TITUS
Rg-Veda: Rg-Veda-Samhita
Part No. 414
Previous part

Hymn: 60_(414) 
Verse: 1 
Halfverse: a    ī́ḷe agníṃ svávasaṃ námobʰir ihá prasattó ví cayat kr̥táṃ naḥ /
   ī́ḷe agníṃ svávasaṃ námobʰir
   ī́ḷe agním svávasam námobʰiḥ
   ī́ḷe agníṃ suávasaṃ námobʰir

Halfverse: b    ihá prasattó ví cayat kr̥táṃ naḥ /
   ihá prasattáḥ ví cayat kr̥tám naḥ /
   ihá prasattó ví cayat kr̥táṃ naḥ /

Halfverse: c    rátʰair iva prá bʰare vājayádbʰiḥ pradakṣiṇín marútāṃ stómam r̥dʰyām //
   rátʰair iva prá bʰare vājayádbʰiḥ
   rátʰaiḥ iva prá bʰare vājayádbʰiḥ
   rátʰair iva prá bʰare vājayádbʰiḥ

Halfverse: d    pradakṣiṇín marútāṃ stómam r̥dʰyām //
   pradakṣiṇít marútām stómam r̥dʰyām //
   pradakṣiṇín marútāṃ stómam r̥dʰyām //


Verse: 2 
Halfverse: a    ā́ yé tastʰúḥ pŕ̥ṣatīṣu śrutā́su sukʰéṣu rudrā́ marúto rátʰeṣu /
   ā́ yé tastʰúḥ pŕ̥ṣatīṣu śrutā́su
   ā́ yé tastʰúḥ pŕ̥ṣatīṣu śrutā́su
   ā́ yé tastʰúḥ pŕ̥ṣatīṣu śrutā́su

Halfverse: b    sukʰéṣu rudrā́ marúto rátʰeṣu /
   sukʰéṣu rudrā́ḥ marútaḥ rátʰeṣu /
   sukʰéṣu rudrā́ marúto rátʰeṣu /

Halfverse: c    vánā cid ugrā jihate ní vo bʰiyā́ pr̥tʰivī́ cid rejate párvataś cit //
   vánā cid ugrā jihate ní vo bʰiyā́
   vánā cit ugrāḥ jihate ní vaḥ bʰiyā́
   vánā cid ugrā jihate ní vo bʰiyā́

Halfverse: d    pr̥tʰivī́ cid rejate párvataś cit //
   pr̥tʰivī́ cit rejate párvataḥ cit //
   pr̥tʰivī́ cid rejate párvataś cit //


Verse: 3 
Halfverse: a    párvataś cin máhi vr̥ddʰó bibʰāya diváś cit sā́nu rejata svané vaḥ /
   párvataś cin máhi vr̥ddʰó bibʰāya
   párvataḥ cit máhi vr̥ddʰáḥ bibʰāya
   párvataś cin máhi vr̥ddʰó bibʰāya

Halfverse: b    diváś cit sā́nu rejata svané vaḥ /
   diváḥ cit sā́nu rejata svané vaḥ /
   diváś cit sā́nu rejata svané vaḥ /

Halfverse: c    yát krī́ḷatʰa maruta r̥ṣṭimánta ā́pa iva sadʰryàñco dʰavadʰve //
   yát krī́ḷatʰa maruta r̥ṣṭimánta
   yát krī́ḷatʰa marutaḥ r̥ṣṭimántaḥ
   yát krī́ḷatʰa maruta r̥ṣṭimánta

Halfverse: d    ā́pa iva sadʰryàñco dʰavadʰve //
   ā́paḥ iva sadʰryàñcaḥ dʰavadʰve //
   ā́pa iva sadʰríañco dʰavadʰve //


Verse: 4 
Halfverse: a    varā́ ivéd raivatā́so híraṇyair abʰí svadʰā́bʰis tanvàḥ pipiśre /
   varā́ ivéd raivatā́so híraṇyair
   varā́ḥ iva ít raivatā́saḥ híraṇyaiḥ
   varā́ ivéd raivatā́so híraṇyair

Halfverse: b    abʰí svadʰā́bʰis tanvàḥ pipiśre /
   abʰí svadʰā́bʰiḥ tanvàḥ pipiśre /
   abʰí svadʰā́bʰis tanúvaḥ pipiśre /

Halfverse: c    śriyé śréyām̐sas taváso rátʰeṣu satrā́ máhām̐si cakrire tanū́ṣu //
   śriyé śréyām̐sas taváso rátʰeṣu
   śriyé śréyāṃsaḥ tavásaḥ rátʰeṣu
   śriyé śréyāṃsas taváso rátʰeṣu

Halfverse: d    satrā́ máhām̐si cakrire tanū́ṣu //
   satrā́ máhāṃsi cakrire tanū́ṣu //
   satrā́ máhāṃsi cakrire tanū́ṣu //


