TITUS
Black Yajur-Veda: Kathaka-Samhita
Part No. 16
Previous part

Sthanaka: 16  
Anuvaka: 1  
Page: 221  
Line : 1  Pada: a     devasya tvā savituḥ prasave 'śvinor bāhubʰyāṃ pūṣṇo hastābʰyām ādade

Line : 2  Pada: b     nāry asi

Pada: c     gāyatreṇa ccʰandasā pr̥tʰivyās sadʰastʰād agniṃ purīṣyam aṅgirasvad ābʰara

Line : 3  Pada: d     traiṣṭubʰena ccʰandasā \

Pada: e     abʰrir asi

Pada: f     nāry asi

Pada: g     tvayā vayam agnim̐ śakema kʰanitum̐ sadʰastʰa ā jāgatena ccʰandasā //

Line : 5  Pada: h     hasta ādʰāya savitā bibʰrad abʰrim̐ hiraṇyayīm /

Line : 6  Pada: i     agniṃ jyotir nicāyya pr̥tʰivyā adʰyābʰarat //

Line : 7  Pada: j     ānuṣṭubʰena ccʰandasā //

Line : 8  Pada: k     pratūrtaṃ vājinn ādrava variṣṭʰām anu saṃvatam /

Line : 9  Pada: l     divi te janma paramam antarikṣe tava nābʰiḥ /

Line : 10  Pada: m     pr̥tʰivyām adʰi yonir it //

Line : 11  Pada: n     yuñjātʰāṃ rāsabʰaṃ yuvam asmin yāme vr̥ṣaṇvasū /

Line : 12  Pada: o     agniṃ bʰarantā asmayum //

Line : 13  Pada: p     yogeyoge tavastaraṃ vājevāje havāmahe /

Line : 14  Pada: q     sakʰāya indram ūtaye //

Line : 15  Pada: r     pratūrvann ehy avakrāmann aśastī rudrasya gāṇapatye mayobʰūr ehi / *
      FN Mittwede, Textkritische Bemerkungen, p. 91

Line : 16  Pada: s     urv antarikṣaṃ vīhi //

Line : 17  Pada: t     svastigavyūtir * abʰayāni kr̥ṇvan
      FN Mittwede, Textkritische Bemerkungen, p. 91

Pada: u     pūṣṇā sayujā saha

Pada: v     pr̥tʰivyās sadʰastʰād agniṃ purīṣyam aṅgirasvad ābʰara \

Line : 18  Pada: w     agniṃ purīṣyam aṅgirasvad accʰemas \

Pada: x     agniṃ purīṣyam aṅgirasvad bʰariṣyāmas \

Line : 19  Pada: y     agniṃ purīṣyam aṅgirasvad bʰarāmaḥ //


Anuvaka: 2  
Line : 20  Pada: a     anv agnir uṣasām agram akʰyad anv ahāni pratʰamo jātavedāḥ /

Line : 21  Pada: b     anu sūryasya purutrā ca raśmīn anu dyāvāpr̥tʰivī ātatantʰa //

Line : 22  Pada: c     āgatya vājy adʰvānam̐ sarvā mr̥dʰo vidʰūnute /

Line : 23  Pada: d     agnim̐ sadʰastʰe mahati cakṣuṣā nicikīṣate //

Page: 222  
Line : 1  Pada: e     ākramya vājin pr̥tʰivīm agnim iccʰa rucā tvam /

Line : 2  Pada: f     bʰūmyā vr̥tvāya no brūhi yataḥ kʰanema taṃ vayam //

Line : 3  Pada: g     dyaus te pr̥ṣṭʰaṃ pr̥tʰivī sadʰastʰam ātmāntarikṣam̐ samudro yoniḥ /

Line : 4  Pada: h     vikʰyāya cakṣuṣā tvam abʰitiṣṭʰa pr̥tanyataḥ //

Line : 5  Pada: i     utkrāma mahate saubʰagāyāsmād āstʰānād draviṇodā vājin /

Line : 6  Pada: j     vayam̐ syāma sumatau pr̥tʰivyā agniṃ kʰananta upastʰe asyāḥ //

Line : 7  Pada: k     udakramīd draviṇodā vājy arvākas su lokam̐ sukr̥taṃ pr̥tʰivyāḥ /

Line : 8  Pada: l     tataḥ kʰanema supratīkam agnim̐ svo ruhāṇā adʰi nāka uttame //

Line : 9  Pada: m     jigʰarmy agniṃ manasā gʰr̥tena pratikṣiyantaṃ bʰuvanāni viśvā /

Line : 10  Pada: n     pr̥tʰuṃ tiraścā vayasā br̥hantaṃ vyaciṣṭʰam annaṃ rabʰasaṃ vidānam //

Line : 11  Pada: o     ā tvā jigʰarmi vacasā gʰr̥tenārakṣasā manasā taj juṣetʰāḥ /

Line : 12  Pada: p     maryaśrīs spr̥hayadvarṇo agnir nābʰidʰr̥ṣe tanvā jarhr̥ṣāṇaḥ //

Line : 13  Pada: q     pari vājapatiḥ kavir agnir havyāny akramīt /

Line : 14  Pada: r     dadʰad ratnāni dāśuṣe //

Line : 15  Pada: s     pari tvāgne puraṃ vayaṃ vipram̐ sahasya dʰīmahi /

Line : 16  Pada: t     dʰr̥ṣadvarṇaṃ divedive hantāraṃ bʰaṅgurāvatām //

Line : 17  Pada: u     tvam agne dyubʰis tvam āśuśukṣaṇis tvam adbʰyas tvam aśmanas pari /

Line : 18  Pada: v     tvaṃ vanebʰyas tvam oṣadʰībʰyas tvaṃ nr̥bʰyo nr̥maṇo jāyase śuciḥ //


Anuvaka: 3  
Line : 19  Pada: a     devasya tvā savituḥ prasave 'śvinor bāhubʰyāṃ pūṣṇo hastābʰyāṃ pr̥tʰivyās sadʰastʰe agniṃ purīṣyam aṅgirasvat kʰanāmi

Line : 20  Pada: b     jyotiṣmantaṃ tvāgne supratīkam

Line : 21  Pada: c     ajasreṇa bʰānunā dīdyatam \

Pada: d     śivaṃ prajābʰyo ahim̐santaṃ pr̥tʰivyās sadʰastʰe / * agniṃ purīṣyam aṅgirasvat kʰanāmi //
      FN Mittwede, Textkritische Bemerkungen, p. 91

Page: 223  
Line : 1  Pada: e     apāṃ pr̥ṣṭʰam asi yonir agnes samudram abʰitaḥ pinvamānam /

Line : 2  Pada: f     vardʰamāno mahām̐ ā ca puṣkare divo mātrayā variṇā pratʰasva //

Line : 3  Pada: g     śarma ca stʰo varma ca stʰo accʰidre bahule ubʰe /

Line : 4  Pada: h     vyacasvatī saṃvasātʰāṃ bʰartam agniṃ purīṣyam //

Line : 5  Pada: i     saṃvasātʰām̐ svarvidau samīcī urasā tmanā /

Line : 6  Pada: j     agnim antar bʰariṣyantī jyotiṣmantam ajasram it //

Line : 7  Pada: k     purīṣyo 'si viśvabʰarāḥ //

Pada: l     atʰarvā tvā pratʰamo niramantʰad agne //

Line : 8  Pada: m     tvām agne puṣkarād adʰy atʰarvā niramantʰata /

Line : 9  Pada: n     mūrdʰno viśvasya vāgʰataḥ //

Line : 10  Pada: o     tam u tvā dadʰyaṅṅ r̥ṣiḥ putra īdʰe atʰarvaṇaḥ /

Line : 11  Pada: p     vr̥trahaṇaṃ puraṃdaram //

Line : 12  Pada: q     tam u tvā pātʰyo vr̥ṣā samīdʰe dasyuhantamam /

Line : 13  Pada: r     dʰanaṃjayaṃ raṇeraṇe //

Line : 14  Pada: s     sīda hotas sva u loke cikitvān sādayā yajñam̐ sukr̥tasya yonau /

