TITUS
Rg-Veda: Rg-Veda-Samhita
Part No. 415
Previous part

Hymn: 61_(415) 
Verse: 1 
Halfverse: a    ké ṣṭʰā naraḥ śréṣṭʰatamā yá éka-eka āyayá /
   ké ṣṭʰā naraḥ śréṣṭʰatamā
   ké stʰa+ naraḥ śréṣṭʰatamāḥ
   ké ṣṭʰā naraḥ śréṣṭʰatamā

Halfverse: b    yá éka-eka āyayá /
   yé éka-ekaḥ āyayá /
   yá éka-eka āyayá /

Halfverse: c    paramásyāḥ parāvátaḥ //
   paramásyāḥ parāvátaḥ //
   paramásyāḥ parāvátaḥ //
   paramásyāḥ parāvátaḥ //


Verse: 2 
Halfverse: a    kvà vó 'śvāḥ kvā̀bʰī́śavaḥ katʰáṃ śeka katʰā́ yaya /
   kvà vó 'śvāḥ kvā̀bʰī́śavaḥ
   kvà vaḥ áśvāḥ kvà abʰī́śavaḥ
   kvà vó 'śvāḥ kvà abʰī́śavaḥ

Halfverse: b    katʰáṃ śeka katʰā́ yaya /
   katʰám śeka katʰā́ yaya /
   katʰáṃ śeka katʰā́ yaya /

Halfverse: c    pr̥ṣṭʰé sádo nasór yámaḥ //
   pr̥ṣṭʰé sádo nasór yámaḥ //
   pr̥ṣṭʰé sádaḥ nasóḥ yámaḥ //
   pr̥ṣṭʰé sádo nasór yámaḥ //


Verse: 3 
Halfverse: a    jagʰáne códa eṣāṃ ví saktʰā́ni náro yamuḥ /
   jagʰáne códa eṣāṃ
   jagʰáne códaḥ eṣām
   jagʰáne códa eṣãaṃ

Halfverse: b    ví saktʰā́ni náro yamuḥ /
   ví saktʰā́ni náraḥ yamuḥ /
   ví saktʰā́ni náro yamuḥ /

Halfverse: c    putrakr̥tʰé ná jánayaḥ //
   putrakr̥tʰé ná jánayaḥ //
   putrakr̥tʰé ná jánayaḥ //
   putrakr̥tʰé ná jánayaḥ //


Verse: 4 
Halfverse: a    párā vīrāsa etana máryāso bʰádrajānayaḥ /
   párā vīrāsa etana
   párā vīrāsaḥ etana !
   párā vīrāsa etana

Halfverse: b    máryāso bʰádrajānayaḥ /
   máryāsaḥ bʰádrajānayaḥ /
   máryāso bʰádrajānayaḥ /

Halfverse: c    agnitápo yátʰā́satʰa //
   agnitápo yátʰā́satʰa //
   agnitápaḥ yátʰā ásatʰa //
   agnitápo yátʰā́satʰa //


Verse: 5 
Halfverse: a    sánat sā́śvyam paśúm utá gávyaṃ śatā́vayam /
   sánat sā́śvyam paśúm
   sánat sā́ áśvyam paśúm
   sánat sā́ aśviyam paśúm

Halfverse: b    utá gávyaṃ śatā́vayam /
   utá gávyam śatā́vayam /
   utá gávyaṃ śatā́vayam /

Halfverse: c    śyāvā́śvastutāya yā́ dór vīrā́yopabárbr̥hat //
   śyāvā́śvastutāya yā́
   śyāvā́śvastutāya yā́
   śyāvā́śuvastutāya yā́

Halfverse: d    dór vīrā́yopabárbr̥hat //
   dóḥ vīrā́ya upabárbr̥hat //
   dór vīrā́yopabárbr̥hat //


Verse: 6 
Halfverse: a    utá tvā strī́ śáśīyasī pum̐só bʰavati vásyasī /
   utá tvā strī́ śáśīyasī
   utá tvā strī́ śáśīyasī
   utá tvā strī́ śáśīyasī

Halfverse: b    pum̐só bʰavati vásyasī /
   puṃsáḥ bʰavati vásyasī /
   puṃsó bʰavati vásyasī /

Halfverse: c    ádevatrād arādʰásaḥ //
   ádevatrād arādʰásaḥ //
   ádevatrāt arādʰásaḥ //
   ádevatrād arādʰásaḥ //