Verse: 5 
Halfverse: a    ajyeṣṭʰā́so ákaniṣṭʰāsa eté sám bʰrā́taro vāvr̥dʰuḥ saúbʰagāya /
   ajyeṣṭʰā́so ákaniṣṭʰāsa eté
   ajyeṣṭʰā́saḥ ákaniṣṭʰāsaḥ eté
   ajyeṣṭʰā́so ákaniṣṭʰāsa eté

Halfverse: b    sám bʰrā́taro vāvr̥dʰuḥ saúbʰagāya /
   sám bʰrā́taraḥ vāvr̥dʰuḥ saúbʰagāya /
   sám bʰrā́taro vāvr̥dʰuḥ saúbʰagāya /

Halfverse: c    yúvā pitā́ svápā rudrá eṣāṃ sudúgʰā pŕ̥śniḥ sudínā marúdbʰyaḥ //
   yúvā pitā́ svápā rudrá eṣāṃ
   yúvā pitā́ svápāḥ rudráḥ eṣām
   yúvā pitā́ suápā rudrá eṣāṃ

Halfverse: d    sudúgʰā pŕ̥śniḥ sudínā marúdbʰyaḥ //
   sudúgʰā pŕ̥śniḥ sudínā marúdbʰyaḥ //
   sudúgʰā pŕ̥śniḥ sudínā marúdbʰyaḥ //


Verse: 6 
Halfverse: a    yád uttamé maruto madʰyamé vā yád vāvamé subʰagāso diví ṣṭʰá /
   yád uttamé maruto madʰyamé vā
   yát uttamé marutaḥ madʰyamé vā
   yád uttamé maruto madʰyamé vā

Halfverse: b    yád vāvamé subʰagāso diví ṣṭʰá /
   yát vā avamé subʰagāsaḥ diví stʰá /
   yád vāvamé subʰagāso diví ṣṭʰá /

Halfverse: c    áto no rudrā utá vā nv àsyā́gne vittā́d dʰavíṣo yád yájāma //
   áto no rudrā utá vā nv àsya_
   átaḥ naḥ rudrāḥ utá vā nú asya
   áto no rudrā utá vā nú asya

Halfverse: d    _ágne vittā́d dʰavíṣo yád yájāma //
   ágne vittā́t havíṣaḥ yát yájāma //
   ágne vittā́d dʰavíṣo yád yájāma //


Verse: 7 
Halfverse: a    agníś ca yán maruto viśvavedaso divó váhadʰva úttarād ádʰi ṣṇúbʰiḥ /
   agníś ca yán maruto viśvavedaso
   agníḥ ca yát marutaḥ viśvavedasaḥ
   agníś ca yán maruto viśvavedaso

Halfverse: b    divó váhadʰva úttarād ádʰi ṣṇúbʰiḥ /
   diváḥ váhadʰve úttarāt ádʰi snúbʰiḥ /
   divó váhadʰva úttarād ádʰi ṣṇúbʰiḥ /

Halfverse: c    té mandasānā́ dʰúnayo riśādaso vāmáṃ dʰatta yájamānāya sunvaté //
   té mandasānā́ dʰúnayo riśādaso
   té mandasānā́ḥ dʰúnayaḥ riśādasaḥ
   té mandasānā́ dʰúnayo riśādaso

Halfverse: d    vāmáṃ dʰatta yájamānāya sunvaté //
   vāmám dʰatta yájamānāya sunvaté //
   vāmáṃ dʰatta yájamānāya sunvaté //


Verse: 8 
Halfverse: a    ágne marúdbʰiḥ śubʰáyadbʰir ŕ̥kvabʰiḥ sómam piba mandasānó gaṇaśríbʰiḥ /
   ágne marúdbʰiḥ śubʰáyadbʰir ŕ̥kvabʰiḥ
   ágne marúdbʰiḥ śubʰáyadbʰiḥ ŕ̥kvabʰiḥ
   ágne marúdbʰiḥ śubʰáyadbʰir ŕ̥kvabʰiḥ

Halfverse: b    sómam piba mandasānó gaṇaśríbʰiḥ /
   sómam piba mandasānáḥ gaṇaśríbʰiḥ /
   sómam piba mandasānó gaṇaśríbʰiḥ /

Halfverse: c    pāvakébʰir viśvaminvébʰir āyúbʰir vaíśvānara pradívā ketúnā sajū́ḥ //
   pāvakébʰir viśvaminvébʰir āyúbʰir
   pāvakébʰiḥ viśvaminvébʰiḥ āyúbʰiḥ
   pavākébʰir viśvaminvébʰir āyúbʰir

Halfverse: d    vaíśvānara pradívā ketúnā sajū́ḥ //
   vaíśvānara pradívā ketúnā sajū́ḥ //
   vaíśvānara pradívā ketúnā sajū́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.