TITUS
Rg-Veda: Rg-Veda-Samhita
Part No. 721
Previous part

Hymn: 101_(710) 
Verse: 1 
Halfverse: a    ŕ̥dʰag ittʰā́ sá mártyaḥ śaśamé devátātaye /
   ŕ̥dʰag ittʰā́ sá mártyaḥ
   ŕ̥dʰak ittʰā́ sá mártyaḥ
   ŕ̥dʰag ittʰā́ sá mártiyaḥ

Halfverse: b    śaśamé devátātaye /
   śaśamé devátātaye /
   śaśamé devátātaye /

Halfverse: c    yó nūnám mitrā́váruṇāv abʰíṣṭaya ācakré havyádātaye //
   yó nūnám mitrā́váruṇāv abʰíṣṭaya
   yáḥ nūnám mitrā́váruṇau abʰíṣṭaye
   yó nūnám mitrā́váruṇāv abʰíṣṭaya

Halfverse: d    ācakré havyádātaye //
   ācakré havyádātaye //
   ācakré havyádātaye //


Verse: 2 
Halfverse: a    várṣiṣṭʰakṣatrā urucákṣasā nárā rā́jānā dīrgʰaśrúttamā /
   várṣiṣṭʰakṣatrā urucákṣasā nárā
   várṣiṣṭʰakṣatrau urucákṣasā nárā
   várṣiṣṭʰakṣatrā urucákṣasā nárā

Halfverse: b    rā́jānā dīrgʰaśrúttamā /
   rā́jānā dīrgʰaśrúttamā /
   rā́jānā dīrgʰaśrúttamā /

Halfverse: c    tā́ bāhútā ná daṃsánā ratʰaryataḥ sākáṃ sū́ryasya raśmíbʰiḥ //
   tā́ bāhútā ná daṃsánā ratʰaryataḥ
   tā́ bāhútā ná daṃsánā ratʰaryataḥ
   tā́ bāhútā ná daṃsánā ratʰaryataḥ

Halfverse: d    sākáṃ sū́ryasya raśmíbʰiḥ //
   sākám sū́ryasya raśmíbʰiḥ //
   sākáṃ sū́ryasya raśmíbʰiḥ //


Verse: 3 
Halfverse: a    prá yó vām mitrāvaruṇājiró dūtó ádravat /
   prá yó vām mitrāvaruṇā_
   prá yáḥ vām mitrāvaruṇā
   prá yó vām mitrāvaruṇā

Halfverse: b    _ajiró dūtó ádravat /
   ajiráḥ dūtáḥ ádravat /
   ajiró dūtó ádravat /

Halfverse: c    áyaḥśīrṣā máderagʰuḥ //
   áyaḥśīrṣā máderagʰuḥ //
   áyaḥśīrṣā máderagʰuḥ //
   áyaḥśīrṣā máderagʰuḥ //


Verse: 4 
Halfverse: a    ná yáḥ sampŕ̥cʰe ná púnar hávītave ná saṃvādā́ya rámate /
   ná yáḥ sampŕ̥cʰe ná púnar hávītave
   ná yáḥ sampŕ̥cʰe ná púnar hávītave
   ná yáḥ sampŕ̥cʰe ná púnar hávītave

Halfverse: b    ná saṃvādā́ya rámate /
   ná saṃvādā́ya rámate /
   ná saṃvādā́ya rámate /

Halfverse: c    tásmān no adyá sámr̥ter uruṣyatam bāhúbʰyāṃ na uruṣyatam //
   tásmān no adyá sámr̥ter uruṣyatam
   tásmāt naḥ adyá sámr̥teḥ uruṣyatam
   tásmān no adyá sámr̥ter uruṣyatam

Halfverse: d    bāhúbʰyāṃ na uruṣyatam //
   bāhúbʰyām naḥ uruṣyatam //
   bāhúbʰyāṃ na uruṣyatam //


