TITUS
Rg-Veda: Rg-Veda-Samhita
Part No. 963
Previous part

Hymn: 126_(952) 
Verse: 1 
Halfverse: a    ná tám áṃho ná duritáṃ dévāso aṣṭa mártyam /
   ná tám áṃho ná duritáṃ
   ná tám áṃhaḥ ná duritám
   ná tám áṃho ná duritáṃ

Halfverse: b    dévāso aṣṭa mártyam /
   dévāsaḥ aṣṭa mártyam /
   dévāso aṣṭa mártiyam /

Halfverse: c    sajóṣaso yám aryamā́ mitró náyanti váruṇo áti dvíṣaḥ //
   sajóṣaso yám aryamā́
   sajóṣasaḥ yám aryamā́
   sajóṣaso yám aryamā́

Halfverse: d    mitró náyanti váruṇo
   mitráḥ náyanti váruṇaḥ
   mitró náyanti váruṇo

Halfverse: e    áti dvíṣaḥ //
   áti dvíṣaḥ //
   áti dvíṣaḥ //


Verse: 2 
Halfverse: a    tád dʰí vayáṃ vr̥ṇīmáhe váruṇa mítrā́ryaman /
   tád dʰí vayáṃ vr̥ṇīmáhe
   tát hí vayám vr̥ṇīmáhe
   tád dʰí vayáṃ vr̥ṇīmáhe

Halfverse: b    váruṇa mítrā́ryaman /
   váruṇa mítra áryaman /
   váruṇa mítra áryaman /

Halfverse: c    yénā nír áṃhaso yūyám pātʰá netʰā́ ca mártyam áti dvíṣaḥ //
   yénā nír áṃhaso yūyám
   yéna+ níḥ áṃhasaḥ yūyám
   yénā nír áṃhaso yūyám

Halfverse: d    pātʰá netʰā́ ca mártyam
   pātʰá netʰá+ ca mártyam
   pātʰá netʰā́ ca mártiyam

Halfverse: e    áti dvíṣaḥ //
   áti dvíṣaḥ //
   áti dvíṣaḥ //


Verse: 3 
Halfverse: a    té nūnáṃ no 'yám ūtáye váruṇo mitró aryamā́ /
   té nūnáṃ no 'yám ūtáye
   té nūnám naḥ ayám ūtáye
   té nūnáṃ no 'yám ūtáye

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    náyiṣṭʰā u no neṣáṇi párṣiṣṭʰā u naḥ parṣáṇy áti dvíṣaḥ //
   náyiṣṭʰā \!\ u no neṣáṇi
   náyiṣṭʰāḥ \!\ u naḥ neṣáṇi
   náyiṣṭʰā u no neṣáṇi

Halfverse: d    párṣiṣṭʰā u naḥ parṣáṇy
   párṣiṣṭʰāḥ u naḥ parṣáṇi
   párṣiṣṭʰā u naḥ parṣáṇi

Halfverse: e    áti dvíṣaḥ //
   áti dvíṣaḥ //
   áti dvíṣaḥ //


Verse: 4 
Halfverse: a    yūyáṃ víśvam pári pātʰa váruṇo mitró aryamā́ /
   yūyáṃ víśvam pári pātʰa
   yūyám víśvam pári pātʰa
   yūyáṃ víśvam pári pātʰa

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    yuṣmā́kaṃ śármaṇi priyé syā́ma supraṇītayó 'ti dvíṣaḥ //
   yuṣmā́kaṃ śármaṇi priyé
   yuṣmā́kam śármaṇi priyé
   yuṣmā́kaṃ śármaṇi priyé

Halfverse: d    syā́ma supraṇītayó
   syā́ma supraṇītayaḥ
   siyā́ma supraṇītayo

Halfverse: e    'ti dvíṣaḥ //
   áti dvíṣaḥ //
   áti dvíṣaḥ //


Verse: 5 
Halfverse: a    ādityā́so áti srídʰo váruṇo mitró aryamā́ /
   ādityā́so áti srídʰo
   ādityā́saḥ áti srídʰaḥ
   ādityā́so áti srídʰo

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    ugrám marúdbʰī rudráṃ huveméndram agníṃ svastáyé 'ti dvíṣaḥ //
   ugrám marúdbʰī rudráṃ huvema_
   ugrám marúdbʰiḥ rudrám huvema
   ugrám marúdbʰī rudráṃ huvema

Halfverse: d    _índram agníṃ svastáyé
   índram agním svastáye
   índram agníṃ suastáye

Halfverse: e    'ti dvíṣaḥ //
   áti dvíṣaḥ //
   áti dvíṣaḥ //


Verse: 6 
Halfverse: a    nétāra ū ṣú ṇas tiró váruṇo mitró aryamā́ /
   nétāra ū ṣú ṇas tiró
   nétāraḥ u+ sú naḥ tiráḥ
   nétāra ū ṣú ṇas tiró

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    áti víśvāni duritā́ rā́jānaś carṣaṇīnā́m áti dvíṣaḥ //
   áti víśvāni duritā́
   áti víśvāni duritā́
   áti víśvāni duritā́

Halfverse: d    rā́jānaś carṣaṇīnā́m
   rā́jānaḥ carṣaṇīnā́m
   rā́jānaś carṣaṇīnâám

Halfverse: e    áti dvíṣaḥ //
   áti dvíṣaḥ //
   áti dvíṣaḥ //


Verse: 7 
Halfverse: a    śunám asmábʰyam ūtáye váruṇo mitró aryamā́ /
   śunám asmábʰyam ūtáye
   śunám asmábʰyam ūtáye
   śunám asmábʰyam ūtáye

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    śárma yacʰantu saprátʰa ādityā́so yád ī́mahe áti dvíṣaḥ //
   śárma yacʰantu saprátʰa
   śárma yacʰantu saprátʰaḥ
   śárma yacʰantu saprátʰa

Halfverse: d    ādityā́so yád ī́mahe
   ādityā́saḥ yát ī́mahe
   ādityā́so yád ī́mahe

Halfverse: e    áti dvíṣaḥ //
   áti dvíṣaḥ //
   áti dvíṣaḥ //


Verse: 8 
Halfverse: a    yátʰā ha tyád vasavo gauryàṃ cit padí ṣitā́m ámuñcatā yajatrāḥ /
   yátʰā ha tyád vasavo gauryàṃ cit
   yátʰā ha tyát vasavaḥ gauryàm cit
   yátʰā ha tyád vasavo gauríyaṃ cit

Halfverse: b    padí ṣitā́m ámuñcatā yajatrāḥ /
   padí sitā́m ámuñcata+ yajatrāḥ /
   padí ṣitā́m ámuñcatā yajatrāḥ /

Halfverse: c    evó ṣv àsmán muñcatā vy áṃhaḥ prá tāry agne prataráṃ na ā́yuḥ //
   evó ṣv àsmán muñcatā vy áṃhaḥ
   evá u sú asmát muñcata+ ví áṃhaḥ
   evó ṣú asmán muñcatā ví áṃhaḥ

Halfverse: d    prá tāry agne prataráṃ na ā́yuḥ //
   prá tāri agne pratarám naḥ ā́yuḥ //
   prá tāri agne prataráṃ na ā́yuḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.