TITUS
Rg-Veda: Rg-Veda-Samhita
Part No. 732
Previous part

Hymn: 9_(721) 
Verse: 1 
Halfverse: a    pári priyā́ diváḥ kavír váyāṃsi naptyòr hitáḥ /
   pári priyā́ diváḥ kavír
   pári priyā́ diváḥ kavíḥ
   pári priyā́ diváḥ kavír

Halfverse: b    váyāṃsi naptyòr hitáḥ /
   váyāṃsi naptyòḥ hitáḥ /
   váyāṃsi naptíyor hitáḥ /

Halfverse: c    suvānó yāti kavíkratuḥ //
   suvānó yāti kavíkratuḥ //
   suvānáḥ yāti kavíkratuḥ //
   svānó ՙ yāti kavíkratuḥ //


Verse: 2 
Halfverse: a    prá-pra kṣáyāya pányase jánāya júṣṭo adrúhe /
   prá-pra kṣáyāya pányase
   prá-pra kṣáyāya pányase
   prá-pra kṣáyāya pányase

Halfverse: b    jánāya júṣṭo adrúhe /
   jánāya júṣṭaḥ adrúhe /
   jánāya júṣṭo adrúhe /

Halfverse: c    vīty àrṣa cániṣṭʰayā //
   vīty àrṣa cániṣṭʰayā //
   vītī́ arṣa cániṣṭʰayā //
   vītī́ arṣa cániṣṭʰayā //


Verse: 3 
Halfverse: a    sá sūnúr mātárā śúcir jātó jāté arocayat /
   sá sūnúr mātárā śúcir
   sá sūnúḥ mātárā śúciḥ
   sá sūnúr mātárā śúcir

Halfverse: b    jātó jāté arocayat /
   jātáḥ jāté arocayat /
   jātó jāté arocayat /

Halfverse: c    mahā́n mahī́ r̥tāvŕ̥dʰā //
   mahā́n mahī́ r̥tāvŕ̥dʰā //
   mahā́n mahī́ r̥tāvŕ̥dʰā //
   mahā́n mahī́ r̥tāvŕ̥dʰā //


Verse: 4 
Halfverse: a    sá saptá dʰītíbʰir hitó nadyò ajinvad adrúhaḥ /
   sá saptá dʰītíbʰir hitó
   sá saptá dʰītíbʰiḥ hitáḥ
   sá saptá dʰītíbʰir hitó

Halfverse: b    nadyò ajinvad adrúhaḥ /
   nadyàḥ ajinvat adrúhaḥ /
   nadyò ajinvad adrúhaḥ /

Halfverse: c    yā́ ékam ákṣi vāvr̥dʰúḥ //
   yā́ ékam ákṣi vāvr̥dʰúḥ //
   yā́ḥ ékam ákṣi vāvr̥dʰúḥ //
   yā́ ékam ákṣi vāvr̥dʰúḥ //


Verse: 5 
Halfverse: a    tā́ abʰí sántam ástr̥tam mahé yúvānam ā́ dadʰuḥ /
   tā́ abʰí sántam ástr̥tam
   tā́ḥ abʰí sántam ástr̥tam
   tā́ abʰí sántam ástr̥tam

Halfverse: b    mahé yúvānam ā́ dadʰuḥ /
   mahé yúvānam ā́ dadʰuḥ /
   mahé yúvānam ā́ dadʰuḥ /

Halfverse: c    índum indra táva vraté //
   índum indra táva vraté //
   índum indra táva vraté //
   índum indra táva vraté //


Verse: 6 
Halfverse: a    abʰí váhnir ámartyaḥ saptá paśyati vā́vahiḥ /
   abʰí váhnir ámartyaḥ
   abʰí váhniḥ ámartyaḥ
   abʰí váhnir ámartiyaḥ

Halfverse: b    saptá paśyati vā́vahiḥ /
   saptá paśyati vā́vahiḥ /
   saptá paśyati vā́vahiḥ /

Halfverse: c    krívir devī́r atarpayat //
   krívir devī́r atarpayat //
   kríviḥ devī́ḥ atarpayat //
   krívir devī́r atarpayat //


Verse: 7 
Halfverse: a    ávā kálpeṣu naḥ pumas támāṃsi soma yódʰyā /
   ávā kálpeṣu naḥ pumas
   áva+ kálpeṣu naḥ pumaḥ
   ávā kálpeṣu naḥ pumas

Halfverse: b    támāṃsi soma yódʰyā /
   támāṃsi soma yódʰyā /
   támāṃsi soma yódʰiyā /

Halfverse: c    tā́ni punāna jaṅgʰanaḥ //
   tā́ni punāna jaṅgʰanaḥ //
   tā́ni punāna jaṅgʰanaḥ //
   tā́ni punāna jaṅgʰanaḥ //


Verse: 8 
Halfverse: a    nū́ návyase návīyase sūktā́ya sādʰayā patʰáḥ /
   nū́ návyase návīyase
   nú+ návyase návīyase
   nū́ návyase návīyase

Halfverse: b    sūktā́ya sādʰayā patʰáḥ /
   sūktā́ya sādʰaya+ patʰáḥ /
   sūktā́ya sādʰayā patʰáḥ /

Halfverse: c    pratnavád rocayā rúcaḥ //
   pratnavád rocayā rúcaḥ //
   pratnavát rocaya+ rúcaḥ //
   pratnavád rocayā rúcaḥ //


Verse: 9 
Halfverse: a    pávamāna máhi śrávo gā́m áśvaṃ rāsi vīrávat /
   pávamāna máhi śrávo
   pávamāna máhi śrávaḥ
   pávamāna máhi śrávo

Halfverse: b    gā́m áśvaṃ rāsi vīrávat /
   gā́m áśvam rāsi vīrávat /
   gā́m áśvaṃ rāsi vīrávat /

Halfverse: c    sánā medʰā́ṃ sánā svàḥ //
   sánā medʰā́ṃ sánā svàḥ //
   sána+ medʰā́m sána+ svàr //
   sánā medʰā́ṃ sánā súvaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.