Line : 15  Pada: t     devāvīr devān haviṣā yajāsy agne br̥had yajamāne vayo dʰāḥ //

Line : 16  Pada: u     ni hotā hotr̥ṣadane vidānas tveṣo dīdivām̐ asadat sudakṣaḥ /

Line : 17  Pada: v     adabdʰavratapramatir vasiṣṭʰas sahasraṃbʰaraś śucijihvo agniḥ //

Line : 18  Pada: w     sam̐sīdasva mahām̐ asi śocasva devavittamaḥ /

Line : 19  Pada: x     vi dʰūmam agne aruṣaṃ vivigdʰi sr̥ja praśasta darśatam //

Line : 20  Pada: y     janiṣṭa hi jenyo agre ahnām̐ hito hiteṣv aruṣo vaneṣu /

Line : 21  Pada: z     damedame sapta ratnā dadʰāno 'gnir hotā niṣasādā yajīyān //


Anuvaka: 4  
Line : 22  Pada: a     apo devīr upasr̥ja madʰumatīr ayakṣmāya prajābʰyaḥ /

Line : 23  Pada: b     tāsām āstʰānād ujjihatām oṣadʰayas supippalāḥ //

Page: 224  
Line : 1  Pada: c     saṃ te vāyur mātariśvā dadʰātūttānāyā hr̥dayaṃ yad vikastam /

Line : 2  Pada: d     yo devānāṃ carasi prāṇatʰena tasmai deva vaṣaḍ astu tubʰyam //

Line : 3  Pada: e     sujāto jyotiṣā śarma varūtʰam āsadat svaḥ /

Line : 4  Pada: f     vāso agne viśvarūpam̐ saṃvyayasva vibʰāvaso //

Line : 5  Pada: g     ud u tiṣṭʰa svadʰvarāvā no devyā kr̥pā /

Line : 6  Pada: h     dr̥śe ca bʰāsā br̥hatā suśukvabʰir āgne yāhi suśastibʰiḥ //

Line : 7  Pada: i     ūrdʰva ū ṣu ṇa ūtaye tiṣṭʰā devo na savitā /

Line : 8  Pada: j     ūrdʰvo vājasya sanitā yad añjibʰir vāgʰadbʰir vihvayāmahe //

Line : 9  Pada: k     sa jāto garbʰo asi rodasyor agne cārur vibʰr̥ta oṣadʰīṣu /

Line : 10  Pada: l     citraś śiśuḥ pari tamām̐sy aktaḥ pra mātr̥bʰyo adʰi kanikradad gāḥ //

Line : 11  Pada: m     stʰiro bʰava vīḍvaṅga āśur bʰava vājy arvan /

Line : 12  Pada: n     pr̥tʰur bʰava suṣadas tvam agneḥ purīṣavāhanaḥ //

Line : 13  Pada: o     śivo bʰava prajābʰyo mānuṣībʰyas tvam aṅgiraḥ /

Line : 14  Pada: p     mā dyāvāpr̥tʰivī abʰiśuco māntarikṣaṃ mā vanaspatīn //

Line : 15  Pada: q     praitu vājī kanikradan nānadad rāsabʰaḥ patvā /

Line : 16  Pada: r     bʰarann agniṃ purīṣyaṃ mā pādy āyuṣaḥ purā //

Line : 17  Pada: s     vr̥ṣāgniṃ vr̥ṣaṇaṃ bʰarann apāṃ garbʰam̐ samudriyam /

Line : 18  Pada: t     agna āyāhi vītaye //

Line : 19  Pada: u     r̥tam̐ satyam r̥tam̐ satyam //

Line : 20  Pada: v     oṣadʰayaḥ pratigr̥hṇītāgnim etam̐ śivam āyantam abʰy atra yuṣmān /

Line : 21  Pada: w     vyasyan viśvā anirā amīvā niṣīdan no apa durmatiṃ jahi //

Line : 22  Pada: x     oṣadʰayaḥ pratimodadʰvaṃ puṣpavatīs supippalāḥ /

Line : 23  Pada: y     ayaṃ vo garbʰa r̥tviyaḥ pratnam̐ sadʰastʰam āsadat //

Page: 225  
Line : 1  Pada: z     vi pājasā pr̥tʰunā śośucāno bādʰasva dviṣo rakṣaso amīvāḥ /

Line : 2  Pada: aa     suśarmaṇo br̥hataś śarmaṇi syām agner aham̐ suhavasya praṇītau //

Line : 3  Pada: ab     ā́po hí ṣṭʰā́ mayobʰúvas tā́ na ūrjé dadʰātana /

Line : 4  Pada: ac     mahé ráṇāya cákṣase //

Line : 5  Pada: ad     yó vaś śivátamo rásas tásya bʰājayatehá naḥ /

Line : 6  Pada: ae     uśatī́r iva mātáraḥ //

Line : 7  Pada: af     tásmā áraṃ gamāma vo yásya kṣáyāya jínvatʰa /

Line : 8  Pada: ag     ā́po janáyatʰā ca naḥ //


Anuvaka: 5  
Line : 9  Pada: a     mitras sam̐sr̥jya pr̥tʰivīṃ bʰūmiṃ ca jyotiṣā saha /

Line : 10  Pada: b     sujātaṃ jātavedasam ayakṣmāya tvā sam̐sr̥jāmi prajābʰyaḥ //

Line : 11  Pada: c     rudrās sam̐sr̥jya pr̥tʰivīṃ br̥haj jyotis samīdʰire /

Line : 12  Pada: d     teṣāṃ bʰānur ajasra ic cʰukro deveṣu rocate //

Line : 13  Pada: e     sam̐sr̥ṣṭāṃ vasubʰī rudrair dʰīraiḥ karmaṇyāṃ mr̥dam /

Line : 14  Pada: f     hastābʰyāṃ mr̥dvīṃ kr̥tvā sinīvālī karotu tām //

Line : 15  Pada: g     sinīvālī sukapardā sukurīrā svaupaśā /

Line : 16  Pada: h     sā tubʰyam adite mahy okʰāṃ dadʰātu * hastayoḥ //
      FN Mittwede, Textkritische Bemerkungen, p. 91

Line : 17  Pada: i     ukʰāṃ karotu śaktyā bāhubʰyām aditir dʰiyā /

Line : 18  Pada: j     mātā putraṃ yatʰopastʰe sāgniṃ bibʰartu garbʰa ā //

Line : 19  Pada: k     makʰasya śiro 'si

Pada: l     vasavas tvā kurvantu gāyatreṇa ccʰandasāṅgirasvat \

Line : 20  Pada: m     dʰruvāsi

Pada: n     pr̥tʰivy asi

Pada: o     dʰārayā mayi prajāṃ rāyaspoṣaṃ gaupatyam̐ suvīryam̐ sajātān yajamānāya

