TITUS
Rg-Veda: Rg-Veda-Samhita
Part No. 728
Previous part

Hymn: 5_(717) 
Verse: 1 
Halfverse: a    sámiddʰo viśvátas pátiḥ pávamāno ví rājati /
   sámiddʰo viśvátas pátiḥ
   sámiddʰaḥ viśvátaḥ pátiḥ
   sámiddʰo viśvátas pátiḥ

Halfverse: b    pávamāno ví rājati /
   pávamānaḥ ví rājati /
   pávamāno ví rājati /

Halfverse: c    prīṇán vŕ̥ṣā kánikradat //
   prīṇán vŕ̥ṣā kánikradat //
   prīṇán vŕ̥ṣā kánikradat //
   prīṇán vŕ̥ṣā kánikradat //


Verse: 2 
Halfverse: a    tánūnápāt pávamānaḥ śŕ̥ṅge śíśāno arṣati /
   tánūnápāt pávamānaḥ
   tánūnápāt pávamānaḥ
   tánūnápāt pávamānaḥ

Halfverse: b    śŕ̥ṅge śíśāno arṣati /
   śŕ̥ṅge śíśānaḥ arṣati /
   śŕ̥ṅge śíśāno arṣati /

Halfverse: c    antárikṣeṇa rā́rajat //
   antárikṣeṇa rā́rajat //
   antárikṣeṇa rā́rajat //
   antárikṣeṇa rā́rajat //


Verse: 3 
Halfverse: a    īḷényaḥ pávamāno rayír ví rājati dyumā́n /
   īḷényaḥ pávamāno
   īḷényaḥ pávamānaḥ
   īḷéniyaḥ pávamāno

Halfverse: b    rayír ví rājati dyumā́n /
   rayíḥ ví rājati dyumā́n /
   rayír ví rājati dyumā́n /

Halfverse: c    mádʰor dʰā́rābʰir ójasā //
   mádʰor dʰā́rābʰir ójasā //
   mádʰoḥ dʰā́rābʰiḥ ójasā //
   mádʰor dʰā́rābʰir ójasā //


Verse: 4 
Halfverse: a    barhíḥ prācī́nam ójasā pávamāna str̥ṇán háriḥ /
   barhíḥ prācī́nam ójasā
   barhíḥ prācī́nam ójasā
   barhíḥ prācī́nam ójasā

Halfverse: b    pávamāna str̥ṇán háriḥ /
   pávamānaḥ str̥ṇán háriḥ /
   pávamāna str̥ṇán háriḥ /

Halfverse: c    devéṣu devá īyate //
   devéṣu devá īyate //
   devéṣu deváḥ īyate //
   devéṣu devá īyate //


Verse: 5 
Halfverse: a    úd ā́tair jihate br̥hád dvā́ro devī́r hiraṇyáyīḥ /
   úd ā́tair jihate br̥hád
   út ā́taiḥ jihate br̥hát
   úd ā́tair jihate br̥hád

Halfverse: b    dvā́ro devī́r hiraṇyáyīḥ /
   dvā́raḥ devī́ḥ hiraṇyáyīḥ /
   dvā́ro devī́r hiraṇyáyīḥ /

Halfverse: c    pávamānena súṣṭutāḥ //
   pávamānena súṣṭutāḥ //
   pávamānena súṣṭutāḥ //
   pávamānena súṣṭutāḥ //


Verse: 6 
Halfverse: a    suśilpé br̥hatī́ mahī́ pávamāno vr̥ṣaṇyati /
   suśilpé br̥hatī́ mahī́
   suśilpé br̥hatī́ mahī́
   suśilpé br̥hatī́ mahī́

Halfverse: b    pávamāno vr̥ṣaṇyati /
   pávamānaḥ vr̥ṣaṇyati /
   pávamāno vr̥ṣaṇyati /

Halfverse: c    náktoṣā́sā ná darśaté //
   náktoṣā́sā ná darśaté //
   náktoṣā́sā ná darśaté //
   náktoṣā́sā ná darśaté //