Verse: 5 
Halfverse: a    prá mitrā́ya prā́ryamṇé sacatʰyàm r̥tāvaso /
   prá mitrā́ya prā́ryamṇé
   prá mitrā́ya prá aryamṇé
   prá mitrā́ya prá aryamṇé

Halfverse: b    sacatʰyàm r̥tāvaso /
   sacatʰyàm r̥tāvaso /
   sacatʰíyam r̥tāvaso /

Halfverse: c    varūtʰyàṃ váruṇe cʰándyaṃ váca stotráṃ rā́jasu gāyata //
   varūtʰyàṃ váruṇe cʰándyaṃ váca
   varūtʰyàm váruṇe cʰándyam vácaḥ
   varūtʰíyaṃ váruṇe cʰándiyaṃ váca

Halfverse: d    stotráṃ rā́jasu gāyata //
   stotrám rā́jasu gāyata //
   stotráṃ rā́jasu gāyata //


Verse: 6 
Halfverse: a    té hinvire aruṇáṃ jényaṃ vásv ékam putráṃ tisr̥̄ṇā́m /
   té hinvire aruṇáṃ jényaṃ vásv
   té hinvire aruṇám jényam vásu
   té hinvire aruṇáṃ jéniyaṃ vásu

Halfverse: b    ékam putráṃ tisr̥̄ṇā́m /
   ékam putrám tisr̥̄ṇā́m /
   ékam putráṃ tisr̥̄ṇâám /

Halfverse: c    té dʰā́māny amŕ̥tā mártyānām ádabdʰā abʰí cakṣate //
   té dʰā́māny amŕ̥tā mártyānām
   té dʰā́māni amŕ̥tāḥ mártyānām
   té dʰā́māni amŕ̥tā mártiyānãam

Halfverse: d    ádabdʰā abʰí cakṣate //
   ádabdʰāḥ abʰí cakṣate //
   ádabdʰā abʰí cakṣate //


Verse: 7 
Halfverse: a    ā́ me vácāṃsy údyatā dyumáttamāni kártvā /
   ā́ me vácāṃsy údyatā
   ā́ me vácāṃsi údyatā
   ā́ me vácāṃsi údyatā

Halfverse: b    dyumáttamāni kártvā /
   dyumáttamāni kártvā /
   dyumáttamāni kártuvā /

Halfverse: c    ubʰā́ yātaṃ nāsatyā sajóṣasā práti havyā́ni vītáye //
   ubʰā́ yātaṃ nāsatyā sajóṣasā
   ubʰā́ yātam nāsatyā sajóṣasā
   ubʰā́ yātaṃ nāsatiyā sajóṣasā

Halfverse: d    práti havyā́ni vītáye //
   práti havyā́ni vītáye //
   práti havyā́ni vītáye //


Verse: 8 
Halfverse: a    rātíṃ yád vām arakṣásaṃ hávāmahe yuvā́bʰyāṃ vājinīvasū /
   rātíṃ yád vām arakṣásaṃ hávāmahe
   rātím yát vām arakṣásam hávāmahe
   rātíṃ yád vām arakṣásaṃ hávāmahe

Halfverse: b    yuvā́bʰyāṃ vājinīvasū /
   yuvā́bʰyām vājinīvasū /
   yuvā́bʰyāṃ vājinīvasū /

Halfverse: c    prā́cīṃ hótrām pratirántāv itaṃ narā gr̥ṇānā́ jamádagninā //
   prā́cīṃ hótrām pratirántāv itaṃ narā
   prā́cīm hótrām pratirántau itam narā
   prā́cīṃ hótrām pratirántāv itaṃ narā

Halfverse: d    gr̥ṇānā́ jamádagninā //
   gr̥ṇānā́ jamádagninā //
   gr̥ṇānā́ jamádagninā //


Verse: 9 
Halfverse: a    ā́ no yajñáṃ divispŕ̥śaṃ vā́yo yāhí sumánmabʰiḥ /
   ā́ no yajñáṃ divispŕ̥śaṃ
   ā́ naḥ yajñám divispŕ̥śam
   ā́ no yajñáṃ divispŕ̥śaṃ

Halfverse: b    vā́yo yāhí sumánmabʰiḥ /
   vā́yo yāhí sumánmabʰiḥ /
   vā́yo yāhí sumánmabʰiḥ /

Halfverse: c    antáḥ pavítra upári śrīṇānò 'yáṃ śukró ayāmi te //
   antáḥ pavítra upári śrīṇānò
   antár pavítre upári śrīṇānáḥ
   antáḥ pavítra upári śriṇānó !

