TITUS
Rg-Veda: Rg-Veda-Samhita
Part No. 965
Previous part

Hymn: 128_(954) 
Verse: 1 
Halfverse: a    mámāgne várco vihavéṣv astu vayáṃ tvéndʰānās tanvàm puṣema /
   mámāgne várco vihavéṣv astu
   máma agne várcaḥ vihavéṣu astu
   mámāgne várco vihavéṣu astu

Halfverse: b    vayáṃ tvéndʰānās tanvàm puṣema /
   vayám tvā índʰānāḥ tanvàm puṣema /
   vayáṃ tvéndʰānās tanúvam puṣema /

Halfverse: c    máhyaṃ namantām pradíśaś cátasras tváyā́dʰyakṣeṇa pŕ̥tanā jayema //
   máhyaṃ namantām pradíśaś cátasras
   máhyam namantām pradíśaḥ cátasraḥ
   máhyaṃ namantām pradíśaś cátasras

Halfverse: d    tváyā́dʰyakṣeṇa pŕ̥tanā jayema //
   tváyā ádʰyakṣeṇa pŕ̥tanāḥ jayema //
   tváyā́dʰyakṣeṇa pŕ̥tanā jayema //


Verse: 2 
Halfverse: a    máma devā́ vihavé santu sárva índravanto marúto víṣṇur agníḥ /
   máma devā́ vihavé santu sárva
   máma devā́ḥ vihavé santu sárve
   máma devā́ vihavé santu sárva

Halfverse: b    índravanto marúto víṣṇur agníḥ /
   índravantaḥ marútaḥ víṣṇuḥ agníḥ /
   índravanto marúto víṣṇur agníḥ /

Halfverse: c    mámāntárikṣam urúlokam astu máhyaṃ vā́taḥ pavatāṃ kā́me asmín //
   mámāntárikṣam urúlokam astu
   máma antárikṣam urúlokam astu
   mámāntárikṣam urúlokam astu

Halfverse: d    máhyaṃ vā́taḥ pavatāṃ kā́me asmín //
   máhyam vā́taḥ pavatām kā́me asmín //
   máhyaṃ vā́taḥ pavatāṃ kā́me asmín //


Verse: 3 
Halfverse: a    máyi devā́ dráviṇam ā́ yajantām máyy āśī́r astu máyi deváhūtiḥ /
   máyi devā́ dráviṇam ā́ yajantām
   máyi devā́ḥ dráviṇam ā́ yajantām
   máyi devā́ dráviṇam ā́ yajantām

Halfverse: b    máyy āśī́r astu máyi deváhūtiḥ /
   máyi āśī́ḥ astu máyi deváhūtiḥ /
   máyy āśī́r astu máyi deváhūtiḥ /

Halfverse: c    daívyā hótāro vanuṣanta pū́rvé 'riṣṭāḥ syāma tanvā̀ suvī́rāḥ //
   daívyā hótāro vanuṣanta pū́rvé
   daívyāḥ hótāraḥ vanuṣanta pū́rve
   daívyā hótāro vanuṣanta pū́rve

Halfverse: d    'riṣṭāḥ syāma tanvā̀ suvī́rāḥ //
   áriṣṭāḥ syāma tanvā̀ suvī́rāḥ //
   áriṣṭāḥ syāma tanúvā suvī́rāḥ //


Verse: 4 
Halfverse: a    máhyaṃ yajantu máma yā́ni havyā́kūtiḥ satyā́ mánaso me astu /
   máhyaṃ yajantu máma yā́ni havyā́_
   máhyam yajantu máma yā́ni havyā́
   máhyaṃ yajantu máma yā́ni havyā́

Halfverse: b    _ā́kūtiḥ satyā́ mánaso me astu /
   ā́kūtiḥ satyā́ mánasaḥ me astu /
   ā́kūtiḥ satyā́ mánaso me astu /

Halfverse: c    éno mā́ ní gāṃ katamác canā́háṃ víśve devāso ádʰi vocatā naḥ //
   éno mā́ ní gāṃ katamác canā́háṃ
   énaḥ mā́ ní gām katamát caná ahám
   éno mā́ ní gāṃ katamác canā́háṃ

Halfverse: d    víśve devāso ádʰi vocatā naḥ //
   víśve devāsaḥ ádʰi vocata+ naḥ //
   víśve devāso ádʰi vocatā naḥ //


Verse: 5 
Halfverse: a    dévīḥ ṣaḷ urvīr urú naḥ kr̥ṇota víśve devāsa ihá vīrayadʰvam /
   dévīḥ ṣaḷ urvīr urú naḥ kr̥ṇota
   dévīḥ ṣaṭ urvīḥ urú naḥ kr̥ṇota
   dévīḥ ṣaḷ urvīr urú naḥ kr̥ṇota

Halfverse: b    víśve devāsa ihá vīrayadʰvam /
   víśve devāsaḥ ihá vīrayadʰvam /
   víśve devāsa ihá vīrayadʰvam /

