TITUS
Rg-Veda: Rg-Veda-Samhita
Part No. 972
Previous part

Hymn: 135_(961) 
Verse: 1 
Halfverse: a    yásmin vr̥kṣé supalāśé devaíḥ sampíbate yamáḥ /
   yásmin vr̥kṣé supalāśé
   yásmin vr̥kṣé supalāśé
   yásmin vr̥kṣé supalāśé

Halfverse: b    devaíḥ sampíbate yamáḥ /
   devaíḥ sampíbate yamáḥ /
   devaíḥ sampíbate yamáḥ /

Halfverse: c    átrā no viśpátiḥ pitā́ purāṇā́m̐ ánu venati //
   átrā no viśpátiḥ pitā́
   átra+ naḥ viśpátiḥ pitā́
   átrā no viśpátiḥ pitā́

Halfverse: d    purāṇā́m̐ ánu venati //
   purāṇā́n ánu venati //
   purāṇā́m̐ ánu venati //


Verse: 2 
Halfverse: a    purāṇā́m̐ anuvénantaṃ cárantam pāpáyāmuyā́ /
   purāṇā́m̐ anuvénantaṃ
   purāṇā́n anuvénantam
   purāṇā́m̐ anuvénantaṃ

Halfverse: b    cárantam pāpáyāmuyā́ /
   cárantam pāpáyā amuyā́ /
   cárantam pāpáyāmuyā́ /

Halfverse: c    asūyánn abʰy àcākaśaṃ tásmā aspr̥hayam púnaḥ //
   asūyánn abʰy àcākaśaṃ
   asūyán abʰí acākaśam
   asūyánn abʰy àcākaśaṃ

Halfverse: d    tásmā aspr̥hayam púnaḥ //
   tásmai aspr̥hayam púnar //
   tásmā aspr̥hayam púnaḥ //


Verse: 3 
Halfverse: a    yáṃ kumāra návaṃ rátʰam acakrám mánasā́kr̥ṇoḥ /
   yáṃ kumāra návaṃ rátʰam
   yám kumāra návam rátʰam
   yáṃ kumāra návaṃ rátʰam

Halfverse: b    acakrám mánasā́kr̥ṇoḥ /
   acakrám mánasā ákr̥ṇoḥ /
   acakrám mánasā́kr̥ṇoḥ /

Halfverse: c    ékeṣaṃ viśvátaḥ prā́ñcam ápaśyann ádʰi tiṣṭʰasi //
   ékeṣaṃ viśvátaḥ prā́ñcam
   ékeṣam viśvátaḥ prā́ñcam
   ékeṣaṃ viśvátaḥ prā́ñcam

Halfverse: d    ápaśyann ádʰi tiṣṭʰasi //
   ápaśyan ádʰi tiṣṭʰasi //
   ápaśyann ádʰi tiṣṭʰasi //


Verse: 4 
Halfverse: a    yáṃ kumāra prā́vartayo rátʰaṃ víprebʰyas pári /
   yáṃ kumāra prā́vartayo
   yám kumāra prá ávartayaḥ
   yáṃ kumāra prā́vartayo

Halfverse: b    rátʰaṃ víprebʰyas pári /
   rátʰam víprebʰyaḥ pári /
   rátʰaṃ víprebʰiyas pári /

Halfverse: c    táṃ sā́mā́nu prā́vartata sám itó nāvy ā́hitam //
   táṃ sā́mā́nu prā́vartata
   tám sā́ma ánu prá avartata
   táṃ sā́mā́nu prā́vartata

Halfverse: d    sám itó nāvy ā́hitam //
   sám itáḥ nāví ā́hitam //
   sám itó nāví ā́hitam //


Verse: 5 
Halfverse: a    káḥ kumārám ajanayad rátʰaṃ kó nír avartayat /
   káḥ kumārám ajanayad
   káḥ kumārám ajanayat
   káḥ kumārám ajanayad

Halfverse: b    rátʰaṃ kó nír avartayat /
   rátʰam káḥ níḥ avartayat /
   rátʰaṃ kó nír avartayat /

Halfverse: c    káḥ svit tád adyá no brūyād anudéyī yátʰā́bʰavat //
   káḥ svit tád adyá no brūyād
   káḥ svit tát adyá naḥ brūyāt
   káḥ svit tád adyá no brūyād

Halfverse: d    anudéyī yátʰā́bʰavat //
   anudéyī yátʰā ábʰavat //
   anudéyī yátʰā́bʰavat //


Verse: 6 
Halfverse: a    yátʰā́bʰavad anudéyī táto ágram ajāyata /
   yátʰā́bʰavad anudéyī
   yátʰā ábʰavat anudéyī
   yátʰā́bʰavad anudéyī

Halfverse: b    táto ágram ajāyata /
   tátaḥ ágram ajāyata /
   táto ágram ajāyata /

Halfverse: c    purástād budʰná ā́tataḥ paścā́n niráyaṇaṃ kr̥tám //
   purástād budʰná ā́tataḥ
   purástāt budʰnáḥ ā́tataḥ
   purástād budʰná ā́tataḥ

Halfverse: d    paścā́n niráyaṇaṃ kr̥tám //
   paścā́t niráyaṇam kr̥tám //
   paścā́n niráyaṇaṃ kr̥tám //


Verse: 7 
Halfverse: a    idáṃ yamásya sā́danaṃ devamānáṃ yád ucyáte /
   idáṃ yamásya sā́danaṃ
   idám yamásya sā́danam
   idáṃ yamásya sā́danaṃ

Halfverse: b    devamānáṃ yád ucyáte /
   devamānám yát ucyáte /
   devamānáṃ yád ucyáte /

Halfverse: c    iyám asya dʰamyate nāḷī́r ayáṃ gīrbʰíḥ páriṣkr̥taḥ //
   iyám asya dʰamyate nāḷī́r
   iyám asya dʰamyate nāḷī́ḥ
   iyám asya dʰamyate nāḷī́r

Halfverse: d    ayáṃ gīrbʰíḥ páriṣkr̥taḥ //
   ayám gīrbʰíḥ páriṣkr̥taḥ //
   ayáṃ gīrbʰíḥ páriṣkr̥taḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.