TITUS
Rg-Veda: Rg-Veda-Samhita
Part No. 416
Previous part

Hymn: 62_(416) 
Verse: 1 
Halfverse: a    r̥téna r̥tám ápihitaṃ dʰruváṃ vāṃ sū́ryasya yátra vimucánty áśvān /
   r̥téna r̥tám ápihitaṃ dʰruváṃ vāṃ
   r̥téna r̥tám ápihitam dʰruvám vām
   r̥téna rtám ápihitaṃ dʰruváṃ vāṃ

Halfverse: b    sū́ryasya yátra vimucánty áśvān /
   sū́ryasya yátra vimucánti áśvān /
   sū́ryasya yátra vimucánti áśvān /

Halfverse: c    dáśa śatā́ sahá tastʰus tád ékaṃ devā́nāṃ śréṣṭʰaṃ vápuṣām apaśyam //
   dáśa śatā́ sahá tastʰus tád ékaṃ
   dáśa śatā́ sahá tastʰuḥ tát ékam
   dáśa śatā́ sahá tastʰus tád ékaṃ

Halfverse: d    devā́nāṃ śréṣṭʰaṃ vápuṣām apaśyam //
   devā́nām śréṣṭʰam vápuṣām apaśyam //
   devā́nāṃ śréṣṭʰaṃ vápuṣām apaśyam //


Verse: 2 
Halfverse: a    tát sú vām mitrāvaruṇā mahitvám īrmā́ tastʰúṣīr áhabʰir duduhre /
   tát sú vām mitrāvaruṇā mahitvám
   tát sú vām mitrāvaruṇā mahitvám
   tát sú vām mitrāvaruṇā mahitvám

Halfverse: b    īrmā́ tastʰúṣīr áhabʰir duduhre /
   īrmā́ tastʰúṣīḥ áhabʰiḥ duduhre /
   īrmā́ tastʰúṣīr áhabʰir duduhre /

Halfverse: c    víśvāḥ pinvatʰaḥ svásarasya dʰénā ánu vām ékaḥ pavír ā́ vavarta //
   víśvāḥ pinvatʰaḥ svásarasya dʰénā
   víśvāḥ pinvatʰaḥ svásarasya dʰénāḥ
   víśvāḥ pinvatʰaḥ svásarasya dʰénā

Halfverse: d    ánu vām ékaḥ pavír ā́ vavarta //
   ánu vām ékaḥ pavíḥ ā́ vavarta //
   ánu vām ékaḥ pavír ā́ vavarta //


Verse: 3 
Halfverse: a    ádʰārayatam pr̥tʰivī́m utá dyā́m mítrarājānā varuṇā máhobʰiḥ /
   ádʰārayatam pr̥tʰivī́m utá dyā́m
   ádʰārayatam pr̥tʰivī́m utá dyā́m
   ádʰārayatam pr̥tʰivī́m utá dyā́m

Halfverse: b    mítrarājānā varuṇā máhobʰiḥ /
   mítrarājānā varuṇā máhobʰiḥ /
   mítrarājānā varuṇā máhobʰiḥ /

Halfverse: c    vardʰáyatam óṣadʰīḥ pínvataṃ gā́ áva vr̥ṣṭíṃ sr̥jataṃ jīradānū //
   vardʰáyatam óṣadʰīḥ pínvataṃ gā́
   vardʰáyatam óṣadʰīḥ pínvatam gā́ḥ
   vardʰáyatam óṣadʰīḥ pínvataṃ gā́

Halfverse: d    áva vr̥ṣṭíṃ sr̥jataṃ jīradānū //
   áva vr̥ṣṭím sr̥jatam jīradānū //
   áva vr̥ṣṭíṃ sr̥jataṃ jīradānū //


Verse: 4 
Halfverse: a    ā́ vām áśvāsaḥ suyújo vahantu yatáraśmaya úpa yantv arvā́k /
   ā́ vām áśvāsaḥ suyújo vahantu
   ā́ vām áśvāsaḥ suyújaḥ vahantu
   ā́ vām áśvāsaḥ suyújo vahantu

Halfverse: b    yatáraśmaya úpa yantv arvā́k /
   yatáraśmayaḥ úpa yantu arvā́k /
   yatáraśmaya úpa yantu arvā́k /

Halfverse: c    gʰr̥tásya nirṇíg ánu vartate vām úpa síndʰavaḥ pradívi kṣaranti //
   gʰr̥tásya nirṇíg ánu vartate vām
   gʰr̥tásya nirṇík ánu vartate vām
   gʰr̥tásya nirṇíg ánu vartate vām

Halfverse: d    úpa síndʰavaḥ pradívi kṣaranti //
   úpa síndʰavaḥ pradívi kṣaranti //
   úpa síndʰavaḥ pradívi kṣaranti //


Verse: 5 
Halfverse: a    ánu śrutā́m amátiṃ várdʰad urvī́m barhír iva yájuṣā rákṣamāṇā /
   ánu śrutā́m amátiṃ várdʰad urvī́m
   ánu śrutā́m amátim várdʰat urvī́m
   ánu śrutā́m amátiṃ várdʰad urvī́m

