TITUS
Rg-Veda: Rg-Veda-Samhita
Part No. 961
Previous part

Hymn: 124_(950) 
Verse: 1 
Halfverse: a    imáṃ no agna úpa yajñám éhi páñcayāmaṃ trivŕ̥taṃ saptátantum /
   imáṃ no agna úpa yajñám éhi
   imám naḥ agne úpa yajñám ā́ ihi
   imáṃ no agna úpa yajñám éhi

Halfverse: b    páñcayāmaṃ trivŕ̥taṃ saptátantum /
   páñcayāmam trivŕ̥tam saptátantum /
   páñcayāmaṃ trivŕ̥taṃ saptátantum /

Halfverse: c    áso havyavā́ḷ utá naḥ purogā́ jyóg evá dīrgʰáṃ táma ā́śayiṣṭʰāḥ //
   áso havyavā́ḷ utá naḥ purogā́
   ásaḥ havyavā́ṭ utá naḥ purogā́ḥ
   áso havyavā́ḷ utá naḥ purogā́

Halfverse: d    jyóg evá dīrgʰáṃ táma ā́śayiṣṭʰāḥ //
   jyók evá dīrgʰám támaḥ ā́ aśayiṣṭʰāḥ //
   jyóg evá dīrgʰáṃ táma ā́śayiṣṭʰāḥ //


Verse: 2 
Halfverse: a    ádevād deváḥ pracátā gúhā yán prapáśyamāno amr̥tatvám emi /
   ádevād deváḥ pracátā gúhā yán
   ádevāt deváḥ pracátā gúhā yán
   ádevād deváḥ pracátā gúhā yán

Halfverse: b    prapáśyamāno amr̥tatvám emi /
   prapáśyamānaḥ amr̥tatvám emi /
   prapáśyamāno amr̥tatvám emi /

Halfverse: c    śiváṃ yát sántam áśivo jáhāmi svā́t sakʰyā́d áraṇīṃ nā́bʰim emi //
   śiváṃ yát sántam áśivo jáhāmi
   śivám yát sántam áśivaḥ jáhāmi
   śiváṃ yát sántam áśivo jáhāmi

Halfverse: d    svā́t sakʰyā́d áraṇīṃ nā́bʰim emi //
   svā́t sakʰyā́t áraṇīm nā́bʰim emi //
   suvā́t sakʰyā́d áraṇīṃ nā́bʰim emi //


Verse: 3 
Halfverse: a    páśyann anyásyā átitʰiṃ vayā́yā r̥tásya dʰā́ma ví mime purū́ṇi /
   páśyann anyásyā átitʰiṃ vayā́yā
   páśyan anyásyāḥ átitʰim vayā́yāḥ
   páśyann anyásyā átitʰiṃ vayā́yā

Halfverse: b    r̥tásya dʰā́ma ví mime purū́ṇi /
   r̥tásya dʰā́ma ví mime purū́ṇi /
   r̥tásya dʰā́ma ví mime purū́ṇi /

Halfverse: c    śáṃsāmi pitré ásurāya śévam ayajñiyā́d yajñíyam bʰāgám emi //
   śáṃsāmi pitré ásurāya śévam
   śáṃsāmi pitré ásurāya śévam
   śáṃsāmi pitré ásurāya śévam

Halfverse: d    ayajñiyā́d yajñíyam bʰāgám emi //
   ayajñiyā́t yajñíyam bʰāgám emi //
   ayajñiyā́d yajñíyam bʰāgám emi //


Verse: 4 
Halfverse: a    bahvī́ḥ sámā akaram antár asminn índraṃ vr̥ṇānáḥ pitáraṃ jahāmi /
   bahvī́ḥ sámā akaram antár asminn
   bahvī́ḥ sámāḥ akaram antár asmin
   bahvī́ḥ sámā akaram antár asminn

Halfverse: b    índraṃ vr̥ṇānáḥ pitáraṃ jahāmi /
   índram vr̥ṇānáḥ pitáram jahāmi /
   índraṃ vr̥ṇānáḥ pitáraṃ jahāmi /

Halfverse: c    agníḥ sómo váruṇas té cyavante paryā́vard rāṣṭráṃ tád avāmy āyán //
   agníḥ sómo váruṇas té cyavante
   agníḥ sómaḥ váruṇaḥ té cyavante
   agníḥ sómo váruṇas té cyavante

Halfverse: d    paryā́vard rāṣṭráṃ tád avāmy āyán //
   paryā́vart rāṣṭrám tát avāmi āyán //
   paryā́vard rāṣṭráṃ tád avāmi āyán //


Verse: 5 
Halfverse: a    nírmāyā u tyé ásurā abʰūvan tváṃ ca mā varuṇa kāmáyāse /
   nírmāyā u tyé ásurā abʰūvan
   nírmāyāḥ u tyé ásurāḥ abʰūvan
   nírmāyā u tyé ásurā abʰūvan

Halfverse: b    tváṃ ca mā varuṇa kāmáyāse /
   tvám ca mā varuṇa kāmáyāse /
   tuváṃ ca mā varuṇa kāmáyāse /

