TITUS
Rg-Veda: Rg-Veda-Samhita
Part No. 980
Previous part

Hymn: 143_(969) 
Verse: 1 
Halfverse: a    tyáṃ cid átrim r̥tajúram ártʰam áśvaṃ ná yā́tave /
   tyáṃ cid átrim r̥tajúram
   tyám cit átrim r̥tajúram
   tyáṃ cid átrim r̥tajúram

Halfverse: b    ártʰam áśvaṃ ná yā́tave /
   ártʰam áśvam ná yā́tave /
   ártʰam áśvaṃ ná yā́tave /

Halfverse: c    kakṣī́vantaṃ yádī púnā rátʰaṃ ná kr̥ṇutʰó návam //
   kakṣī́vantaṃ yádī púnā
   kakṣī́vantam yádi+ púnar
   kakṣī́vantaṃ yádī púnā

Halfverse: d    rátʰaṃ ná kr̥ṇutʰó návam //
   rátʰam ná kr̥ṇutʰáḥ návam //
   rátʰaṃ ná kr̥ṇutʰó návam //


Verse: 2 
Halfverse: a    tyáṃ cid áśvaṃ ná vājínam areṇávo yám átnata /
   tyáṃ cid áśvaṃ ná vājínam
   tyám cit áśvam ná vājínam
   tyáṃ cid áśvaṃ ná vājínam

Halfverse: b    areṇávo yám átnata /
   areṇávaḥ yám átnata /
   areṇávo yám átnata /

Halfverse: c    dr̥ḷʰáṃ grantʰíṃ ná ví ṣyatam átriṃ yáviṣṭʰam ā́ rájaḥ //
   dr̥ḷʰáṃ grantʰíṃ ná ví ṣyatam
   dr̥ḷʰám grantʰím ná ví syatam
   dr̥ḷʰáṃ grantʰíṃ ná ví ṣyatam

Halfverse: d    átriṃ yáviṣṭʰam ā́ rájaḥ //
   átrim yáviṣṭʰam ā́ rájaḥ //
   átriṃ yáviṣṭʰam ā́ rájaḥ //


Verse: 3 
Halfverse: a    nárā dáṃsiṣṭʰāv \!\ átraye śúbʰrā síṣāsataṃ dʰíyaḥ /
   nárā dáṃsiṣṭʰāv \!\ átraye
   nárā dáṃsiṣṭʰau átraye
   nárā dáṃsiṣṭʰāv átraye

Halfverse: b    śúbʰrā síṣāsataṃ dʰíyaḥ /
   śúbʰrā síṣāsatam dʰíyaḥ /
   śúbʰrā síṣāsataṃ dʰíyaḥ /

Halfverse: c    átʰā hí vāṃ divó narā púna stómo ná viśáse //
   átʰā hí vāṃ divó narā
   átʰa+ hí vām diváḥ narā
   átʰā hí vāṃ divó narā

Halfverse: d    púna stómo ná viśáse //
   púnar stómaḥ ná viśáse //
   púna stómo ná viśáse //


Verse: 4 
Halfverse: a    cité tád vāṃ surādʰasā rātíḥ sumatír aśvinā /
   cité tád vāṃ surādʰasā
   cité tát vām surādʰasā
   cité tád vāṃ surādʰasā

Halfverse: b    rātíḥ sumatír aśvinā /
   rātíḥ sumatíḥ aśvinā /
   rātíḥ sumatír aśvinā /

Halfverse: c    ā́ yán naḥ sádane pr̥tʰaú sámane párṣatʰo narā //
   ā́ yán naḥ sádane pr̥tʰaú
   ā́ yát naḥ sádane pr̥tʰaú
   ā́ yán naḥ sádane pr̥tʰaú

Halfverse: d    sámane párṣatʰo narā //
   sámane párṣatʰaḥ narā //
   sámane párṣatʰo narā //


Verse: 5 
Halfverse: a    yuvám bʰujyúṃ samudrá ā́ rájasaḥ pārá īṅkʰitám /
   yuvám bʰujyúṃ samudrá ā́
   yuvám bʰujyúm samudré ā́
   yuvám bʰujyúṃ samudrá ā́

Halfverse: b    rájasaḥ pārá īṅkʰitám /
   rájasaḥ pāré īṅkʰitám /
   rájasaḥ pārá īṅkʰitám /

Halfverse: c    yātám ácʰā patatríbʰir nā́satyā sātáye kr̥tam //
   yātám ácʰā patatríbʰir
   yātám ácʰa+ patatríbʰiḥ
   yātám ácʰā patatríbʰir

Halfverse: d    nā́satyā sātáye kr̥tam //
   nā́satyā sātáye kr̥tam //
   nā́satyā sātáye kr̥tam //


Verse: 6 
Halfverse: a    ā́ vāṃ sumnaíḥ śaṃyū́ iva máṃhiṣṭʰā víśvavedasā /
   ā́ vāṃ sumnaíḥ śaṃyū́ \!\ iva
   ā́ vām sumnaíḥ śaṃyū́ iva
   ā́ vāṃ sumnaíḥ śaṃyū́ iva

Halfverse: b    máṃhiṣṭʰā víśvavedasā /
   máṃhiṣṭʰā víśvavedasā /
   máṃhiṣṭʰā víśvavedasā /

Halfverse: c    sám asmé bʰūṣataṃ narótsaṃ ná pipyúṣīr íṣaḥ //
   sám asmé bʰūṣataṃ narā_
   sám asmé bʰūṣatam narā
   sám asmé bʰūṣataṃ narā

Halfverse: d    _útsaṃ ná pipyúṣīr íṣaḥ //
   útsam ná pipyúṣīḥ íṣaḥ //
   útsaṃ ná pipyúṣīr íṣaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.