Halfverse: c    mā́ hāsmahi prajáyā mā́ tanū́bʰir mā́ radʰāma dviṣaté soma rājan //
   mā́ hāsmahi prajáyā mā́ tanū́bʰir
   mā́ hāsmahi prajáyā mā́ tanū́bʰiḥ
   mā́ hāsmahi prajáyā mā́ tanū́bʰir

Halfverse: d    mā́ radʰāma dviṣaté soma rājan //
   mā́ radʰāma dviṣaté soma rājan //
   mā́ radʰāma dviṣaté soma rājan //


Verse: 6 
Halfverse: a    ágne manyúm pratinudán páreṣām ádabdʰo gopā́ḥ pári pāhi nas tvám /
   ágne manyúm pratinudán páreṣām
   ágne manyúm pratinudán páreṣām
   ágne manyúm pratinudán páreṣām

Halfverse: b    ádabdʰo gopā́ḥ pári pāhi nas tvám /
   ádabdʰaḥ gopā́ḥ pári pāhi naḥ tvám /
   ádabdʰo gopā́ḥ pári pāhi nas tvám /

Halfverse: c    pratyáñco yantu nigútaḥ púnas tè 'maíṣāṃ cittám prabúdʰāṃ ví neśat //
   pratyáñco yantu nigútaḥ púnas tè
   pratyáñcaḥ yantu nigútaḥ púnar té
   pratyáñco yantu nigútaḥ púnas té

Halfverse: d    'maíṣāṃ cittám prabúdʰāṃ ví neśat //
   amā́ eṣām cittám prabúdʰām ví neśat //
   amaíṣāṃ cittám prabúdʰāṃ ví neśat //


Verse: 7 
Halfverse: a    dʰātā́ dʰātr̥̄ṇā́m bʰúvanasya yás pátir deváṃ trātā́ram abʰimātiṣāhám /
   dʰātā́ dʰātr̥̄ṇā́m bʰúvanasya yás pátir
   dʰātā́ dʰātr̥̄ṇā́m bʰúvanasya yáḥ pátiḥ
   dʰātā́ dʰātr̥̄ṇā́m bʰúvanasya yás pátir

Halfverse: b    deváṃ trātā́ram abʰimātiṣāhám /
   devám trātā́ram abʰimātiṣāhám /
   deváṃ trātā́ram abʰimātiṣāhám /

Halfverse: c    imáṃ yajñám aśvínobʰā́ bŕ̥haspátir devā́ḥ pāntu yájamānaṃ nyartʰā́t //
   imáṃ yajñám aśvínobʰā́ bŕ̥haspátir
   imám yajñám aśvínā ubʰā́ bŕ̥haspátiḥ
   imáṃ yajñám aśvínobʰā́ bŕ̥haspátir

Halfverse: d    devā́ḥ pāntu yájamānaṃ nyartʰā́t //
   devā́ḥ pāntu yájamānam nyartʰā́t //
   devā́ḥ pāntu yájamānaṃ niartʰā́t //


Verse: 8 
Halfverse: a    uruvyácā no mahiṣáḥ śárma yaṃsad asmín háve puruhūtáḥ purukṣúḥ /
   uruvyácā no mahiṣáḥ śárma yaṃsad
   uruvyácā naḥ mahiṣáḥ śárma yaṃsat
   uruvyácā no mahiṣáḥ śárma yaṃsad

Halfverse: b    asmín háve puruhūtáḥ purukṣúḥ /
   asmín háve puruhūtáḥ purukṣúḥ /
   asmín háve puruhūtáḥ purukṣúḥ /

Halfverse: c    sá naḥ prajā́yai haryaśva mr̥ḷayéndra mā́ no rīriṣo mā́ párā dāḥ //
   sá naḥ prajā́yai haryaśva mr̥ḷaya_
   sá naḥ prajā́yai haryaśva mr̥ḷaya
   sá naḥ prajā́yai hariaśva mr̥ḷaya

Halfverse: d    _índra mā́ no rīriṣo mā́ párā dāḥ //
   índra mā́ naḥ rīriṣaḥ mā́ párā dāḥ //
   índra mā́ no rīriṣo mā́ párā dāḥ //


Verse: 9 
Halfverse: a    yé naḥ sapátnā ápa té bʰavantv indrāgníbʰyām áva bādʰāmahe tā́n /
   yé naḥ sapátnā ápa té bʰavantv
   yé naḥ sapátnāḥ ápa té bʰavantu
   yé naḥ sapátnā ápa té bʰavantu

Halfverse: b    indrāgníbʰyām áva bādʰāmahe tā́n /
   indrāgníbʰyām áva bādʰāmahe tā́n /
   indrāgníbʰyām áva bādʰāmahe tā́n /

Halfverse: c    vásavo rudrā́ ādityā́ uparispŕ̥śam mográṃ céttāram adʰirājám akran //
   vásavo rudrā́ ādityā́ uparispŕ̥śam mā_
   vásavaḥ rudrā́ḥ ādityā́ḥ uparispŕ̥śam mā
   vásavo rudrā́ ādityā́ uparispŕ̥śam mā

Halfverse: d    _ugráṃ céttāram adʰirājám akran //
   ugrám céttāram adʰirājám akran //
   ugráṃ céttāram adʰirājám akran //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.