Line : 21  Pada: p     rudrās tvā kurvantu traiṣṭubʰena ccʰandasāṅgirasvat \

Pada: q     dʰruvāsi \

Line : 22  Pada: r     antarikṣam asi

Pada: s     dʰārayā mayi prajāṃ rāyaspoṣaṃ gaupatyam̐ suvīryam̐ sajātān yajamānāya \

Line : 23  Pada: t     ādityās tvā kurvantu jāgatena ccʰandasāṅgirasvat \

Pada: u     dʰruvāsi

Page: 226  
Line : 1  Pada: v     dyaur asi

Pada: w     dʰārayā mayi prajāṃ rāyaspoṣaṃ gaupatyam̐ suvīryam̐ sajātān yajamānāya

Line : 2  Pada: x     viśve tvā devā vaiśvānarāḥ kurvantv ānuṣṭubʰena ccʰandasāṅgirasvat \

Line : 3  Pada: y     dʰruvāsi

Pada: z     diśo 'si

Pada: aa     dʰārayā mayi prajāṃ rayaspoṣaṃ gaupatyam̐ suvīryam̐ sajātān yajamānāya \

Line : 4  Pada: ab     adityā rāsnāsi \

Pada: ac     aditis te bilaṃ gr̥hṇātu //

Line : 5  Pada: ad     kr̥tvāya sā mahīm ukʰāṃ mr̥nmayīṃ yonim agnaye /

Line : 6  Pada: ae     tāṃ putrebʰyas saṃprāyaccʰad * aditiś śrapayān iti //
      FN Mittwede, Textkritische Bemerkungen, p. 92

Line : 7  Pada: af     vásavas tvā dʰūpayantu gāyatréṇa ccʰándasāṅgirasvát \

Pada: ag     rudrā́s tvā dʰūpayantu traíṣṭubʰena ccʰándasāṅgirasvát \

Line : 8  Pada: ah     ādityā́s tvā dʰūpayantu jā́gatena ccʰándasāṅgirasvát \

Line : 9  Pada: ai     víśve tvā devā́ vaiśvānarā́ dʰūpayantv ā́nuṣṭubʰena ccʰándasāṅgirasvát \

Pada: aj     índras tvā dʰūpayatu

Line : 10  Pada: ak     váruṇas tvā dʰūpayatu

Pada: al     víṣṇus tvā dʰūpayatu //


Anuvaka: 6  
Line : 11  Pada: a     aditis tvā devī viśvadevyāvatī pr̥tʰivyās sadʰastʰe aṅgirasvat kʰanatv avaṭa

Line : 12  Pada: b     devānāṃ tvā patnīr devīr viśvadevyāvatīḥ pr̥tʰivyās sadʰastʰe aṅgirasvad dadʰatūkʰe

Line : 13  Pada: c     dʰiṣaṇās tvā devīr viśvadevyāvatīḥ pr̥tʰivyās sadʰastʰe aṅgirasvad abʰīndʰatām ukʰe

Line : 14  Pada: d     varutrīs tvā devīr viśvadevyāvatīḥ pr̥tʰivyās sadʰastʰe aṅgirasvac cʰrapayantūkʰe

Line : 15  Pada: e     gnās tvā devīr viśvadevyāvatīḥ pr̥tʰivyās sadʰastʰe aṅgirasvat pacantūkʰe

Line : 16  Pada: f     janayas tvāccʰinnapatrā devīr viśvadevyāvatīḥ pr̥tʰivyās sadʰastʰe aṅgirasvat pacantūkʰe //

Line : 18  Pada: g     mitrasya carṣaṇīdʰr̥taś śravo devasya sānasi /

Line : 19  Pada: h     dyumnaṃ citraśravastamam //

Page: 227  
Line : 1  Pada: i     devas tvā savitodvapatu supāṇis svaṅguriḥ /

Line : 2  Pada: j     subāhur uta śaktyā //

Line : 3  Pada: k     avyatʰamānā pr̥tʰivyām āśā diśa āpr̥ṇa /

Line : 4  Pada: l     uttiṣṭʰa br̥hatī bʰavordʰvā tiṣṭʰa dʰruvā tvam //

Line : 5  Pada: m     mitraitāṃ ta ukʰāṃ paridadāmy abʰittyai \

Pada: n     eṣā mā bʰedi

Pada: o     vasavas tvāccʰr̥ndantu gāyatreṇa ccʰandasāṅgirasvat \

Line : 6  Pada: p     rudrās tvāccʰr̥ndantu traiṣṭubʰena ccʰandasāṅgirasvat \

Line : 7  Pada: q     ādityās tvāccʰr̥ndantu jāgatena ccʰandasāṅgirasvat \

Pada: r     viśve tvā devā vaiśvānarā āccʰr̥ndantv ānuṣṭubʰena ccʰandasāṅgirasvat //


Anuvaka: 7  
Line : 9  Pada: a     ākūtim agniṃ prayujam̐ svāhā

Pada: b     mano medʰām agniṃ prayujam̐ svāhā

Pada: c     cittaṃ vijñātam agniṃ prayujam̐ svāhā

Line : 10  Pada: d     vāco vidʰr̥tim agniṃ prayujam̐ svāhā

Pada: e     prajāpataye manave svāhā \

Line : 11  Pada: f     agnaye vaiśvānarāya svāhā //

Line : 12  Pada: g     viśvo devasya netur marto vareta sakʰyam /

Line : 13  Pada: h     viśvo rāya iṣudʰyati dyumnaṃ vareta puṣyatu * // svāhā *
      FN Mittwede, Textkritische Bemerkungen, p. 92
      FN Mittwede, Textkritische Bemerkungen, p. 92

Line : 14  Pada: i     mā su bʰittʰā mā su riṣo 'mba dʰr̥ṣṇu vīrayasva su /

Line : 15  Pada: j     agniś cedaṃ kariṣyatʰaḥ //

Line : 16  Pada: k     dr̥m̐hasva devi pr̥tʰivi svastaya āsurī māyā svadʰayā kr̥tāsi /

Line : 17  Pada: l     juṣṭaṃ * devebʰya idam astu havyam ariṣṭā tvam udihi yajñe asmin //
      FN emended. Ed.: juṣṭʰaṃ.

Line : 18  Pada: m     drvannas sarpirāsutiḥ pratno hotā vareṇyaḥ /

Line : 19  Pada: n     sahasas putro adbʰutaḥ //

Line : 20  Pada: o     parasyā adʰi saṃvato 'varām̐ abʰyātara /

Line : 21  Pada: p     yatrāham asmi tām̐ ava //

Line : 22  Pada: q     paramasyāḥ parāvato rohidaśva upāgahi /

Line : 23  Pada: r     purīṣyaḥ purupriyo 'gne tvaṃ tarā mr̥dʰaḥ //

Page: 228  
Line : 1  Pada: s     yad agne kānikāni cā te dārūṇi dadʰmasi /

Line : 2  Pada: t     sarvaṃ tad astu te gʰr̥taṃ taj juṣasva yaviṣṭʰya //

Line : 3  Pada: u     yad atty upajihvikā yad vamro atisarpati /

Line : 4  Pada: v     sarvaṃ tad astu te gʰr̥taṃ taj juṣasva yaviṣṭʰya //

Line : 5  Pada: w     rātrīṃrātrīm aprayāvaṃ bʰaranto 'śvāyeva tiṣṭʰate gʰāsam asmai /

Line : 6  Pada: x     rāyaspoṣeṇa sam iṣā madanto 'gne mā te prativeśā riṣāma //

Line : 7  Pada: y     nābʰā pr̥tʰivyās samidʰāno agniṃ rāyaspoṣāya br̥hate havāmahe /

