TITUS
Rg-Veda: Rg-Veda-Samhita
Part No. 996
Previous part

Hymn: 159_(985) 
Verse: 1 
Halfverse: a    úd asaú sū́ryo agād úd ayám māmakó bʰágaḥ /
   úd asaú sū́ryo agād
   út asaú sū́ryaḥ agāt
   úd asaú sū́riyo agād

Halfverse: b    úd ayám māmakó bʰágaḥ /
   út ayám māmakáḥ bʰágaḥ /
   úd ayám māmakó bʰágaḥ /

Halfverse: c    aháṃ tád vidvalā́ pátim abʰy àsākṣi viṣāsahíḥ //
   aháṃ tád vidvalā́ pátim
   ahám tát vidvalā́ pátim
   aháṃ tád vidvalā́ pátim

Halfverse: d    abʰy àsākṣi viṣāsahíḥ //
   abʰí asākṣi viṣāsahíḥ //
   abʰy àsākṣi viṣāsahíḥ //


Verse: 2 
Halfverse: a    aháṃ ketúr ahám mūrdʰā́hám ugrā́ vivā́canī /
   aháṃ ketúr ahám mūrdʰā́_
   ahám ketúḥ ahám mūrdʰā́
   aháṃ ketúr ahám mūrdʰā́

Halfverse: b    _ahám ugrā́ vivā́canī /
   ahám ugrā́ vivā́canī /
   ahám ugrā́ vivā́canī /

Halfverse: c    máméd ánu krátum pátiḥ sehānā́yā upā́caret //
   máméd ánu krátum pátiḥ
   máma ít ánu krátum pátiḥ
   máméd ánu krátum pátiḥ

Halfverse: d    sehānā́yā upā́caret //
   sehānā́yāḥ upā́caret //
   sehānā́yā upā́caret //


Verse: 3 
Halfverse: a    máma putrā́ḥ śatruháṇó 'tʰo me duhitā́ virā́ṭ /
   máma putrā́ḥ śatruháṇó
   máma putrā́ḥ śatruháṇaḥ
   máma putrā́ḥ śatruháṇo

Halfverse: b    'tʰo me duhitā́ virā́ṭ /
   átʰa u me duhitā́ virā́ṭ /
   átʰo me duhitā́ virā́ṭ /

Halfverse: c    utā́hám asmi saṃjayā́ pátyau me ślóka uttamáḥ //
   utā́hám asmi saṃjayā́
   utá ahám asmi saṃjayā́
   utā́hám asmi saṃjayā́

Halfverse: d    pátyau me ślóka uttamáḥ //
   pátyau me ślókaḥ uttamáḥ //
   pátyau me ślóka uttamáḥ //


Verse: 4 
Halfverse: a    yénéndro havíṣā kr̥tvy ábʰavad dyumny ùttamáḥ /
   yénéndro havíṣā kr̥tvy
   yéna índraḥ havíṣā kr̥tvī́
   yénéndro havíṣā kr̥tvī́

Halfverse: b    ábʰavad dyumny ùttamáḥ /
   ábʰavat dyumnī́ uttamáḥ /
   ábʰavad dyumnī́ uttamáḥ /

Halfverse: c    idáṃ tád akri devā asapatnā́ kílābʰuvam //
   idáṃ tád akri devā
   idám tát akri devāḥ
   idáṃ tád akri devā

Halfverse: d    asapatnā́ kílābʰuvam //
   asapatnā́ kíla abʰuvam //
   asapatnā́ kílābʰuvam //


Verse: 5 
Halfverse: a    asapatnā́ sapatnagʰnī́ jáyanty abʰibʰū́varī /
   asapatnā́ sapatnagʰnī́
   asapatnā́ sapatnagʰnī́
   asapatnā́ sapatnagʰnī́

Halfverse: b    jáyanty abʰibʰū́varī /
   jáyantī abʰibʰū́varī /
   jáyanti abʰibʰū́varī /

Halfverse: c    ā́vr̥kṣam anyā́sāṃ várco rā́dʰo ástʰeyasām iva //
   ā́vr̥kṣam anyā́sāṃ várco
   ā́ avr̥kṣam anyā́sām várcaḥ
   ā́vr̥kṣam anyā́sāṃ várco

Halfverse: d    rā́dʰo ástʰeyasām iva //
   rā́dʰaḥ ástʰeyasām iva //
   rā́dʰo ástʰeyasām iva //


Verse: 6 
Halfverse: a    sám ajaiṣam imā́ aháṃ sapátnīr abʰibʰū́varī /
   sám ajaiṣam imā́ aháṃ
   sám ajaiṣam imā́ḥ ahám
   sám ajaiṣam imā́ aháṃ

Halfverse: b    sapátnīr abʰibʰū́varī /
   sapátnīḥ abʰibʰū́varī /
   sapátnīr abʰibʰū́varī /

Halfverse: c    yátʰāhám asyá vīrásya virā́jāni jánasya ca //
   yátʰāhám asyá vīrásya
   yátʰā ahám asyá vīrásya
   yátʰāhám asyá vīrásya

Halfverse: d    virā́jāni jánasya ca //
   virā́jāni jánasya ca //
   virā́jāni jánasya ca //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.