TITUS
Rg-Veda: Rg-Veda-Samhita
Part No. 744
Previous part

Hymn: 21_(733) 
Verse: 1 
Halfverse: a    eté dʰāvantī́ndavaḥ sómā índrāya gʰŕ̥ṣvayaḥ /
   eté dʰāvantī́ndavaḥ
   eté dʰāvanti índavaḥ
   eté dʰāvanti índavaḥ

Halfverse: b    sómā índrāya gʰŕ̥ṣvayaḥ /
   sómāḥ índrāya gʰŕ̥ṣvayaḥ /
   sómā índrāya gʰŕ̥ṣvayaḥ /

Halfverse: c    matsarā́saḥ svarvídaḥ //
   matsarā́saḥ svarvídaḥ //
   matsarā́saḥ svarvídaḥ //
   matsarā́saḥ suvarvídaḥ //


Verse: 2 
Halfverse: a    pravr̥ṇvánto abʰiyújaḥ súṣvaye varivovídaḥ /
   pravr̥ṇvánto abʰiyújaḥ
   pravr̥ṇvántaḥ abʰiyújaḥ
   pravr̥ṇvánto abʰiyújaḥ

Halfverse: b    súṣvaye varivovídaḥ /
   súṣvaye varivovídaḥ /
   súṣvaye varivovídaḥ /

Halfverse: c    svayáṃ stotré vayaskŕ̥taḥ //
   svayáṃ stotré vayaskŕ̥taḥ //
   svayám stotré vayaskŕ̥taḥ //
   svayáṃ stotré vayaskŕ̥taḥ //


Verse: 3 
Halfverse: a    vŕ̥tʰā krī́ḷanta índavaḥ sadʰástʰam abʰy ékam ít /
   vŕ̥tʰā krī́ḷanta índavaḥ
   vŕ̥tʰā krī́ḷantaḥ índavaḥ
   vŕ̥tʰā krī́ḷanta índavaḥ

Halfverse: b    sadʰástʰam abʰy ékam ít /
   sadʰástʰam abʰí ékam ít /
   sadʰástʰam abʰí ékam ít /

Halfverse: c    síndʰor ūrmā́ vy àkṣaran //
   síndʰor ūrmā́ vy àkṣaran //
   síndʰoḥ ūrmā́ ví akṣaran //
   síndʰor ūrmā́ ví akṣaran //


Verse: 4 
Halfverse: a    eté víśvāni vā́ryā pávamānāsa āśata /
   eté víśvāni vā́ryā
   eté víśvāni vā́ryā
   eté víśvāni vā́riyā

Halfverse: b    pávamānāsa āśata /
   pávamānāsaḥ āśata /
   pávamānāsa āśata /

Halfverse: c    hitā́ ná sáptayo rátʰe //
   hitā́ ná sáptayo rátʰe //
   hitā́ḥ ná sáptayaḥ rátʰe //
   hitā́ ná sáptayo rátʰe //


Verse: 5 
Halfverse: a    ā́smin piśáṅgam indavo dádʰātā venám ādíśe /
   ā́smin piśáṅgam indavo
   ā́ asmin piśáṅgam indavaḥ
   ā́smin piśáṅgam indavo

Halfverse: b    dádʰātā venám ādíśe /
   dádʰāta+ venám ādíśe /
   dádʰātā venám ādíśe /

Halfverse: c    yó asmábʰyam árāvā //
   yó asmábʰyam árāvā //
   yáḥ asmábʰyam árāvā //
   yó asmábʰyam árāvā //


Verse: 6 
Halfverse: a    r̥bʰúr ná rátʰyaṃ návaṃ dádʰātā kétam ādíśe /
   r̥bʰúr ná rátʰyaṃ návaṃ
   r̥bʰúḥ ná rátʰyam návam
   r̥bʰúr ná rátʰiyaṃ návaṃ

Halfverse: b    dádʰātā kétam ādíśe /
   dádʰāta+ kétam ādíśe /
   dádʰātā kétam ādíśe /

Halfverse: c    śukrā́ḥ pavadʰvam árṇasā //
   śukrā́ḥ pavadʰvam árṇasā //
   śukrā́ḥ pavadʰvam árṇasā //
   śukrā́ḥ pavadʰvam árṇasā //


Verse: 7 
Halfverse: a    etá u tyé avīvaśan kā́ṣṭʰāṃ vājíno akrata /
   etá u tyé avīvaśan
   eté u tyé avīvaśan
   etá u tyé avīvaśan

Halfverse: b    kā́ṣṭʰāṃ vājíno akrata /
   kā́ṣṭʰām vājínaḥ akrata /
   kā́ṣṭʰāṃ vājíno akrata /

Halfverse: c    satáḥ prā́sāviṣur matím //
   satáḥ prā́sāviṣur matím //
   satáḥ prá asāviṣuḥ matím //
   satáḥ prā́sāviṣur matím //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.