Line : 8  Pada: z     iraṃmadaṃ br̥haduktʰaṃ yajatraṃ jetāram agniṃ pr̥tanāsu sāsahim //

Line : 9  Pada: aa     yās senā abʰītvarīr āvyādʰinīr ugaṇā uta /

Line : 10  Pada: ab     ye stenā ye ca taskarās tām̐s te agne 'pidadʰāmy āsye //

Line : 11  Pada: ac     dam̐ṣṭrābʰyāṃ malimlūn agne jambʰyebʰis taskaraṃ * uta /
      FN emended. Ed.: taskarān. Mittwede, Textkritische Bemerkungen, p. 92

Line : 12  Pada: ad     hanubʰyām̐ stenān bʰagavas tām̐s tvaṃ kʰāda sukʰāditān //

Line : 13  Pada: ae     ye janeṣu malimlavas stenāsas taskarā vane /

Line : 14  Pada: af     ye kakṣeṣv agʰāyavas tām̐s te dadʰāmi jambʰayoḥ //

Line : 15  Pada: ag     yo asmabʰyam arātīyād yaś ca no dveṣate janaḥ /

Line : 16  Pada: ah     nindād yo asmān dipsāc ca sarvām̐s tān maṣmaṣā kuru //

Line : 17  Pada: ai     sam̐śitaṃ me brahma sam̐śitaṃ vīryaṃ balam /

Line : 18  Pada: aj     sam̐śitaṃ kṣatraṃ me jiṣṇu yasyāham asmi purohitaḥ //

Line : 19  Pada: ak     ud eṣāṃ bāhū atiram ud varco atʰo balam /

Line : 20  Pada: al     kṣiṇomi brahmaṇāmitrān unnayāmi svām̐ aham //


Anuvaka: 8  
Line : 21  Pada: a     dr̥śāno rukma urviyā vyadyaud durmarṣam āyuś śriye rucānaḥ /

Line : 22  Pada: b     agnir amr̥to abʰavat sahobʰir yad enaṃ dyaur ajanayat suretāḥ //

Page: 229  
Line : 1  Pada: c     naktoṣāsā samanasā virūpe dʰāpayete śiśum ekam̐ samīcī /

Line : 2  Pada: d     dyāvākṣāmā rukmo antar vibʰāti devā agniṃ dʰārayan draviṇodāḥ //

Line : 3  Pada: e     viśvā rūpāṇi pratimuñcate kaviḥ prāsāvīd bʰadraṃ dvipade catuṣpade /

Line : 4  Pada: f     vi nākam akʰyat savitā vareṇyo 'nu prayāṇam uṣaso virājati //

Line : 5  Pada: g     suparṇo 'si garutmān

Pada: h     trivr̥t te śiras \

Pada: i     gāyatraṃ cakṣur

Pada: j     br̥hadratʰantare pakṣau

Line : 6  Pada: k     stoma ātmā

Pada: l     cʰandām̐sy aṅgāni

Pada: m     yajūm̐ṣi nāma

Pada: n     sāma te tanūr vāmadevyam \

Pada: o     yajñāyajñīyaṃ puccʰam \

Line : 7  Pada: p     dʰiṣṇyāś śapʰās

Pada: q     suparṇo 'si garutmān

Pada: r     divaṃ gaccʰa

Pada: s     svaḥ pata //

Line : 8  Pada: t     viṣṇoḥ kramo 'si sapatnahā

Pada: u     gāyatraṃ cʰanda āroha

Pada: v     pr̥tʰivīm anuvikramasva

Line : 9  Pada: w     viṣṇoḥ kramo 'sy abʰimātihā

Pada: x     traiṣṭubʰaṃ cʰanda āroha \

Pada: y     antarikṣam anuvikramasva

Line : 10  Pada: z     viṣṇoḥ kramo 'sy arātīyato hantā

Pada: aa     jāgataṃ cʰanda āroha

Line : 11  Pada: ab     divam anuvikramasva

Pada: ac     viṣṇoḥ kramo 'si śatrūyato hantā

Pada: ad     ānuṣṭubʰaṃ cʰanda āroha

Line : 12  Pada: ae     diśo 'nuvikramasva //

Line : 13  Pada: af     akrandad agnis stanayann iva dyauḥ kṣāmā rerihad vīrudʰas samañjan /

Line : 14  Pada: ag     sadyo jajñāno vi hīm iddʰo akʰyad ā rodasī bʰānunā bʰāty antaḥ //

Line : 15  Pada: ah     agne 'bʰyāvartinn abʰi no nivartasvāyuṣā varcasā prajayā dʰanena sanyā medʰayā //

Line : 17  Pada: ai     agne aṅgiraś śataṃ te santv āvr̥tas sahasraṃ ta upāvr̥taḥ /

Line : 18  Pada: aj     adʰā poṣasya poṣeṇa punar no naṣṭam ākr̥dʰi punar no rayim ākr̥dʰi //

Line : 19  Pada: ak     punar ūrjā nivartasva punar agna iṣāyuṣā /

Line : 20  Pada: al     punar naḥ pāhy am̐hasaḥ //

Line : 21  Pada: am     saha rayyā nivartasvāgne pinvasva dʰārayā /

Line : 22  Pada: an     viśvapsnyā viśvatas pari //

Line : 23  Pada: ao     ā tvāhārṣam antar abʰūr dʰruvas tiṣṭʰāvicācalat /

Line : 24  Pada: ap     viśas tvā sarvā vāñcʰantv asme rāṣṭram adʰiśraya //

Page: 230  
Line : 1  Pada: aq     ud uttamaṃ varuṇa pāśam asmad avādʰamaṃ vi madʰyamam̐ śratʰāya /

Line : 2  Pada: ar     atʰā vayam āditya vrate tavānāgaso aditaye syāma //

Line : 3  Pada: as     agre br̥hann uṣasām ūrdʰvo astʰān nirjaganvān tamaso jyotiṣāgāt /

Line : 4  Pada: at     agnir bʰānunā ruśatā svaṅga ā jāto viśvā sadmāny aprāḥ //

Line : 5  Pada: au     ham̐saś śuciṣad vasur antarikṣasad dʰotā vediṣad atitʰir duroṇasat /

Line : 6  Pada: av     nr̥ṣad varasad r̥tasad vyomasad abjā gojā r̥tajā adrijā r̥tam //

Line : 7  Pada: aw     sīda tvaṃ mātur asyā upastʰe viśvāny agne vayunāni vidvān /

Line : 8  Pada: ax     maināṃ tapasā mārciṣābʰiśuco * 'ntar asyām̐ śukrajyotir vibʰāhi //
      FN emended. Ed.: mārciṣābʰiśoco. Mittwede, Textkritische Bemerkungen, p. 92

Line : 9  Pada: ay     antar agne rucā tvam ukʰāyām̐ sadane sve /

Line : 10  Pada: az     tasyās tvam̐ harasā tapañ jātavedaś śivo bʰava //

Line : 11  Pada: ba     śivo bʰūtvā mahyam agne 'tʰo sīda śivas tvam /

Line : 12  Pada: bb     śivāḥ kr̥tvā diśas sarvās svaṃ yonim ihāsadaḥ //


Anuvaka: 9  
Line : 13  Pada: a     divas pari pratʰamaṃ jajñe agnir asmad dvitīyaṃ pari jātavedāḥ /

