TITUS
Rg-Veda: Rg-Veda-Samhita
Part No. 981
Previous part

Hymn: 144_(970) 
Verse: 1 
Halfverse: a    ayáṃ hí te ámartya índur átyo ná pátyate /
   ayáṃ hí te ámartya
   ayám hí te ámartyaḥ
   ayáṃ hí te ámartiya

Halfverse: b    índur átyo ná pátyate /
   índuḥ átyaḥ ná pátyate /
   índur átyo ná pátyate /

Halfverse: c    dákṣo viśvā́yur vedʰáse //
   dákṣo viśvā́yur vedʰáse //
   dákṣaḥ viśvā́yuḥ vedʰáse //
   dákṣo viśvā́yur vedʰáse //


Verse: 2 
Halfverse: a    ayám asmā́su kā́vya r̥bʰúr vájro dā́svate /
   ayám asmā́su kā́vya
   ayám asmā́su kā́vyaḥ
   ayám asmā́su kā́viya

Halfverse: b    r̥bʰúr vájro dā́svate /
   r̥bʰúḥ vájraḥ dā́svate /
   r̥bʰúr vájro dâásvate /

Halfverse: c    ayám bibʰarty ūrdʰvákr̥śanam mádam r̥bʰúr ná kŕ̥tvyam mádam //
   ayám bibʰarty ūrdʰvákr̥śanam mádam
   ayám bibʰarti ūrdʰvákr̥śanam mádam
   ayám bibʰarti ūrdʰvákr̥śanam mádam

Halfverse: d    r̥bʰúr ná kŕ̥tvyam mádam //
   r̥bʰúḥ ná kŕ̥tvyam mádam //
   r̥bʰúr ná kŕ̥tviyam mádam //


Verse: 3 
Halfverse: a    gʰŕ̥ṣuḥ śyenā́ya kŕ̥tvana āsú svā́su váṃsagaḥ /
   gʰŕ̥ṣuḥ śyenā́ya kŕ̥tvana
   gʰŕ̥ṣuḥ śyenā́ya kŕ̥tvane
   gʰŕ̥ṣuḥ śyenā́ya kŕ̥tvana

Halfverse: b    āsú svā́su váṃsagaḥ /
   āsú svā́su váṃsagaḥ /
   āsú suā́su váṃsagaḥ /

Halfverse: c    áva dīdʰed ahīśúvaḥ //
   áva dīdʰed ahīśúvaḥ //
   áva dīdʰet ahīśúvaḥ //
   áva dīdʰed ahīśúvaḥ //


Verse: 4 
Halfverse: a    yáṃ suparṇáḥ parāvátaḥ śyenásya putrá ā́bʰarat /
   yáṃ suparṇáḥ parāvátaḥ
   yám suparṇáḥ parāvátaḥ
   yáṃ suparṇáḥ parāvátaḥ

Halfverse: b    śyenásya putrá ā́bʰarat /
   śyenásya putráḥ ā́ ábʰarat /
   śyenásya putrá ā́bʰarat /

Halfverse: c    śatácakraṃ yò 'hyò vartaníḥ //
   śatácakraṃ yò 'hyò vartaníḥ //
   śatácakram yáḥ ahyàḥ vartaníḥ //
   śatácakraṃ yò 'hyò vartaníḥ //


Verse: 5 
Halfverse: a    yáṃ te śyenáś cā́rum avr̥kám padā́bʰarad aruṇám mānám ándʰasaḥ /
   yáṃ te śyenáś cā́rum avr̥kám padā́bʰarad
   yám te śyenáḥ cā́rum avr̥kám padā́ ā́ ábʰarat
   yáṃ te śyenáś cā́rum avr̥kám padā́ ā́bʰarad

Halfverse: b    aruṇám mānám ándʰasaḥ /
   aruṇám mānám ándʰasaḥ /
   aruṇám mānám ándʰasaḥ /

Halfverse: c    enā́ váyo ví tāry ā́yur jīvása enā́ jāgāra bandʰútā //
   enā́ váyo ví tāry ā́yur jīvása
   enā́ váyaḥ ví tāri ā́yuḥ jīváse
   enā́ váyo ví tāri ā́yu ՙ jīvása

Halfverse: d    enā́ jāgāra bandʰútā //
   enā́ jāgāra bandʰútā //
   enā́ jāgāra bandʰútā //


Verse: 6 
Halfverse: a    evā́ tád índra índunā devéṣu cid dʰārayāte máhi tyájaḥ /
   evā́ tád índra índunā
   evá+ tát índraḥ índunā
   evā́ tád índra índunā

Halfverse: b    devéṣu cid dʰārayāte máhi tyájaḥ /
   devéṣu cit dʰārayāte máhi tyájaḥ /
   devéṣu cid dʰārayāte máhi tyájaḥ /

Halfverse: c    krátvā váyo ví tāry ā́yuḥ sukrato krátvāyám asmád ā́ sutáḥ //
   krátvā váyo ví tāry ā́yuḥ sukrato
   krátvā váyaḥ ví tāri ā́yuḥ sukrato
   krátvā váyo ví tāri ā́yu ՙ sukrato

Halfverse: d    krátvāyám asmád ā́ sutáḥ //
   krátvā ayám asmát ā́ sutáḥ //
   krátvāyám asmád ā́ sutáḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.