TITUS
Rg-Veda: Rg-Veda-Samhita
Part No. 987
Previous part

Hymn: 150_(976) 
Verse: 1 
Halfverse: a    sámiddʰaś cit sám idʰyase devébʰyo havyavāhana /
   sámiddʰaś cit sám idʰyase
   sámiddʰaḥ cit sám idʰyase
   sámiddʰaś cit sám idʰyase

Halfverse: b    devébʰyo havyavāhana /
   devébʰyaḥ havyavāhana /
   devébʰyo havyavāhana /

Halfverse: c    ādityaí rudraír vásubʰir na ā́ gahi mr̥ḷīkā́ya na ā́ gahi //
   ādityaí rudraír vásubʰir na ā́ gahi
   ādityaíḥ rudraíḥ vásubʰiḥ naḥ ā́ gahi
   ādityaí rudraír vásubʰir na ā́ gahi

Halfverse: d    mr̥ḷīkā́ya na ā́ gahi //
   mr̥ḷīkā́ya naḥ ā́ gahi //
   mr̥ḷīkā́ya na ā́ gahi //


Verse: 2 
Halfverse: a    imáṃ yajñám idáṃ váco jujuṣāṇá upā́gahi /
   imáṃ yajñám idáṃ váco
   imám yajñám idám vácaḥ
   imáṃ yajñám idáṃ váco

Halfverse: b    jujuṣāṇá upā́gahi /
   jujuṣāṇáḥ upā́gahi /
   jujuṣāṇá upā́gahi /

Halfverse: c    mártāsas tvā samidʰāna havāmahe mr̥ḷīkā́ya havāmahe //
   mártāsas tvā samidʰāna havāmahe
   mártāsaḥ tvā samidʰāna havāmahe
   mártāsas tvā samidʰāna havāmahe

Halfverse: d    mr̥ḷīkā́ya havāmahe //
   mr̥ḷīkā́ya havāmahe //
   mr̥ḷīkā́ya havāmahe //


Verse: 3 
Halfverse: a    tvā́m u jātávedasaṃ viśvávāraṃ gr̥ṇe dʰiyā́ /
   tvā́m u jātávedasaṃ
   tvā́m u jātávedasam
   tuvā́m u jātávedasaṃ

Halfverse: b    viśvávāraṃ gr̥ṇe dʰiyā́ /
   viśvávāram gr̥ṇe dʰiyā́ /
   viśvávāraṃ gr̥ṇe dʰiyā́ /

Halfverse: c    ágne devā́m̐ ā́ vaha naḥ priyávratān mr̥ḷīkā́ya priyávratān //
   ágne devā́m̐ ā́ vaha naḥ priyávratān
   ágne devā́n ā́ vaha naḥ priyávratān
   ágne devā́m̐ ā́ vaha naḥ priyávratān

Halfverse: d    mr̥ḷīkā́ya priyávratān //
   mr̥ḷīkā́ya priyávratān //
   mr̥ḷīkā́ya priyávratān //


Verse: 4 
Halfverse: a    agnír devó devā́nām abʰavat puróhito 'gním manuṣyā̀ ŕ̥ṣayaḥ sám īdʰire /
   agnír devó devā́nām abʰavat puróhito
   agníḥ deváḥ devā́nām abʰavat puróhitaḥ
   agnír devó devā́nām abʰavat puróhito

Halfverse: b    'gním manuṣyā̀ ŕ̥ṣayaḥ sám īdʰire /
   agním manuṣyā̀ḥ ŕ̥ṣayaḥ sám īdʰire /
   agním manuṣyā̀ ŕ̥ṣayaḥ sám īdʰire /

Halfverse: c    agním mahó dʰánasātāv aháṃ huve mr̥ḷīkáṃ dʰánasātaye //
   agním mahó dʰánasātāv aháṃ huve
   agním maháḥ dʰánasātau ahám huve
   agním mahó dʰánasātāv aháṃ huve

Halfverse: d    mr̥ḷīkáṃ dʰánasātaye //
   mr̥ḷīkám dʰánasātaye //
   mr̥ḷīkáṃ dʰánasātaye //


Verse: 5 
Halfverse: a    agnír átrim bʰarádvājaṃ gáviṣṭʰiram prā́van naḥ káṇvaṃ trasádasyum āhavé /
   agnír átrim bʰarádvājaṃ gáviṣṭʰiram
   agníḥ átrim bʰarádvājam gáviṣṭʰiram
   agnír átrim bʰarádvājaṃ gáviṣṭʰiram

Halfverse: b    prā́van naḥ káṇvaṃ trasádasyum āhavé /
   prá āvat naḥ káṇvam trasádasyum āhavé /
   prā́van naḥ káṇvaṃ trasádasyum āhavé /

Halfverse: c    agníṃ vásiṣṭʰo havate puróhito mr̥ḷīkā́ya puróhitaḥ //
   agníṃ vásiṣṭʰo havate puróhito
   agním vásiṣṭʰaḥ havate puróhitaḥ
   agníṃ vásiṣṭʰo havate puróhito

Halfverse: d    mr̥ḷīkā́ya puróhitaḥ //
   mr̥ḷīkā́ya puróhitaḥ //
   mr̥ḷīkā́ya puróhitaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.