Verse: 7 
Halfverse: a    ví yā́ jānā́ti jásuriṃ ví tŕ̥ṣyantaṃ ví kāmínam /
   ví yā́ jānā́ti jásuriṃ
   ví yā́ jānā́ti jásurim
   ví yā́ jānā́ti jásuriṃ

Halfverse: b    ví tŕ̥ṣyantaṃ ví kāmínam /
   ví tŕ̥ṣyantam ví kāmínam /
   ví tŕ̥ṣyantaṃ ví kāmínam /

Halfverse: c    devatrā́ kr̥ṇuté mánaḥ //
   devatrā́ kr̥ṇuté mánaḥ //
   devatrā́ kr̥ṇuté mánaḥ //
   devatrā́ kr̥ṇuté mánaḥ //


Verse: 8 
Halfverse: a    utá gʰā némo ástutaḥ púmām̐ íti bruve paṇíḥ /
   utá gʰā némo ástutaḥ
   utá gʰa+ némaḥ ástutaḥ
   utá gʰā némo ástutaḥ

Halfverse: b    púmām̐ íti bruve paṇíḥ /
   púmān íti bruve paṇíḥ /
   púmām̐ íti bruve paṇíḥ /

Halfverse: c    sá vaíradeya ít samáḥ //
   sá vaíradeya ít samáḥ //
   sá vaíradeye ít samáḥ //
   sá vaíradeya ít samáḥ //


Verse: 9 
Halfverse: a    utá me 'rapad yuvatír mamandúṣī práti śyāvā́ya vartaním /
   utá me 'rapad yuvatír mamandúṣī
   utá me arapat yuvatíḥ mamandúṣī
   utá me 'rapad yuvatír mamandúṣī

Halfverse: b    práti śyāvā́ya vartaním /
   práti śyāvā́ya vartaním /
   práti śyāvā́ya vartaním /

Halfverse: c    ví róhitā purumīḷʰā́ya yematur víprāya dīrgʰáyaśase //
   ví róhitā purumīḷʰā́ya yematur
   ví róhitā purumīḷʰā́ya yematuḥ
   ví róhitā purumīḷʰā́ya yematur

Halfverse: d    víprāya dīrgʰáyaśase //
   víprāya dīrgʰáyaśase //
   víprāya dīrgʰáyaśase //


Verse: 10 
Halfverse: a    yó me dʰenūnā́ṃ śatáṃ vaídadaśvir yátʰā dádat /
   yó me dʰenūnā́ṃ śatáṃ
   yáḥ me dʰenūnā́m śatám
   yó me dʰenūnâáṃ śatáṃ

Halfverse: b    vaídadaśvir yátʰā dádat /
   vaídadaśviḥ yátʰā dádat /
   vaídadaśvir yátʰā dádat /

Halfverse: c    tarantá iva mam̐hánā //
   tarantá iva mam̐hánā //
   tarantáḥ iva maṃhánā //
   tarantá iva maṃhánā //


Verse: 11 
Halfverse: a    yá īṃ váhanta āśúbʰiḥ píbanto madirám mádʰu /
   yá īṃ váhanta āśúbʰiḥ
   yé īm váhante āśúbʰiḥ
   yá īṃ váhanta āśúbʰiḥ

Halfverse: b    píbanto madirám mádʰu /
   píbantaḥ madirám mádʰu /
   píbanto madirám mádʰu /

Halfverse: c    átra śrávām̐si dadʰire //
   átra śrávām̐si dadʰire //
   átra śrávāṃsi dadʰire //
   átra śrávāṃsi dadʰire //


Verse: 12 
Halfverse: a    yéṣāṃ śriyā́dʰi ródasī vibʰrā́jante rátʰeṣv ā́ /
   yéṣāṃ śriyā́dʰi ródasī
   yéṣām śriyā́ ádʰi ródasī
   yéṣāṃ śriyā́dʰi ródasī

Halfverse: b    vibʰrā́jante rátʰeṣv ā́ /
   vibʰrā́jante rátʰeṣu ā́ /
   vibʰrā́jante rátʰeṣu ā́ /

Halfverse: c    diví rukmá ivopári //
   diví rukmá ivopári //
   diví rukmáḥ iva upári //
   diví rukmá ivopári //


