TITUS
Rg-Veda: Rg-Veda-Samhita
Part No. 962
Previous part

Hymn: 125_(951) 
Verse: 1 
Halfverse: a    aháṃ rudrébʰir vásubʰiś carāmy ahám ādityaír utá viśvádevaiḥ /
   aháṃ rudrébʰir vásubʰiś carāmy
   ahám rudrébʰiḥ vásubʰiḥ carāmi
   aháṃ rudrébʰir vásubʰiś carāmi

Halfverse: b    ahám ādityaír utá viśvádevaiḥ /
   ahám ādityaíḥ utá viśvádevaiḥ /
   ahám ādityaír utá viśvádevaiḥ /

Halfverse: c    ahám mitrā́váruṇobʰā́ bibʰarmy ahám indrāgnī́ ahám aśvínobʰā́ //
   ahám mitrā́váruṇobʰā́ bibʰarmy
   ahám mitrā́váruṇā ubʰā́ bibʰarmi
   ahám mitrā́váruṇobʰā́ bibʰarmi

Halfverse: d    ahám indrāgnī́ ahám aśvínobʰā́ //
   ahám indrāgnī́ ahám aśvínā ubʰā́ //
   ahám indrāgnī́ ahám aśvínobʰā́ //


Verse: 2 
Halfverse: a    aháṃ sómam āhanásam bibʰarmy aháṃ tváṣṭāram utá pūṣáṇam bʰágam /
   aháṃ sómam āhanásam bibʰarmy
   ahám sómam āhanásam bibʰarmi
   aháṃ sómam āhanásam bibʰarmi

Halfverse: b    aháṃ tváṣṭāram utá pūṣáṇam bʰágam /
   ahám tváṣṭāram utá pūṣáṇam bʰágam /
   aháṃ tváṣṭāram utá pūṣáṇam bʰágam /

Halfverse: c    aháṃ dadʰāmi dráviṇaṃ havíṣmate suprāvyè yájamānāya sunvaté //
   aháṃ dadʰāmi dráviṇaṃ havíṣmate
   ahám dadʰāmi dráviṇam havíṣmate
   aháṃ dadʰāmi dráviṇaṃ havíṣmate

Halfverse: d    suprāvyè yájamānāya sunvaté //
   suprāvyè yájamānāya sunvaté //
   suprāvíye yájamānāya sunvaté //


Verse: 3 
Halfverse: a    aháṃ rā́ṣṭrī saṃgámanī vásūnāṃ cikitúṣī pratʰamā́ yajñíyānām /
   aháṃ rā́ṣṭrī saṃgámanī vásūnāṃ
   ahám rā́ṣṭrī saṃgámanī vásūnām
   aháṃ rā́ṣṭrī saṃgámanī vásūnāṃ

Halfverse: b    cikitúṣī pratʰamā́ yajñíyānām /
   cikitúṣī pratʰamā́ yajñíyānām /
   cikitúṣī pratʰamā́ yajñíyānām /

Halfverse: c    tā́m mā devā́ vy àdadʰuḥ purutrā́ bʰū́ristʰātrām \!\ bʰū́ry āveśáyantīm //
   tā́m mā devā́ vy àdadʰuḥ purutrā́
   tā́m mā devā́ḥ ví adadʰuḥ purutrā́
   tā́m mā devā́ ví adadʰuḥ purutrā́

Halfverse: d    bʰū́ristʰātrām bʰū́ry āveśáyantīm //
   bʰū́ristʰātrām bʰū́ri āveśáyantīm //
   bʰū́ristʰātrām bʰū́ri āveśáyantīm //


Verse: 4 
Halfverse: a    máyā só ánnam atti yó vipáśyati yáḥ prā́ṇiti yá īṃ śr̥ṇóty uktám /
   máyā só ánnam atti yó vipáśyati
   máyā sáḥ \!\ ánnam atti yáḥ vipáśyati
   máyā só ánnam atti yó vipáśyati

Halfverse: b    yáḥ prā́ṇiti yá īṃ śr̥ṇóty uktám /
   yáḥ prā́ṇiti yáḥ īm śr̥ṇóti uktám /
   yáḥ prā́ṇiti yá īṃ śr̥ṇóti uktám /

Halfverse: c    amantávo mā́ṃ tá úpa kṣiyanti śrudʰí śruta śraddʰiváṃ te vadāmi //
   amantávo mā́ṃ tá úpa kṣiyanti
   amantávaḥ mā́m té úpa kṣiyanti
   amantávo mā́ṃ tá úpa kṣiyanti

Halfverse: d    śrudʰí śruta śraddʰiváṃ te vadāmi //
   śrudʰí śruta śraddʰivám te vadāmi //
   śrudʰí śruta śraddʰiváṃ te vadāmi //


