TITUS
Rg-Veda: Rg-Veda-Samhita
Part No. 983
Previous part

Hymn: 146_(972) 
Verse: 1 
Halfverse: a    áraṇyāny áraṇyāny asaú yā́ préva náśyasi /
   áraṇyāny áraṇyāny
   áraṇyāni áraṇyāni
   áraṇyāni áraṇyāni

Halfverse: b    asaú yā́ préva náśyasi /
   asaú yā́ prá iva náśyasi /
   asaú yā́ préva náśyasi /

Halfverse: c    katʰā́ grā́maṃ ná pr̥cʰasi ná tvā bʰī́r iva vindatī3m̐ //
   katʰā́ grā́maṃ ná pr̥cʰasi
   katʰā́ grā́mam ná pr̥cʰasi
   katʰā́ grā́maṃ ná pr̥cʰasi

Halfverse: d    ná tvā bʰī́r iva vindatī3m̐ //
   ná tvā bʰī́ḥ iva vindati //
   ná tvā bʰī́r 'va ՙ vindatī3m̐ //


Verse: 2 
Halfverse: a    vr̥ṣāravā́ya vádate yád upā́vati ciccikáḥ /
   vr̥ṣāravā́ya vádate
   vr̥ṣāravā́ya vádate
   vr̥ṣāravā́ya vádate

Halfverse: b    yád upā́vati ciccikáḥ /
   yát upā́vati ciccikáḥ /
   yád upā́vati ciccikáḥ /

Halfverse: c    āgʰāṭíbʰir iva dʰāváyann araṇyānír mahīyate //
   āgʰāṭíbʰir iva dʰāváyann
   āgʰāṭíbʰiḥ iva dʰāváyan
   āgʰāṭíbʰir 'va ՙ dʰāváyann

Halfverse: d    araṇyānír mahīyate //
   araṇyāníḥ mahīyate //
   araṇyānír mahīyate //


Verse: 3 
Halfverse: a    utá gā́va ivādanty utá véśmeva dr̥śyate /
   utá gā́va ivādanty
   utá gā́vaḥ iva adanti
   utá gā́va ivādanti

Halfverse: b    utá véśmeva dr̥śyate /
   utá véśma iva dr̥śyate /
   utá véśmeva dr̥śyate /

Halfverse: c    utó araṇyāníḥ sāyáṃ śakaṭī́r iva sarjati //
   utó araṇyāníḥ sāyáṃ
   utá u araṇyāníḥ sāyám
   utó araṇyāníḥ sāyáṃ

Halfverse: d    śakaṭī́r iva sarjati //
   śakaṭī́ḥ iva sarjati //
   śakaṭī́r iva sarjati //


Verse: 4 
Halfverse: a    gā́m aṅgaíṣá ā́ hvayati dā́rv aṅgaíṣó ápāvadʰīt /
   gā́m aṅgaíṣá ā́ hvayati
   gā́m aṅgá eṣáḥ ā́ hvayati
   gā́m aṅgaíṣá ā́ hvayati

Halfverse: b    dā́rv aṅgaíṣó ápāvadʰīt /
   dā́ru aṅgá eṣáḥ ápa avadʰīt /
   dā́rv aṅgaíṣó ápāvadʰīt /

Halfverse: c    vásann araṇyānyā́ṃ sāyám ákrukṣad íti manyate //
   vásann araṇyānyā́ṃ sāyám
   vásan araṇyānyā́m sāyám
   vásann araṇyānyā́ṃ sāyám

Halfverse: d    ákrukṣad íti manyate //
   ákrukṣat íti manyate //
   ákrukṣad íti manyate //


Verse: 5 
Halfverse: a    ná vā́ araṇyānír hanty anyáś cén nā́bʰigácʰati /
   ná vā́ araṇyānír hanty
   ná vaí araṇyāníḥ hanti
   ná vā́ araṇyānír hanti

Halfverse: b    anyáś cén nā́bʰigácʰati /
   anyáḥ ca ít ná abʰigácʰati /
   anyáś cén nā́bʰigácʰati /

Halfverse: c    svādóḥ pʰálasya jagdʰvā́ya yatʰākā́maṃ ní padyate //
   svādóḥ pʰálasya jagdʰvā́ya
   svādóḥ pʰálasya jagdʰvā́ya
   svādóḥ pʰálasya jagdʰvā́ya

Halfverse: d    yatʰākā́maṃ ní padyate //
   yatʰākā́mam ní padyate //
   yatʰākā́maṃ ní padyate //


Verse: 6 
Halfverse: a    ā́ñjanagandʰiṃ surabʰím bahvannā́m ákr̥ṣīvalām /
   ā́ñjanagandʰiṃ surabʰím
   ā́ñjanagandʰim surabʰím
   ā́ñjanagandʰiṃ surabʰím

Halfverse: b    bahvannā́m ákr̥ṣīvalām /
   bahvannā́m ákr̥ṣīvalām /
   bahvannā́m ákr̥ṣīvalām /

Halfverse: c    prā́hám mr̥gā́ṇām mātáram araṇyāním aśaṃsiṣam //
   prā́hám mr̥gā́ṇām mātáram
   prá ahám mr̥gā́ṇām mātáram
   prā́hám mr̥gā́ṇām mātáram

Halfverse: d    araṇyāním aśaṃsiṣam //
   araṇyāním aśaṃsiṣam //
   araṇyāním aśaṃsiṣam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.