Halfverse: b    barhír iva yájuṣā rákṣamāṇā /
   barhíḥ iva yájuṣā rákṣamāṇā /
   barhír iva yájuṣā rákṣamāṇā /

Halfverse: c    námasvantā dʰr̥tadakṣā́dʰi gárte mítrā́sātʰe varuṇéḷāsv antáḥ //
   námasvantā dʰr̥tadakṣā́dʰi gárte
   námasvantā dʰr̥tadakṣā ádʰi gárte
   námasvantā dʰr̥tadakṣā́dʰi gárte

Halfverse: d    mítrā́sātʰe varuṇéḷāsv \!\ antáḥ //
   mítra ā́sātʰe varuṇā íḷāsu antár //
   mítrā́sātʰe varuṇéḷāsu antáḥ //


Verse: 6 
Halfverse: a    ákravihastā sukŕ̥te paraspā́ yáṃ trā́sātʰe varuṇéḷāsv antáḥ /
   ákravihastā sukŕ̥te paraspā́
   ákravihastā sukŕ̥te paraspā́
   ákravihastā sukŕ̥te paraspā́

Halfverse: b    yáṃ trā́sātʰe varuṇéḷāsv antáḥ /
   yám trā́sātʰe varuṇā íḷāsu antár /
   yáṃ trā́sātʰe varuṇéḷāsu antáḥ /

Halfverse: c    rā́jānā kṣatrám áhr̥ṇīyamānā sahásrastʰūṇam bibʰr̥tʰaḥ sahá dvaú //
   rā́jānā kṣatrám áhr̥ṇīyamānā
   rā́jānā kṣatrám áhr̥ṇīyamānā
   rā́jānā kṣatrám áhr̥ṇīyamānā

Halfverse: d    sahásrastʰūṇam bibʰr̥tʰaḥ sahá dvaú //
   sahásrastʰūṇam bibʰr̥tʰaḥ sahá dvaú //
   sahásrastʰūṇam bibʰr̥tʰaḥ sahá dvaú //


Verse: 7 
Halfverse: a    híraṇyanirṇig áyo asya stʰū́ṇā ví bʰrājate divy àśvā́janīva /
   híraṇyanirṇig áyo asya stʰū́ṇā
   híraṇyanirṇik áyaḥ asya stʰū́ṇā
   híraṇyanirṇig áyo asya stʰū́ṇā

Halfverse: b    ví bʰrājate divy àśvā́janīva /
   ví bʰrājate diví aśvā́janī iva /
   ví bʰrājate diví aśvā́janīva /

Halfverse: c    bʰadré kṣétre nímitā tílvile vā sanéma mádʰvo ádʰigartyasya //
   bʰadré kṣétre nímitā tílvile vā
   bʰadré kṣétre nímitā tílvile vā
   bʰadré kṣétre nímitā tílvile vā

Halfverse: d    sanéma mádʰvo ádʰigartyasya //
   sanéma mádʰvaḥ ádʰigartyasya //
   sanéma mádʰvo ádʰigartiyasya //


Verse: 8 
Halfverse: a    híraṇyarūpam uṣáso vyùṣṭāv áyastʰūṇam úditā sū́ryasya /
   híraṇyarūpam uṣáso vyùṣṭāv
   híraṇyarūpam uṣásaḥ vyùṣṭau
   híraṇyarūpam uṣáso víuṣṭāv

Halfverse: b    áyastʰūṇam úditā sū́ryasya /
   áyastʰūṇam úditā sū́ryasya /
   áyastʰūṇam úditā sū́riyasya /

Halfverse: c    ā́ rohatʰo varuṇa mitra gártam átaś cakṣātʰe áditiṃ dítiṃ ca //
   ā́ rohatʰo varuṇa mitra gártam
   ā́ rohatʰaḥ varuṇa mitra gártam
   ā́ rohatʰo varuṇa mitra gártam

Halfverse: d    átaś cakṣātʰe áditiṃ dítiṃ ca //
   átaḥ cakṣātʰe áditim dítim ca //
   átaś cakṣātʰe áditiṃ dítiṃ ca //


Verse: 9 
Halfverse: a    yád bám̐hiṣṭʰaṃ nā́tivídʰe sudānū ácʰidraṃ śárma bʰuvanasya gopā /
   yád bám̐hiṣṭʰaṃ nā́tivídʰe sudānū
   yát báṃhiṣṭʰam ná ativídʰe sudānū
   yád báṃhiṣṭʰaṃ nā́tivídʰe sudānū

Halfverse: b    ácʰidraṃ śárma bʰuvanasya gopā /
   ácʰidram śárma bʰuvanasya gopā /
   ácʰidraṃ śárma bʰuvanasya gopā /

Halfverse: c    téna no mitrāvaruṇāv aviṣṭaṃ síṣāsanto jigīvā́m̐saḥ syāma //
   téna no mitrāvaruṇāv aviṣṭaṃ
   téna naḥ mitrāvaruṇau aviṣṭam
   téna no mitrāvaruṇāv aviṣṭaṃ

Halfverse: d    síṣāsanto jigīvā́m̐saḥ syāma //
   síṣāsantaḥ jigīvā́ṃsaḥ syāma //
   síṣāsanto jigīvā́ṃsaḥ siyāma //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.