TITUS
Rg-Veda: Rg-Veda-Samhita
Part No. 973
Previous part

Hymn: 136_(962) 
Verse: 1 
Halfverse: a    keśy àgníṃ keśī́ viṣáṃ keśī́ bibʰarti ródasī /
   keśy àgníṃ keśī́ viṣáṃ
   keśī́ agním keśī́ viṣám
   keśī́ agníṃ keśī́ viṣáṃ

Halfverse: b    keśī́ bibʰarti ródasī /
   keśī́ bibʰarti ródasī /
   keśī́ bibʰarti ródasī /

Halfverse: c    keśī́ víśvaṃ svàr dr̥śé keśī́dáṃ jyótir ucyate //
   keśī́ víśvaṃ svàr dr̥śé
   keśī́ víśvam svàr dr̥śé
   keśī́ víśvaṃ súvar dr̥śé

Halfverse: d    keśī́dáṃ jyótir ucyate //
   keśī́ idám jyótiḥ ucyate //
   keśī́dáṃ jyótir ucyate //


Verse: 2 
Halfverse: a    múnayo vā́taraśanāḥ piśáṅgā vasate málā /
   múnayo vā́taraśanāḥ
   múnayaḥ vā́taraśanāḥ
   múnayo vā́taraśanāḥ

Halfverse: b    piśáṅgā vasate málā /
   piśáṅgā vasate málā /
   piśáṅgā vasate málā /

Halfverse: c    vā́tasyā́nu dʰrā́jiṃ yanti yád devā́so ávikṣata //
   vā́tasyā́nu dʰrā́jiṃ yanti
   vā́tasya ánu dʰrā́jim yanti
   vā́tasyā́nu dʰrā́jiṃ yanti

Halfverse: d    yád devā́so ávikṣata //
   yát devā́saḥ ávikṣata //
   yád devā́so ávikṣata //


Verse: 3 
Halfverse: a    únmaditā maúneyena vā́tām̐ ā́ tastʰimā vayám /
   únmaditā maúneyena
   únmaditāḥ maúneyena
   únmaditā maúneyena

Halfverse: b    vā́tām̐ ā́ tastʰimā vayám /
   vā́tān ā́ tastʰima+ vayám /
   vā́tām̐ ā́ tastʰimā vayám /

Halfverse: c    śárīréd asmā́kaṃ yūyám mártāso abʰí paśyatʰa //
   śárīréd asmā́kaṃ yūyám
   śárīrā ít asmā́kam yūyám
   śárīréd asmā́kaṃ yūyám

Halfverse: d    mártāso abʰí paśyatʰa //
   mártāsaḥ abʰí paśyatʰa //
   mártāso abʰí paśyatʰa //


Verse: 4 
Halfverse: a    antárikṣeṇa patati víśvā rūpā́vacā́kaśat /
   antárikṣeṇa patati
   antárikṣeṇa patati
   antárikṣeṇa patati

Halfverse: b    víśvā rūpā́vacā́kaśat /
   víśvā rūpā́ avacā́kaśat /
   víśvā rūpā́vacā́kaśat /

Halfverse: c    múnir devásya-devasya saúkr̥tyāya sákʰā hitáḥ //
   múnir devásya-devasya
   múniḥ devásya-devasya
   múnir devásya-devasya

Halfverse: d    saúkr̥tyāya sákʰā hitáḥ //
   saúkr̥tyāya sákʰā hitáḥ //
   saúkr̥tyāya sákʰā hitáḥ //


Verse: 5 
Halfverse: a    vā́tasyā́śvo vāyóḥ sákʰā́tʰo devéṣito múniḥ /
   vā́tasyā́śvo vāyóḥ sákʰā_
   vā́tasya áśvaḥ vāyóḥ sákʰā
   vā́tasyā́śvo vāyóḥ sákʰā

Halfverse: b    _átʰo devéṣito múniḥ /
   átʰa u devéṣitaḥ múniḥ /
   átʰo devéṣito múniḥ /

Halfverse: c    ubʰaú samudrā́v ā́ kṣeti yáś ca pū́rva utā́paraḥ //
   ubʰaú samudrā́v ā́ kṣeti
   ubʰaú samudraú ā́ kṣeti
   ubʰaú samudrā́v ā́ kṣeti

Halfverse: d    yáś ca pū́rva utā́paraḥ //
   yáḥ ca pū́rvaḥ utá áparaḥ //
   yáś ca pū́rva utā́paraḥ //


Verse: 6 
Halfverse: a    apsarásāṃ gandʰarvā́ṇām mr̥gā́ṇāṃ cáraṇe cáran /
   apsarásāṃ gandʰarvā́ṇām
   apsarásām gandʰarvā́ṇām
   apsarásāṃ gandʰarvā́ṇām

Halfverse: b    mr̥gā́ṇāṃ cáraṇe cáran /
   mr̥gā́ṇām cáraṇe cáran /
   mr̥gā́ṇāṃ cáraṇe cáran /

Halfverse: c    keśī́ kétasya vidvā́n sákʰā svādúr madíntamaḥ //
   keśī́ kétasya vidvā́n
   keśī́ kétasya vidvā́n
   keśī́ kétasya vidvā́n

Halfverse: d    sákʰā svādúr madíntamaḥ //
   sákʰā svādúḥ madíntamaḥ //
   sákʰā svādúr madíntamaḥ //


Verse: 7 
Halfverse: a    vāyúr asmā úpāmantʰat pináṣṭi smā kunannamā́ /
   vāyúr asmā úpāmantʰat
   vāyúḥ asmai úpa amantʰat
   vāyúr asmā úpāmantʰat

Halfverse: b    pináṣṭi smā kunannamā́ /
   pináṣṭi sma+ kunannamā́ /
   pináṣṭi smā kunannamā́ /

Halfverse: c    keśī́ viṣásya pā́treṇa yád rudréṇā́pibat sahá //
   keśī́ viṣásya pā́treṇa
   keśī́ viṣásya pā́treṇa
   keśī́ viṣásya pā́treṇa

Halfverse: d    yád rudréṇā́pibat sahá //
   yát rudréṇa ápibat sahá //
   yád rudréṇā́pibat sahá //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.