Line : 14  Pada: b     tr̥tīyam apsu nr̥maṇā ajasram indʰāna enaṃ janate * svādʰīḥ //
      FN Mittwede, Textkritische Bemerkungen, p. 92

Line : 15  Pada: c     vidmā te agne tredʰā trayāṇi vidmā te sadma vibʰr̥taṃ purutrā /

Line : 16  Pada: d      *vidmā tam utsaṃ yata ājagantʰa vidmā te nāma paramaṃ guhā yat //
      FN Mittwede, Textkritische Bemerkungen, p. 92

Line : 17  Pada: e     samudre tvā nr̥maṇā apsv antar nr̥cakṣā īdʰe divo agna ūdʰan /

Line : 18  Pada: f     tr̥tīye tvā rajasi tastʰivām̐sam r̥tasya yonau mahiṣā ahinvan //

Line : 19  Pada: g     akrandad agnis stanayann iva dyauḥ kṣāmā rerihad vīrudʰas samañjan /

Line : 20  Pada: h     sadyo jajñāno vi hīm iddʰo akʰyad ā rodasī bʰānunā bʰāty antaḥ //

Line : 21  Pada: i     uśik pāvako aratis sumedʰā martyeṣv agnir amr̥to nidʰāyi /

Line : 22  Pada: j     iyarti dʰūmam aruṣo bʰaribʰrad uc cʰukreṇa śociṣā dyām inakṣan //

Page: 231  
Line : 1  Pada: k     śrīṇām udāro dʰaruṇo rayīṇāṃ manīṣāṇāṃ prārpaṇas somagopāḥ /

Line : 2  Pada: l     vasus sūnus sahaso apsu rājā vibʰāty agra uṣasām idʰānaḥ //

Line : 3  Pada: m     viśvasya jajñe bʰuvanasya rājā rodasī apr̥ṇāj jāyamānaḥ /

Line : 4  Pada: n     vīḍuṃ cid adrir * abʰinat parāyañ janā yad agnim ayajanta pañca //
      FN Mittwede, Textkritische Bemerkungen, p. 92

Line : 5  Pada: o     yas te adya kr̥ṇavad bʰadraśoce 'pūpaṃ deva gʰr̥tavantam agne /

Line : 6  Pada: p     pra taṃ naya prataraṃ vasyo accʰābʰi dyumnaṃ devahitaṃ yaviṣṭʰya //

Line : 7  Pada: q     ā taṃ bʰaja sauśravaseṣv agna uktʰa * ābʰaja śasyamāne /
      FN Mittwede, Textkritische Bemerkungen, p. 92: uktʰauktʰa

Line : 8  Pada: r     priyas sūrye priyo agnā bʰavāty uj jātena bʰinadad uj janitvaiḥ //

Line : 9  Pada: s     dr̥śāno rukma urviyā vyadyaud durmarṣam āyuś śriye rucānaḥ /

Line : 10  Pada: t     agnir amr̥to abʰavat sahobʰir yad enaṃ dyaur ajanayat suretāḥ //

Line : 11  Pada: u     tvām agne yajamānā anu dyūn viśvā vasu dadʰire vāryāṇi /

Line : 12  Pada: v     tvayā saha draviṇam iccʰamānā vrajaṃ gomantam uśijo apavran //


Anuvaka: 10  
Line : 13  Pada: a     úd u tvā víśve devā́ ágne bʰárantu cíttibʰiḥ /

Line : 14  Pada: b     sá no bʰava śivás tvám̐ suprátīko vibʰā́vasuḥ //

Line : 15  Pada: c     préd agne jyótiṣmān yāhi śivébʰir arcíbʰiṣ ṭvám /

Line : 16  Pada: d     br̥hádbʰir bʰānúbʰir bʰā́san mā́ him̐sīs tanvā̀ prajā́ḥ //

Line : 17  Pada: e     ákrandad agnís stanáyann iva dyaúḥ kṣámā rérihad vīrúdʰas samañján /

Line : 18  Pada: f     sadyó jajñānó ví hī́m iddʰó ákʰyad ā́ ródasī bʰānúnā bʰāty antáḥ //

Line : 19  Pada: g     ánnapate ánnasya no dehy anamīvásya śuṣmíṇaḥ /

Line : 20  Pada: h     prápra dātā́raṃ tāriṣa ū́rjaṃ no dʰehi dvipáde cátuṣpade //

Line : 21  Pada: i     samídʰāgníṃ duvasyata gʰr̥taír bodʰayatā́titʰim /

Line : 22  Pada: j     ā́smin havyā́ juhotana //

Page: 232  
Line : 1  Pada: k     práprāyám agnír bʰaratásya śr̥ṇve ví yát sū́ryo ná rócate br̥hád bʰā́ḥ /

Line : 2  Pada: l     abʰí yáḥ pūrúṃ pŕ̥tanāsu tastʰaú dīdā́ya daívyo átitʰiś śivó naḥ //

Line : 3  Pada: m     ā́po devīḥ prátigr̥hṇīta bʰásmaitát syoné kr̥ṇudʰvam̐ surabʰā́ u loké /

Line : 4  Pada: n     tásmai namantāṃ jánayas supátnīr mātéva putráṃ bibʰr̥tā sv ènam //

Line : 5  Pada: o     apsv àgne sádʰiṣ ṭáva saúṣadʰīr ánu rudʰyase /

Line : 6  Pada: p      *gárbʰe sáṃjāyase púnaḥ //
      FN Mittwede, Textkritische Bemerkungen, p. 92: gárbʰe sán

Line : 7  Pada: q     gárbʰo asy óṣadʰīnāṃ gárbʰo vánaspátīnām /

Line : 8  Pada: r     gárbʰo víśvasya bʰūtásyā́gne gárbʰo apā́m asi //

Line : 9  Pada: s     prasádya bʰásmanā yónim apáś ca pr̥tʰivī́m agne /

Line : 10  Pada: t     sam̐sŕ̥jya mātŕ̥bʰiṣ ṭváṃ jyotíṣmān púnar ā́sadaḥ //

Line : 11  Pada: u     púnar āsádya sádanam apáś ca pr̥tʰivī́m agne /

Line : 12  Pada: v     śéṣe mātúr yátʰopástʰe 'ntár asyām̐ śivátamaḥ //

Line : 13  Pada: w     púnar ūrjā́

Pada: x     sahá rayyā́ //

Line : 14  Pada: y     bódʰā me asyá vácaso yaviṣṭʰa mám̐hiṣṭʰasya prábʰr̥tasya svadʰāvaḥ /

Line : 15  Pada: z     níndati tvo ánu tvo gr̥ṇāti vandā́ruṃ te tanvàṃ vande agne //

Line : 16  Pada: aa     sá bodʰi sūrír magʰávā vasudā́vā vásupatiḥ /

Line : 17  Pada: ab     yuyodʰy àsmád dvéṣām̐si //


Anuvaka: 11  
Line : 18  Pada: a     apeta vīta vi ca sarpatāto ye 'tra stʰa purāṇā ye ca nūtanāḥ /

Line : 19  Pada: b     adād yamo 'vasānaṃ pr̥tʰivyā akrann imaṃ pitaro lokam asmai //

Line : 20  Pada: c     saṃjñānam asi kāmadʰaraṇam \

Pada: d     mayi te kāmadʰaraṇaṃ bʰūyāt \

Pada: e     agner bʰasmāsi \

Pada: f     agneḥ purīṣam asi

Line : 21  Pada: g     citas stʰa paricitas \

Pada: h     ūrdʰvaśritaś * śrayadʰvam //
      FN Mittwede, Textkritische Bemerkungen, p. 93

