TITUS
Rg-Veda: Rg-Veda-Samhita
Part No. 997
Previous part

Hymn: 160_(986) 
Verse: 1 
Halfverse: a    tīvrásyābʰívayaso asyá pāhi sarvaratʰā́ ví hárī ihá muñca /
   tīvrásyābʰívayaso asyá pāhi
   tīvrásya abʰívayasaḥ asyá pāhi
   tīvrásyābʰívayaso asyá pāhi

Halfverse: b    sarvaratʰā́ ví hárī ihá muñca /
   sarvaratʰā́ ví hárī ihá muñca /
   sarvaratʰā́ ví hárī ihá muñca /

Halfverse: c    índra mā́ tvā yájamānāso anyé ní rīraman túbʰyam imé sutā́saḥ //
   índra mā́ tvā yájamānāso anyé
   índra mā́ tvā yájamānāsaḥ anyé
   índra mā́ tvā yájamānāso anyé

Halfverse: d    ní rīraman túbʰyam imé sutā́saḥ //
   ní rīraman túbʰyam imé sutā́saḥ //
   ní rīraman túbʰyam imé sutā́saḥ //


Verse: 2 
Halfverse: a    túbʰyaṃ sutā́s túbʰyam u sótvāsas tvā́ṃ gíraḥ śvā́tryā ā́ hvayanti /
   túbʰyaṃ sutā́s túbʰyam u sótvāsas
   túbʰyam sutā́ḥ túbʰyam u sótvāsaḥ
   túbʰyaṃ sutā́s túbʰyam u sótuvāsas

Halfverse: b    tvā́ṃ gíraḥ śvā́tryā ā́ hvayanti /
   tvā́m gíraḥ śvā́tryāḥ ā́ hvayanti /
   tuvā́ṃ gíraḥ śvā́triyā ā́ hvayanti /

Halfverse: c    índredám adyá sávanaṃ juṣāṇó víśvasya vidvā́m̐ ihá pāhi sómam //
   índredám adyá sávanaṃ juṣāṇó
   índra idám adyá sávanam juṣāṇáḥ
   índredám adyá sávanaṃ juṣāṇó

Halfverse: d    víśvasya vidvā́m̐ ihá pāhi sómam //
   víśvasya vidvā́n ihá pāhi sómam //
   víśvasya vidvā́m̐ ihá pāhi sómam //


Verse: 3 
Halfverse: a    yá uśatā́ mánasā sómam asmai sarvahr̥dā́ devákāmaḥ sunóti /
   yá uśatā́ mánasā sómam asmai
   yáḥ uśatā́ mánasā sómam asmai
   yá uśatā́ mánasā sómam asmai

Halfverse: b    sarvahr̥dā́ devákāmaḥ sunóti /
   sarvahr̥dā́ devákāmaḥ sunóti /
   sarvahr̥dā́ devákāmaḥ sunóti /

Halfverse: c    ná gā́ índras tásya párā dadāti praśastám íc cā́rum asmai kr̥ṇoti //
   ná gā́ índras tásya párā dadāti
   ná gā́ḥ índraḥ tásya párā dadāti
   ná gā́ índras tásya párā dadāti

Halfverse: d    praśastám íc cā́rum asmai kr̥ṇoti //
   praśastám ít cā́rum asmai kr̥ṇoti //
   praśastám íc cā́rum asmai kr̥ṇoti //


Verse: 4 
Halfverse: a    ánuspaṣṭo bʰavaty eṣó asya yó asmai revā́n ná sunóti sómam /
   ánuspaṣṭo bʰavaty eṣó asya
   ánuspaṣṭaḥ bʰavati eṣáḥ asya
   ánuspaṣṭo bʰavati eṣó asya

Halfverse: b    yó asmai revā́n ná sunóti sómam /
   yáḥ asmai revā́n ná sunóti sómam /
   yó asmai revā́n ná sunóti sómam /

Halfverse: c    nír aratnaú magʰávā táṃ dadʰāti brahmadvíṣo hanty ánānudiṣṭaḥ //
   nír aratnaú magʰávā táṃ dadʰāti
   níḥ aratnaú magʰávā tám dadʰāti
   nír aratnaú magʰávā táṃ dadʰāti

Halfverse: d    brahmadvíṣo hanty ánānudiṣṭaḥ //
   brahmadvíṣaḥ hanti ánānudiṣṭaḥ //
   brahmadvíṣo hanti ánānudiṣṭaḥ //


Verse: 5 
Halfverse: a    aśvāyánto gavyánto vājáyanto hávāmahe tvópagantavā́ u /
   aśvāyánto gavyánto vājáyanto
   aśvāyántaḥ gavyántaḥ vājáyantaḥ
   aśvāyánto gavyánto vājáyanto

Halfverse: b    hávāmahe tvópagantavā́ u /
   hávāmahe tvā úpagantavaí u /
   hávāmahe tvā úpagantavā́ u /

Halfverse: c    ābʰū́ṣantas te sumataú návāyāṃ vayám indra tvā śunáṃ huvema //
   ābʰū́ṣantas te sumataú návāyāṃ
   ābʰū́ṣantaḥ te sumataú návāyām
   ābʰū́ṣantas te sumataú návāyāṃ

Halfverse: d    vayám indra tvā śunáṃ huvema //
   vayám indra tvā śunám huvema //
   vayám indra tvā śunáṃ huvema //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.