Verse: 13 
Halfverse: a    yúvā sá mā́ruto gaṇás tveṣáratʰo ánedyaḥ /
   yúvā sá mā́ruto gaṇás
   yúvā sá mā́rutaḥ gaṇáḥ
   yúvā sá mā́ruto gaṇás

Halfverse: b    tveṣáratʰo ánedyaḥ /
   tveṣáratʰaḥ ánedyaḥ /
   tveṣáratʰo ánediyaḥ /

Halfverse: c    śubʰaṃyā́vā́pratiṣkutaḥ //
   śubʰaṃyā́vā́pratiṣkutaḥ //
   śubʰaṃyā́vā ápratiṣkutaḥ //
   śubʰaṃyā́vā́pratiṣkutaḥ //


Verse: 14 
Halfverse: a    kó veda nūnám eṣāṃ yátrā mádanti dʰū́tayaḥ /
   kó veda nūnám eṣāṃ
   káḥ veda nūnám eṣām
   kó veda nūnám eṣãaṃ

Halfverse: b    yátrā mádanti dʰū́tayaḥ /
   yátra+ mádanti dʰū́tayaḥ /
   yátrā mádanti dʰū́tayaḥ /

Halfverse: c    r̥tájātā arepásaḥ //
   r̥tájātā arepásaḥ //
   r̥tájātāḥ arepásaḥ //
   r̥tájātā arepásaḥ //


Verse: 15 
Halfverse: a    yūyám mártaṃ vipanyavaḥ praṇetā́ra ittʰā́ dʰiyā́ /
   yūyám mártaṃ vipanyavaḥ
   yūyám mártam vipanyavaḥ
   yūyám mártaṃ vipanyavaḥ

Halfverse: b    praṇetā́ra ittʰā́ dʰiyā́ /
   praṇetā́raḥ ittʰā́ dʰiyā́ /
   praṇetā́ra ittʰā́ dʰiyā́ /

Halfverse: c    śrótāro yā́mahūtiṣu //
   śrótāro yā́mahūtiṣu //
   śrótāraḥ yā́mahūtiṣu //
   śrótāro yā́mahūtiṣu //


Verse: 16 
Halfverse: a    té no vásūni kā́myā puruścandrā́ riśādasaḥ /
   té no vásūni kā́myā
   té naḥ vásūni kā́myā
   té no vásūni kā́miyā

Halfverse: b    puruścandrā́ riśādasaḥ /
   puruścandrā́ ! riśādasaḥ /
   puruścandrā́ riśādasaḥ /

Halfverse: c    ā́ yajñiyāso vavr̥ttana //
   ā́ yajñiyāso vavr̥ttana //
   ā́ yajñiyāsaḥ vavr̥ttana //
   ā́ yajñiyāso vavr̥ttana //


Verse: 17 
Halfverse: a    etám me stómam ūrmye dārbʰyā́ya párā vaha /
   etám me stómam ūrmye
   etám me stómam ūrmye
   etám me stómam ūrmiye

Halfverse: b    dārbʰyā́ya párā vaha /
   dārbʰyā́ya párā vaha /
   dārbʰiyā́ya párā vaha /

Halfverse: c    gíro devi ratʰī́r iva //
   gíro devi ratʰī́r iva //
   gíraḥ devi ratʰī́ḥ iva //
   gíro devi ratʰī́r iva //


Verse: 18 
Halfverse: a    utá me vocatād íti sutásome rátʰavītau /
   utá me vocatād íti
   utá me vocatāt íti
   utá me vocatād íti

Halfverse: b    sutásome rátʰavītau /
   sutásome rátʰavītau /
   sutásome rátʰavītau /

Halfverse: c    ná kā́mo ápa veti me //
   ná kā́mo ápa veti me //
   ná kā́maḥ ápa veti me //
   ná kā́mo ápa veti me //


Verse: 19 
Halfverse: a    eṣá kṣeti rátʰavītir magʰávā gómatīr ánu /
   eṣá kṣeti rátʰavītir
   eṣá kṣeti rátʰavītiḥ
   eṣá kṣeti rátʰavītir

Halfverse: b    magʰávā gómatīr ánu /
   magʰávā gómatīḥ ánu /
   magʰávā gómatīr ánu /

Halfverse: c    párvateṣv ápaśritaḥ //
   párvateṣv ápaśritaḥ //
   párvateṣu ápaśritaḥ //
   párvateṣu ápaśritaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.