TITUS
Rg-Veda: Rg-Veda-Samhita
Part No. 745
Previous part

Hymn: 22_(734) 
Verse: 1 
Halfverse: a    eté sómāsa āśávo rátʰā iva prá vājínaḥ /
   eté sómāsa āśávo
   eté sómāsaḥ āśávaḥ
   eté sómāsa āśávo

Halfverse: b    rátʰā iva prá vājínaḥ /
   rátʰāḥ iva prá vājínaḥ /
   rátʰā iva prá vājínaḥ /

Halfverse: c    sárgāḥ sr̥ṣṭā́ aheṣata //
   sárgāḥ sr̥ṣṭā́ aheṣata //
   sárgāḥ sr̥ṣṭā́ḥ aheṣata //
   sárgāḥ sr̥ṣṭā́ aheṣata //


Verse: 2 
Halfverse: a    eté vā́tā ivorávaḥ parjányasyeva vr̥ṣṭáyaḥ /
   eté vā́tā ivorávaḥ
   eté vā́tāḥ iva urávaḥ
   eté vā́tā ivorávaḥ

Halfverse: b    parjányasyeva vr̥ṣṭáyaḥ /
   parjányasya iva vr̥ṣṭáyaḥ /
   parjányasyeva vr̥ṣṭáyaḥ /

Halfverse: c    agnér iva bʰramā́ vŕ̥tʰā //
   agnér iva bʰramā́ vŕ̥tʰā //
   agnéḥ iva bʰramā́ḥ vŕ̥tʰā //
   agnér iva bʰramā́ vŕ̥tʰā //


Verse: 3 
Halfverse: a    eté pūtā́ vipaścítaḥ sómāso dádʰyāśiraḥ /
   eté pūtā́ vipaścítaḥ
   eté pūtā́ḥ vipaścítaḥ
   eté pūtā́ vipaścítaḥ

Halfverse: b    sómāso dádʰyāśiraḥ /
   sómāsaḥ dádʰyāśiraḥ /
   sómāso dádʰiāśiraḥ /

Halfverse: c    vipā́ vy ā̀naśur dʰíyaḥ //
   vipā́ vy ā̀naśur dʰíyaḥ //
   vipā́ ví ānaśuḥ dʰíyaḥ //
   vipā́ ví ānaśur dʰíyaḥ //


Verse: 4 
Halfverse: a    eté mr̥ṣṭā́ ámartyāḥ sasr̥vā́ṃso ná śaśramuḥ /
   eté mr̥ṣṭā́ ámartyāḥ
   eté mr̥ṣṭā́ḥ ámartyāḥ
   eté mr̥ṣṭā́ ámartiyāḥ

Halfverse: b    sasr̥vā́ṃso ná śaśramuḥ /
   sasr̥vā́ṃsaḥ ná śaśramuḥ /
   sasr̥vā́ṃso ná śaśramuḥ /

Halfverse: c    íyakṣantaḥ patʰó rájaḥ //
   íyakṣantaḥ patʰó rájaḥ //
   íyakṣantaḥ patʰáḥ rájaḥ //
   íyakṣantaḥ patʰó rájaḥ //


Verse: 5 
Halfverse: a    eté pr̥ṣṭʰā́ni ródasor viprayánto vy ā̀naśuḥ /
   eté pr̥ṣṭʰā́ni ródasor
   eté pr̥ṣṭʰā́ni ródasoḥ
   eté pr̥ṣṭʰā́ni ródasor

Halfverse: b    viprayánto vy ā̀naśuḥ /
   viprayántaḥ ví ānaśuḥ /
   viprayánto ví ānaśuḥ /

Halfverse: c    utédám uttamáṃ rájaḥ //
   utédám uttamáṃ rájaḥ //
   utá idám uttamám rájaḥ //
   utédám uttamáṃ rájaḥ //


Verse: 6 
Halfverse: a    tántuṃ tanvānám uttamám ánu praváta āśata /
   tántuṃ tanvānám uttamám
   tántum tanvānám uttamám
   tántuṃ tanvānám uttamám

Halfverse: b    ánu praváta āśata /
   ánu pravátaḥ āśata /
   ánu praváta āśata /

Halfverse: c    utédám uttamā́yyam //
   utédám uttamā́yyam //
   utá idám uttamā́yyam //
   utédám uttamā́yiyam //


Verse: 7 
Halfverse: a    tváṃ soma paṇíbʰya ā́ vásu gávyāni dʰārayaḥ /
   tváṃ soma paṇíbʰya ā́
   tvám soma paṇíbʰyaḥ ā́
   tuváṃ soma paṇíbʰya ā́

Halfverse: b    vásu gávyāni dʰārayaḥ /
   vásu gávyāni dʰārayaḥ /
   vásu gávyāni dʰārayaḥ /

Halfverse: c    tatáṃ tántum acikradaḥ //
   tatáṃ tántum acikradaḥ //
   tatám tántum acikradaḥ //
   tatáṃ tántum acikradaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.