TITUS
Black Yajur-Veda: Hiranyakesi- / Satyasadha-Srautasutra
Part No. 75
Previous part

Patala: 8  
Khanda: 23  
Sutra: a     vāsiṣṭʰo brahmā jyotiṣṭome /

Page: 1106 
Sutra: b     yo vā kaścit stomabʰāgān adʰīyāt /

Sutra: c     anyonyasmai vā r̥tvijo yajñasaṃpradāyaṃ caranti /

Sutra: d     yāvad r̥cārtvijyaṃ kriyate hotr̥ṣv eva tāvad yajño bʰavati /

Sutra: e     yāvad yajuṣādʰvaryuṣv eva tāvat /

Sutra: f     yāvat sāmnodgātr̥ṣv eva tāvat /

Sutra: g     yatra kvaca yajñasya virataṃ brahmaṇy eva tāvad yajño bʰavati /

Page: 1107 
Sutra: h     tasmād etasminn antardʰau brahmā vācaṃyamaḥ syāt /

Sutra: i     yadi pramatto vyāhared vaiṣṇavīm r̥caṃ japitvā vyāhr̥tīś ca punar vācaṃ yaccʰati /

Sutra: j     rājani mīyamāne 'gnau kriyamāṇe mahāvedyām uttaravedyāṃ ca kriyamāṇāyām̐ rājani hriyamāṇe 'bʰiṣūyamāṇe bahiṣpavamāne stūyamāne /

Sutra: k     ukʰāyām̐ saṃbʰriyamāṇāyām ukʰākarmasu ca kriyamāṇeṣu /

Sutra: l     pravr̥jyamānāyāṃ ca /

Sutra: m     agnau mīyamāne /

Sutra: n     kr̥ṣyamāṇe /

Sutra: o     opyamāne /

Sutra: p     citer upadʰīyamānāyāḥ /

Sutra: q     saṃcitakarmasu ca /

Sutra: r     eteṣu karmasu yatʰākālaṃ kriyamāṇeṣu dakṣiṇata āste /

Page: 1108 
Sutra: s     rājany ohyamāne 'gnau praṇīyamāne havirdʰānayoḥ prohyamāṇayoḥ /

Sutra: t     ukʰāyām̐ saṃbʰariṣyamāṇāyām /

Sutra: u     ohyamānāyāṃ ca /

Sutra: v     nairr̥tīr upadʰāsyatām /

Sutra: w     cityagnīnāṃ praṇīyamānānām /

Sutra: x     vasatīvarīḥ savanīyāś ca gaccʰatām /

Sutra: y     āhriyamāṇāsu ca /

Sutra: z     avabʰr̥tʰaṃ cābʰyavaiṣyatām /

Sutra: aa     udyatsu ca /

Sutra: ab     eteṣu karmasu yatʰākālaṃ kriyamāṇeṣu dakṣiṇata eti /

Page: 1109 
Sutra: ac     sadohavirdʰāneṣu saṃmīyamāneṣv antareṇa cātvālotkarāv anvetyāpareṇottaravedim atikramya dakṣiṇata upaviśati //

Khanda: 24  
Sutra: a     ā vaisarjanakālād anvāste /

Sutra: b     hoṣyamāṇeṣu vaisarjaneṣu yatʰetaṃ pratyetyottareṇāgnīdʰrīyaṃ dʰiṣṇiyaṃ parītya pūrveṇa dvāreṇa prāgvaṃśaṃ praviśyāpareṇa śālāmukʰīyam atikramya dakṣiṇata upaviśati /

Sutra: c     evā vandasva \\ ity upastʰe rājānaṃ kurute /

Sutra: d     ā vaisarjanahomād anvāste /

Sutra: e     hute vaisarjane 'nvag agner gaccʰati /

Sutra: f     pūrvo vā /

Sutra: g     āgnīdʰrīyaṃ prāpya dakṣiṇata upaviśaty ā vaisarjanahomād anvāste hute vaisarjane 'nyasmai rājānaṃ pradāyottareṇāgnīdʰrīyaṃ dʰiṣṇiyaṃ parītya rājānaṃ pratyādāya somo jigāti gātuvit \\ iti saumyarcāpareṇa dvāreṇa havirdʰāne praviśyādʰvaryave rājānaṃ pradāya yatʰetaṃ pratyetyāpareṇottaravedim atikramya dakṣiṇata upaviśati /

Sutra: h     agnīṣomīyasyā vapāyā homād anvāste /

Sutra: i     hutāyāṃ vapāyāṃ mārjayate /

Page: 1110 
Sutra: j     vasatīvarīṣu parigr̥hyamāṇāsu vācaṃ yaccʰaty ā subrahmaṇyāyāḥ /

Sutra: k     mahārātre budʰyamāneṣu budʰyate /

Sutra: l     upākr̥te prātaranuvāke vācaṃ yaccʰaty ā paridʰānīyāyāḥ /

Sutra: m     savanīyāsu prapādyamānāsu pūrveṇa dvāreṇa havirdʰāne praviśyāgreṇa kʰaraṃ parītya dakṣiṇata upaviśati //

Khanda: 25  
Sutra: a     ā grahakālād anvāste /

Sutra: b     graheṣu gr̥hyamāṇeṣu vācaṃ yaccʰaty āgrayaṇasya grahaṇāt /

Sutra: c     bahiṣpavamānam̐ sarpatsu samanvārabʰya sarpati /

Sutra: d     brahman stoṣyāmi \\ ity ucyamāne deva savitar etat te prāha \ tat pra ca suva pra ca yaja \ br̥haspatir brahmā \\ āyuṣmatyā r̥co mā gāta tanūpāt sāmnaḥ \ satyā va āśiṣaḥ santu satyā ākūtayas \\ r̥taṃ ca satyaṃ ca vadata \ stuta devasya savituḥ prasave \\ om̐ stuta \\ iti prasauti /

Sutra: e     sarvastotrāṇām eṣa kalpaḥ /

Sutra: f     raśmir asi \ kṣayāya tvā \ kṣayaṃ jinva \\ ity ekatrim̐śataḥ stomabʰāgāḥ stotre stotra uttaramuttaram ādadʰāti /

Page: 1111 
Sutra: g     dvādaśāgniṣṭome trayodaśātyagniṣṭome pañcadaśoktʰye ṣoḍaśa ṣoḍaśini saptdaśa vājapeya ekānnatrim̐śatam atirātre trayastrim̐śatam aptoryāme /

Sutra: h     stute bahiṣpavamāne yatʰetaṃ pratyetyāpareṇottaravedim atikramya dakṣiṇata upaviśati savanīyasyā vapāyā homād anvāste /

Sutra: i     hutāyāṃ vapāyāṃ mārjayitvā pūrveṇa dvāreṇa sadaḥ praviśyāgreṇa praśāstrīyaṃ dʰiṣṇiyaṃ parītya dakṣiṇata upaviśaty āsam̐stʰānād anvāste /

Sutra: j     yatrāsmai camasam āharati taṃ bʰakṣayati yatʰetare camasān /

Sutra: k     stutaśastrayor vācaṃ yaccʰati /

Sutra: l     sam̐stʰite savane yatʰetaṃ pratiniṣkrāmati /

Sutra: m     evaṃ vihita uttarayoḥ savanayoḥ saṃcaro brahmatvaṃ ca /

Page: 1112 
Sutra: n     ādʰvaryava evāto 'nyāni karmāṇi brāhmaṇa āmnātāni bʰavanti /

Sutra: o     evaṃ vihitam̐ sam̐stʰānāṃ brahmatvaṃ brahmatvam //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.