TITUS
Rg-Veda: Rg-Veda-Samhita
Part No. 740
Previous part

Hymn: 17_(729) 
Verse: 1 
Halfverse: a    prá nimnéneva síndʰavo gʰnánto vr̥trā́ṇi bʰū́rṇayaḥ /
   prá nimnéneva síndʰavo
   prá nimnéna iva síndʰavaḥ
   prá nimnéneva síndʰavo

Halfverse: b    gʰnánto vr̥trā́ṇi bʰū́rṇayaḥ /
   gʰnántaḥ vr̥trā́ṇi bʰū́rṇayaḥ /
   gʰnánto vr̥trā́ṇi bʰū́rṇayaḥ /

Halfverse: c    sómā asr̥gram āśávaḥ //
   sómā asr̥gram āśávaḥ //
   sómāḥ asr̥gram āśávaḥ //
   sómā asr̥gram āśávaḥ //


Verse: 2 
Halfverse: a    abʰí suvānā́sa índavo vr̥ṣṭáyaḥ pr̥tʰivī́m iva /
   abʰí suvānā́sa índavo
   abʰí suvānā́saḥ índavaḥ
   abʰí svānā́sa ՙ índavo

Halfverse: b    vr̥ṣṭáyaḥ pr̥tʰivī́m iva /
   vr̥ṣṭáyaḥ pr̥tʰivī́m iva /
   vr̥ṣṭáyaḥ pr̥tʰivī́m iva /

Halfverse: c    índraṃ sómāso akṣaran //
   índraṃ sómāso akṣaran //
   índram sómāsaḥ akṣaran //
   índraṃ sómāso akṣaran //


Verse: 3 
Halfverse: a    átyūrmir matsaró mádaḥ sómaḥ pavítre arṣati /
   átyūrmir matsaró mádaḥ
   átyūrmiḥ matsaráḥ mádaḥ
   átyūrmir matsaró mádaḥ

Halfverse: b    sómaḥ pavítre arṣati /
   sómaḥ pavítre arṣati /
   sómaḥ pavítre arṣati /

Halfverse: c    vigʰnán rákṣāṃsi devayúḥ //
   vigʰnán rákṣāṃsi devayúḥ //
   vigʰnán rákṣāṃsi devayúḥ //
   vigʰnán rákṣāṃsi devayúḥ //


Verse: 4 
Halfverse: a    ā́ kaláśeṣu dʰāvati pavítre pári ṣicyate /
   ā́ kaláśeṣu dʰāvati
   ā́ kaláśeṣu dʰāvati
   ā́ kaláśeṣu dʰāvati

Halfverse: b    pavítre pári ṣicyate /
   pavítre pári sicyate /
   pavítre pári ṣicyate /

Halfverse: c    uktʰaír yajñéṣu vardʰate //
   uktʰaír yajñéṣu vardʰate //
   uktʰaíḥ yajñéṣu vardʰate //
   uktʰaír yajñéṣu vardʰate //


Verse: 5 
Halfverse: a    áti trī́ soma rocanā́ róhan ná bʰrājase dívam /
   áti trī́ soma rocanā́
   áti trī́ soma rocanā́
   áti trī́ soma rocanā́

Halfverse: b    róhan ná bʰrājase dívam /
   róhan ná bʰrājase dívam /
   róhan ná bʰrājase dívam /

Halfverse: c    iṣṇán sū́ryaṃ ná codayaḥ //
   iṣṇán sū́ryaṃ ná codayaḥ //
   iṣṇán sū́ryam ná codayaḥ //
   iṣṇán sū́ryaṃ ná codayaḥ //


Verse: 6 
Halfverse: a    abʰí víprā anūṣata mūrdʰán yajñásya kārávaḥ /
   abʰí víprā anūṣata
   abʰí víprāḥ anūṣata
   abʰí víprā anūṣata

Halfverse: b    mūrdʰán yajñásya kārávaḥ /
   mūrdʰán yajñásya kārávaḥ /
   mūrdʰán yajñásya kārávaḥ /

Halfverse: c    dádʰānāś cákṣasi priyám //
   dádʰānāś cákṣasi priyám //
   dádʰānāḥ cákṣasi priyám //
   dádʰānāś cákṣasi priyám //


Verse: 7 
Halfverse: a    tám u tvā vājínaṃ náro dʰībʰír víprā avasyávaḥ /
   tám u tvā vājínaṃ náro
   tám u tvā vājínam náraḥ
   tám u tvā vājínaṃ náro

Halfverse: b    dʰībʰír víprā avasyávaḥ /
   dʰībʰíḥ víprāḥ avasyávaḥ /
   dʰībʰír víprā avasyávaḥ /

Halfverse: c    mr̥jánti devátātaye //
   mr̥jánti devátātaye //
   mr̥jánti devátātaye //
   mr̥jánti devátātaye //


Verse: 8 
Halfverse: a    mádʰor dʰā́rām ánu kṣara tīvráḥ sadʰástʰam ā́sadaḥ /
   mádʰor dʰā́rām ánu kṣara
   mádʰoḥ dʰā́rām ánu kṣara
   mádʰor dʰā́rām ánu kṣara

Halfverse: b    tīvráḥ sadʰástʰam ā́sadaḥ /
   tīvráḥ sadʰástʰam ā́ asadaḥ /
   tīvráḥ sadʰástʰam ā́sadaḥ /

Halfverse: c    cā́rur r̥tā́ya pītáye //
   cā́rur r̥tā́ya pītáye //
   cā́ruḥ r̥tā́ya pītáye //
   cā́rur r̥tā́ya pītáye //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.