TITUS
Rg-Veda: Rg-Veda-Samhita
Part No. 967
Previous part

Hymn: 130_(956) 
Verse: 1 
Halfverse: a    yó yajñó viśvátas tántubʰis tatá ékaśataṃ devakarmébʰir ā́yataḥ /
   yó yajñó viśvátas tántubʰis tatá
   yáḥ yajñáḥ viśvátaḥ tántubʰiḥ tatáḥ
   yó yajñó ? viśvátas tántubʰis tatá

Halfverse: b    ékaśataṃ devakarmébʰir ā́yataḥ /
   ékaśatam devakarmébʰiḥ ā́yataḥ /
   ékaśataṃ devakarmébʰir ā́yataḥ /

Halfverse: c    imé vayanti pitáro yá āyayúḥ prá vayā́pa vayéty āsate taté //
   imé vayanti pitáro yá āyayúḥ
   imé vayanti pitáraḥ yé āyayúḥ
   imé vayanti pitáro yá āyayúḥ

Halfverse: d    prá vayā́pa vayéty āsate taté //
   prá vaya ápa vaya íti āsate taté //
   prá vayā́pa vayéti āsate taté //


Verse: 2 
Halfverse: a    púmām̐ enaṃ tanuta út kr̥ṇatti púmān ví tatne ádʰi nā́ke asmín /
   púmām̐ enaṃ tanuta út kr̥ṇatti
   púmān enam tanute út kr̥ṇatti
   púmām̐ enaṃ tanuta út kr̥ṇatti

Halfverse: b    púmān ví tatne ádʰi nā́ke asmín /
   púmān ví tatne ádʰi nā́ke asmín /
   púmān ví tatne ádʰi nā́ke asmín /

Halfverse: c    imé mayū́kʰā úpa sedur ū sádaḥ sā́māni cakrus tásarāṇy ótave //
   imé mayū́kʰā úpa sedur ū sádaḥ
   imé mayū́kʰāḥ úpa seduḥ u+ sádaḥ
   imé mayū́kʰā úpa sedur ū sádaḥ

Halfverse: d    sā́māni cakrus tásarāṇy ótave //
   sā́māni cakruḥ tásarāṇi ótave //
   sā́māni cakrus tásarāṇi ótave //


Verse: 3 
Halfverse: a    kā́sīt pramā́ pratimā́ kíṃ nidā́nam ā́jyaṃ kím āsīt paridʰíḥ ká āsīt /
   kā́sīt pramā́ pratimā́ kíṃ nidā́nam
   kā́ āsīt pramā́ pratimā́ kím nidā́nam
   kā́sīt pramā́ pratimā́ kíṃ nidā́nam

Halfverse: b    ā́jyaṃ kím āsīt paridʰíḥ ká āsīt /
   ā́jyam kím āsīt paridʰíḥ káḥ āsīt /
   ā́jyaṃ kím āsīt paridʰíḥ ká āsīt /

Halfverse: c    cʰándaḥ kím āsīt práügaṃ kím uktʰáṃ yád devā́ devám áyajanta víśve //
   cʰándaḥ kím āsīt práügaṃ kím uktʰáṃ
   cʰándaḥ kím āsīt práügam kím uktʰám
   cʰándaḥ kím āsīt práügaṃ kím uktʰáṃ

Halfverse: d    yád devā́ devám áyajanta víśve //
   yát devā́ḥ devám áyajanta víśve //
   yád devā́ devám áyajanta víśve //


Verse: 4 
Halfverse: a    agnér gāyatry àbʰavat sayúgvoṣṇíhayā savitā́ sám babʰūva /
   agnér gāyatry àbʰavat sayúgvā_
   agnéḥ gāyatrī́ abʰavat sayúgvā
   agnér gāyatrī́ abʰavat sayúgvā

Halfverse: b    _uṣṇíhayā savitā́ sám babʰūva /
   uṣṇíhayā savitā́ sám babʰūva /
   uṣṇíhayā savitā́ sám babʰūva /