Halfverse: c    r̥téna rājann ánr̥taṃ viviñcán máma rāṣṭrásyā́dʰipatyam éhi //
   r̥téna rājann ánr̥taṃ viviñcán
   r̥téna rājan ánr̥tam viviñcán
   r̥téna rājann ánr̥taṃ viviñcán

Halfverse: d    máma rāṣṭrásyā́dʰipatyam éhi //
   máma rāṣṭrásya ā́dʰipatyam ā́ ihi //
   máma rāṣṭrásya ádʰipatyam éhi //


Verse: 6 
Halfverse: a    idáṃ svàr idám íd āsa vāmám ayám prakāśá urv àntárikṣam /
   idáṃ svàr idám íd āsa vāmám
   idám svàr idám ít āsa vāmám
   idáṃ súvar idám íd āsa vāmám

Halfverse: b    ayám prakāśá urv àntárikṣam /
   ayám prakāśáḥ urú antárikṣam /
   ayám prakāśá urú antárikṣam /

Halfverse: c    hánāva vr̥tráṃ niréhi soma havíṣ ṭvā sántaṃ havíṣā yajāma //
   hánāva vr̥tráṃ niréhi soma
   hánāva vr̥trám niréhi soma
   hánāva vr̥tráṃ niréhi soma

Halfverse: d    havíṣ ṭvā sántaṃ havíṣā yajāma //
   havíḥ tvā sántam havíṣā yajāma //
   havíṣ ṭvā sántaṃ havíṣā yajāma //


Verse: 7 
Halfverse: a    kavíḥ kavitvā́ diví rūpám ā́sajad áprabʰūtī váruṇo nír apáḥ sr̥jat /
   kavíḥ kavitvā́ diví rūpám ā́sajad
   kavíḥ kavitvā́ diví rūpám ā́ asajat
   kavíḥ kavitvā́ diví rūpám ā́sajad

Halfverse: b    áprabʰūtī váruṇo nír apáḥ sr̥jat /
   áprabʰūtī váruṇaḥ níḥ apáḥ sr̥jat /
   áprabʰūtī váruṇo nír apáḥ sr̥jat /

Halfverse: c    kṣémaṃ kr̥ṇvānā́ jánayo ná síndʰavas tā́ asya várṇaṃ śúcayo bʰaribʰrati //
   kṣémaṃ kr̥ṇvānā́ jánayo ná síndʰavas
   kṣémam kr̥ṇvānā́ḥ jánayaḥ ná síndʰavaḥ
   kṣémaṃ kr̥ṇvānā́ jánayo ná síndʰavas

Halfverse: d    tā́ asya várṇaṃ śúcayo bʰaribʰrati //
   tā́ḥ asya várṇam śúcayaḥ bʰaribʰrati //
   tā́ asya várṇaṃ śúcayo bʰaribʰrati //


Verse: 8 
Halfverse: a    tā́ asya jyéṣṭʰam indriyáṃ sacante tā́ īm ā́ kṣeti svadʰáyā mádantīḥ /
   tā́ asya jyéṣṭʰam indriyáṃ sacante
   tā́ḥ asya jyéṣṭʰam indriyám sacante
   tā́ asya jyéṣṭʰam indriyáṃ sacante

Halfverse: b    tā́ īm ā́ kṣeti svadʰáyā mádantīḥ /
   tā́ḥ īm ā́ kṣeti svadʰáyā mádantīḥ /
   tā́ īm ā́ kṣeti svadʰáyā mádantīḥ /

Halfverse: c    tā́ īṃ víśo ná rā́jānaṃ vr̥ṇānā́ bībʰatsúvo ápa vr̥trā́d atiṣṭʰan //
   tā́ īṃ víśo ná rā́jānaṃ vr̥ṇānā́
   tā́ḥ īm víśaḥ ná rā́jānam vr̥ṇānā́ḥ
   tā́ īṃ víśo ná rā́jānaṃ vr̥ṇānā́

Halfverse: d    bībʰatsúvo ápa vr̥trā́d atiṣṭʰan //
   bībʰatsúvaḥ ápa vr̥trā́t atiṣṭʰan //
   bībʰatsúvo ápa vr̥trā́d atiṣṭʰan //


Verse: 9 
Halfverse: a    bībʰatsū́nāṃ sayújaṃ haṃsám āhur apā́ṃ divyā́nāṃ sakʰyé cárantam /
   bībʰatsū́nāṃ sayújaṃ haṃsám āhur
   bībʰatsū́nām sayújam haṃsám āhuḥ
   bībʰatsū́nāṃ sayújaṃ haṃsám āhur

Halfverse: b    apā́ṃ divyā́nāṃ sakʰyé cárantam /
   apā́m divyā́nām sakʰyé cárantam /
   apā́ṃ divyā́nāṃ sakʰiyé cárantam /

Halfverse: c    anuṣṭúbʰam ánu carcūryámāṇam índraṃ ní cikyuḥ kaváyo manīṣā́ //
   anuṣṭúbʰam ánu carcūryámāṇam
   anuṣṭúbʰam ánu carcūryámāṇam
   anuṣṭúbʰam ánu carcūryámāṇam

Halfverse: d    índraṃ ní cikyuḥ kaváyo manīṣā́ //
   índram ní cikyuḥ kaváyaḥ manīṣā́ //
   índraṃ ní cikyuḥ kaváyo manīṣā́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.