TITUS
Rg-Veda: Rg-Veda-Samhita
Part No. 984
Previous part

Hymn: 147_(973) 
Verse: 1 
Halfverse: a    śrát te dadʰāmi pratʰamā́ya manyávé 'han yád vr̥tráṃ náryaṃ vivér apáḥ /
   śrát te dadʰāmi pratʰamā́ya manyávé
   śrát te dadʰāmi pratʰamā́ya manyáve
   śrát te dadʰāmi pratʰamā́ya manyáve

Halfverse: b    'han yád vr̥tráṃ náryaṃ vivér apáḥ /
   áhan yát vr̥trám náryam vivéḥ apáḥ /
   áhan yád vr̥tráṃ náriyaṃ vivér apáḥ /

Halfverse: c    ubʰé yát tvā bʰávato ródasī ánu réjate śúṣmāt pr̥tʰivī́ cid adrivaḥ //
   ubʰé yát tvā bʰávato ródasī ánu
   ubʰé yát tvā bʰávataḥ ródasī ánu
   ubʰé yát tvā bʰávato ródasī ánu

Halfverse: d    réjate śúṣmāt pr̥tʰivī́ cid adrivaḥ //
   réjate śúṣmāt pr̥tʰivī́ cit adrivaḥ //
   réjate śúṣmāt pr̥tʰivī́ cid adrivaḥ //


Verse: 2 
Halfverse: a    tvám māyā́bʰir anavadya māyínaṃ śravasyatā́ mánasā vr̥trám ardayaḥ /
   tvám māyā́bʰir anavadya māyínaṃ
   tvám māyā́bʰiḥ anavadya māyínam
   tuvám māyā́bʰir anavadya māyínaṃ

Halfverse: b    śravasyatā́ mánasā vr̥trám ardayaḥ /
   śravasyatā́ mánasā vr̥trám ardayaḥ /
   śravasyatā́ mánasā vr̥trám ardayaḥ /

Halfverse: c    tvā́m ín náro vr̥ṇate gáviṣṭiṣu tvā́ṃ víśvāsu hávyāsv íṣṭiṣu //
   tvā́m ín náro vr̥ṇate gáviṣṭiṣu
   tvā́m \!\ ít náraḥ vr̥ṇate gáviṣṭiṣu
   tuvā́m ín náro vr̥ṇate gáviṣṭiṣu

Halfverse: d    tvā́ṃ víśvāsu hávyāsv íṣṭiṣu //
   tvā́m víśvāsu hávyāsu íṣṭiṣu //
   tuvā́ṃ víśvāsu háviyāsu íṣṭiṣu //


Verse: 3 
Halfverse: a    aíṣu cākandʰi puruhūta sūríṣu vr̥dʰā́so yé magʰavann ānaśúr magʰám /
   aíṣu cākandʰi puruhūta sūríṣu
   ā́ eṣu cākandʰi puruhūta sūríṣu
   aíṣu cākandʰi puruhūta sūríṣu

Halfverse: b    vr̥dʰā́so yé magʰavann ānaśúr magʰám /
   vr̥dʰā́saḥ yé magʰavan ānaśúḥ magʰám /
   vr̥dʰā́so yé magʰavann ānaśúr magʰám /

Halfverse: c    árcanti toké tánaye páriṣṭiṣu medʰásātā vājínam áhraye dʰáne //
   árcanti toké tánaye páriṣṭiṣu
   árcanti toké tánaye páriṣṭiṣu
   árcanti toké tánaye páriṣṭiṣu

Halfverse: d    medʰásātā vājínam áhraye dʰáne //
   medʰásātā vājínam áhraye dʰáne //
   medʰásātā vājínam áhraye dʰáne //


Verse: 4 
Halfverse: a    sá ín nú rāyáḥ súbʰr̥tasya cākanan mádaṃ yó asya ráṃhyaṃ cíketati /
   sá ín nú rāyáḥ súbʰr̥tasya cākanan
   sáḥ \!\ ít nú rāyáḥ súbʰr̥tasya cākanat
   sá ín nú rāyáḥ súbʰr̥tasya cākanan

Halfverse: b    mádaṃ yó asya ráṃhyaṃ cíketati /
   mádam yáḥ asya ráṃhyam cíketati /
   mádaṃ yó asya ráṃhiyaṃ cíketati /

Halfverse: c    tvā́vr̥dʰo magʰavan dāśvàdʰvaro makṣū́ sá vā́jam bʰarate dʰánā nŕ̥bʰiḥ //
   tvā́vr̥dʰo magʰavan dāśvàdʰvaro
   tvā́vr̥dʰaḥ magʰavan dāśvàdʰvaraḥ
   tuvā́vr̥dʰo magʰavan dāśúadʰvaro

Halfverse: d    makṣū́ sá vā́jam bʰarate dʰánā nŕ̥bʰiḥ //
   makṣú+ sá vā́jam bʰarate dʰánā nŕ̥bʰiḥ //
   makṣū́ sá vā́jam bʰarate dʰánā nŕ̥bʰiḥ //


Verse: 5 
Halfverse: a    tváṃ śárdʰāya mahinā́ gr̥ṇāná urú kr̥dʰi magʰavañ cʰagdʰí rāyáḥ /
   tváṃ śárdʰāya mahinā́ gr̥ṇāná
   tvám śárdʰāya mahinā́ gr̥ṇānáḥ
   tuváṃ śárdʰāya mahinā́ gr̥ṇāná

Halfverse: b    urú kr̥dʰi magʰavañ cʰagdʰí rāyáḥ /
   urú kr̥dʰi magʰavan śagdʰí rāyáḥ /
   urú kr̥dʰi magʰavañ cʰagdʰí rāyáḥ /

Halfverse: c    tváṃ no mitró váruṇo ná māyī́ pitvó ná dasma dayase vibʰaktā́ //
   tváṃ no mitró váruṇo ná māyī́
   tvám naḥ mitráḥ váruṇaḥ ná māyī́
   tuváṃ no mitró váruṇo ná māyī́

Halfverse: d    pitvó ná dasma dayase vibʰaktā́ //
   pitváḥ ná dasma dayase vibʰaktā́ //
   pitvó ná dasma dayase vibʰaktā́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.