TITUS
Rg-Veda: Rg-Veda-Samhita
Part No. 743
Previous part

Hymn: 20_(732) 
Verse: 1 
Halfverse: a    prá kavír devávītayé 'vyo vā́rebʰir arṣati /
   prá kavír devávītayé
   prá kavíḥ devávītaye
   prá kavír devávītaye

Halfverse: b    'vyo vā́rebʰir arṣati /
   ávyaḥ vā́rebʰiḥ arṣati /
   ávyo vā́rebʰir arṣati /

Halfverse: c    sāhvā́n víśvā abʰí spŕ̥dʰaḥ //
   sāhvā́n víśvā abʰí spŕ̥dʰaḥ //
   sāhvā́n víśvāḥ abʰí spŕ̥dʰaḥ //
   sāhvā́n víśvā abʰí spŕ̥dʰaḥ //


Verse: 2 
Halfverse: a    sá hí ṣmā jaritŕ̥bʰya ā́ vā́jaṃ gómantam ínvati /
   sá hí ṣmā jaritŕ̥bʰya ā́
   sá hí sma+ jaritŕ̥bʰyaḥ ā́
   sá hí ṣmā jaritŕ̥bʰya ā́

Halfverse: b    vā́jaṃ gómantam ínvati /
   vā́jam gómantam ínvati /
   vā́jaṃ gómantam ínvati /

Halfverse: c    pávamānaḥ sahasríṇam //
   pávamānaḥ sahasríṇam //
   pávamānaḥ sahasríṇam //
   pávamānaḥ sahasríṇam //


Verse: 3 
Halfverse: a    pári víśvāni cétasā mr̥śáse pávase matī́ /
   pári víśvāni cétasā
   pári víśvāni cétasā
   pári víśvāni cétasā

Halfverse: b    mr̥śáse pávase matī́ /
   mr̥śáse pávase matī́ /
   mr̥śáse pávase matī́ /

Halfverse: c    sá naḥ soma śrávo vidaḥ //
   sá naḥ soma śrávo vidaḥ //
   sá naḥ soma śrávaḥ vidaḥ //
   sá naḥ soma śrávo vidaḥ //


Verse: 4 
Halfverse: a    abʰy àrṣa br̥hád yáśo magʰávadbʰyo dʰruváṃ rayím /
   abʰy àrṣa br̥hád yáśo
   abʰí arṣa br̥hát yáśaḥ
   abʰí arṣa br̥hád yáśo

Halfverse: b    magʰávadbʰyo dʰruváṃ rayím /
   magʰávadbʰyaḥ dʰruvám rayím /
   magʰávadbʰyo dʰruváṃ rayím /

Halfverse: c    íṣaṃ stotŕ̥bʰya ā́ bʰara //
   íṣaṃ stotŕ̥bʰya ā́ bʰara //
   íṣam stotŕ̥bʰyaḥ ā́ bʰara //
   íṣaṃ stotŕ̥bʰya ā́ bʰara //


Verse: 5 
Halfverse: a    tváṃ rā́jeva suvrató gíraḥ somā́ viveśitʰa /
   tváṃ rā́jeva suvrató
   tvám rā́jā iva suvratáḥ
   tuváṃ rā́jeva suvrató

Halfverse: b    gíraḥ somā́ viveśitʰa /
   gíraḥ soma ā́ viveśitʰa /
   gíraḥ somā́ viveśitʰa /

Halfverse: c    punānó vahne adbʰuta //
   punānó vahne adbʰuta //
   punānáḥ vahne adbʰuta //
   punānó vahne adbʰuta //


Verse: 6 
Halfverse: a    sá váhnir apsú duṣṭáro mr̥jyámāno gábʰastyoḥ /
   sá váhnir apsú duṣṭáro
   sá váhniḥ apsú duṣṭáraḥ
   sá váhnir apsú duṣṭáro

Halfverse: b    mr̥jyámāno gábʰastyoḥ /
   mr̥jyámānaḥ gábʰastyoḥ /
   mr̥jyámāno gábʰastiyoḥ /

Halfverse: c    sómaś camū́ṣu sīdati //
   sómaś camū́ṣu sīdati //
   sómaḥ camū́ṣu sīdati //
   sómaś camū́ṣu sīdati //


Verse: 7 
Halfverse: a    krīḷúr makʰó ná maṃhayúḥ pavítraṃ soma gacʰasi /
   krīḷúr makʰó ná maṃhayúḥ
   krīḷúḥ makʰáḥ ná maṃhayúḥ
   krīḷúr makʰó ná maṃhayúḥ

Halfverse: b    pavítraṃ soma gacʰasi /
   pavítram soma gacʰasi /
   pavítraṃ soma gacʰasi /

Halfverse: c    dádʰat stotré suvī́ryam //
   dádʰat stotré suvī́ryam //
   dádʰat stotré suvī́ryam //
   dádʰat stotré suvī́riyam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.