TITUS
Rg-Veda: Rg-Veda-Samhita
Part No. 986
Previous part

Hymn: 149_(975) 
Verse: 1 
Halfverse: a    savitā́ yantraíḥ pr̥tʰivī́m aramṇād askambʰané savitā́ dyā́m adr̥ṃhat /
   savitā́ yantraíḥ pr̥tʰivī́m aramṇād
   savitā́ yantraíḥ pr̥tʰivī́m aramṇāt
   savitā́ yantraíḥ pr̥tʰivī́m aramṇād

Halfverse: b    askambʰané savitā́ dyā́m adr̥ṃhat /
   askambʰané savitā́ dyā́m adr̥ṃhat /
   askambʰané savitā́ dyā́m adr̥ṃhat /

Halfverse: c    áśvam ivādʰukṣad dʰúnim antárikṣam atū́rte baddʰáṃ savitā́ samudrám //
   áśvam ivādʰukṣad dʰúnim antárikṣam
   áśvam iva adʰukṣat dʰúnim antárikṣam
   áśvam 'vādʰukṣad ՙ dʰúnim antárikṣam

Halfverse: d    atū́rte baddʰáṃ savitā́ samudrám //
   atū́rte baddʰám savitā́ samudrám //
   atū́rte baddʰáṃ savitā́ samudrám //


Verse: 2 
Halfverse: a    yátrā samudrá skabʰitó vy aúnad ápāṃ napāt savitā́ tásya veda /
   yátrā samudrá skabʰitó vy aúnad
   yátra+ samudráḥ skabʰitáḥ ví aúnat
   yátrā samudrá skabʰitó ví aúnad

Halfverse: b    ápāṃ napāt savitā́ tásya veda /
   ápām napāt savitā́ tásya veda /
   ápāṃ napāt savitā́ tásya veda /

Halfverse: c    áto bʰū́r áta ā úttʰitaṃ rájó 'to dyā́vāpr̥tʰivī́ apratʰetām //
   áto bʰū́r áta ā úttʰitaṃ rájó
   átaḥ bʰū́ḥ átaḥ āḥ úttʰitam rájaḥ
   áto bʰū́r áta ā úttʰitaṃ rájo

Halfverse: d    'to dyā́vāpr̥tʰivī́ apratʰetām //
   átaḥ dyā́vāpr̥tʰivī́ apratʰetām //
   áto dyā́vāpr̥tʰivī́ apratʰetām //


Verse: 3 
Halfverse: a    paścédám anyád abʰavad yájatram ámartyasya bʰúvanasya bʰūnā́ /
   paścédám anyád abʰavad yájatram
   paścā́ idám anyát abʰavat yájatram
   paścédám anyád abʰavad yájatram

Halfverse: b    ámartyasya bʰúvanasya bʰūnā́ /
   ámartyasya bʰúvanasya bʰūnā́ /
   ámartiyasya bʰúvanasya bʰūnā́ /

Halfverse: c    suparṇó aṅgá savitúr garútmān pū́rvo jātáḥ sá u asyā́nu dʰárma //
   suparṇó aṅgá savitúr garútmān
   suparṇáḥ aṅgá savitúḥ garútmān
   suparṇó aṅgá savitúr garútmān

Halfverse: d    pū́rvo jātáḥ sá u asyā́nu dʰárma //
   pū́rvaḥ jātáḥ sáḥ \!\ u asya ánu dʰárma //
   pū́rvo jātáḥ sá u asyā́nu dʰárma //


Verse: 4 
Halfverse: a    gā́va iva grā́maṃ yū́yudʰir ivā́śvān vāśréva vatsáṃ sumánā dúhānā /
   gā́va iva grā́maṃ yū́yudʰir ivā́śvān
   gā́vaḥ iva grā́mam yū́yudʰiḥ iva áśvān
   gā́va 'va ՙ grā́maṃ yū́yudʰir 'va ՙ áśvān

Halfverse: b    vāśréva vatsáṃ sumánā dúhānā /
   vāśrā́ iva vatsám sumánāḥ dúhānā /
   vāśréva vatsáṃ sumánā dúhānā /

Halfverse: c    pátir iva jāyā́m abʰí no ny ètu dʰartā́ diváḥ savitā́ viśvávāraḥ //
   pátir iva jāyā́m abʰí no ny ètu
   pátiḥ iva jāyā́m abʰí naḥ ní etu
   pátir 'va ՙ jāyā́m abʰí no ní etu

Halfverse: d    dʰartā́ diváḥ savitā́ viśvávāraḥ //
   dʰartā́ diváḥ savitā́ viśvávāraḥ //
   dʰartā́ diváḥ savitā́ viśvávāraḥ //


Verse: 5 
Halfverse: a    híraṇyastūpaḥ savitar yátʰā tvāṅgirasó juhvé vā́je asmín /
   híraṇyastūpaḥ savitar yátʰā tvā_
   híraṇyastūpaḥ savitar yátʰā tvā
   híraṇyastūpaḥ savitar yátʰā tvā

Halfverse: b    _āṅgirasó juhvé vā́je asmín /
   āṅgirasáḥ juhvé vā́je asmín /
   āṅgirasó juhuvé vā́je asmín /

Halfverse: c    evā́ tvā́rcann ávase vándamānaḥ sómasyevām̐śúm práti jāgarāhám //
   evā́ tvā́rcann ávase vándamānaḥ
   evá+ tvā árcan ávase vándamānaḥ
   evā́ tvā́rcann ávase vándamānaḥ

Halfverse: d    sómasyevām̐śúm práti jāgarāhám //
   sómasya iva aṃśúm práti jāgara ahám //
   sómasyevāṃśúm práti jāgarāhám //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.