TITUS
Rg-Veda: Rg-Veda-Samhita
Part No. 730
Previous part

Hymn: 7_(719) 
Verse: 1 
Halfverse: a    ásr̥gram índavaḥ patʰā́ dʰármann r̥tásya suśríyaḥ /
   ásr̥gram índavaḥ patʰā́
   ásr̥gram índavaḥ patʰā́
   ásr̥gram índavaḥ patʰā́

Halfverse: b    dʰármann r̥tásya suśríyaḥ /
   dʰárman r̥tásya suśríyaḥ /
   dʰármann r̥tásya suśríyaḥ /

Halfverse: c    vidānā́ asya yójanam //
   vidānā́ asya yójanam //
   vidānā́ḥ asya yójanam //
   vidānā́ asya yójanam //


Verse: 2 
Halfverse: a    prá dʰā́rā mádʰvo agriyó mahī́r apó ví gāhate /
   prá dʰā́rā mádʰvo agriyó
   prá dʰā́rā mádʰvaḥ agriyáḥ
   prá dʰā́rā mádʰvo agriyó

Halfverse: b    mahī́r apó ví gāhate /
   mahī́ḥ apáḥ ví gāhate /
   mahī́r apó ví gāhate /

Halfverse: c    havír havíṣṣu vándyaḥ //
   havír havíṣṣu vándyaḥ //
   havíḥ havíṣṣu vándyaḥ //
   havír havíṣṣu vándiyaḥ //


Verse: 3 
Halfverse: a    prá yujó vācó agriyó vŕ̥ṣā́va cakradad váne /
   prá yujó vācó agriyó
   prá yujáḥ vācáḥ agriyáḥ
   prá yujó vācó agriyó

Halfverse: b    vŕ̥ṣā́va cakradad váne /
   vŕ̥ṣā áva cakradat váne /
   vŕ̥ṣā́va cakradad váne /

Halfverse: c    sádmābʰí satyó adʰvaráḥ //
   sádmābʰí satyó adʰvaráḥ //
   sádma abʰí satyáḥ adʰvaráḥ //
   sádmābʰí satyó adʰvaráḥ //


Verse: 4 
Halfverse: a    pári yát kā́vyā kavír nr̥mṇā́ vásāno árṣati /
   pári yát kā́vyā kavír
   pári yát kā́vyā kavíḥ
   pári yát kā́viyā kavír

Halfverse: b    nr̥mṇā́ vásāno árṣati /
   nr̥mṇā́ vásānaḥ árṣati /
   nr̥mṇā́ vásāno árṣati /

Halfverse: c    svàr vājī́ siṣāsati //
   svàr vājī́ siṣāsati //
   svàr vājī́ siṣāsati //
   súvar vājī́ siṣāsati //


Verse: 5 
Halfverse: a    pávamāno abʰí spŕ̥dʰo víśo rā́jeva sīdati /
   pávamāno abʰí spŕ̥dʰo
   pávamānaḥ abʰí spŕ̥dʰaḥ
   pávamāno abʰí spŕ̥dʰo

Halfverse: b    víśo rā́jeva sīdati /
   víśaḥ rā́jā iva sīdati /
   víśo rā́jeva sīdati /

Halfverse: c    yád īm r̥ṇvánti vedʰásaḥ //
   yád īm r̥ṇvánti vedʰásaḥ //
   yát īm r̥ṇvánti vedʰásaḥ //
   yád īm r̥ṇvánti vedʰásaḥ //


Verse: 6 
Halfverse: a    ávyo vā́re pári priyó hárir váneṣu sīdati /
   ávyo vā́re pári priyó
   ávyaḥ vā́re pári priyáḥ
   ávyo vā́re pári priyó

Halfverse: b    hárir váneṣu sīdati /
   háriḥ váneṣu sīdati /
   hárir váneṣu sīdati /

Halfverse: c    rebʰó vanuṣyate matī́ //
   rebʰó vanuṣyate matī́ //
   rebʰáḥ vanuṣyate matī́ //
   rebʰó vanuṣyate matī́ //


Verse: 7 
Halfverse: a    sá vāyúm índram aśvínā sākám mádena gacʰati /
   sá vāyúm índram aśvínā
   sá vāyúm índram aśvínā
   sá vāyúm índram aśvínā

Halfverse: b    sākám mádena gacʰati /
   sākám mádena gacʰati /
   sākám mádena gacʰati /

Halfverse: c    ráṇā yó asya dʰármabʰiḥ //
   ráṇā yó asya dʰármabʰiḥ //
   ráṇā ! yáḥ asya dʰármabʰiḥ //
   ráṇā yó asya dʰármabʰiḥ //


Verse: 8 
Halfverse: a    ā́ mitrā́váruṇā bʰágam mádʰvaḥ pavanta ūrmáyaḥ /
   ā́ mitrā́váruṇā bʰágam
   ā́ mitrā́váruṇā bʰágam
   ā́ mitrā́váruṇā bʰágam

Halfverse: b    mádʰvaḥ pavanta ūrmáyaḥ /
   mádʰvaḥ pavante ūrmáyaḥ /
   mádʰvaḥ pavanta ūrmáyaḥ /

Halfverse: c    vidānā́ asya śákmabʰiḥ //
   vidānā́ asya śákmabʰiḥ //
   vidānā́ḥ asya śákmabʰiḥ //
   vidānā́ asya śákmabʰiḥ //


Verse: 9 
Halfverse: a    asmábʰyaṃ rodasī rayím mádʰvo vā́jasya sātáye /
   asmábʰyaṃ rodasī rayím
   asmábʰyam rodasī rayím
   asmábʰyaṃ rodasī rayím

Halfverse: b    mádʰvo vā́jasya sātáye /
   mádʰvaḥ vā́jasya sātáye /
   mádʰvo vā́jasya sātáye /

Halfverse: c    śrávo vásūni sáṃ jitam //
   śrávo vásūni sáṃ jitam //
   śrávaḥ vásūni sám jitam //
   śrávo vásūni sáṃ jitam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.