TITUS
Black Yajur-Veda: Hiranyakesi- / Satyasadha-Srautasutra
Part No. 72
Previous part

Patala: 5  
Khanda: 16  
Page: 1088 
Sutra: a     nītāsu dakṣiṇāsu hariṇasya ragʰuṣyato 'dʰiśīrṣāṇi bʰeṣajam̐ sakṣetriyaṃ viṣāṇayā viṣūcīnam anīnaśat \\ ity unmucya kr̥ṣṇaviṣāṇām anu tvā hariṇo mr̥gaḥ \ padbʰiś caturbʰir akramīt \\ māhir bʰūmnā pr̥dākur iti cātvāle prāsyati /

Sutra: b     ratʰaṃtare varaṃ dadāti /

Sutra: c     vāmedevye varaṃ dadāti /

Page: 1089 
Sutra: d     niṣkevalye varaṃ dadāti /

Sutra: e     ādityagraham̐ hūyamānam anvārabʰate /

Sutra: f     āyuṣe hiṃ kuru \ tasyai prastuhi tasyai me 'varuddʰyai \\ iti purastād ārbʰavāt pavamānād vyāhr̥tīḥ pañcahotāraṃ ca japati /

Sutra: g     sagʰāsi jagatīcʰandās \\ anu tvārabʰe \ svasti mā saṃpāraya \\ iti stūyamānam anvārabʰate /

Sutra: h     yatra svaṃ camasaṃ nyante trīn puroḍāśaśakalān dakṣiṇata upāsyati /

Sutra: i     tat kr̥tvā prācīnāvītaṃ kr̥tvā ṣaḍḍʰotāraṃ vyākʰyāya dānaprabʰr̥tīn pratyāyanāntān piṇḍapitr̥yajñamantrāñ japati /

Sutra: j     yajñāyajñiye varaṃ dadāti /

Sutra: k     purastād agniṣṭomastotrād vyāhr̥tīḥ saptahotāraṃ ca japati /

Sutra: l     subʰūr asi śreṣṭʰo raśmīnāṃ priyo devānām̐ sam̐sādʰanīyaḥ / \ taṃ svā subʰo devā abʰisaṃviśantu \\ iṣo 'si \ tveṣo 'si nr̥mṇo 'si \ yaho 'si \ vrato 'si \ svo 'si \ cāraṇo 'si \ śūdro 'si \\ āryo 'si \ tasya ta iṣasya tveṣasya nr̥mṇasya yahvasya vratasya svasya cāraṇasya śūdrasya cāryasya ca bʰukṣiṣīya \ yatʰā tvam̐ sūryo 'si viśvadarśata evam ahaṃ viśvadarśato bʰūyāsam ity agniṣṭomaṃ niṣpādyādityam upatiṣṭʰate yady astamitaḥ syād āhavanīyam evādityopastʰānenopatiṣṭʰate /

Khanda: 17  
Page: 1090 
Sutra: a     vyākʰyāto hāriyojanaḥ /

Sutra: b     dadʰidrapsaḥ /

Sutra: c     apsuṣomaḥ /

Sutra: d     mindayopastʰānam /

Sutra: e     śakalābʰyādʰānam /

Sutra: f     sakʰyavisarjanaṃ ca /

Page: 1091 
Sutra: g     huteṣu samiṣṭayajuḥṣu agninā devena pr̥tanā jayāmi \\ iti jāgatān viṣṇukramān krāmati /

Sutra: h     upasr̥jan dʰaruṇaṃ mātre mātaraṃ dʰaruṇo dʰayan / \ rāyaspoṣam iṣam ūrjam asmāsu dīdʰarat \\ ity upaniṣkrāmann audumbarīm utkʰidati /

Sutra: i     ava te heḍo varuṇa \\ ity unmucya kr̥ṣṇājinaṃ cātvāle prāsyati /

Sutra: j     ud u tyam \\ citram iti dvābʰyām ādityam upatiṣṭʰate yady astamitaḥ syād āhavanīyam evādityopastʰānenopatiṣṭʰate /

Sutra: k     vyākʰyātaṃ nidʰanopāyanam /

Sutra: l     sumitriyā ca mārjanam /

Sutra: m     indriyāj * jyaiṣṭʰyāc cʰraiṣṭʰyān mā yoṣam ity unmucya kr̥ṣṇājinam abʰyukṣya nidadʰāti yadi purastād aprāstaṃ bʰavati /
      FN vars. Ed.: indriyāya. cf. JB.2.66:3.

Sutra: n     sumitrā nas \\ ity abʰipragāhyānupamajjantau sahaśiraskau snāto 'nyonyasya pr̥ṣṭʰaṃ prakṣālayataḥ pratīpam āplavamānau gāhete /

Page: 1092 
Sutra: o     vi te muñcāmi raśanās \\ iti mekʰalāṃ yajamāno visram̐sayate /

Sutra: p     imaṃ viṣyāmi \\ iti yoktrapāśaṃ patnī /

Sutra: q     mekʰalāṃ yoktraṃ jālaṃ dīkṣitavasane ca praplāvya somopanahanaṃ yajamānaḥ paridʰatte somapariśrayaṇaṃ patnī /

Sutra: r     tāv ahatavāsasāv uditaḥ /

Page: 1093 
Sutra: s     te udayanīyāyām adʰvaryave dattaḥ //

Khanda: 18  
Sutra: a     vyākʰyātam unnayanam /

Sutra: b     mahīyā /

Sutra: c     samidabʰyādʰānam /

Sutra: d     upastʰānaṃ ca /

Sutra: e     apareṇa śālāmukʰīyam upaviśya juhvāṃ pañcagr̥hītaṃ gr̥hītvā kr̥ṣṇājinam upastʰa ādʰāya mayīndra indriyaṃ jyaiṣṭʰyam̐ śraiṣṭʰyaṃ dadʰātu \\ iti juhoti /

Sutra: f     kr̥ṣṇājinaṃ pra vāpayate /

Sutra: g     srugavadʰānaṃ vā kurute /

Page: 1094 
Sutra: h     haviṣo vātʰa peṣaṇam /

Sutra: i     punardīkṣāyā evainan nidʰatte /

Sutra: j     putrāya vainad brahmacāriṇe vā dadyāt /

Sutra: k     yadi purastādaprāstaṃ bʰavati /

Sutra: l     udayanīyāyāṃ vratam upaiti /

Sutra: m     anūbandʰyāvapāyām̐ hutāyāṃ dakṣiṇasyāṃ vediśroṇyāṃ pariśrite yajamānasya keśaśmaśrūṇi vāpayate 'tra dadāti yad dāsyan bʰavati /

Sutra: n     vyākʰyātaḥ svaruhr̥dayaśūlo yūpopastʰānaṃ ca /

Sutra: o     mitʰunau gāvau maitrāvaruṇyām āmikṣāyāṃ dadāti /

Sutra: p     saktuhome hūyamāne \\ ayaṃ no nabʰasā puras \\ ity agnim upatiṣṭʰate /

Page: 1095 
Sutra: q     sa tvaṃ no nabʰasaspate \\ iti vāyum \\ deva sam̐spʰāna \\ ity ādityam /

Sutra: r     anaḍvāham anaḍuho vā hiraṇyam audavasānīyāyāṃ dadāti /

Sutra: s     yatʰāśakti pūrṇāhutau /

Sutra: t     apavr̥tte ṣoḍaśinaḥ stotre tam evāśvam aśvatarīṃ vā dakṣiṇāṃ dadāti //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.