TITUS
Rg-Veda: Rg-Veda-Samhita
Part No. 733
Previous part

Hymn: 10_(722) 
Verse: 1 
Halfverse: a    prá svānā́so rátʰā ivā́rvanto ná śravasyávaḥ /
   prá svānā́so rátʰā iva_
   prá svānā́saḥ rátʰāḥ iva
   prá svānā́so rátʰā iva

Halfverse: b    _árvanto ná śravasyávaḥ /
   árvantaḥ ná śravasyávaḥ /
   árvanto ná śravasyávaḥ /

Halfverse: c    sómāso rāyé akramuḥ //
   sómāso rāyé akramuḥ //
   sómāsaḥ rāyé akramuḥ //
   sómāso rāyé akramuḥ //


Verse: 2 
Halfverse: a    hinvānā́so rátʰā iva dadʰanviré gábʰastyoḥ /
   hinvānā́so rátʰā iva
   hinvānā́saḥ rátʰāḥ iva
   hinvānā́so rátʰā iva

Halfverse: b    dadʰanviré gábʰastyoḥ /
   dadʰanviré gábʰastyoḥ /
   dadʰanviré gábʰastiyoḥ /

Halfverse: c    bʰárāsaḥ kāríṇām iva //
   bʰárāsaḥ kāríṇām iva //
   bʰárāsaḥ kāríṇām iva //
   bʰárāsaḥ kāríṇām iva //


Verse: 3 
Halfverse: a    rā́jāno ná práśastibʰiḥ sómāso góbʰir añjate /
   rā́jāno ná práśastibʰiḥ
   rā́jānaḥ ná práśastibʰiḥ
   rā́jāno ná práśastibʰiḥ

Halfverse: b    sómāso góbʰir añjate /
   sómāsaḥ góbʰiḥ añjate /
   sómāso góbʰir añjate /

Halfverse: c    yajñó ná saptá dʰātŕ̥bʰiḥ //
   yajñó ná saptá dʰātŕ̥bʰiḥ //
   yajñáḥ ná saptá dʰātŕ̥bʰiḥ //
   yajñó ná saptá dʰātŕ̥bʰiḥ //


Verse: 4 
Halfverse: a    pári suvānā́sa índavo mádāya barháṇā girā́ /
   pári suvānā́sa índavo
   pári suvānā́saḥ índavaḥ
   pári svānā́sa ՙ índavo

Halfverse: b    mádāya barháṇā girā́ /
   mádāya barháṇā girā́ /
   mádāya barháṇā girā́ /

Halfverse: c    sutā́ arṣanti dʰā́rayā //
   sutā́ arṣanti dʰā́rayā //
   sutā́ḥ arṣanti dʰā́rayā //
   sutā́ arṣanti dʰā́rayā //


Verse: 5 
Halfverse: a    āpānā́so vivásvato jánanta uṣáso bʰágam /
   āpānā́so vivásvato
   āpānā́saḥ vivásvataḥ
   āpānā́so vivásvato

Halfverse: b    jánanta uṣáso bʰágam /
   jánantaḥ uṣásaḥ bʰágam /
   jánanta uṣáso bʰágam /

Halfverse: c    sū́rā áṇvaṃ ví tanvate //
   sū́rā áṇvaṃ ví tanvate //
   sū́rāḥ áṇvam ví tanvate //
   sū́rā áṇvaṃ ví tanvate //


Verse: 6 
Halfverse: a    ápa dvā́rā matīnā́m pratnā́ r̥ṇvanti kārávaḥ /
   ápa dvā́rā matīnā́m
   ápa dvā́rā matīnā́m
   ápa dvā́rā matīnâám

Halfverse: b    pratnā́ r̥ṇvanti kārávaḥ /
   pratnā́ḥ r̥ṇvanti kārávaḥ /
   pratnā́ r̥ṇvanti kārávaḥ /

Halfverse: c    vŕ̥ṣṇo hárasa āyávaḥ //
   vŕ̥ṣṇo hárasa āyávaḥ //
   vŕ̥ṣṇaḥ hárase āyávaḥ //
   vŕ̥ṣṇo hárasa āyávaḥ //


Verse: 7 
Halfverse: a    samīcīnā́sa āsate hótāraḥ saptájāmayaḥ /
   samīcīnā́sa āsate
   samīcīnā́saḥ āsate
   samīcīnā́sa āsate

Halfverse: b    hótāraḥ saptájāmayaḥ /
   hótāraḥ saptájāmayaḥ /
   hótāraḥ saptájāmayaḥ /

Halfverse: c    padám ékasya píprataḥ //
   padám ékasya píprataḥ //
   padám ékasya píprataḥ //
   padám ékasya píprataḥ //


Verse: 8 
Halfverse: a    nā́bʰā nā́bʰiṃ na ā́ dade cákṣuś cit sū́rye sácā /
   nā́bʰā nā́bʰiṃ na ā́ dade
   nā́bʰā nā́bʰim naḥ ā́ dade
   nā́bʰā nā́bʰiṃ na ā́ dade

Halfverse: b    cákṣuś cit sū́rye sácā /
   cákṣuḥ cit sū́rye sácā /
   cákṣuś cit sū́riye sácā /

Halfverse: c    kavér ápatyam ā́ duhe //
   kavér ápatyam ā́ duhe //
   kavéḥ ápatyam ā́ duhe //
   kavér ápatyam ā́ duhe //


Verse: 9 
Halfverse: a    abʰí priyā́ divás padám adʰvaryúbʰir gúhā hitám /
   abʰí priyā́ divás padám
   abʰí priyā́ diváḥ padám
   abʰí priyā́ divás padám

Halfverse: b    adʰvaryúbʰir gúhā hitám /
   adʰvaryúbʰiḥ gúhā hitám /
   adʰvaryúbʰir gúhā hitám /

Halfverse: c    sū́raḥ paśyati cákṣasā //
   sū́raḥ paśyati cákṣasā //
   sū́raḥ paśyati cákṣasā //
   sū́raḥ paśyati cákṣasā //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.