TITUS
Rg-Veda: Rg-Veda-Samhita
Part No. 989
Previous part

Hymn: 152_(978) 
Verse: 1 
Halfverse: a    śāsá ittʰā́ mahā́m̐ asy amitrakʰādó ádbʰutaḥ /
   śāsá ittʰā́ mahā́m̐ asy
   śāsáḥ ittʰā́ mahā́n asi
   śāsá ittʰā́ mahā́m̐ asi

Halfverse: b    amitrakʰādó ádbʰutaḥ /
   amitrakʰādáḥ ádbʰutaḥ /
   amitrakʰādó ádbʰutaḥ /

Halfverse: c    ná yásya hanyáte sákʰā ná jī́yate kádā caná //
   ná yásya hanyáte sákʰā
   ná yásya hanyáte sákʰā
   ná yásya hanyáte sákʰā

Halfverse: d    ná jī́yate kádā caná //
   ná jī́yate kádā caná //
   ná jī́yate kádā caná //


Verse: 2 
Halfverse: a    svastidā́ viśás pátir vr̥trahā́ vimr̥dʰó vaśī́ /
   svastidā́ viśás pátir
   svastidā́ḥ viśáḥ pátiḥ
   suastidā́ viśás pátir

Halfverse: b    vr̥trahā́ vimr̥dʰó vaśī́ /
   vr̥trahā́ vimr̥dʰáḥ vaśī́ /
   vr̥trahā́ vimr̥dʰó vaśī́ /

Halfverse: c    vŕ̥ṣéndraḥ purá etu naḥ somapā́ abʰayaṃkaráḥ //
   vŕ̥ṣéndraḥ purá etu naḥ
   vŕ̥ṣā índraḥ puráḥ etu naḥ
   vŕ̥ṣéndraḥ purá etu naḥ

Halfverse: d    somapā́ abʰayaṃkaráḥ //
   somapā́ḥ abʰayaṃkaráḥ //
   somapā́ abʰayaṃkaráḥ //


Verse: 3 
Halfverse: a    ví rákṣo ví mŕ̥dʰo jahi ví vr̥trásya hánū ruja /
   ví rákṣo ví mŕ̥dʰo jahi
   ví rákṣaḥ ví mŕ̥dʰaḥ jahi
   ví rákṣo ví mŕ̥dʰo jahi

Halfverse: b    ví vr̥trásya hánū ruja /
   ví vr̥trásya hánū ruja /
   ví vr̥trásya hánū ruja /

Halfverse: c    ví manyúm indra vr̥trahann amítrasyābʰidā́sataḥ //
   ví manyúm indra vr̥trahann
   ví manyúm indra vr̥trahan
   ví manyúm indra vr̥trahann

Halfverse: d    amítrasyābʰidā́sataḥ //
   amítrasya abʰidā́sataḥ //
   amítrasyābʰidā́sataḥ //


Verse: 4 
Halfverse: a    ví na indra mŕ̥dʰo jahi nīcā́ yacʰa pr̥tanyatáḥ /
   ví na indra mŕ̥dʰo jahi
   ví naḥ indra mŕ̥dʰaḥ jahi
   ví na indra mŕ̥dʰo jahi

Halfverse: b    nīcā́ yacʰa pr̥tanyatáḥ /
   nīcā́ yacʰa pr̥tanyatáḥ /
   nīcā́ yacʰa pr̥tanyatáḥ /

Halfverse: c    yó asmā́m̐ abʰidā́saty ádʰaraṃ gamayā támaḥ //
   yó asmā́m̐ abʰidā́saty
   yáḥ asmā́n abʰidā́sati
   yó asmā́m̐ abʰidā́sati

Halfverse: d    ádʰaraṃ gamayā támaḥ //
   ádʰaram gamaya+ támaḥ //
   ádʰaraṃ gamayā támaḥ //


Verse: 5 
Halfverse: a    ápendra dviṣató mánó 'pa jíjyāsato vadʰám /
   ápendra dviṣató mánó
   ápa indra dviṣatáḥ mánaḥ
   ápendra dviṣató máno

Halfverse: b    'pa jíjyāsato vadʰám /
   ápa jíjyāsataḥ vadʰám /
   ápa jíjyāsato vadʰám /

Halfverse: c    ví manyóḥ śárma yacʰa várīyo yavayā vadʰám //
   ví manyóḥ śárma yacʰa
   ví manyóḥ śárma yacʰa
   ví manyóḥ śárma yacʰa

Halfverse: d    várīyo yavayā vadʰám //
   várīyaḥ yavaya+ vadʰám //
   várīyo yavayā vadʰám //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.