TITUS
Rg-Veda: Rg-Veda-Samhita
Part No. 726
Previous part

Hymn: 3_(715) 
Verse: 1 
Halfverse: a    eṣá devó ámartyaḥ parṇavī́r iva dīyati /
   eṣá devó ámartyaḥ
   eṣá deváḥ ámartyaḥ
   eṣá devó ámartiyaḥ

Halfverse: b    parṇavī́r iva dīyati /
   parṇavī́ḥ iva dīyati /
   parṇavī́r iva dīyati /

Halfverse: c    abʰí dróṇāny āsádam //
   abʰí dróṇāny āsádam //
   abʰí dróṇāni āsádam //
   abʰí dróṇāni āsádam //


Verse: 2 
Halfverse: a    eṣá devó vipā́ kr̥tó 'ti hvárāṃsi dʰāvati /
   eṣá devó vipā́ kr̥tó
   eṣá deváḥ vipā́ kr̥táḥ
   eṣá devó vipā́ kr̥tó

Halfverse: b    'ti hvárāṃsi dʰāvati /
   áti hvárāṃsi dʰāvati /
   áti hvárāṃsi dʰāvati /

Halfverse: c    pávamāno ádābʰyaḥ //
   pávamāno ádābʰyaḥ //
   pávamānaḥ ádābʰyaḥ //
   pávamāno ádābʰiyaḥ //


Verse: 3 
Halfverse: a    eṣá devó vipanyúbʰiḥ pávamāna r̥tāyúbʰiḥ /
   eṣá devó vipanyúbʰiḥ
   eṣá deváḥ vipanyúbʰiḥ
   eṣá devó vipanyúbʰiḥ

Halfverse: b    pávamāna r̥tāyúbʰiḥ /
   pávamānaḥ r̥tāyúbʰiḥ /
   pávamāna r̥tāyúbʰiḥ /

Halfverse: c    hárir vā́jāya mr̥jyate //
   hárir vā́jāya mr̥jyate //
   háriḥ vā́jāya mr̥jyate //
   hárir vā́jāya mr̥jyate //


Verse: 4 
Halfverse: a    eṣá víśvāni vā́ryā śū́ro yánn iva sátvabʰiḥ /
   eṣá víśvāni vā́ryā
   eṣá víśvāni vā́ryā
   eṣá víśvāni vā́riyā

Halfverse: b    śū́ro yánn iva sátvabʰiḥ /
   śū́raḥ yán iva sátvabʰiḥ /
   śū́ro yánn iva sátvabʰiḥ /

Halfverse: c    pávamānaḥ siṣāsati //
   pávamānaḥ siṣāsati //
   pávamānaḥ siṣāsati //
   pávamānaḥ siṣāsati //


Verse: 5 
Halfverse: a    eṣá devó ratʰaryati pávamāno daśasyati /
   eṣá devó ratʰaryati
   eṣá deváḥ ratʰaryati
   eṣá devó ratʰaryati

Halfverse: b    pávamāno daśasyati /
   pávamānaḥ daśasyati /
   pávamāno daśasyati /

Halfverse: c    āvíṣ kr̥ṇoti vagvanúm //
   āvíṣ kr̥ṇoti vagvanúm //
   āvíḥ kr̥ṇoti vagvanúm //
   āvíṣ kr̥ṇoti vagvanúm //


Verse: 6 
Halfverse: a    eṣá víprair abʰíṣṭuto 'pó devó ví gāhate /
   eṣá víprair abʰíṣṭuto
   eṣá vípraiḥ abʰíṣṭutaḥ
   eṣá víprair abʰíṣṭuto

Halfverse: b    'pó devó ví gāhate /
   apáḥ deváḥ ví gāhate /
   apó devó ví gāhate /

Halfverse: c    dádʰad rátnāni dāśúṣe //
   dádʰad rátnāni dāśúṣe //
   dádʰat rátnāni dāśúṣe //
   dádʰad rátnāni dāśúṣe //


Verse: 7 
Halfverse: a    eṣá dívaṃ ví dʰāvati tiró rájāṃsi dʰā́rayā /
   eṣá dívaṃ ví dʰāvati
   eṣá dívam ví dʰāvati
   eṣá dívaṃ ví dʰāvati

Halfverse: b    tiró rájāṃsi dʰā́rayā /
   tiráḥ rájāṃsi dʰā́rayā /
   tiró rájāṃsi dʰā́rayā /

Halfverse: c    pávamānaḥ kánikradat //
   pávamānaḥ kánikradat //
   pávamānaḥ kánikradat //
   pávamānaḥ kánikradat //


Verse: 8 
Halfverse: a    eṣá dívaṃ vy ā́sarat tiró rájām̐sy áspr̥taḥ /
   eṣá dívaṃ vy ā́sarat
   eṣá dívam ví ā́ asarat
   eṣá dívaṃ ví ā́sarat

Halfverse: b    tiró rájām̐sy áspr̥taḥ /
   tiráḥ rájāṃsi áspr̥taḥ /
   tiró rájāṃsi áspr̥taḥ /

Halfverse: c    pávamānaḥ svadʰvaráḥ //
   pávamānaḥ svadʰvaráḥ //
   pávamānaḥ svadʰvaráḥ //
   pávamānaḥ suadʰvaráḥ //


Verse: 9 
Halfverse: a    eṣá pratnéna jánmanā devó devébʰyaḥ sutáḥ /
   eṣá pratnéna jánmanā
   eṣá pratnéna jánmanā
   eṣá pratnéna jánmanā

Halfverse: b    devó devébʰyaḥ sutáḥ /
   deváḥ devébʰyaḥ sutáḥ /
   devó devébʰiyaḥ sutáḥ /

Halfverse: c    háriḥ pavítre arṣati //
   háriḥ pavítre arṣati //
   háriḥ pavítre arṣati //
   háriḥ pavítre arṣati //


Verse: 10 
Halfverse: a    eṣá u syá puruvrató jajñānó janáyann íṣaḥ /
   eṣá u syá puruvrató
   eṣáḥ \!\ u syá puruvratáḥ
   eṣá u syá puruvrató

Halfverse: b    jajñānó janáyann íṣaḥ /
   jajñānáḥ janáyan íṣaḥ /
   jajñānó janáyann íṣaḥ /

Halfverse: c    dʰā́rayā pavate sutáḥ //
   dʰā́rayā pavate sutáḥ //
   dʰā́rayā pavate sutáḥ //
   dʰā́rayā pavate sutáḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.