TITUS
Rg-Veda: Rg-Veda-Samhita
Part No. 966
Previous part

Hymn: 129_(955) 
Verse: 1 
Halfverse: a    nā́sad āsīn nó sád āsīt tadā́nīṃ nā́sīd rájo nó vyòmā paró yát /
   nā́sad āsīn nó sád āsīt tadā́nīṃ
   ná ásat āsīt ná u sát āsīt tadā́nīm
   nā́sad āsīn nó sád āsīt tadā́nīṃ

Halfverse: b    nā́sīd rájo nó vyòmā paró yát /
   ná āsīt rájaḥ ná u vyòma+ paráḥ yát /
   nā́sīd rájo nó víomā paró yát /

Halfverse: c    kím ā́varīvaḥ kúha kásya śármann ámbʰaḥ kím āsīd gáhanaṃ gabʰīrám //
   kím ā́varīvaḥ kúha kásya śármann
   kím ā́ avarīvar kúha kásya śárman
   kím ā́varīvaḥ kúha kásya śármann

Halfverse: d    ámbʰaḥ kím āsīd gáhanaṃ gabʰīrám //
   ámbʰaḥ kím āsīt gáhanam gabʰīrám //
   ámbʰaḥ kím āsīd gáhanaṃ gabʰīrám //


Verse: 2 
Halfverse: a    ná mr̥tyúr āsīd amŕ̥taṃ ná tárhi ná rā́tryā áhna āsīt praketáḥ /
   ná mr̥tyúr āsīd amŕ̥taṃ ná tárhi
   ná mr̥tyúḥ āsīt amŕ̥tam ná tárhi
   ná mr̥tyúr āsīd amŕ̥taṃ ná tárhi

Halfverse: b    ná rā́tryā áhna āsīt praketáḥ /
   ná rā́tryāḥ áhnaḥ āsīt praketáḥ /
   ná rā́triyā áhna āsīt praketáḥ /

Halfverse: c    ā́nīd avātáṃ svadʰáyā tád ékaṃ tásmād dʰānyán ná paráḥ kíṃ canā́sa //
   ā́nīd avātáṃ svadʰáyā tád ékaṃ
   ā́nīt avātám svadʰáyā tát ékam
   ā́nīd avātáṃ svadʰáyā tád ékaṃ

Halfverse: d    tásmād dʰānyán ná paráḥ kíṃ canā́sa //
   tásmāt ha anyát ná paráḥ kím caná āsa //
   tásmād dʰānyán ná paráḥ kíṃ canā́sa //


Verse: 3 
Halfverse: a    táma āsīt támasā gūḷʰám ágre 'praketáṃ saliláṃ sárvam ā idám /
   táma āsīt támasā gūḷʰám ágre
   támaḥ āsīt támasā gūḷʰám ágre
   táma āsīt támasā gūḷʰám ágre

Halfverse: b    'praketáṃ saliláṃ sárvam ā idám /
   apraketám salilám sárvam āḥ idám /
   apraketáṃ saliláṃ sárvam ā idám /

Halfverse: c    tucʰyénābʰv ápihitaṃ yád ā́sīt tápasas tán mahinā́jāyataíkam //
   tucʰyénābʰv ápihitaṃ yád ā́sīt
   tucʰyéna ābʰú ápihitam yát ā́sīt
   tucʰyénābʰú ápihitaṃ yád ā́sīt

Halfverse: d    tápasas tán mahinā́jāyataíkam //
   tápasaḥ tát mahinā́ ajāyata ékam //
   tápasas tán mahinā́jāyataíkam //


Verse: 4 
Halfverse: a    kā́mas tád ágre sám avartatā́dʰi mánaso rétaḥ pratʰamáṃ yád ā́sīt /
   kā́mas tád ágre sám avartatā́dʰi
   kā́maḥ tát ágre sám avartata ádʰi
   kā́mas tád ágre sám avartatā́dʰi