Line : 22  Pada: i     ayam̐ so agnir yasmin somam indras sutaṃ dadʰe jaṭʰare vāvaśānaḥ /

Line : 23  Pada: j     sahasriṇaṃ vājam atyaṃ na saptim̐ sasavān san stūyase jātavedaḥ //

Page: 233  
Line : 1  Pada: k     agne divo arṇam accʰā jigāsy accʰā devām̐ ūciṣe dʰiṣṇyā ye /

Line : 2  Pada: l     yās tvāvastād upatiṣṭʰanta āpo yā vā paro rocane sūryasya //

Line : 3  Pada: m     agne yat te divi varcaḥ pr̥tʰivyāṃ yat parvateṣv oṣadʰīṣv apsu /

Line : 4  Pada: n     yenāntarikṣam urv ātatantʰa tveṣas sa bʰānur arṇavo nr̥cakṣāḥ //

Line : 5  Pada: o     purīṣyāso agnayaḥ pravaṇena sajoṣasaḥ /

Line : 6  Pada: p     juṣantām̐ havyam āhutam anamīvā iṣo mahīḥ //

Line : 7  Pada: q     iḍām agne purudam̐sam̐ saniṃ goś śaśvattamam̐ havamānāya sādʰa /

Line : 8  Pada: r     syān nas sūnus tanayo vijāvāgne sā te sumatir bʰūtv asme //

Line : 9  Pada: s     ayaṃ te yonir r̥tviyo yato jāto arocatʰāḥ /

Line : 10  Pada: t     taṃ jānann agna āroha tato no vardʰayā rayim //

Line : 11  Pada: u     cid asi

Pada: v     tayā devatayāṅgirasvad dʰruvā sīda

Pada: w     paricid asi

Pada: x     tayā deva tayāṅgirasvad dʰruvā sīda //

Line : 13  Pada: y     samitam̐ saṃkalpetʰām̐ saṃpriyau rociṣṇū sumanasyamānau /

Line : 14  Pada: z     iṣam ūrjam abʰi saṃvasānau * //
      FN Mittwede, Textkritische Bemerkungen, p. 93

Line : 15  Pada: aa     saṃ vāṃ manām̐si saṃ vratā sam u cittāny ākaram /

Line : 16  Pada: ab     agne purīṣyādʰipā bʰava tvaṃ na iṣam ūrjaṃ yajamānāya dʰehi //

Line : 17  Pada: ac     agne tvaṃ purīṣyo rayimān puṣṭimām̐ asi /

Line : 18  Pada: ad     śivāḥ kr̥tvā diśas sarvās svaṃ yonim ihāsadaḥ //

Line : 19  Pada: ae     bʰavataṃ nas samanasau samokasā arepasau /

Line : 20  Pada: af     mā him̐siṣṭaṃ yajñapatiṃ mā yajñaṃ jātavedasau

Pada: ag     śivau bʰavatam adya naḥ //

Line : 21  Pada: ah     māteva putraṃ pr̥tʰivī purīṣyam agnim̐ sve yonā abʰār ukʰā /

Line : 22  Pada: ai     tāṃ viśve devā r̥tubʰis saṃvidānāḥ prajāpatir viśvakarmā vimuñcatu //


Anuvaka: 12  
Page: 234  
Line : 1  Pada: a     yad asya pāre rajasaś citraṃ jyotir ajāyata /

Line : 2  Pada: b     tan naḥ parṣad ati dviṣo 'gne vaiśvānara dyumat //

Line : 3  Pada: c     asunvantam ayajamānam iccʰa stenasyetyāṃ taskarasyānvihi /

Line : 4  Pada: d     anyam asmad iccʰa sā ta ityā namo devi nirr̥te tubʰyam astu //

Line : 5  Pada: e     yat te asmin gʰora āsan juhomy eṣāṃ bandʰānām avasarjanāya kam /

Line : 6  Pada: f     yāṃ tvā jano bʰūmir iti pramandate nirr̥tir iti tvāhaṃ pari veda viśvataḥ //

Line : 8  Pada: g     namas su te nirr̥te tigmatejo 'yasmayaṃ viśr̥tā * bandʰam etam /
      FN Mittwede, Textkritische Bemerkungen, p. 93: vicr̥tā

Line : 9  Pada: h     yamena tvaṃ yamyā saṃvidānottame nāke adʰi rohayainam //

Line : 10  Pada: i     yaṃ te devī nirr̥tir ābabandʰa pāśaṃ grīvāsv avicartyam /

Line : 11  Pada: j     taṃ te viṣyāmy āyuṣo nu madʰye 'dʰā viṣitaḥ pitumad dʰi pramuktaḥ //

Line : 12  Pada: k     niveśanas saṃgamano vasūnāṃ viśvā rūpābʰicaṣṭe śacībʰiḥ /

Line : 13  Pada: l     deva iva savitā satyadʰarmendro na tastʰau samare patʰīnām //

Line : 14  Pada: m     sīrā yuñjanti kavayo yugā vitanvate pr̥tʰak /

Line : 15  Pada: n     dʰīrā deveṣu sumnayā //

Line : 16  Pada: o     yunakta sīrā vi yugā tanota kr̥to yonir vapateha bījam /

Line : 17  Pada: p     girā ca śruṣṭis sabʰarā asan no nedīya it sr̥ṇyaḥ pakvam āyat //

Line : 18  Pada: q     pūṣā yunaktu savitā yunaktu br̥haspatis savitā devo agniḥ //

Line : 19  Pada: r     śunam̐ supʰālā vitudantu bʰūmim̐ śunaṃ kīnāśā abʰiyantu vāhaiḥ /

Line : 20  Pada: s     śunāsīrā havyajuṣṭiṃ juṣāṇedaṃ bījam avatam upyamānam //

Line : 21  Pada: t     lāṅgalaṃ pavīravam̐ suśevam̐ somapitsaru /

Line : 22  Pada: u     ud id vapati gām aviṃ prastʰāvad ratʰavāhanam \

Pada: v     prapʰarvyaṃ ca pīvarīm //

Page: 235  
Line : 1  Pada: w     gʰr̥tena sītā madʰunā samajyatāṃ viśvair devair anumataṃ marudbʰiḥ /

Line : 2  Pada: x     ūrjo bʰāgaṃ madʰumat pinvamānāsmān sīte payasābʰyāvavr̥tsva //

Line : 3  Pada: y     vimucyadʰvam agʰnyā devayānā aganma tamasas pāram /

Line : 4  Pada: z     jyotir āpāma //

Line : 5  Pada: aa     kāmaṃ kāmadugʰe dʰukṣva mitrāya varuṇāya ca /

Line : 6  Pada: ab     indrāyāśvibʰyāṃ pūṣṇe prajābʰya oṣadʰībʰyaḥ //



Anuvaka: 13  
Line : 7  Pada: a     yā́ óṣadʰayaḥ pratʰamajā́ devébʰyas triyugáṃ purā́ /

