TITUS
Rg-Veda: Rg-Veda-Samhita
Part No. 988
Previous part

Hymn: 151_(977) 
Verse: 1 
Halfverse: a    śraddʰáyāgníḥ sám idʰyate śraddʰáyā hūyate havíḥ /
   śraddʰáyāgníḥ sám idʰyate
   śraddʰáyā agníḥ sám idʰyate
   śraddʰáyāgníḥ sám idʰyate

Halfverse: b    śraddʰáyā hūyate havíḥ /
   śraddʰáyā hūyate havíḥ /
   śraddʰáyā hūyate havíḥ /

Halfverse: c    śraddʰā́m bʰágasya mūrdʰáni vácasā́ vedayāmasi //
   śraddʰā́m bʰágasya mūrdʰáni
   śraddʰā́m bʰágasya mūrdʰáni
   śraddʰā́m bʰágasya mūrdʰáni

Halfverse: d    vácasā́ vedayāmasi //
   vácasā ā́ vedayāmasi //
   vácasā́ vedayāmasi //


Verse: 2 
Halfverse: a    priyáṃ śraddʰe dádataḥ priyáṃ śraddʰe dídāsataḥ /
   priyáṃ śraddʰe dádataḥ
   priyám śraddʰe dádataḥ
   priyáṃ śraddʰe dádataḥ

Halfverse: b    priyáṃ śraddʰe dídāsataḥ /
   priyám śraddʰe dídāsataḥ /
   priyáṃ śraddʰe dídāsataḥ /

Halfverse: c    priyám bʰojéṣu yájvasv idám ma uditáṃ kr̥dʰi //
   priyám bʰojéṣu yájvasv
   priyám bʰojéṣu yájvasu
   priyám bʰojéṣu yájvasu

Halfverse: d    idám ma uditáṃ kr̥dʰi //
   idám me uditám kr̥dʰi //
   idám ma uditáṃ kr̥dʰi //


Verse: 3 
Halfverse: a    yátʰā devā́ ásureṣu śraddʰā́m ugréṣu cakriré /
   yátʰā devā́ ásureṣu
   yátʰā devā́ḥ ásureṣu
   yátʰā devā́ ásureṣu

Halfverse: b    śraddʰā́m ugréṣu cakriré /
   śraddʰā́m ugréṣu cakriré /
   śraddʰā́m ugréṣu cakriré /

Halfverse: c    evám bʰojéṣu yájvasv asmā́kam uditáṃ kr̥dʰi //
   evám bʰojéṣu yájvasv
   evám bʰojéṣu yájvasu
   evám bʰojéṣu yájvasu

Halfverse: d    asmā́kam uditáṃ kr̥dʰi //
   asmā́kam uditám kr̥dʰi //
   asmā́kam uditáṃ kr̥dʰi //


Verse: 4 
Halfverse: a    śraddʰā́ṃ devā́ yájamānā vāyúgopā úpāsate /
   śraddʰā́ṃ devā́ yájamānā
   śraddʰā́m devā́ḥ yájamānāḥ
   śraddʰā́ṃ devā́ yájamānā

Halfverse: b    vāyúgopā úpāsate /
   vāyúgopāḥ úpa āsate /
   vāyúgopā úpāsate /

Halfverse: c    śraddʰā́ṃ hr̥dayyàyā́kūtyā śraddʰáyā vindate vásu //
   śraddʰā́ṃ hr̥dayyàyā́kūtyā
   śraddʰā́m hr̥dayyàyā ā́kūtyā
   śraddʰā́ṃ hr̥dayyàyā́kūtyā

Halfverse: d    śraddʰáyā vindate vásu //
   śraddʰáyā vindate vásu //
   śraddʰáyā vindate vásu //


Verse: 5 
Halfverse: a    śraddʰā́m prātár havāmahe śraddʰā́m madʰyáṃdinam pári /
   śraddʰā́m prātár havāmahe
   śraddʰā́m prātár havāmahe
   śraddʰā́m prātár havāmahe

Halfverse: b    śraddʰā́m madʰyáṃdinam pári /
   śraddʰā́m madʰyáṃdinam pári /
   śraddʰā́m madʰyáṃdinam pári /

Halfverse: c    śraddʰā́ṃ sū́ryasya nimrúci śráddʰe śrád dʰāpayehá naḥ //
   śraddʰā́ṃ sū́ryasya nimrúci
   śraddʰā́m sū́ryasya nimrúci
   śraddʰā́ṃ sū́ryasya nimrúci

Halfverse: d    śráddʰe śrád dʰāpayehá naḥ //
   śráddʰe śrát dʰāpaya ihá naḥ //
   śráddʰe śrád dʰāpayehá naḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.