TITUS
Rg-Veda: Rg-Veda-Samhita
Part No. 960
Previous part

Hymn: 123_(949) 
Verse: 1 
Halfverse: a    ayáṃ venáś codayat pŕ̥śnigarbʰā jyótirjarāyū rájaso vimā́ne /
   ayáṃ venáś codayat pŕ̥śnigarbʰā
   ayám venáḥ codayat pŕ̥śnigarbʰāḥ
   ayáṃ venáś codayat pŕ̥śnigarbʰā

Halfverse: b    jyótirjarāyū rájaso vimā́ne /
   jyótirjarāyuḥ rájasaḥ vimā́ne /
   jyótirjarāyū rájaso vimā́ne /

Halfverse: c    imám apā́ṃ saṃgamé sū́ryasya śíśuṃ ná víprā matíbʰī rihanti //
   imám apā́ṃ saṃgamé sū́ryasya
   imám apā́m saṃgamé sū́ryasya
   imám apā́ṃ saṃgamé sū́riyasya

Halfverse: d    śíśuṃ ná víprā matíbʰī rihanti //
   śíśum ná víprāḥ matíbʰiḥ rihanti //
   śíśuṃ ná víprā matíbʰī rihanti //


Verse: 2 
Halfverse: a    samudrā́d ūrmím úd iyarti venó nabʰojā́ḥ pr̥ṣṭʰáṃ haryatásya darśi /
   samudrā́d ūrmím úd iyarti venó
   samudrā́t ūrmím út iyarti venáḥ
   samudrā́d ūrmím úd iyarti venó

Halfverse: b    nabʰojā́ḥ pr̥ṣṭʰáṃ haryatásya darśi /
   nabʰojā́ḥ pr̥ṣṭʰám haryatásya darśi /
   nabʰojā́ḥ pr̥ṣṭʰáṃ haryatásya darśi /

Halfverse: c    r̥tásya sā́nāv ádʰi viṣṭápi bʰrā́ṭ samānáṃ yónim abʰy ànūṣata vrā́ḥ //
   r̥tásya sā́nāv ádʰi viṣṭápi bʰrā́ṭ
   r̥tásya sā́nau ádʰi viṣṭápi bʰrā́ṭ
   r̥tásya sā́nāv ádʰi viṣṭápi bʰrā́ṭ

Halfverse: d    samānáṃ yónim abʰy ànūṣata vrā́ḥ //
   samānám yónim abʰí anūṣata vrā́ḥ //
   samānáṃ yónim abʰy ànūṣata vrā́ḥ //


Verse: 3 
Halfverse: a    samānám pūrvī́r abʰí vāvaśānā́s tíṣṭʰan vatsásya mātáraḥ sánīḷāḥ /
   samānám pūrvī́r abʰí vāvaśānā́s
   samānám pūrvī́ḥ abʰí vāvaśānā́ḥ
   samānám pūrvī́r abʰí vāvaśānā́s

Halfverse: b    tíṣṭʰan vatsásya mātáraḥ sánīḷāḥ /
   tíṣṭʰan vatsásya mātáraḥ sánīḷāḥ /
   tíṣṭʰan vatsásya mātáraḥ sánīḷāḥ /

Halfverse: c    r̥tásya sā́nāv ádʰi cakramāṇā́ rihánti mádʰvo amŕ̥tasya vā́ṇīḥ //
   r̥tásya sā́nāv ádʰi cakramāṇā́
   r̥tásya sā́nau ádʰi cakramāṇā́ḥ
   r̥tásya sā́nāv ádʰi cakramāṇā́

Halfverse: d    rihánti mádʰvo amŕ̥tasya vā́ṇīḥ //
   rihánti mádʰvaḥ amŕ̥tasya vā́ṇīḥ //
   rihánti mádʰvo amŕ̥tasya vā́ṇīḥ //


Verse: 4 
Halfverse: a    jānánto rūpám akr̥panta víprā mr̥gásya gʰóṣam mahiṣásya hí gmán /
   jānánto rūpám akr̥panta víprā
   jānántaḥ rūpám akr̥panta víprāḥ
   jānánto rūpám akr̥panta víprā

Halfverse: b    mr̥gásya gʰóṣam mahiṣásya hí gmán /
   mr̥gásya gʰóṣam mahiṣásya hí gmán /
   mr̥gásya gʰóṣam mahiṣásya hí gmán /

Halfverse: c    r̥téna yánto ádʰi síndʰum astʰur vidád gandʰarvó amŕ̥tāni nā́ma //
   r̥téna yánto ádʰi síndʰum astʰur
   r̥téna yántaḥ ádʰi síndʰum astʰuḥ
   r̥téna yánto ádʰi síndʰum astʰur

