TITUS
Rg-Veda: Rg-Veda-Samhita
Part No. 734
Previous part

Hymn: 11_(723) 
Verse: 1 
Halfverse: a    úpāsmai gāyatā naraḥ pávamānāyéndave /
   úpāsmai gāyatā naraḥ
   úpa asmai gāyata+ naraḥ
   úpāsmai gāyatā naraḥ

Halfverse: b    pávamānāyéndave /
   pávamānāya índave /
   pávamānāya índave /

Halfverse: c    abʰí devā́m̐ íyakṣate //
   abʰí devā́m̐ íyakṣate //
   abʰí devā́n íyakṣate //
   abʰí devā́m̐ íyakṣate //


Verse: 2 
Halfverse: a    abʰí te mádʰunā páyó 'tʰarvāṇo aśiśrayuḥ /
   abʰí te mádʰunā páyó
   abʰí te mádʰunā páyaḥ
   abʰí te mádʰunā páyo

Halfverse: b    'tʰarvāṇo aśiśrayuḥ /
   átʰarvāṇaḥ aśiśrayuḥ /
   átʰarvāṇo aśiśrayuḥ /

Halfverse: c    deváṃ devā́ya devayú //
   deváṃ devā́ya devayú //
   devám devā́ya devayú //
   deváṃ devā́ya devayú //


Verse: 3 
Halfverse: a    sá naḥ pavasva śáṃ gáve śáṃ jánāya śám árvate /
   sá naḥ pavasva śáṃ gáve
   sá naḥ pavasva śám gáve
   sá naḥ pavasva śáṃ gáve

Halfverse: b    śáṃ jánāya śám árvate /
   śám jánāya śám árvate /
   śáṃ jánāya śám árvate /

Halfverse: c    śáṃ rājann óṣadʰībʰyaḥ //
   śáṃ rājann óṣadʰībʰyaḥ //
   śám rājan óṣadʰībʰyaḥ //
   śáṃ rājann óṣadʰībʰiyaḥ //


Verse: 4 
Halfverse: a    babʰráve nú svátavase 'ruṇā́ya divispŕ̥śe /
   babʰráve nú svátavase
   babʰráve nú svátavase
   babʰráve nú svátavase

Halfverse: b    'ruṇā́ya divispŕ̥śe /
   aruṇā́ya divispŕ̥śe /
   aruṇā́ya divispŕ̥śe /

Halfverse: c    sómāya gātʰám arcata //
   sómāya gātʰám arcata //
   sómāya gātʰám arcata //
   sómāya gātʰám arcata //


Verse: 5 
Halfverse: a    hástacyutebʰir ádribʰiḥ sutáṃ sómam punītana /
   hástacyutebʰir ádribʰiḥ
   hástacyutebʰiḥ ádribʰiḥ
   hástacyutebʰir ádribʰiḥ

Halfverse: b    sutáṃ sómam punītana /
   sutám sómam punītana /
   sutáṃ sómam punītana /

Halfverse: c    mádʰāv ā́ dʰāvatā mádʰu //
   mádʰāv ā́ dʰāvatā mádʰu //
   mádʰau ā́ dʰāvata+ mádʰu //
   mádʰāv ā́ dʰāvatā mádʰu //


Verse: 6 
Halfverse: a    námaséd úpa sīdata dadʰnéd abʰí śrīṇītana /
   námaséd úpa sīdata
   námasā ít úpa sīdata
   námaséd úpa sīdata

Halfverse: b    dadʰnéd abʰí śrīṇītana /
   dadʰnā́ ít abʰí śrīṇītana /
   dadʰnéd abʰí śriṇītana ՙ /

Halfverse: c    índum índre dadʰātana //
   índum índre dadʰātana //
   índum índre dadʰātana //
   índum índre dadʰātana //


Verse: 7 
Halfverse: a    amitrahā́ vícarṣaṇiḥ pávasva soma śáṃ gáve /
   amitrahā́ vícarṣaṇiḥ
   amitrahā́ vícarṣaṇiḥ
   amitrahā́ vícarṣaṇiḥ

Halfverse: b    pávasva soma śáṃ gáve /
   pávasva soma śám gáve /
   pávasva soma śáṃ gáve /

Halfverse: c    devébʰyo anukāmakŕ̥t //
   devébʰyo anukāmakŕ̥t //
   devébʰyaḥ anukāmakŕ̥t //
   devébʰyo anukāmakŕ̥t //


Verse: 8 
Halfverse: a    índrāya soma pā́tave mádāya pári ṣicyase /
   índrāya soma pā́tave
   índrāya soma pā́tave
   índrāya soma pā́tave

Halfverse: b    mádāya pári ṣicyase /
   mádāya pári sicyase /
   mádāya pári ṣicyase /

Halfverse: c    manaścín mánasas pátiḥ //
   manaścín mánasas pátiḥ //
   manaścít mánasaḥ pátiḥ //
   manaścín mánasas pátiḥ //


Verse: 9 
Halfverse: a    pávamāna suvī́ryaṃ rayíṃ soma rirīhi naḥ /
   pávamāna suvī́ryaṃ
   pávamāna suvī́ryam
   pávamāna suvī́riyaṃ

Halfverse: b    rayíṃ soma rirīhi naḥ /
   rayím soma rirīhi naḥ /
   rayíṃ soma rirīhi naḥ /

Halfverse: c    índav índreṇa no yujā́ //
   índav índreṇa no yujā́ //
   índo índreṇa naḥ yujā́ //
   índav índreṇa no yujā́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.