṇā́śvā arepásaḥ
   piśáṅgāśvāḥ aruṇā́śvāḥ arepásaḥ
   piśáṅgāśvā aruṇā́śvā arepásaḥ

Halfverse: d    prátvakṣaso mahinā́ dyaúr ivorávaḥ //
   prátvakṣasaḥ mahinā́ dyaúḥ iva urávaḥ //
   prátvakṣaso mahinā́ dyaúr ivorávaḥ //


Verse: 5 
Halfverse: a    purudrapsā́ añjimántaḥ sudā́navas tveṣásaṃdr̥śo anavabʰrárādʰasaḥ /
   purudrapsā́ añjimántaḥ sudā́navas
   purudrapsā́ḥ añjimántaḥ sudā́navaḥ
   purudrapsā́ añjimántaḥ sudā́navas

Halfverse: b    tveṣásaṃdr̥śo anavabʰrárādʰasaḥ /
   tveṣásaṃdr̥śaḥ anavabʰrárādʰasaḥ /
   tveṣásaṃdr̥śo anavabʰrárādʰasaḥ /

Halfverse: c    sujātā́so janúṣā rukmávakṣaso divó arkā́ amŕ̥taṃ nā́ma bʰejire //
   sujātā́so janúṣā rukmávakṣaso
   sujātā́saḥ janúṣā rukmávakṣasaḥ
   sujātā́so janúṣā rukmávakṣaso

Halfverse: d    divó arkā́ amŕ̥taṃ nā́ma bʰejire //
   diváḥ arkā́ḥ amŕ̥tam nā́ma bʰejire //
   divó arkā́ amŕ̥taṃ nā́ma bʰejire //


Verse: 6 
Halfverse: a    r̥ṣṭáyo vo maruto ám̐sayor ádʰi sáha ójo bāhvór vo bálaṃ hitám /
   r̥ṣṭáyo vo maruto ám̐sayor ádʰi
   r̥ṣṭáyaḥ vaḥ marutaḥ áṃsayoḥ ádʰi
   r̥ṣṭáyo vo maruto áṃsayor ádʰi

Halfverse: b    sáha ójo bāhvór vo bálaṃ hitám /
   sáhaḥ ójaḥ bāhvóḥ vaḥ bálam hitám /
   sáha ójo bāhuvór vo bálaṃ hitám /

Halfverse: c    nr̥mṇā́ śīrṣásv ā́yudʰā rátʰeṣu vo víśvā vaḥ śrī́r ádʰi tanū́ṣu pipiśe //
   nr̥mṇā́ śīrṣásv ā́yudʰā rátʰeṣu vo
   nr̥mṇā́ śīrṣásu ā́yudʰā rátʰeṣu vaḥ
   nr̥mṇā́ śīrṣásu ā́yudʰā rátʰeṣu vo

Halfverse: d    víśvā vaḥ śrī́r ádʰi tanū́ṣu pipiśe //
   víśvā vaḥ śrī́ḥ ádʰi tanū́ṣu pipiśe //
   víśvā vaḥ śrī́r ádʰi tanū́ṣu pipiśe //


Verse: 7 
Halfverse: a    gómad áśvāvad rátʰavat suvī́raṃ candrávad rā́dʰo maruto dadā naḥ /
   gómad áśvāvad rátʰavat suvī́raṃ
   gómat áśvāvat rátʰavat suvī́ram
   gómad áśvāvad rátʰavat suvī́raṃ

Halfverse: b    candrávad rā́dʰo maruto dadā naḥ /
   candrávat rā́dʰaḥ marutaḥ dada+ naḥ /
   candrávad rā́dʰo maruto dadā naḥ /

Halfverse: c    práśastiṃ naḥ kr̥ṇuta rudriyāso bʰakṣīyá vó 'vaso daívyasya //
   práśastiṃ naḥ kr̥ṇuta rudriyāso
   práśastim naḥ kr̥ṇuta rudriyāsaḥ
   práśastiṃ naḥ kr̥ṇuta rudriyāso

Halfverse: d    bʰakṣīyá vó 'vaso daívyasya //
   bʰakṣīyá vaḥ ávasaḥ daívyasya //
   bʰakṣīyá vo ávaso daíviyasya //


Verse: 8 
Halfverse: a    hayé náro máruto mr̥ḷátā nas túvīmagʰāso ámr̥tā ŕ̥tajñāḥ /
   hayé náro máruto mr̥ḷátā nas
   hayé náraḥ márutaḥ mr̥ḷáta+ naḥ
   hayé náro máruto mr̥ḷátā nas

Halfverse: b    túvīmagʰāso ámr̥tā ŕ̥tajñāḥ /
   túvīmagʰāsaḥ ámr̥tāḥ ŕ̥tajñāḥ /
   túvīmagʰāso ámr̥tā ŕ̥tajñāḥ /

Halfverse: c    sátyaśrutaḥ kávayo yúvāno bŕ̥hadgirayo br̥hád ukṣámāṇāḥ //
   sátyaśrutaḥ kávayo yúvāno
   sátyaśrutaḥ kávayaḥ yúvānaḥ
   sátyaśrutaḥ ? kávayo yúvāno

Halfverse: d    bŕ̥hadgirayo br̥hád ukṣámāṇāḥ //
   bŕ̥hadgirayaḥ br̥hát ukṣámāṇāḥ //
   bŕ̥hadgirayo br̥hád ukṣámāṇāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.