TITUS
Rg-Veda: Rg-Veda-Samhita
Part No. 982
Previous part

Hymn: 145_(971) 
Verse: 1 
Halfverse: a    imā́ṃ kʰanāmy óṣadʰiṃ vīrúdʰam bálavattamām /
   imā́ṃ kʰanāmy óṣadʰiṃ
   imā́m kʰanāmi óṣadʰim
   imā́ṃ kʰanāmi óṣadʰiṃ

Halfverse: b    vīrúdʰam bálavattamām /
   vīrúdʰam bálavattamām /
   vīrúdʰam bálavattamām /

Halfverse: c    yáyā sapátnīm bā́dʰate yáyā saṃvindáte pátim //
   yáyā sapátnīm bā́dʰate
   yáyā sapátnīm bā́dʰate
   yáyā sapátnīm bā́dʰate

Halfverse: d    yáyā saṃvindáte pátim //
   yáyā saṃvindáte pátim //
   yáyā saṃvindáte pátim //


Verse: 2 
Halfverse: a    úttānaparṇe súbʰage dévajūte sáhasvati /
   úttānaparṇe súbʰage
   úttānaparṇe súbʰage
   úttānaparṇe súbʰage

Halfverse: b    dévajūte sáhasvati /
   dévajūte sáhasvati /
   dévajūte sáhasvati /

Halfverse: c    sapátnīm me párā dʰama pátim me kévalaṃ kuru //
   sapátnīm me párā dʰama
   sapátnīm me párā dʰama
   sapátnīm me párā dʰama

Halfverse: d    pátim me kévalaṃ kuru //
   pátim me kévalam kuru //
   pátim me kévalaṃ kuru //


Verse: 3 
Halfverse: a    úttarāhám uttara úttaréd úttarābʰyaḥ /
   úttarāhám uttara
   úttarā ahám uttare
   úttarā ahám uttara

Halfverse: b    úttaréd úttarābʰyaḥ /
   úttarā ít úttarābʰyaḥ /
   úttarā íd úttarābʰyaḥ /

Halfverse: c    átʰā sapátnī yā́ mámā́dʰarā sā́dʰarābʰyaḥ //
   átʰā sapátnī yā́ máma_
   átʰa+ sapátnī yā́ máma
   átʰā sapátnī yā́ máma

Halfverse: d    _ádʰarā sā́dʰarābʰyaḥ //
   ádʰarā sā́ ádʰarābʰyaḥ //
   ádʰarā sā́dʰarābʰiyaḥ //


Verse: 4 
Halfverse: a    nahy àsyā nā́ma gr̥bʰṇā́mi nó asmín ramate jáne /
   nahy àsyā nā́ma gr̥bʰṇā́mi
   nahí asya+ nā́ma gr̥bʰṇā́mi
   nahy àsyā nā́ma gr̥bʰṇā́mi

Halfverse: b    nó asmín ramate jáne /
   ná u asmín ramate jáne /
   nó asmín ramate jáne /

Halfverse: c    párām evá parāvátaṃ sapátnīṃ gamayāmasi //
   párām evá parāvátaṃ
   párām evá parāvátam
   párām evá parāvátaṃ

Halfverse: d    sapátnīṃ gamayāmasi //
   sapátnīm gamayāmasi //
   sapátnīṃ gamayāmasi //


Verse: 5 
Halfverse: a    ahám asmi sáhamānā́tʰa tvám asi sāsahíḥ /
   ahám asmi sáhamānā_
   ahám asmi sáhamānā
   ahám asmi sáhamānā

Halfverse: b    _átʰa tvám asi sāsahíḥ /
   átʰa tvám asi sāsahíḥ /
   átʰa tvám asi sāsahíḥ /

Halfverse: c    ubʰé sáhasvatī bʰūtvī́ sapátnīm me sahāvahai //
   ubʰé sáhasvatī bʰūtvī́
   ubʰé sáhasvatī bʰūtvī́
   ubʰé sáhasvatī bʰūtvī́

Halfverse: d    sapátnīm me sahāvahai //
   sapátnīm me sahāvahai //
   sapátnīm me sahāvahai //


Verse: 6 
Halfverse: a    úpa te 'dʰāṃ sáhamānām abʰí tvādʰāṃ sáhīyasā /
   úpa te 'dʰāṃ sáhamānām
   úpa te adʰām sáhamānām
   úpa te 'dʰāṃ sáhamānām

Halfverse: b    abʰí tvādʰāṃ sáhīyasā /
   abʰí tvā adʰām sáhīyasā /
   abʰí tvādʰāṃ sáhīyasā /

Halfverse: c    mā́m ánu prá te máno vatsáṃ gaúr iva dʰāvatu patʰā́ vā́r iva dʰāvatu //
   mā́m ánu prá te máno
   mā́m ánu prá te mánaḥ
   mâám ánu prá te máno

Halfverse: d    vatsáṃ gaúr iva dʰāvatu
   vatsám gaúḥ iva dʰāvatu
   vatsáṃ gaúr iva dʰāvatu

Halfverse: e    patʰā́ vā́r iva dʰāvatu //
   patʰā́ vā́r iva dʰāvatu //
   patʰā́ vā́r iva dʰāvatu //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.