Halfverse: d    'yáṃ śukró ayāmi te //
   ayám śukráḥ ayāmi te //
   ayáṃ śukró ayāmi te //


Verse: 10 
Halfverse: a    véty adʰvaryúḥ patʰíbʰī rájiṣṭʰaiḥ práti havyā́ni vītáye /
   véty adʰvaryúḥ patʰíbʰī rájiṣṭʰaiḥ
   véti adʰvaryúḥ patʰíbʰiḥ rájiṣṭʰaiḥ
   véti adʰvaryúḥ patʰíbʰī rájiṣṭʰaiḥ

Halfverse: b    práti havyā́ni vītáye /
   práti havyā́ni vītáye /
   práti havyā́ni vītáye /

Halfverse: c    ádʰā niyutva ubʰáyasya naḥ piba śúciṃ sómaṃ gávāśiram //
   ádʰā niyutva ubʰáyasya naḥ piba
   ádʰa+ niyutvaḥ ubʰáyasya naḥ piba
   ádʰā niyutva ubʰáyasya naḥ piba

Halfverse: d    śúciṃ sómaṃ gávāśiram //
   śúcim sómam gávāśiram //
   śúciṃ sómaṃ gávāśiram //


Verse: 11 
Halfverse: a    báṇ mahā́m̐ asi sūrya báḷ āditya mahā́m̐ asi /
   báṇ mahā́m̐ asi sūrya
   báṭ mahā́n asi sūrya
   báṇ mahā́m̐ asi sūriya

Halfverse: b    báḷ āditya mahā́m̐ asi /
   báṭ āditya mahā́n asi /
   báḷ āditya mahā́m̐ asi /

Halfverse: c    mahás te sató mahimā́ panasyate 'ddʰā́ deva mahā́m̐ asi //
   mahás te sató mahimā́ panasyate
   maháḥ te satáḥ mahimā́ panasyate
   mahás te sató mahimā́ panasyate

Halfverse: d    'ddʰā́ deva mahā́m̐ asi //
   addʰā́ deva mahā́n asi //
   addʰā́ deva mahā́m̐ asi //


Verse: 12 
Halfverse: a    báṭ sūrya śrávasā mahā́m̐ asi satrā́ deva mahā́m̐ asi /
   báṭ sūrya śrávasā mahā́m̐ asi
   báṭ sūrya śrávasā mahā́n asi
   báṭ sūriya ? śrávasā mahā́m̐ asi

Halfverse: b    satrā́ deva mahā́m̐ asi /
   satrā́ deva mahā́n asi /
   satrā́ deva mahā́m̐ asi /

Halfverse: c    mahnā́ devā́nām asuryàḥ puróhito vibʰú jyótir ádābʰyam //
   mahnā́ devā́nām asuryàḥ puróhito
   mahnā́ devā́nām asuryàḥ puróhitaḥ
   mahnā́ devā́nām asuryàḥ puróhito

Halfverse: d    vibʰú jyótir ádābʰyam //
   vibʰú jyótiḥ ádābʰyam //
   vibʰú jyótir ádābʰiyam //


Verse: 13 
Halfverse: a    iyáṃ yā́ nī́cy arkíṇī rūpā́ róhiṇyā kr̥tā́ /
   iyáṃ yā́ nī́cy arkíṇī
   iyám yā́ nī́cī arkíṇī
   iyáṃ yā́ nī́cī arkíṇī

Halfverse: b    rūpā́ róhiṇyā kr̥tā́ /
   rūpā́ róhiṇyā kr̥tā́ /
   rūpā́ róhiṇiyā kr̥tā́ /