Verse: 5 
Halfverse: a    ahám evá svayám idáṃ vadāmi júṣṭaṃ devébʰir utá mā́nuṣebʰiḥ /
   ahám evá svayám idáṃ vadāmi
   ahám evá svayám idám vadāmi
   ahám evá svayám idáṃ vadāmi

Halfverse: b    júṣṭaṃ devébʰir utá mā́nuṣebʰiḥ /
   júṣṭam devébʰiḥ utá mā́nuṣebʰiḥ /
   júṣṭaṃ devébʰir utá mā́nuṣebʰiḥ /

Halfverse: c    yáṃ kāmáye táṃ-tam ugráṃ kr̥ṇomi tám brahmā́ṇaṃ tám ŕ̥ṣiṃ táṃ sumedʰā́m //
   yáṃ kāmáye táṃ-tam ugráṃ kr̥ṇomi
   yám kāmáye táṃ-tam ugrám kr̥ṇomi
   yáṃ kāmáye táṃ-tam ugráṃ kr̥ṇomi

Halfverse: d    tám brahmā́ṇaṃ tám ŕ̥ṣiṃ táṃ sumedʰā́m //
   tám brahmā́ṇam tám ŕ̥ṣim tám sumedʰā́m //
   tám brahmā́ṇaṃ tám ŕ̥ṣiṃ táṃ sumedʰā́m //


Verse: 6 
Halfverse: a    aháṃ rudrā́ya dʰánur ā́ tanomi brahmadvíṣe śárave hántavā́ u /
   aháṃ rudrā́ya dʰánur ā́ tanomi
   ahám rudrā́ya dʰánuḥ ā́ tanomi
   aháṃ rudrā́ya dʰánur ā́ tanomi

Halfverse: b    brahmadvíṣe śárave hántavā́ u /
   brahmadvíṣe śárave hántavaí u /
   brahmadvíṣe śárave hántavā́ u /

Halfverse: c    aháṃ jánāya samádaṃ kr̥ṇomy aháṃ dyā́vāpr̥tʰivī́ ā́ viveśa //
   aháṃ jánāya samádaṃ kr̥ṇomy
   ahám jánāya samádam kr̥ṇomi
   aháṃ jánāya samádaṃ kr̥ṇomi

Halfverse: d    aháṃ dyā́vāpr̥tʰivī́ ā́ viveśa //
   ahám dyā́vāpr̥tʰivī́ ā́ viveśa //
   aháṃ dyā́vāpr̥tʰivī́ ā́ viveśa //


Verse: 7 
Halfverse: a    aháṃ suve pitáram asya mūrdʰán máma yónir apsv àntáḥ samudré /
   aháṃ suve pitáram asya mūrdʰán
   ahám suve pitáram asya mūrdʰán
   aháṃ suve pitáram asya mūrdʰán

Halfverse: b    máma yónir apsv àntáḥ samudré /
   máma yóniḥ apsú antár samudré /
   máma yónir apsú antáḥ samudré /

Halfverse: c    táto ví tiṣṭʰe bʰúvanā́nu víśvotā́mū́ṃ dyā́ṃ varṣmáṇópa spr̥śāmi //
   táto ví tiṣṭʰe bʰúvanā́nu víśvā_
   tátaḥ ví tiṣṭʰe bʰúvanā ánu víśvā
   táto ví tiṣṭʰe bʰúvanā́nu víśvā

Halfverse: d    _utā́mū́ṃ dyā́ṃ varṣmáṇópa spr̥śāmi //
   utá amū́m dyā́m varṣmáṇā úpa spr̥śāmi //
   utā́mū́ṃ dyā́ṃ varṣmáṇópa spr̥śāmi //


Verse: 8 
Halfverse: a    ahám evá vā́ta iva prá vāmy ārábʰamāṇā bʰúvanāni víśvā /
   ahám evá vā́ta iva prá vāmy
   ahám evá vā́taḥ iva prá vāmi
   ahám evá vā́ta iva prá vāmi

Halfverse: b    ārábʰamāṇā bʰúvanāni víśvā /
   ārábʰamāṇā bʰúvanāni víśvā /
   ārábʰamāṇā bʰúvanāni víśvā /

Halfverse: c    paró divā́ pará enā́ pr̥tʰivyaítā́vatī mahinā́ sám babʰūva //
   paró divā́ pará enā́ pr̥tʰivyā́_
   paráḥ divā́ paráḥ enā́ pr̥tʰivyā́
   paró divā́ pará enā́ pr̥tʰivyā́

Halfverse: d    _etā́vatī mahinā́ sám babʰūva //
   etā́vatī mahinā́ sám babʰūva //
   etā́vatī mahinā́ sám babʰūva //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.