TITUS
Rg-Veda: Rg-Veda-Samhita
Part No. 955
Previous part

Hymn: 118_(944) 
Verse: 1 
Halfverse: a    ágne háṃsi ny àtríṇaṃ dī́dyan mártyeṣv ā́ /
   ágne háṃsi ny àtríṇaṃ
   ágne háṃsi ní atríṇam
   ágne háṃsi ní atríṇaṃ

Halfverse: b    dī́dyan mártyeṣv ā́ /
   dī́dyat mártyeṣu ā́ /
   dī́diyan mártiyeṣu ā́ /

Halfverse: c    své kṣáye śucivrata //
   své kṣáye śucivrata //
   své kṣáye śucivrata //
   suvé kṣáye śucivrata //


Verse: 2 
Halfverse: a    út tiṣṭʰasi svā̀huto gʰr̥tā́ni práti modase /
   út tiṣṭʰasi svā̀huto
   út tiṣṭʰasi svā̀hutaḥ
   út tiṣṭʰasi súāhuto

Halfverse: b    gʰr̥tā́ni práti modase /
   gʰr̥tā́ni práti modase /
   gʰr̥tā́ni práti modase /

Halfverse: c    yát tvā srúcaḥ samástʰiran //
   yát tvā srúcaḥ samástʰiran //
   yát tvā srúcaḥ samástʰiran //
   yát tvā srúcaḥ samástʰiran //


Verse: 3 
Halfverse: a    sá ā́huto ví rocate 'gnír īḷényo girā́ /
   sá ā́huto ví rocate
   sáḥ \!\ ā́hutaḥ ví rocate
   sá ā́huto ví rocate

Halfverse: b    'gnír īḷényo girā́ /
   agníḥ īḷényaḥ girā́ /
   agnír īḷéniyo girā́ /

Halfverse: c    srucā́ prátīkam ajyate //
   srucā́ prátīkam ajyate //
   srucā́ prátīkam ajyate //
   srucā́ prátīkam ajyate //


Verse: 4 
Halfverse: a    gʰr̥ténāgníḥ sám ajyate mádʰupratīka ā́hutaḥ /
   gʰr̥ténāgníḥ sám ajyate
   gʰr̥téna agníḥ sám ajyate
   gʰr̥ténāgníḥ sám ajyate

Halfverse: b    mádʰupratīka ā́hutaḥ /
   mádʰupratīkaḥ ā́hutaḥ /
   mádʰupratīka ā́hutaḥ /

Halfverse: c    rócamāno vibʰā́vasuḥ //
   rócamāno vibʰā́vasuḥ //
   rócamānaḥ vibʰā́vasuḥ //
   rócamāno vibʰā́vasuḥ //


Verse: 5 
Halfverse: a    járamāṇaḥ sám idʰyase devébʰyo havyavāhana /
   járamāṇaḥ sám idʰyase
   járamāṇaḥ sám idʰyase
   járamāṇaḥ sám idʰyase

Halfverse: b    devébʰyo havyavāhana /
   devébʰyaḥ havyavāhana /
   devébʰyo havyavāhana /

Halfverse: c    táṃ tvā havanta mártyāḥ //
   táṃ tvā havanta mártyāḥ //
   tám tvā havanta mártyāḥ //
   táṃ tvā havanta mártiyāḥ //


Verse: 6 
Halfverse: a    tám martā ámartyaṃ gʰr̥ténāgníṃ saparyata /
   tám martā ámartyaṃ
   tám martāḥ ámartyam
   tám martiā ՙ ámartiyaṃ

Halfverse: b    gʰr̥ténāgníṃ saparyata /
   gʰr̥téna agním saparyata /
   gʰr̥ténāgníṃ saparyata /

Halfverse: c    ádābʰyaṃ gr̥hápatim //
   ádābʰyaṃ gr̥hápatim //
   ádābʰyam gr̥hápatim //
   ádābʰiyaṃ gr̥hápatim //


Verse: 7 
Halfverse: a    ádābʰyena śocíṣā́gne rákṣas tváṃ daha /
   ádābʰyena śocíṣā_
   ádābʰyena śocíṣā
   ádābʰiyena śocíṣā

Halfverse: b    _ágne rákṣas tváṃ daha /
   ágne rákṣaḥ tvám daha /
   ágne rákṣas tuváṃ daha /

Halfverse: c    gopā́ r̥tásya dīdihi //
   gopā́ r̥tásya dīdihi //
   gopā́ḥ r̥tásya dīdihi //
   gopā́ r̥tásya dīdihi //


Verse: 8 
Halfverse: a    sá tvám agne prátīkena práty oṣa yātudʰānyàḥ /
   sá tvám agne prátīkena
   sá tvám agne prátīkena
   sá tvám agne prátīkena

Halfverse: b    práty oṣa yātudʰānyàḥ /
   práti oṣa yātudʰānyàḥ /
   práty oṣa yātudʰāníyaḥ /

Halfverse: c    urukṣáyeṣu dī́dyat //
   urukṣáyeṣu dī́dyat //
   urukṣáyeṣu dī́dyat //
   urukṣáyeṣu dī́diyat //


Verse: 9 
Halfverse: a    táṃ tvā gīrbʰír urukṣáyā havyavā́haṃ sám īdʰire /
   táṃ tvā gīrbʰír urukṣáyā
   tám tvā gīrbʰíḥ urukṣáyā
   táṃ tvā gīrbʰír urukṣáyā

Halfverse: b    havyavā́haṃ sám īdʰire /
   havyavā́ham sám īdʰire /
   havyavā́haṃ sám īdʰire /

Halfverse: c    yájiṣṭʰam mā́nuṣe jáne //
   yájiṣṭʰam mā́nuṣe jáne //
   yájiṣṭʰam mā́nuṣe jáne //
   yájiṣṭʰam mā́nuṣe jáne //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.