TITUS
Rg-Veda: Rg-Veda-Samhita
Part No. 957
Previous part

Hymn: 120_(946) 
Verse: 1 
Halfverse: a    tád íd āsa bʰúvaneṣu jyéṣṭʰaṃ yáto jajñá ugrás tveṣánr̥mṇaḥ /
   tád íd āsa bʰúvaneṣu jyéṣṭʰaṃ
   tát ít āsa bʰúvaneṣu jyéṣṭʰam
   tád íd āsa bʰúvaneṣu jyáyiṣṭʰaṃ

Halfverse: b    yáto jajñá ugrás tveṣánr̥mṇaḥ /
   yátaḥ jajñé ugráḥ tveṣánr̥mṇaḥ /
   yáto jajñá ? ugrás tveṣánr̥mṇaḥ /

Halfverse: c    sadyó jajñānó ní riṇāti śátrūn ánu yáṃ víśve mádanty ū́māḥ //
   sadyó jajñānó ní riṇāti śátrūn
   sadyáḥ jajñānáḥ ní riṇāti śátrūn
   sadyó jajñānó ní riṇāti śátrūn

Halfverse: d    ánu yáṃ víśve mádanty ū́māḥ //
   ánu yám víśve mádanti ū́māḥ //
   ánu yáṃ víśve mádanti ū́māḥ //


Verse: 2 
Halfverse: a    vāvr̥dʰānáḥ śávasā bʰū́ryojāḥ śátrur dāsā́ya bʰiyásaṃ dadʰāti /
   vāvr̥dʰānáḥ śávasā bʰū́ryojāḥ
   vāvr̥dʰānáḥ śávasā bʰū́ryojāḥ
   vāvr̥dʰānáḥ śávasā bʰū́riojāḥ

Halfverse: b    śátrur dāsā́ya bʰiyásaṃ dadʰāti /
   śátruḥ dāsā́ya bʰiyásam dadʰāti /
   śátrur dāsā́ya bʰiyásaṃ dadʰāti /

Halfverse: c    ávyanac ca vyanác ca sásni sáṃ te navanta prábʰr̥tā mádeṣu //
   ávyanac ca vyanác ca sásni
   ávyanat ca vyanát ca sásni
   ávianac ca vianác ca sásni

Halfverse: d    sáṃ te navanta prábʰr̥tā mádeṣu //
   sám te navanta prábʰr̥tā mádeṣu //
   sáṃ te navanta prábʰr̥tā mádeṣu //


Verse: 3 
Halfverse: a    tvé krátum ápi vr̥ñjanti víśve dvír yád eté trír bʰávanty ū́māḥ /
   tvé krátum ápi vr̥ñjanti víśve
   tvé krátum ápi vr̥ñjanti víśve
   tuvé krátum ápi vr̥ñjanti víśve

Halfverse: b    dvír yád eté trír bʰávanty ū́māḥ /
   dvíḥ yát eté tríḥ bʰávanti ū́māḥ /
   duvír yád eté trír bʰávanti ū́māḥ /

Halfverse: c    svādóḥ svā́dīyaḥ svādúnā sr̥jā sám adáḥ sú mádʰu mádʰunābʰí yodʰīḥ //
   svādóḥ svā́dīyaḥ svādúnā sr̥jā sám
   svādóḥ svā́dīyaḥ svādúnā sr̥ja+ sám
   svādóḥ svā́dīyaḥ svādúnā sr̥jā sám

Halfverse: d    adáḥ sú mádʰu mádʰunābʰí yodʰīḥ //
   adáḥ sú mádʰu mádʰunā abʰí yodʰīḥ //
   adáḥ sú mádʰu mádʰunābʰí yodʰīḥ //


Verse: 4 
Halfverse: a    íti cid dʰí tvā dʰánā jáyantam máde-made anumádanti víprāḥ /
   íti cid dʰí tvā dʰánā jáyantam
   íti cit hí tvā dʰánā jáyantam
   íti cid dʰí tvā dʰánā jáyantam

Halfverse: b    máde-made anumádanti víprāḥ /
   máde-made anumádanti víprāḥ /
   máde-made anumádanti víprāḥ /

Halfverse: c    ójīyo dʰr̥ṣṇo stʰirám ā́ tanuṣva mā́ tvā dabʰan yātudʰā́nā durévāḥ //
   ójīyo dʰr̥ṣṇo stʰirám ā́ tanuṣva
   ójīyaḥ dʰr̥ṣṇo stʰirám ā́ tanuṣva
   ójīyo dʰr̥ṣṇo stʰirám ā́ tanuṣva

Halfverse: d    mā́ tvā dabʰan yātudʰā́nā durévāḥ //
   mā́ tvā dabʰan yātudʰā́nāḥ durévāḥ //
   mā́ tvā dabʰan yātudʰā́nā durévāḥ //


Verse: 5 
Halfverse: a    tváyā vayáṃ śāśadmahe ráṇeṣu prapáśyanto yudʰényāni bʰū́ri /
   tváyā vayáṃ śāśadmahe ráṇeṣu
   tváyā vayám śāśadmahe ráṇeṣu
   tváyā vayáṃ śāśadmahe ráṇeṣu