Line : 8  Pada: b     mánai nú babʰrū́ṇām ahám̐ śatáṃ dʰā́māni saptá ca //

Line : 9  Pada: c     śatáṃ vo amba dʰā́māni sahásram utá vo rúhaḥ /

Line : 10  Pada: d     ádʰā śatakratavo yūyám imáṃ me agadáṃ kr̥ta //

Line : 11  Pada: e     púṣpavatīḥ prasū́matīḥ pʰalínīr apʰalā́ utá /

Line : 12  Pada: f     áśvā iva sajítvarīr vīrúdʰaḥ pārayiṣṇávaḥ //

Line : 13  Pada: g     óṣadʰīr íti mātaras tád vo devīr úpabruve /

Line : 14  Pada: h     rápām̐si vigʰnatī́r ita rákṣaś cātáyamānāḥ //

Line : 15  Pada: i     aśvattʰé vo niṣádanaṃ parṇé vo vasatíṣ kr̥tā́ /

Line : 16  Pada: j     gobʰā́ja ít kílāsatʰa yát sanávātʰa pū́ruṣam //

Line : 17  Pada: k     aśvāvatī́m̐ somāvatī́m ūrjáyantīm údojasam /

Line : 18  Pada: l     ā́vitsi sárvā óṣadʰīr asmā́ ariṣṭátātaye //

Line : 19  Pada: m     yád óṣadʰayas samágmata rā́jānas sámitā iva /

Line : 20  Pada: n     vípras sá ucyate bʰiṣág rakṣohā́mīvacā́tanaḥ //

Line : 21  Pada: o     úc cʰúṣmā óṣadʰīnāṃ gā́vo goṣṭʰā́d iverate /

Line : 22  Pada: p     dʰánam̐ saniṣyántīnām ātmā́naṃ táva pūruṣa //

Page: 236  
Line : 1  Pada: q     áti víśvāḥ pariṣṭʰās stena iva vrajam akramuḥ /

Line : 2  Pada: r     oṣadʰayaḥ prācucyavur yat kiṃcit tanvo rapaḥ //

Line : 3  Pada: s     yās ta ātastʰur ātmānam āviviśuḥ paruṣparuḥ /

Line : 4  Pada: t     tās te yakṣmaṃ vibādʰantām ugro madʰyamaśīr iva //

Line : 5  Pada: u     yad ahaṃ vājayann imā óṣadʰīr hásta ādadʰé /

Line : 6  Pada: v     ātmā́ yákṣmasya naśyati purā́ jīvagŕ̥bʰo yatʰā //

Line : 7  Pada: w     níṣkr̥tir nā́ma vo mātā́tʰo tvám asi níṣkr̥tiḥ /

Line : 8  Pada: x     sarā́ḥ patatríṇīs stʰa yád āmáyati níṣkr̥ta //

Line : 9  Pada: y     sākáṃ yakṣma prápata cā́ṣeṇa kikidīvínā /

Line : 10  Pada: z     sākáṃ vā́tasya dʰrā́jyā sākáṃ naśya nihā́kayā //

Line : 11  Pada: aa     anyā́ vo anyā́m avatv anyānyasyā upāvata /

Line : 12  Pada: ab     tā́s sárvās saṃvidānā́ idáṃ me prā́vatā vácaḥ //

Line : 13  Pada: ac     avapátantīr avadan divo 'ntebʰyas pári /

Line : 14  Pada: ad     yáṃ jīvám aśnávāmahai ná sá riṣyāti pū́ruṣaḥ //

Line : 15  Pada: ae     yā́ḥ pʰalínīr yā́ apʰalā́ akośā́ḥ kośínīś ca yā́ḥ /

Line : 16  Pada: af     bŕ̥haspátiprasūtās tā́ no muñcantv ám̐hasaḥ //

Line : 17  Pada: ag     yā́ś cedám upaśr̥ṇvánti yā́ś ca dūráṃ párāgatāḥ /

Line : 18  Pada: ah     bŕ̥haspátiprasūtās tā́ no muñcantv ám̐hasaḥ //

Line : 19  Pada: ai     yā́s sómarājñīr váruṇasya rā́jño yā́sāṃ víśve devā́ ádʰipatayaś ca sárve /

Line : 20  Pada: aj     yā́ antárikṣe diví yā́ḥ pr̥tʰivyā́ṃ tā́ nas stutā́ óṣadʰīḥ pārayantu //


Anuvaka: 14  
Page: 237  
Line : 1  Pada: a     mā no him̐sīj janitā yaḥ pr̥tʰivyā yo divam̐ satyadʰarmā vyānaṭ /

Line : 2  Pada: b     yaś cāpaś candrāḥ pratʰamo jajāna kasmai devāya haviṣā vidʰema //

Line : 3  Pada: c     abʰyāvartasva pr̥tʰivi yajñena payasā saha /

Line : 4  Pada: d     vapāṃ te agnir iṣito arohat //

Line : 5  Pada: e     agne yat te śukraṃ yac candraṃ yat pūtaṃ yac ca yajñiyam /

Line : 6  Pada: f     tad devebʰyo bʰarāmasi //

Line : 7  Pada: g     iṣam ūrjam aham ita ādy r̥tasya yoniṃ mahiṣasya dʰārām /

Line : 8  Pada: h     ā no goṣu viśatv ā tanūṣu jahāmi sedim anirām amīvām //

Line : 9  Pada: i     agne tava śravo vayo mahi bʰrājanty arcayo vibʰāvaso /

Line : 10  Pada: j     br̥hadbʰāno śavasā vājam uktʰyaṃ dadʰāsi dāśuṣe kave //

Line : 11  Pada: k     pāvakavarcāś śukravarcā anūnavarcā ud iyarṣi bʰānunā /

Line : 12  Pada: l     putraḥ pitarā vicarann upāvasi pr̥ṇakṣi rodasī ubʰe //

Line : 13  Pada: m     ūrjo napāj jātavedas suśastibʰir mandasva dʰītibʰir hitaḥ /

Line : 14  Pada: n     tve viśve saṃdadʰur bʰūrivarpasaś citrotayo vāmajātāḥ //

Line : 15  Pada: o     irajyann agne pratʰayasva jantubʰir asme rāyo amartya /

Line : 16  Pada: p     sa darśatasya vapuṣo virājasi pr̥ṇakṣi sānasiṃ rayim //

Line : 17  Pada: q     r̥tāvānaṃ mahiṣaṃ viśvadarśatam agnim̐ sumnāya dadʰire puro janāḥ /

Line : 18  Pada: r     śrutkarṇam̐ sapratʰastamaṃ tvā yujā viprāso mānuṣā yugā //

Line : 19  Pada: s     niṣkartāram adʰvarasya pracetasaṃ kṣayantam̐ śavase mahe /

Line : 20  Pada: t     rātiṃ vāmasya subʰagāṃ mahīm iṣaṃ pr̥ṇakṣi darśataṃ kratum //

Line : 21  Pada: u     āpyāyasva sametu te viśvatas soma vr̥ṣṇyam /

Line : 22  Pada: v     bʰavā vājasya saṃgatʰe //

Page: 238  
Line : 1  Pada: w     saṃ te payām̐si sam u yantu vājās saṃ vr̥ṣṇyāny abʰimātiṣāhaḥ /

Line : 2  Pada: x     āpyāyamāno amr̥tāya soma divi śravām̐sy uttamāni dʰiṣva //



Anuvaka: 15  
Line : 4  Pada: a     apāṃ pr̥ṣṭʰam asi yonir agnes samudram abʰitaḥ pinvamānam /

Line : 5  Pada: b     vardʰamāno mahām̐ ā ca puṣkare divo mātrayā variṇā pratʰasva //

Line : 6  Pada: c     brahma jajñānaṃ pratʰamaṃ purastād vi sīmatas suruco vena āvaḥ /

Line : 7  Pada: d     sa budʰnyā upamā asya viṣṭʰās sataś ca yonim asataś ca vi vaḥ //

Line : 8  Pada: e     hiraṇyagarbʰas samavartatāgre bʰūtasya jātaḥ patir eka āsīt /