Verse: 7 
Halfverse: a    ubʰā́ devā́ nr̥cákṣasā hótārā daívyā huve /
   ubʰā́ devā́ nr̥cákṣasā
   ubʰā́ devā́ nr̥cákṣasā
   ubʰā́ devā́ nr̥cákṣasā

Halfverse: b    hótārā daívyā huve /
   hótārā daívyā huve /
   hótārā daíviyā huve /

Halfverse: c    pávamāna índro vŕ̥ṣā //
   pávamāna índro vŕ̥ṣā //
   pávamānaḥ índraḥ vŕ̥ṣā //
   pávamāna índro vŕ̥ṣā //


Verse: 8 
Halfverse: a    bʰā́ratī pávamānasya sárasvatī́ḷā mahī́ /
   bʰā́ratī pávamānasya
   bʰā́ratī pávamānasya
   bʰā́ratī pávamānasya

Halfverse: b    sárasvatī́ḷā mahī́ /
   sárasvatī íḷā mahī́ /
   sárasvatī íḷā mahī́ /

Halfverse: c    imáṃ no yajñám ā́ gaman tisró devī́ḥ supéśasaḥ //
   imáṃ no yajñám ā́ gaman
   imám naḥ yajñám ā́ gaman
   imáṃ no yajñám ā́ gaman

Halfverse: d    tisró devī́ḥ supéśasaḥ //
   tisráḥ devī́ḥ supéśasaḥ //
   tisró devī́ḥ supéśasaḥ //


Verse: 9 
Halfverse: a    tváṣṭāram agrajā́ṃ gopā́m puroyā́vānam ā́ huve /
   tváṣṭāram agrajā́ṃ gopā́m
   tváṣṭāram agrajā́m gopā́m
   tváṣṭāram agrajā́ṃ gopā́m

Halfverse: b    puroyā́vānam ā́ huve /
   puroyā́vānam ā́ huve /
   puroyā́vānam ā́ huve /

Halfverse: c    índur índro vŕ̥ṣā háriḥ pávamānaḥ prajā́patiḥ //
   índur índro vŕ̥ṣā háriḥ
   índuḥ índraḥ vŕ̥ṣā háriḥ
   índur índro vŕ̥ṣā háriḥ

Halfverse: d    pávamānaḥ prajā́patiḥ //
   pávamānaḥ prajā́patiḥ //
   pávamānaḥ prajā́patiḥ //


Verse: 10 
Halfverse: a    vánaspátim pavamāna mádʰvā sám aṅgdʰi dʰā́rayā /
   vánaspátim pavamāna
   vánaspátim pavamāna
   vánaspátim pavamāna

Halfverse: b    mádʰvā sám aṅgdʰi dʰā́rayā /
   mádʰvā sám aṅgdʰi dʰā́rayā /
   mádʰvā sám aṅgdʰi dʰā́rayā /

Halfverse: c    sahásravalśaṃ háritam bʰrā́jamānaṃ hiraṇyáyam //
   sahásravalśaṃ háritam
   sahásravalśam háritam
   sahásravalśaṃ háritam

Halfverse: d    bʰrā́jamānaṃ hiraṇyáyam //
   bʰrā́jamānam hiraṇyáyam //
   bʰrā́jamānaṃ hiraṇyáyam //


Verse: 11 
Halfverse: a    víśve devāḥ svā́hākr̥tim pávamānasyā́ gata /
   víśve devāḥ svā́hākr̥tim
   víśve devāḥ svā́hākr̥tim
   víśve devāḥ svā́hākr̥tim

Halfverse: b    pávamānasyā́ gata /
   pávamānasya ā́ gata /
   pávamānasya ā́ gata /

Halfverse: c    vāyúr bŕ̥haspátiḥ sū́ryo 'gnír índraḥ sajóṣasaḥ //
   vāyúr bŕ̥haspátiḥ sū́ryo
   vāyúḥ bŕ̥haspátiḥ sū́ryaḥ
   vāyúr bŕ̥haspátiḥ sū́ryo

Halfverse: d    'gnír índraḥ sajóṣasaḥ //
   agníḥ índraḥ sajóṣasaḥ //
   agnír índraḥ sajóṣasaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.