TITUS
Black Yajur-Veda: Baudhayana-Srautasutra
Part No. 613
Previous part

Paragraph: 20 
Verse: 105 
Sentence: 6    grahayoḥ saṃdʰāna iti //
   aratnī ca grahau ca saṃdadʰyātām iti baudʰāyanas \
Sentence: 7    grahāv eveti śālīkiḥ //
Sentence: 8    śukravato mantʰivata iti //
   sūtraṃ baudʰāyanasya
   <mantʰivatas> \ ity eva brūyād iti śālīkiḥ //
Sentence: 10    mantʰisam̐srāvasya homa iti //
   sūtram̐ śālīkes \
   atro ha smāha baudʰāyana āhavanīyād evodīco 'ṅgārān nirvartya teṣu mantʰinaḥ sam̐srāvaṃ juhuyād iti //
Sentence: 13    hotrakacamasānām̐ homa iti //
   sa ha smāha baudʰāyanaḥ śukrāmantʰibʰyām enān saha sakr̥j juhuyād dvir abʰyunnītān iti \
Sentence: 14    atro ha smāha śālīkir naināñ cʰukrāmantʰibʰyām̐ saha sakr̥j juhuyād dvir evābʰyunnītān iti //

Verse: 106 
Sentence: 1    dvidevatyānāṃ bʰakṣaṇa iti //
   sūtraṃ baudʰāyanasya
   prāṇeṣūpanigrāhaṃ dvidevatyān bʰakṣayed iti śālīkis \
Sentence: 2    dīrgʰabʰakṣeṇaivainān bʰakṣayed ity aupamanyavaḥ //
Sentence: 4    atʰaitāni dvidevatyapātrāṇy ariktāni karotīti //
   sūtraṃ baudʰāyanasya
Sentence: 5    somenaivaitāny ariktāni syur iti śālīkiḥ //
Sentence: 6    atʰaināni dakṣiṇasya havirdʰānasyottarasyāṃ vartanyām̐ sādayatīti //
Sentence: 7    sūtraṃ baudʰāyanasya \
   adʰastād evaināny upahavyasya sādayed iti śālīkiḥ //
Sentence: 9    <vāci vācaṃ dadʰāmi> \ iti vā tūṣṇīṃ veti //
   pūrvaḥ kalpo baudʰāyanasyottaraḥ śālīkeḥ //
Sentence: 11    hotrakacamasānāṃ pratibʰakṣaṇa iti //
   pratibʰakṣayed iti baudʰāyanas \
Sentence: 12    na pratibʰakṣayed iti śālīkiḥ //
Sentence: 13    pratyabʰimarśana iti //
   sūtram̐ śālīkes \
   atro ha smāha baudʰāyano bʰakṣayann eva bʰakṣāṇāṃ pāre pratyabʰimr̥śīteti //

Verse: 107 
Sentence: 1    aindrāgnasya grahaṇa iti //
   sūtram ācāryayos \
   atro ha smāha dīrgʰavātsyo mukʰyenainaṃ pātreṇa gr̥hṇīyād iti //
Sentence: 3    nārāśam̐sānām anuprakampana iti //
   anuprakampayerann iti baudʰāyanas \
Sentence: 4    nānuprakampayerannit śālīkis \
   nainānupodyaccʰeram̐s canety aupamanyavaḥ //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.