Halfverse: c    citréva práty adarśy āyaty àntár daśásu bāhúṣu //
   citréva práty adarśy āyaty
   citrā́ iva práti adarśi āyatī́
   citrā́ iva práti adarśi āyatī́

Halfverse: d    àntár daśásu bāhúṣu //
   antár daśásu bāhúṣu //
   antár daśásu bāhúṣu //


Verse: 14 
Halfverse: a    prajā́ ha tisró atyā́yam īyur ny ànyā́ arkám abʰíto viviśre /
   prajā́ ha tisró atyā́yam īyur
   prajā́ḥ ha tisráḥ atyā́yam īyuḥ
   prajā́ ha tisró atiā́yam īyur

Halfverse: b    ny ànyā́ arkám abʰíto viviśre /
   ní anyā́ḥ arkám abʰítaḥ viviśre /
   ní anyā́ arkám abʰíto viviśre /

Halfverse: c    br̥hád dʰa tastʰau bʰúvaneṣv antáḥ pávamāno haríta ā́ viveśa //
   br̥hád dʰa tastʰau bʰúvaneṣv antáḥ
   br̥hát ha tastʰau bʰúvaneṣu antár
   br̥hád dʰa tastʰau bʰúvaneṣu antáḥ

Halfverse: d    pávamāno haríta ā́ viveśa //
   pávamānaḥ harítaḥ ā́ viveśa //
   pávamāno haríta ā́ viveśa //


Verse: 15 
Halfverse: a    mātā́ rudrā́ṇāṃ duhitā́ vásūnāṃ svásādityā́nām amŕ̥tasya nā́bʰiḥ /
   mātā́ rudrā́ṇāṃ duhitā́ vásūnāṃ
   mātā́ rudrā́ṇām duhitā́ vásūnām
   mātā́ rudrā́ṇāṃ duhitā́ vásūnāṃ

Halfverse: b    svásādityā́nām amŕ̥tasya nā́bʰiḥ /
   svásā ādityā́nām amŕ̥tasya nā́bʰiḥ /
   svásādityā́nām amŕ̥tasya nā́bʰiḥ /

Halfverse: c    prá nú vocaṃ cikitúṣe jánāya mā́ gā́m ánāgām áditiṃ vadʰiṣṭa //
   prá nú vocaṃ cikitúṣe jánāya
   prá nú vocam cikitúṣe jánāya
   prá nú vocaṃ cikitúṣe jánāya

Halfverse: d    mā́ gā́m ánāgām áditiṃ vadʰiṣṭa //
   mā́ gā́m ánāgām áditim vadʰiṣṭa //
   mā́ gā́m ánāgām áditiṃ vadʰiṣṭa //


Verse: 16 
Halfverse: a    vacovídaṃ vā́cam udīráyantīṃ víśvābʰir dʰībʰír upatíṣṭʰamānām /
   vacovídaṃ vā́cam udīráyantīṃ
   vacovídam vā́cam udīráyantīm
   vacovídaṃ vā́cam udīráyantīṃ

Halfverse: b    víśvābʰir dʰībʰír upatíṣṭʰamānām /
   víśvābʰiḥ dʰībʰíḥ upatíṣṭʰamānām /
   víśvābʰir dʰībʰír upatíṣṭʰamānām /

Halfverse: c    devī́ṃ devébʰyaḥ páry eyúṣīṃ gā́m ā́ māvr̥kta mártyo dabʰrácetāḥ //
   devī́ṃ devébʰyaḥ páry eyúṣīṃ gā́m
   devī́m devébʰyaḥ pári eyúṣīm gā́m
   devī́ṃ devébʰyaḥ pári eyúṣīṃ gā́m

Halfverse: d    ā́ māvr̥kta mártyo dabʰrácetāḥ //
   ā́ mā avr̥kta mártyaḥ dabʰrácetāḥ //
   ā́ māvr̥kta mártiyo dabʰrácetāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.