Halfverse: b    mánaso rétaḥ pratʰamáṃ yád ā́sīt /
   mánasaḥ rétaḥ pratʰamám yát ā́sīt /
   mánaso rétaḥ pratʰamáṃ yád ā́sīt /

Halfverse: c    sató bándʰum ásati nír avindan hr̥dí pratī́ṣyā kaváyo manīṣā́ //
   sató bándʰum ásati nír avindan
   satáḥ bándʰum ásati níḥ avindan
   sató bándʰum ásati nír avindan

Halfverse: d    hr̥dí pratī́ṣyā kaváyo manīṣā́ //
   hr̥dí pratī́ṣyā kaváyaḥ manīṣā́ //
   hr̥dí pratī́ṣyā kaváyo manīṣā́ //


Verse: 5 
Halfverse: a    tiraścī́no vítato raśmír eṣām adʰáḥ svid āsī́3d upári svid āsī3t /
   tiraścī́no vítato raśmír eṣām
   tiraścī́naḥ vítataḥ raśmíḥ eṣām
   tiraścī́no vítato raśmír eṣām

Halfverse: b    adʰáḥ svid āsī́3d upári svid āsī3t /
   adʰáḥ svit āsīt upári svit āsīt /
   adʰáḥ svid āsī́3d upári svid āsī3t /

Halfverse: c    retodʰā́ āsan mahimā́na āsan svadʰā́ avástāt práyatiḥ parástāt //
   retodʰā́ āsan mahimā́na āsan
   retodʰā́ḥ āsan mahimā́naḥ āsan
   retodʰā́ āsan mahimā́na āsan

Halfverse: d    svadʰā́ avástāt práyatiḥ parástāt //
   svadʰā́ avástāt práyatiḥ parástāt //
   svadʰā́ avástāt práyatiḥ parástāt //


Verse: 6 
Halfverse: a    kó addʰā́ veda ká ihá prá vocat kúta ā́jātā kúta iyáṃ vísr̥ṣṭiḥ /
   kó addʰā́ veda ká ihá prá vocat
   káḥ addʰā́ veda káḥ ihá prá vocat
   kó addʰā́ veda ká ihá prá vocat

Halfverse: b    kúta ā́jātā kúta iyáṃ vísr̥ṣṭiḥ /
   kútaḥ ā́jātā kútaḥ iyám vísr̥ṣṭiḥ /
   kúta ā́jātā kúta iyáṃ vísr̥ṣṭiḥ /

Halfverse: c    arvā́g devā́ asyá visárjanenā́tʰā kó veda yáta ābabʰū́va //
   arvā́g devā́ asyá visárjanena_
   arvā́k devā́ḥ asyá visárjanena
   arvā́g devā́ asyá visárjanena

Halfverse: d    _átʰā kó veda yáta ābabʰū́va //
   átʰa+ káḥ veda yátaḥ ābabʰū́va //
   átʰā kó veda yáta ābabʰū́va //


Verse: 7 
Halfverse: a    iyáṃ vísr̥ṣṭir yáta ābabʰū́va yádi vā dadʰé yádi vā ná /
   iyáṃ vísr̥ṣṭir yáta ābabʰū́va
   iyám vísr̥ṣṭiḥ yátaḥ ābabʰū́va
   iyáṃ vísr̥ṣṭir yáta ābabʰū́va

Halfverse: b    yádi vā dadʰé yádi vā ná /
   yádi vā dadʰé yádi vā ná /
   yádi vā dadʰé yádi vā ná /

Halfverse: c    yó asyā́dʰyakṣaḥ paramé vyòman só aṅgá veda yádi vā ná véda //
   yó asyā́dʰyakṣaḥ paramé vyòman
   yáḥ asya ádʰyakṣaḥ paramé vyòman
   yó asyā́dʰyakṣaḥ paramé víoman

Halfverse: d    só aṅgá veda yádi vā ná véda //
   sáḥ \!\ aṅgá veda yádi vā ná véda //
   só aṅgá veda yádi vā ná véda //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.