Halfverse: c    anuṣṭúbʰā sóma uktʰaír máhasvān bŕ̥haspáter br̥hatī́ vā́cam āvat //
   anuṣṭúbʰā sóma uktʰaír máhasvān
   anuṣṭúbʰā sómaḥ uktʰaíḥ máhasvān
   anuṣṭúbʰā sóma uktʰaír máhasvān

Halfverse: d    bŕ̥haspáter br̥hatī́ vā́cam āvat //
   bŕ̥haspáteḥ br̥hatī́ vā́cam āvat //
   bŕ̥haspáter br̥hatī́ vā́cam āvat //


Verse: 5 
Halfverse: a    virā́ṇ mitrā́váruṇayor abʰiśrī́r índrasya triṣṭúb ihá bʰāgó áhnaḥ /
   virā́ṇ mitrā́váruṇayor abʰiśrī́r
   virā́ṭ mitrā́váruṇayoḥ abʰiśrī́ḥ
   virā́ṇ mitrā́váruṇayor abʰiśrī́r

Halfverse: b    índrasya triṣṭúb ihá bʰāgó áhnaḥ /
   índrasya triṣṭúp ihá bʰāgáḥ áhnaḥ /
   índrasya triṣṭúb ihá bʰāgó áhnaḥ /

Halfverse: c    víśvān devā́ñ jágaty ā́ viveśa téna cākl̥pra ŕ̥ṣayo manuṣyā̀ḥ //
   víśvān devā́ñ jágaty ā́ viveśa
   víśvān devā́n jágatī ā́ viveśa
   víśvān devā́ñ jágatī ā́ viveśa

Halfverse: d    téna cākl̥pra ŕ̥ṣayo manuṣyā̀ḥ //
   téna cākl̥pre ŕ̥ṣayaḥ manuṣyā̀ḥ //
   téna cākl̥pra ŕ̥ṣayo manuṣyā̀ḥ //


Verse: 6 
Halfverse: a    cākl̥pré téna ŕ̥ṣayo manuṣyā̀ yajñé jāté pitáro naḥ purāṇé /
   cākl̥pré téna ŕ̥ṣayo manuṣyā̀
   cākl̥pré téna ŕ̥ṣayaḥ manuṣyā̀ḥ
   cākl̥pré téna ŕ̥ṣayo manuṣyā̀

Halfverse: b    yajñé jāté pitáro naḥ purāṇé /
   yajñé jāté pitáraḥ naḥ purāṇé /
   yajñé jāté pitáro naḥ purāṇé /

Halfverse: c    páśyan manye mánasā cákṣasā tā́n yá imáṃ yajñám áyajanta pū́rve //
   páśyan manye mánasā cákṣasā tā́n
   páśyan manye mánasā cákṣasā tā́n
   páśyan manye mánasā cákṣasā tā́n

Halfverse: d    yá imáṃ yajñám áyajanta pū́rve //
   yé imám yajñám áyajanta pū́rve //
   yá imáṃ yajñám áyajanta pū́rve //


Verse: 7 
Halfverse: a    sahástomāḥ sahácʰandasa āvŕ̥taḥ sahápramā ŕ̥ṣayaḥ saptá daívyāḥ /
   sahástomāḥ sahácʰandasa āvŕ̥taḥ
   sahástomāḥ sahácʰandasaḥ āvŕ̥taḥ
   sahástomāḥ sahácʰandasa āvŕ̥taḥ

Halfverse: b    sahápramā ŕ̥ṣayaḥ saptá daívyāḥ /
   sahápramāḥ ŕ̥ṣayaḥ saptá daívyāḥ /
   sahápramā ŕ̥ṣayaḥ saptá daíviyāḥ /

Halfverse: c    pū́rveṣām pántʰām anudŕ̥śya dʰī́rā anvā́lebʰire ratʰyò ná raśmī́n //
   pū́rveṣām pántʰām anudŕ̥śya dʰī́rā
   pū́rveṣām pántʰām anudŕ̥śya dʰī́rāḥ
   pū́rveṣām pántʰām anudŕ̥śya dʰī́rā

Halfverse: d    anvā́lebʰire ratʰyò ná raśmī́n //
   anvā́lebʰire ratʰyàḥ ná raśmī́n //
   anvā́lebʰire ratʰíyo ná raśmī́n //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.