TITUS
Rg-Veda: Rg-Veda-Samhita
Part No. 412
Previous part

Hymn: 58_(412) 
Verse: 1 
Halfverse: a    tám u nūnáṃ táviṣīmantam eṣāṃ stuṣé gaṇám mā́rutaṃ návyasīnām /
   tám u nūnáṃ táviṣīmantam eṣāṃ
   tám u nūnám táviṣīmantam eṣām
   tám u nūnáṃ táviṣīmantam eṣāṃ

Halfverse: b    stuṣé gaṇám mā́rutaṃ návyasīnām /
   stuṣé gaṇám mā́rutam návyasīnām /
   stuṣé gaṇám mā́rutaṃ návyasīnām /

Halfverse: c    yá āśvàśvā ámavad váhanta utéśire amŕ̥tasya svarā́jaḥ //
   yá āśvàśvā ámavad váhanta
   yé āśvàśvāḥ ámavat váhante
   yá āśúaśvā ámavad váhanta

Halfverse: d    utéśire amŕ̥tasya svarā́jaḥ //
   utá īśire amŕ̥tasya svarā́jaḥ //
   utéśire amŕ̥tasya svarā́jaḥ //


Verse: 2 
Halfverse: a    tveṣáṃ gaṇáṃ tavásaṃ kʰā́dihastaṃ dʰúnivratam māyínaṃ dā́tivāram /
   tveṣáṃ gaṇáṃ tavásaṃ kʰā́dihastaṃ
   tveṣám gaṇám tavásam kʰā́dihastam
   tveṣáṃ gaṇáṃ tavásaṃ kʰā́dihastaṃ

Halfverse: b    dʰúnivratam māyínaṃ dā́tivāram /
   dʰúnivratam māyínam dā́tivāram /
   dʰúnivratam māyínaṃ dā́tivāram /

Halfverse: c    mayobʰúvo yé ámitā mahitvā́ vándasva vipra tuvirā́dʰaso nŕ̥̄n //
   mayobʰúvo yé ámitā mahitvā́
   mayobʰúvaḥ yé ámitāḥ mahitvā́
   mayobʰúvo yé ámitā mahitvā́

Halfverse: d    vándasva vipra tuvirā́dʰaso nŕ̥̄n //
   vándasva vipra tuvirā́dʰasaḥ nŕ̥̄n //
   vándasva vipra tuvirā́dʰaso nŕ̥̄n //


Verse: 3 
Halfverse: a    ā́ vo yantūdavāhā́so adyá vr̥ṣṭíṃ yé víśve marúto junánti /
   ā́ vo yantūdavāhā́so adyá
   ā́ vaḥ yantu udavāhā́saḥ adyá
   ā́ vo yantu udavāhā́so adyá

Halfverse: b    vr̥ṣṭíṃ yé víśve marúto junánti /
   vr̥ṣṭím yé víśve marútaḥ junánti /
   vr̥ṣṭíṃ yé víśve marúto junánti /

Halfverse: c    ayáṃ yó agnír marutaḥ sámiddʰa etáṃ juṣadʰvaṃ kavayo yuvānaḥ //
   ayáṃ yó agnír marutaḥ sámiddʰa
   ayám yáḥ agníḥ marutaḥ sámiddʰaḥ
   ayáṃ yó agnír marutaḥ sámiddʰa

Halfverse: d    etáṃ juṣadʰvaṃ kavayo yuvānaḥ //
   etám juṣadʰvam kavayaḥ yuvānaḥ //
   etáṃ juṣadʰvaṃ kavayo yuvānaḥ //


Verse: 4 
Halfverse: a    yūyáṃ rā́jānam íryaṃ jánāya vibʰvataṣṭáṃ janayatʰā yajatrāḥ /
   yūyáṃ rā́jānam íryaṃ jánāya
   yūyám rā́jānam íryam jánāya
   yūyáṃ rā́jānam íriyaṃ jánāya

Halfverse: b    vibʰvataṣṭáṃ janayatʰā yajatrāḥ /
   vibʰvataṣṭám janayatʰa+ yajatrāḥ /
   vibʰvataṣṭáṃ janayatʰā yajatrāḥ /

Halfverse: c    yuṣmád eti muṣṭihā́ bāhújūto yuṣmád sádaśvo marutaḥ suvī́raḥ //
   yuṣmád eti muṣṭihā́ bāhújūto
   yuṣmát eti muṣṭihā́ bāhújūtaḥ
   yuṣmád eti muṣṭihā́ bāhújūto

Halfverse: d    yuṣmád sádaśvo marutaḥ suvī́raḥ //
   yuṣmát sádaśvaḥ marutaḥ suvī́raḥ //
   yuṣmád sádaśvo marutaḥ suvī́raḥ //