Halfverse: d    vidád gandʰarvó amŕ̥tāni nā́ma //
   vidát gandʰarváḥ amŕ̥tāni nā́ma //
   vidád gandʰarvó amŕ̥tāni nā́ma //


Verse: 5 
Halfverse: a    apsarā́ jārám upasiṣmiyāṇā́ yóṣā bibʰarti paramé vyòman /
   apsarā́ jārám upasiṣmiyāṇā́
   apsarā́ḥ jārám upasiṣmiyāṇā́
   apsarā́ jārám upasiṣmiyāṇā́

Halfverse: b    yóṣā bibʰarti paramé vyòman /
   yóṣā bibʰarti paramé vyòman /
   yóṣā bibʰarti paramé víoman /

Halfverse: c    cárat priyásya yóniṣu priyáḥ sán sī́dat pakṣé hiraṇyáye sá venáḥ //
   cárat priyásya yóniṣu priyáḥ sán
   cárat priyásya yóniṣu priyáḥ sán
   cárat priyásya yóniṣu priyáḥ sán

Halfverse: d    sī́dat pakṣé hiraṇyáye sá venáḥ //
   sī́dat pakṣé hiraṇyáye sá venáḥ //
   sī́dat pakṣé hiraṇyáye sá venáḥ //


Verse: 6 
Halfverse: a    nā́ke suparṇám úpa yát pátantaṃ hr̥dā́ vénanto abʰy ácakṣata tvā /
   nā́ke suparṇám úpa yát pátantaṃ
   nā́ke suparṇám úpa yát pátantam
   nā́ke suparṇám úpa yát pátantaṃ

Halfverse: b    hr̥dā́ vénanto abʰy ácakṣata tvā /
   hr̥dā́ vénantaḥ abʰí ácakṣata tvā /
   hr̥dā́ vénanto abʰy ácakṣata tvā /

Halfverse: c    híraṇyapakṣaṃ váruṇasya dūtáṃ yamásya yónau śakunám bʰuraṇyúm //
   híraṇyapakṣaṃ váruṇasya dūtáṃ
   híraṇyapakṣam váruṇasya dūtám
   híraṇyapakṣaṃ váruṇasya dūtáṃ

Halfverse: d    yamásya yónau śakunám bʰuraṇyúm //
   yamásya yónau śakunám bʰuraṇyúm //
   yamásya yónau śakunám bʰuraṇyúm //


Verse: 7 
Halfverse: a    ūrdʰvó gandʰarvó ádʰi nā́ke astʰāt pratyáṅ citrā́ bíbʰrad asyā́yudʰāni /
   ūrdʰvó gandʰarvó ádʰi nā́ke astʰāt
   ūrdʰváḥ gandʰarváḥ ádʰi nā́ke astʰāt
   ūrdʰvó gandʰarvó ádʰi nā́ke astʰāt

Halfverse: b    pratyáṅ citrā́ bíbʰrad asyā́yudʰāni /
   pratyáṅ citrā́ bíbʰrat asya ā́yudʰāni /
   pratyáṅ citrā́ bíbʰrad asyā́yudʰāni /

Halfverse: c    vásāno átkaṃ surabʰíṃ dr̥śé káṃ svàr ṇá nā́ma janata priyā́ṇi //
   vásāno átkaṃ surabʰíṃ dr̥śé káṃ
   vásānaḥ átkam surabʰím dr̥śé kám
   vásāno átkaṃ surabʰíṃ dr̥śé káṃ

Halfverse: d    svàr ṇá nā́ma janata priyā́ṇi //
   svàr ná nā́ma janata priyā́ṇi //
   súvar ṇá nā́ma janata priyā́ṇi //


Verse: 8 
Halfverse: a    drapsáḥ samudrám abʰí yáj jígāti páśyan gŕ̥dʰrasya cákṣasā vídʰarman /
   drapsáḥ samudrám abʰí yáj jígāti
   drapsáḥ samudrám abʰí yát jígāti
   drapsáḥ samudrám abʰí yáj jígāti

Halfverse: b    páśyan gŕ̥dʰrasya cákṣasā vídʰarman /
   páśyan gŕ̥dʰrasya cákṣasā vídʰarman /
   páśyan gŕ̥dʰrasya cákṣasā vídʰarman /

Halfverse: c    bʰānúḥ śukréṇa śocíṣā cakānás tr̥tī́ye cakre rájasi priyā́ṇi //
   bʰānúḥ śukréṇa śocíṣā cakānás
   bʰānúḥ śukréṇa śocíṣā cakānáḥ
   bʰānúḥ śukréṇa śocíṣā cakānás

Halfverse: d    tr̥tī́ye cakre rájasi priyā́ṇi //
   tr̥tī́ye cakre rájasi priyā́ṇi //
   tr̥tī́ye cakre rájasi priyā́ṇi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.