TITUS
Rg-Veda: Rg-Veda-Samhita
Part No. 413
Previous part

Hymn: 59_(413) 
Verse: 1 
Halfverse: a    prá va spáḷ akran suvitā́ya dāváné 'rcā divé prá pr̥tʰivyā́ r̥tám bʰare /
   prá va spáḷ akran suvitā́ya dāváné
   prá vaḥ spáṭ akran suvitā́ya dāváne
   prá va spáḷ akran suvitā́ya dāváne

Halfverse: b    'rcā divé prá pr̥tʰivyā́ r̥tám bʰare /
   árca+ divé prá pr̥tʰivyaí r̥tám bʰare /
   árcā divé prá pr̥tʰivyā́ r̥tám bʰare /

Halfverse: c    ukṣánte áśvān táruṣanta ā́ rájó 'nu svám bʰānúṃ śratʰayante arṇavaíḥ //
   ukṣánte áśvān táruṣanta ā́ rájó
   ukṣánte áśvān táruṣantaḥ ! ā́ rájaḥ
   ukṣánte áśvān táruṣanta ā́ rájo

Halfverse: d    'nu svám bʰānúṃ śratʰayante arṇavaíḥ //
   ánu svám bʰānúm śratʰayante arṇavaíḥ //
   ánu svám bʰānúṃ śratʰayante arṇavaíḥ //


Verse: 2 
Halfverse: a    ámād eṣām bʰiyásā bʰū́mir ejati naúr ná pūrṇā́ kṣarati vyátʰir yatī́ /
   ámād eṣām bʰiyásā bʰū́mir ejati
   ámāt eṣām bʰiyásā bʰū́miḥ ejati
   ámād eṣām bʰiyásā bʰū́mir ejati

Halfverse: b    naúr ná pūrṇā́ kṣarati vyátʰir yatī́ /
   naúḥ ná pūrṇā́ kṣarati vyátʰiḥ yatī́ /
   nā́ür ná pūrṇā́ kṣarati vyátʰir yatī́ /

Halfverse: c    dūredŕ̥śo yé citáyanta émabʰir antár mahé vidátʰe yetire náraḥ //
   dūredŕ̥śo yé citáyanta émabʰir
   dūredŕ̥śaḥ yé citáyante émabʰiḥ
   dūredŕ̥śo yé citáyanta émabʰir

Halfverse: d    antár mahé vidátʰe yetire náraḥ //
   antár mahé vidátʰe yetire náraḥ //
   antár mahé vidátʰe yetire náraḥ //


Verse: 3 
Halfverse: a    gávām iva śriyáse śŕ̥ṅgam uttamáṃ sū́ryo ná cákṣū rájaso visárjane /
   gávām iva śriyáse śŕ̥ṅgam uttamáṃ
   gávām iva śriyáse śŕ̥ṅgam uttamám
   gávām iva śriyáse śŕ̥ṅgam uttamáṃ

Halfverse: b    sū́ryo ná cákṣū rájaso visárjane /
   sū́ryaḥ ná cákṣuḥ rájasaḥ visárjane /
   sū́ryo ná cákṣū rájaso visárjane /

Halfverse: c    átyā iva subʰvàś cā́rava stʰana máryā iva śriyáse cetatʰā naraḥ //
   átyā iva subʰvàś cā́rava stʰana
   átyāḥ iva subʰvàḥ cā́ravaḥ stʰana
   átyā iva subʰúvaś cā́rava stʰana

Halfverse: d    máryā iva śriyáse cetatʰā naraḥ //
   máryāḥ iva śriyáse cetatʰa+ naraḥ //
   máryā iva śriyáse cetatʰā naraḥ //


Verse: 4 
Halfverse: a    kó vo mahā́nti mahatā́m úd aśnavat kás kā́vyā marutaḥ kó ha paúm̐syā /
   kó vo mahā́nti mahatā́m úd aśnavat
   káḥ vaḥ mahā́nti mahatā́m út aśnavat
   kó vo mahā́nti mahatā́m úd aśnavat

Halfverse: b    kás kā́vyā marutaḥ kó ha paúm̐syā /
   káḥ kā́vyā marutaḥ káḥ ha paúṃsyā /
   kás kā́viyā marutaḥ kó ha paúṃsiyā /

Halfverse: c    yūyáṃ ha bʰū́miṃ kiráṇaṃ ná rejatʰa prá yád bʰáradʰve suvitā́ya dāváne //
   yūyáṃ ha bʰū́miṃ kiráṇaṃ ná rejatʰa
   yūyám ha bʰū́mim kiráṇam ná rejatʰa
   yūyáṃ ha bʰū́miṃ kiráṇaṃ ná rejatʰa

Halfverse: d    prá yád bʰáradʰve suvitā́ya dāváne //
   prá yát bʰáradʰve suvitā́ya dāváne //
   prá yád bʰáradʰve suvitā́ya dāváne //