Verse: 5 
Halfverse: a    arā́ ivéd ácaramā áheva prá-pra jāyante ákavā máhobʰiḥ /
   arā́ ivéd ácaramā áheva
   arā́ḥ iva ít ácaramāḥ áhā iva
   arā́ ivéd ácaramā áheva

Halfverse: b    prá-pra jāyante ákavā máhobʰiḥ /
   prá-pra jāyante ákavāḥ máhobʰiḥ /
   prá-pra jāyante ákavā máhobʰiḥ /

Halfverse: c    pŕ̥śneḥ putrā́ upamā́so rábʰiṣṭʰāḥ sváyā matyā́ marútaḥ sám mimikṣuḥ //
   pŕ̥śneḥ putrā́ upamā́so rábʰiṣṭʰāḥ
   pŕ̥śneḥ putrā́ḥ upamā́saḥ rábʰiṣṭʰāḥ
   pŕ̥śneḥ putrā́ upamā́so rábʰiṣṭʰāḥ

Halfverse: d    sváyā matyā́ marútaḥ sám mimikṣuḥ //
   sváyā matyā́ marútaḥ sám mimikṣuḥ //
   sváyā matyā́ marútaḥ sám mimikṣuḥ //


Verse: 6 
Halfverse: a    yát prā́yāsiṣṭa pŕ̥ṣatībʰir áśvair vīḷupavíbʰir maruto rátʰebʰiḥ /
   yát prā́yāsiṣṭa pŕ̥ṣatībʰir áśvair
   yát prá áyāsiṣṭa pŕ̥ṣatībʰiḥ áśvaiḥ
   yát prā́yāsiṣṭa pŕ̥ṣatībʰir áśvair

Halfverse: b    vīḷupavíbʰir maruto rátʰebʰiḥ /
   vīḷupavíbʰiḥ marutaḥ rátʰebʰiḥ /
   vīḷupavíbʰir maruto rátʰebʰiḥ /

Halfverse: c    kṣódanta ā́po riṇaté vánāny ávosríyo vr̥ṣabʰáḥ krandatu dyaúḥ //
   kṣódanta ā́po riṇaté vánāny
   kṣódante ā́paḥ riṇaté vánāni
   kṣódanta ā́po riṇaté vánāni

Halfverse: d    ávosríyo vr̥ṣabʰáḥ krandatu dyaúḥ //
   áva usríyaḥ vr̥ṣabʰáḥ krandatu dyaúḥ //
   ávosríyo vr̥ṣabʰáḥ krandatu dyaúḥ //


Verse: 7 
Halfverse: a    prátʰiṣṭa yā́man pr̥tʰivī́ cid eṣām bʰárteva gárbʰaṃ svám íc cʰávo dʰuḥ /
   prátʰiṣṭa yā́man pr̥tʰivī́ cid eṣām
   prátʰiṣṭa yā́man pr̥tʰivī́ cit eṣām
   prátʰiṣṭa yā́man pr̥tʰivī́ cid eṣām

Halfverse: b    bʰárteva gárbʰaṃ svám íc cʰávo dʰuḥ /
   bʰártā iva gárbʰam svám ít śávaḥ dʰuḥ /
   bʰárteva gárbʰaṃ suvám íc cʰávo dʰuḥ /

Halfverse: c    vā́tān hy áśvān dʰury ā̀yuyujré varṣáṃ svédaṃ cakrire rudríyāsaḥ //
   vā́tān hy áśvān dʰury ā̀yuyujré
   vā́tān hí áśvān dʰurí āyuyujré
   vā́tān hí áśvān dʰurí āyuyujré

Halfverse: d    varṣáṃ svédaṃ cakrire rudríyāsaḥ //
   varṣám svédam cakrire rudríyāsaḥ //
   varṣáṃ svédaṃ cakrire rudríyāsaḥ //


Verse: 8 
Halfverse: a    hayé náro máruto mr̥ḷátā nas túvīmagʰāso ámr̥tā ŕ̥tajñāḥ /
   hayé náro máruto mr̥ḷátā nas
   hayé náraḥ márutaḥ mr̥ḷáta+ naḥ
   hayé náro máruto mr̥ḷátā nas

Halfverse: b    túvīmagʰāso ámr̥tā ŕ̥tajñāḥ /
   túvīmagʰāsaḥ ámr̥tāḥ ŕ̥tajñāḥ /
   túvīmagʰāso ámr̥tā ŕ̥tajñāḥ /

Halfverse: c    sátyaśrutaḥ kávayo yúvāno bŕ̥hadgirayo br̥hád ukṣámāṇāḥ //
   sátyaśrutaḥ kávayo yúvāno
   sátyaśrutaḥ kávayaḥ yúvānaḥ
   sátyaśrutaḥ ? kávayo yúvāno

Halfverse: d    bŕ̥hadgirayo br̥hád ukṣámāṇāḥ //
   bŕ̥hadgirayaḥ br̥hát ukṣámāṇāḥ //
   bŕ̥hadgirayo br̥hád ukṣámāṇāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.