TITUS
Black Yajur-Veda: Hiranyakesi- / Satyasadha-Srautasutra
Part No. 53
Previous part

Patala: 2  
Khanda: 5  
Sutra: a     dadʰigraheṇa pracarati /

Page: 799 
Sutra: b     upayāmagr̥hīto 'si \ prajāpataye tvā jyotiṣmate jyotiṣmantaṃ gr̥hṇāmi \\ iti dadʰigrahapātre dadʰigrahaṃ gr̥hṇāti \\ apendra dviṣato manas \\ iti harati prāṇāya tvā \\ apānāya tvā \\ iti juhoti /

Sutra: c     ājyagrahaṃ gr̥hṇīyāt tejaskāmasya somagrahaṃ gr̥hṇīyād brahmavarcasakāmasyeti /

Sutra: d     tayor dadʰigraheṇa kalpo vyākʰyātaḥ /

Sutra: e     dadʰigrahaṃ gr̥hṇīyātpaśukāmasyeti nitye kāmye /

Page: 800 
Sutra: f     somagrahaṃ grahīṣyan rājānam apādatte yāvantam ekagrahāyāptaṃ manyate /

Sutra: g     pratyupanahyetaraṃ nidadʰāti /

Sutra: h     tam upare nupya vasatīvarībʰir upasr̥jya \\ avīvr̥dʰaṃ vas \\ ity abʰimantrya /

Page: 801 
Sutra: i     tisro yahvasya samidʰaḥ parijman \ devā akr̥ṇvann uśijo amartyave / \ tāsām ekām adadʰur martye bʰujam \\ lokam u dve upa jāmīnaṃ īyatur iti grāvṇā yatʰārtʰam abʰiṣuṇoti /

Sutra: j     ā māskān iti yo 'bʰiṣūyamāṇasya pratʰamo 'm̐śuḥ skandati tam abʰimantrayate pratyāharati vā /

Sutra: k     drapsaś caskanda \\ iti vipruṣo 'numantrayate /

Sutra: l     sarvābʰiṣavāṇām eṣa kalpaḥ /

Sutra: m     etasminn evaiṣo 'bʰiṣavamantraḥ /

Sutra: n     tam̐ sahiraṇyena pāṇinā gr̥hītvā sahiraṇyena prāṅmukʰas tiṣṭʰan dakṣiṇārdʰapūrvārdʰe juhoty uttarārdʰapūrvārdʰe vā /

Page: 802 
Sutra: o     yatraivaṃ tatra sarvasomāhutīḥ /

Sutra: p     hutvā śeṣaṃ vā karoti /

Sutra: q     pūrveṇa dvāreṇa sadaḥ praviśyāgreṇa hotāraṃ purastātpratyaṅṅ āsīnas \\ nr̥cakṣasaṃ tvā \\ ity avekṣya mandrābʰibʰūtis \\ iti bʰakṣayati /

Page: 803 
Sutra: r     svayam āharan bʰakṣam avekṣaṇaprabʰr̥tinā bʰakṣamantreṇa pratipadyate /

Page: 804 
Sutra: s     bʰakṣehi \\ ity anyenāhriyamāṇaṃ pratīkṣate \\ aśvinos tvā bāhubʰyām̐ sagʰyāsam iti pratigr̥hya nr̥cakṣasaṃ tvā \\ ity avekṣya mandrābʰibʰūtis \\ ity anudrutya vasumadgaṇasya soma deva te \\ iti //

Khanda: 6  
Sutra: a     prātaḥsavane sarvasomān bʰakṣayanti narāśam̐sapītasya \\ iti nārāśam̐sān /

Page: 805 
Sutra: b     rudravadgaṇasya soma deva te \\ iti mādʰyaṃdine savane sarvasomān bʰakṣayanti narāśam̐sapītasya \\ iti nārāśam̐sān ādityavadgaṇasya soma deva te \\ iti tr̥tīyasavane sarvasomān bʰakṣayanti narāśam̐sapītasya \\ iti nārāśam̐sān /

Sutra: c     yat prāg vasumadgaṇāt tat sarvatrānuṣajati /

Page: 808 
Sutra: d     vāg devī somasya pibatu \\ iti sārvatrikam eke samāmananti /

Sutra: e     hinva me gātrā harivas \\ iti somaṃ bʰakṣayitvātmānaṃ pratyabʰimr̥śante /

Sutra: f     mārjālīye pātraṃ prakṣālyāyatane sādayati /

Page: 809 
Sutra: g     sarvasomānām eṣa kalpaḥ /

Sutra: h     graheṣu tu sahiraṇyatā /

Sutra: i     homābʰiṣavābʰyāṃ ca bʰakṣo nānyatareṇa karmaṇā /

Page: 810 
Sutra: j     dadʰigrahasyām̐śor adābʰyasya ca samānaṃ pātram /

Sutra: k     am̐śunā pracarati /

Sutra: l     rājānam apādatte yāvantam ekagrahāyāptaṃ manyate pratyupanahyetaraṃ nidadʰāti tam upare nyupya vasatīvarībʰir upasr̥jya sakr̥dabʰiṣutasya prāṇyāpānya prāṇān vāmadevyaṃ manasā gāyamāno gr̥hṇāti /

Page: 811 
Sutra: m     kayā naś citra ābʰuvat \\ iti vā vāmadevyasyarcā /

Page: 812 
Sutra: n     yady anavānaṃ na śaknuyād gr̥hītum ā naḥ prāṇa etu parāvatas \\ iti hiraṇyam̐ śatamānam abʰivyanya vare datte gr̥hṇāti /

Page: 813 
Sutra: o     tam̐ sahiraṇyena śatamānena sam̐sparśya hiraṇyenāpidadʰāti /

Sutra: p     indrāgnī me varcaḥ kr̥ṇutām iti harati /

Sutra: q     dadʰanve vā yad īm anu \\ ity anavānaṃ juhoti /

Page: 814 
Sutra: r     adbʰiḥ pratiprastʰātādʰvaryuṃ pratyukṣati /

Sutra: s     adābʰyena pracarati /

Sutra: t     vasavas tvā prabr̥hantu \\ ity etair upanaddʰasya rājñas trīn am̐śūn asam̐spr̥ṣṭān pravr̥hyānyasmin pātre dadʰno nigrābʰyāṇāṃ vā niḥṣicya māndāsu te śukra śukram ādʰūnomi \\ iti tasminn etair etān am̐śūm̐s triḥ pradakṣiṇam anupariplāvayati /

Page: 815 
Sutra: u     catuḥ pañcakr̥tvaḥ saptakr̥tvo vāvaśiṣṭā vikalpārtʰāḥ /

Sutra: v     śukraṃ te śukreṇa gr̥hṇāmi \\ agniḥ prātaḥsavane \ viśve devās \\ idaṃ tr̥tīyam̐ savanaṃ kavīnām ity enābʰirgr̥hṇāti sarvāsāmantata upayāmā bʰavanti /

Page: 816 
Sutra: w     āsminn ugrā acucyavus \\ iti harati /

Sutra: x     kakuham̐ rūpaṃ vr̥ṣabʰasya rocate br̥hat \\ ity abʰimantrayate /

Sutra: y     somaḥ somasya purogās \\ iti juhoti prajñātān am̐śūn nidadʰāti //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.