TITUS
Rg-Veda: Rg-Veda-Samhita
Part No. 742
Previous part

Hymn: 19_(731) 
Verse: 1 
Halfverse: a    yát soma citrám uktʰyàṃ divyám pā́rtʰivaṃ vásu /
   yát soma citrám uktʰyàṃ
   yát soma citrám uktʰyàm
   yát soma citrám uktʰíyaṃ

Halfverse: b    divyám pā́rtʰivaṃ vásu /
   divyám pā́rtʰivam vásu /
   diviyám pā́rtʰivaṃ vásu /

Halfverse: c    tán naḥ punāná ā́ bʰara //
   tán naḥ punāná ā́ bʰara //
   tát naḥ punānáḥ ā́ bʰara //
   tán naḥ punāná ā́ bʰara //


Verse: 2 
Halfverse: a    yuváṃ hí stʰáḥ svàrpatī índraś ca soma gópatī /
   yuváṃ hí stʰáḥ svàrpatī
   yuvám hí stʰáḥ svàrpatī
   yuváṃ hí stʰáḥ súvarpatī

Halfverse: b    índraś ca soma gópatī /
   índraḥ ca soma gópatī /
   índraś ca soma gópatī /

Halfverse: c    īśānā́ pipyataṃ dʰíyaḥ //
   īśānā́ pipyataṃ dʰíyaḥ //
   īśānā́ pipyatam dʰíyaḥ //
   īśānā́ pipyataṃ dʰíyaḥ //


Verse: 3 
Halfverse: a    vŕ̥ṣā punāná āyúṣu stanáyann ádʰi barhíṣi /
   vŕ̥ṣā punāná āyúṣu
   vŕ̥ṣā punānáḥ āyúṣu
   vŕ̥ṣā punāná āyúṣu

Halfverse: b    stanáyann ádʰi barhíṣi /
   stanáyan ádʰi barhíṣi /
   stanáyann ádʰi barhíṣi /

Halfverse: c    háriḥ sán yónim ā́sadat //
   háriḥ sán yónim ā́sadat //
   háriḥ sán yónim ā́ asadat //
   háriḥ sán yónim ā́sadat //


Verse: 4 
Halfverse: a    ávāvaśanta dʰītáyo vr̥ṣabʰásyā́dʰi rétasi /
   ávāvaśanta dʰītáyo
   ávāvaśanta dʰītáyaḥ
   ávāvaśanta dʰītáyo

Halfverse: b    vr̥ṣabʰásyā́dʰi rétasi /
   vr̥ṣabʰásya ádʰi rétasi /
   vr̥ṣabʰásyā́dʰi rétasi /

Halfverse: c    sūnór vatsásya mātáraḥ //
   sūnór vatsásya mātáraḥ //
   sūnóḥ vatsásya mātáraḥ //
   sūnór vatsásya mātáraḥ //


Verse: 5 
Halfverse: a    kuvíd vr̥ṣaṇyántībʰyaḥ punānó gárbʰam ādádʰat /
   kuvíd vr̥ṣaṇyántībʰyaḥ
   kuvít vr̥ṣaṇyántībʰyaḥ
   kuvíd vr̥ṣaṇyántībʰiyaḥ

Halfverse: b    punānó gárbʰam ādádʰat /
   punānáḥ gárbʰam ādádʰat /
   punānó gárbʰam ādádʰat /

Halfverse: c    yā́ḥ śukráṃ duhaté páyaḥ //
   yā́ḥ śukráṃ duhaté páyaḥ //
   yā́ḥ śukrám duhaté páyaḥ //
   yā́ḥ śukráṃ duhaté páyaḥ //


Verse: 6 
Halfverse: a    úpa śikṣāpatastʰúṣo bʰiyásam ā́ dʰehi śátruṣu /
   úpa śikṣāpatastʰúṣo
   úpa śikṣa apatastʰúṣaḥ
   úpa śikṣāpatastʰúṣo

Halfverse: b    bʰiyásam ā́ dʰehi śátruṣu /
   bʰiyásam ā́ dʰehi śátruṣu /
   bʰiyásam ā́ dʰehi śátruṣu /

Halfverse: c    pávamāna vidā́ rayím //
   pávamāna vidā́ rayím //
   pávamāna vidā́ḥ rayím //
   pávamāna vidā́ rayím //


Verse: 7 
Halfverse: a    ní śátroḥ soma vŕ̥ṣṇyaṃ ní śúṣmaṃ ní váyas tira /
   ní śátroḥ soma vŕ̥ṣṇyaṃ
   ní śátroḥ soma vŕ̥ṣṇyam
   ní śátroḥ soma vŕ̥ṣṇiyaṃ

Halfverse: b    ní śúṣmaṃ ní váyas tira /
   ní śúṣmam ní váyaḥ tira /
   ní śúṣmaṃ ní váyas tira /

Halfverse: c    dūré vā sató ánti vā //
   dūré vā sató ánti vā //
   dūré vā satáḥ ánti vā //
   dūré vā sató ánti vā //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.