Verse: 5 
Halfverse: a    áśvā ivéd aruṣā́saḥ sábandʰavaḥ śū́rā iva prayúdʰaḥ prótá yuyudʰuḥ /
   áśvā ivéd aruṣā́saḥ sábandʰavaḥ
   áśvāḥ iva ít aruṣā́saḥ sábandʰavaḥ
   áśvā ivéd aruṣā́saḥ sábandʰavaḥ

Halfverse: b    śū́rā iva prayúdʰaḥ prótá yuyudʰuḥ /
   śū́rāḥ iva prayúdʰaḥ prá utá yuyudʰuḥ /
   śū́rā iva prayúdʰaḥ prótá yuyudʰuḥ /

Halfverse: c    máryā iva suvŕ̥dʰo vāvr̥dʰur náraḥ sū́ryasya cákṣuḥ prá minanti vr̥ṣṭíbʰiḥ //
   máryā iva suvŕ̥dʰo vāvr̥dʰur náraḥ
   máryāḥ iva suvŕ̥dʰaḥ vāvr̥dʰuḥ náraḥ
   máryā iva suvŕ̥dʰo vāvr̥dʰur náraḥ

Halfverse: d    sū́ryasya cákṣuḥ prá minanti vr̥ṣṭíbʰiḥ //
   sū́ryasya cákṣuḥ prá minanti vr̥ṣṭíbʰiḥ //
   sū́ryasya cákṣuḥ prá minanti vr̥ṣṭíbʰiḥ //


Verse: 6 
Halfverse: a    té ajyeṣṭʰā́ ákaniṣṭʰāsa udbʰídó 'madʰyamāso máhasā ví vāvr̥dʰuḥ /
   té ajyeṣṭʰā́ ákaniṣṭʰāsa udbʰídó
   té ajyeṣṭʰā́ḥ ákaniṣṭʰāsaḥ udbʰídaḥ
   té ajyeṣṭʰā́ ákaniṣṭʰāsa udbʰído

Halfverse: b    'madʰyamāso máhasā ví vāvr̥dʰuḥ /
   ámadʰyamāsaḥ máhasā ví vāvr̥dʰuḥ /
   ámadʰyamāso máhasā ví vāvr̥dʰuḥ /

Halfverse: c    sujātā́so janúṣā pŕ̥śnimātaro divó máryā ā́ no ácʰā jigātana //
   sujātā́so janúṣā pŕ̥śnimātaro
   sujātā́saḥ janúṣā pŕ̥śnimātaraḥ
   sujātā́so janúṣā pŕ̥śnimātaro

Halfverse: d    divó máryā ā́ no ácʰā jigātana //
   diváḥ máryāḥ ā́ naḥ ácʰa+ jigātana //
   divó máryā ā́ no ácʰā jigātana //


Verse: 7 
Halfverse: a    váyo ná yé śréṇīḥ paptúr ójasā́ntān divó br̥hatáḥ sā́nunas pári /
   váyo ná yé śréṇīḥ paptúr ójasā_
   váyaḥ ná yé śréṇīḥ paptúḥ ójasā
   váyo ná yé śrêéṇīḥ paptúr ójasā

Halfverse: b    _ántān divó br̥hatáḥ sā́nunas pári /
   ántān diváḥ br̥hatáḥ sā́nunaḥ pári /
   ántān divó br̥hatáḥ sā́nunas pári /

Halfverse: c    áśvāsa eṣām ubʰáye yátʰā vidúḥ prá párvatasya nabʰanū́m̐r acucyavuḥ //
   áśvāsa eṣām ubʰáye yátʰā vidúḥ
   áśvāsaḥ eṣām ubʰáye yátʰā vidúḥ
   áśvāsa eṣām ubʰáye yátʰā vidúḥ

Halfverse: d    prá párvatasya nabʰanū́m̐r acucyavuḥ //
   prá párvatasya nabʰanū́n acucyavuḥ //
   prá párvatasya nabʰanū́m̐r acucyavuḥ //


Verse: 8 
Halfverse: a    mímātu dyaúr áditir vītáye naḥ sáṃ dā́nucitrā uṣáso yatantām /
   mímātu dyaúr áditir vītáye naḥ
   mímātu dyaúḥ áditiḥ vītáye naḥ
   mímātu dyaúr áditir vītáye naḥ

Halfverse: b    sáṃ dā́nucitrā uṣáso yatantām /
   sám dā́nucitrāḥ uṣásaḥ yatantām /
   sáṃ dā́nucitrā uṣáso yatantām /

Halfverse: c    ā́cucyavur divyáṃ kóśam etá ŕ̥ṣe rudrásya marúto gr̥ṇānā́ḥ //
   ā́cucyavur divyáṃ kóśam etá
   ā́ acucyavuḥ divyám kóśam eté
   ā́cucyavur diviyáṃ kóśam etá

Halfverse: d    ŕ̥ṣe rudrásya marúto gr̥ṇānā́ḥ //
   ŕ̥ṣe rudrásya marútaḥ gr̥ṇānā́ḥ //
   ŕ̥ṣe rudrásya marúto gr̥ṇānā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.