Halfverse: b    prapáśyanto yudʰényāni bʰū́ri /
   prapáśyantaḥ yudʰényāni bʰū́ri /
   prapáśyanto yudʰéniyāni bʰū́ri /

Halfverse: c    codáyāmi ta ā́yudʰā vácobʰiḥ sáṃ te śiśāmi bráhmaṇā váyāṃsi //
   codáyāmi ta ā́yudʰā vácobʰiḥ
   codáyāmi te ā́yudʰā vácobʰiḥ
   codáyāmi ta ā́yudʰā vácobʰiḥ

Halfverse: d    sáṃ te śiśāmi bráhmaṇā váyāṃsi //
   sám te śiśāmi bráhmaṇā váyāṃsi //
   sáṃ te śiśāmi bráhmaṇā váyāṃsi //


Verse: 6 
Halfverse: a    stuṣéyyam puruvárpasam ŕ̥bʰvam inátamam āptyám āptyā́nām /
   stuṣéyyam puruvárpasam ŕ̥bʰvam
   stuṣéyyam puruvárpasam ŕ̥bʰvam
   stuṣéyiyam puruvárpasam ŕ̥bʰvam

Halfverse: b    inátamam āptyám āptyā́nām /
   inátamam āptyám āptyā́nām /
   inátamam āptiyám āptiyā́nām /

Halfverse: c    ā́ darṣate śávasā saptá dā́nūn prá sākṣate pratimā́nāni bʰū́ri //
   ā́ darṣate śávasā saptá dā́nūn
   ā́ darṣate śávasā saptá dā́nūn
   ā́ darṣate śávasā saptá dā́nūn

Halfverse: d    prá sākṣate pratimā́nāni bʰū́ri //
   prá sākṣate pratimā́nāni bʰū́ri //
   prá sākṣate pratimā́nāni bʰū́ri //


Verse: 7 
Halfverse: a    ní tád dadʰiṣé 'varam páraṃ ca yásminn ā́vitʰā́vasā duroṇé /
   ní tád dadʰiṣé 'varam páraṃ ca
   ní tát dadʰiṣe ávaram páram ca
   ní tád dadʰiṣe ávaram páraṃ ca

Halfverse: b    yásminn ā́vitʰā́vasā duroṇé /
   yásmin ā́vitʰa ávasā duroṇé /
   yásminn ā́vitʰa ávasā duroṇé /

Halfverse: c    ā́ mātárā stʰāpayase jigatnū́ áta inoṣi kárvarā purū́ṇi //
   ā́ mātárā stʰāpayase jigatnū́
   ā́ mātárā stʰāpayase jigatnū́
   ā́ mātárā stʰāpayase jigatnū́

Halfverse: d    áta inoṣi kárvarā purū́ṇi //
   átaḥ inoṣi kárvarā purū́ṇi //
   áta inoṣi kárvarā purū́ṇi //


Verse: 8 
Halfverse: a    imā́ bráhma br̥háddivo vivaktī́ndrāya śūṣám agriyáḥ svarṣā́ḥ /
   imā́ bráhma br̥háddivo vivakti_
   imā́ bráhma br̥háddivaḥ vivakti
   imā́ bráhma br̥háddivo vivakti

Halfverse: b    _índrāya śūṣám agriyáḥ svarṣā́ḥ /
   índrāya śūṣám agriyáḥ svarṣā́ḥ /
   índrāya śūṣám agriyáḥ suarṣā́ḥ /

Halfverse: c    mahó gotrásya kṣayati svarā́jo dúraś ca víśvā avr̥ṇod ápa svā́ḥ //
   mahó gotrásya kṣayati svarā́jo
   maháḥ gotrásya kṣayati svarā́jaḥ
   mahó gotrásya kṣayati svarā́jo

Halfverse: d    dúraś ca víśvā avr̥ṇod ápa svā́ḥ //
   dúraḥ ca víśvāḥ avr̥ṇot ápa svā́ḥ //
   dúraś ca víśvā avr̥ṇod ápa svā́ḥ //


Verse: 9 
Halfverse: a    evā́ mahā́n br̥háddivo átʰarvā́vocat svā́ṃ tanvàm índram evá /
   evā́ mahā́n br̥háddivo átʰarvā_
   evá+ mahā́n br̥háddivaḥ átʰarvā
   evā́ mahā́n br̥háddivo átʰarvā

Halfverse: b    _ávocat svā́ṃ tanvàm índram evá /
   ávocat svā́m tanvàm índram evá /
   ávocat svā́ṃ tanúvam índram evá /

Halfverse: c    svásāro mātaríbʰvarīr ariprā́ hinvánti ca śávasā vardʰáyanti ca //
   svásāro mātaríbʰvarīr ariprā́
   svásāraḥ mātaríbʰvarīḥ ariprā́ḥ
   svásāro mātaríbʰvarīr ariprā́

Halfverse: d    hinvánti ca śávasā vardʰáyanti ca //
   hinvánti ca śávasā vardʰáyanti ca //
   hinvánti ca śávasā vardʰáyanti ca //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.