TITUS
Rg-Veda: Rg-Veda-Samhita
Part No. 739
Previous part

Hymn: 16_(728) 
Verse: 1 
Halfverse: a    prá te sotā́ra oṇyò rásam mádāya gʰŕ̥ṣvaye /
   prá te sotā́ra oṇyò
   prá te sotā́raḥ oṇyòḥ
   prá te sotā́ra oṇíyo

Halfverse: b    rásam mádāya gʰŕ̥ṣvaye /
   rásam mádāya gʰŕ̥ṣvaye /
   rásam mádāya gʰŕ̥ṣvaye /

Halfverse: c    sárgo ná takty étaśaḥ //
   sárgo ná takty étaśaḥ //
   sárgaḥ ná takti étaśaḥ //
   sárgo ná takti étaśaḥ //


Verse: 2 
Halfverse: a    krátvā dákṣasya ratʰyàm apó vásānam ándʰasā /
   krátvā dákṣasya ratʰyàm
   krátvā dákṣasya ratʰyàm
   krátvā dákṣasya ratʰíyam

Halfverse: b    apó vásānam ándʰasā /
   apáḥ vásānam ándʰasā /
   apó vásānam ándʰasā /

Halfverse: c    goṣā́m áṇveṣu saścima //
   goṣā́m áṇveṣu saścima //
   goṣā́m áṇveṣu saścima //
   goṣā́m áṇveṣu saścima //


Verse: 3 
Halfverse: a    ánaptam apsú duṣṭáraṃ sómam pavítra ā́ sr̥ja /
   ánaptam apsú duṣṭáraṃ
   ánaptam apsú duṣṭáram
   ánaptam apsú duṣṭáraṃ

Halfverse: b    sómam pavítra ā́ sr̥ja /
   sómam pavítre ā́ sr̥ja /
   sómam pavítra ā́ sr̥ja /

Halfverse: c    punīhī́ndrāya pā́tave //
   punīhī́ndrāya pā́tave //
   punīhí índrāya pā́tave //
   punīhī́ndrāya pā́tave //


Verse: 4 
Halfverse: a    prá punānásya cétasā sómaḥ pavítre arṣati /
   prá punānásya cétasā
   prá punānásya cétasā
   prá punānásya cétasā

Halfverse: b    sómaḥ pavítre arṣati /
   sómaḥ pavítre arṣati /
   sómaḥ pavítre arṣati /

Halfverse: c    krátvā sadʰástʰam ā́sadat //
   krátvā sadʰástʰam ā́sadat //
   krátvā sadʰástʰam ā́ asadat //
   krátvā sadʰástʰam ā́sadat //


Verse: 5 
Halfverse: a    prá tvā námobʰir índava índra sómā asr̥kṣata /
   prá tvā námobʰir índava
   prá tvā námobʰiḥ índavaḥ
   prá tvā námobʰir índava

Halfverse: b    índra sómā asr̥kṣata /
   índra sómāḥ asr̥kṣata /
   índra sómā asr̥kṣata /

Halfverse: c    mahé bʰárāya kāríṇaḥ //
   mahé bʰárāya kāríṇaḥ //
   mahé bʰárāya kāríṇaḥ //
   mahé bʰárāya kāríṇaḥ //


Verse: 6 
Halfverse: a    punānó rūpé avyáye víśvā árṣann abʰí śríyaḥ /
   punānó rūpé avyáye
   punānáḥ rūpé avyáye
   punānó rūpé avyáye

Halfverse: b    víśvā árṣann abʰí śríyaḥ /
   víśvāḥ árṣan abʰí śríyaḥ /
   víśvā árṣann abʰí śríyaḥ /

Halfverse: c    śū́ro ná góṣu tiṣṭʰati //
   śū́ro ná góṣu tiṣṭʰati //
   śū́raḥ ná góṣu tiṣṭʰati //
   śū́ro ná góṣu tiṣṭʰati //


Verse: 7 
Halfverse: a    divó ná sā́nu pipyúṣī dʰā́rā sutásya vedʰásaḥ /
   divó ná sā́nu pipyúṣī
   diváḥ ná sā́nu pipyúṣī
   divó ná sā́nu pipyúṣī

Halfverse: b    dʰā́rā sutásya vedʰásaḥ /
   dʰā́rā sutásya vedʰásaḥ /
   dʰā́rā sutásya vedʰásaḥ /

Halfverse: c    vŕ̥tʰā pavítre arṣati //
   vŕ̥tʰā pavítre arṣati //
   vŕ̥tʰā pavítre arṣati //
   vŕ̥tʰā pavítre arṣati //


Verse: 8 
Halfverse: a    tváṃ soma vipaścítaṃ tánā punāná āyúṣu /
   tváṃ soma vipaścítaṃ
   tvám soma vipaścítam
   tuváṃ soma vipaścítaṃ

Halfverse: b    tánā punāná āyúṣu /
   tánā punānáḥ āyúṣu /
   tánā punāná āyúṣu /

Halfverse: c    ávyo vā́raṃ ví dʰāvasi //
   ávyo vā́raṃ ví dʰāvasi //
   ávyaḥ vā́ram ví dʰāvasi //
   ávyo vā́raṃ ví dʰāvasi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.