Line : 9  Pada: f     sa dādʰāra pr̥tʰivīṃ dyām utemāṃ kasmai devāya haviṣā vidʰema //

Line : 10  Pada: g     drapsaś caskanda pr̥tʰivīm anu dyām imaṃ ca yonim anu yaś ca pūrvaḥ /

Line : 11  Pada: h     samānaṃ yonim anu saṃcarantaṃ drapsaṃ juhomy anu sapta hotrāḥ //

Line : 12  Pada: i     námo astu sarpébʰyo yé ké ca pr̥tʰivyā́m ádʰi /

Line : 13  Pada: j     yé antárikṣe yé diví tébʰyas sarpébʰyo námaḥ //

Line : 14  Pada: k     yéṣu vā * yātudʰā́nā yé vā vánaspátīm̐r ánu /
      FN Mittwede, Textkritische Bemerkungen, p. 93: yá íṣavo

Line : 15  Pada: l     yè 'vaṭéṣu śérate tébʰyas sarpébʰyo námaḥ //

Line : 16  Pada: m     yé vādó rocané divó yé vā sū́ryasya raśmíṣu /

Line : 17  Pada: n     yè 'psú sádām̐si cakriré tébʰyas sarpébʰyo námaḥ //

Line : 18  Pada: o     kr̥ṇuṣvá pā́jaḥ prásitiṃ ná pr̥tʰvī́ṃ yāhí rā́jevā́mavām̐ íbʰena /

Line : 19  Pada: p     tr̥ṣvī́m ánu prásitiṃ drūṇānó 'stāsi vídʰya rakṣásas tápiṣṭʰaiḥ //

Line : 20  Pada: q     táva bʰramā́sa āśuyā́ patanty ánuspr̥śa dʰr̥ṣatā́ śóśucānaḥ /

Line : 21  Pada: r     tápūm̐ṣy agne juhvā̀ pataṅgā́n ásaṃdito vísr̥ja víṣvag ulkā́ḥ //

Line : 22  Pada: s     práti spáśo vísr̥ja tū́rṇitamo bʰávā pāyúr viśó asyā́ ádabdʰaḥ /

Line : 23  Pada: t     yó no dūré agʰáśam̐so yó ánty ágne mā́kiṣ ṭe vyátʰir ā́dadʰarṣīt //

Page: 239  
Line : 1  Pada: u     úd agne tiṣṭʰa práty ā́tanuṣva ny àmítrām̐ oṣatāt tigmahete /

Line : 2  Pada: v     yó no árātim̐ samidʰāna cakré nīcā́ táṃ dʰakṣy atasáṃ ná śúṣkam //

Line : 3  Pada: w     ūrdʰvó bʰava prátividʰyā́dʰy asmád āvíṣ kr̥ṇuṣva daívyāny agne /

Line : 4  Pada: x     áva stʰirā́ tanuhi yātujū́nāṃ jāmím ájāmiṃ prámr̥ṇīhi śátrūn //

Line : 5  Pada: y     agnes tvā tejasā sādayāmi \

Pada: z     indrasya tvaujasā sādayāmi //

Line : 6  Pada: aa     ayam agnis sahasriṇo vājasya śatinaspatiḥ /

Line : 7  Pada: ab     mūrdʰā kavī rayīṇām //

Line : 8  Pada: ac     bʰuvo yajñasya rajasaś ca netā yatrā niyudbʰis sacase śivābʰiḥ /

Line : 9  Pada: ad     divi mūrdʰānaṃ dadʰiṣe svarṣāṃ jihvām agne cakr̥ṣe havyavāham //


Anuvaka: 16  
Line : 10  Pada: a     dʰruvāsi dʰaruṇā \

Pada: b     astr̥tā viśvakrmaṇā

Pada: c     mā tvā samudra udvadʰīn mā suparṇas \

Line : 11  Pada: d     avyatʰamānā pr̥tʰivīṃ dr̥m̐ha

Pada: e     pratʰo 'si

Pada: f     pr̥tʰivy àsi

Pada: g     bʰūr asi

Pada: h     bʰūmir asi \

Pada: i     aditir asi

Line : 12  Pada: j     tayā devatayāṅgirasvad dʰruvā sīda //

Line : 13  Pada: k     kāṇḍātkāṇḍāt prarohantī paruṣasparuṣas pari /

Line : 14  Pada: l     evā no dūrve pratanu sahasreṇa śatena ca //

Line : 15  Pada: m     yā śatena pratanoṣi sahasreṇa virohasi /

Line : 16  Pada: n     tasmai * te devīṣṭake vidʰema haviṣā vayam //
      FN Mittwede, Textkritische Bemerkungen, p. 93: tasyai

Line : 17  Pada: o     yās te agne sūrye ruco divam ātanvanti raśmibʰiḥ /

Line : 18  Pada: p     tābʰir no adya sarvābʰī ruce janāya nas kr̥dʰi //

Line : 19  Pada: q     yā vo devās sūrye ruco goṣv aśveṣu yā rucaḥ /

Line : 20  Pada: r     indrāgnī tābʰis sarvābʰī rucaṃ no dʰatta br̥haspate //

Line : 21  Pada: s     virāḍ jyotir adʰārayat

Pada: t     svarāḍ jyotir adʰārayat \

Pada: u     aṣāḍʰāsi sahamānā

Line : 22  Pada: v     sahasvārātim̐ sahasva pr̥tanāyatas

Pada: w     sahasravīryāsi sā mā jinva //

Page: 240  
Line : 1  Pada: x     mahī dyauḥ pr̥tʰivī ca na imaṃ yajñaṃ mimikṣatām /

Line : 2  Pada: y     pipr̥tāṃ no bʰarīmabʰiḥ //

Line : 3  Pada: z     viṣṇoḥ karmāṇi paśyata yato vratāni paspaśe /

Line : 4  Pada: aa     indrasya yujyas sakʰā //

Line : 5  Pada: ab     sarit * sravanti sarito na dʰenā antar hr̥dā manasā yaś cikitre /
      FN Mittwede, Textkritische Bemerkungen, p. 93: sam it

Line : 6  Pada: ac     gʰr̥tasya dʰārā abʰicākaśīmi hiraṇyayo vetaso madʰye agneḥ //

Line : 7  Pada: ad      *r̥ce tvā
      FN Mittwede, Textkritische Bemerkungen, p. 94

Pada: ae     ruce tvā

Pada: af     bʰāse tvā

Pada: ag     jyotiṣe tvā \

Pada: ah     abʰūd idaṃ viśvasya bʰuvanasya vājinam agner vaiśvānarasya ca \

Line : 8  Pada: ai     agnir jyotiṣā jyotiṣmān

Pada: aj     rukmo varcasā varcasvān

Line : 9  Pada: ak     dʰruvāsi dʰaruṇā

Pada: al     sahasradā asi

Pada: am     sahasrāya tvā //


Anuvaka: 17  
Line : 10  Pada: a     ādityáṃ gárbʰaṃ páyasā samañján sahásrasya pratimā́ṃ viśvárūpam /

Line : 11  Pada: b     párivr̥ṅdʰi hárasā mā́bʰímam̐stʰāś śatā́yuṣaṃ kr̥ṇuhi cīyámānaḥ //

Line : 12  Pada: c     vā́tasya jūtíṃ váruṇasya nā́bʰim áśvaṃ jajñānám̐ sarirásya mádʰye /

Line : 13  Pada: d     śíśuṃ nadī́nām̐ hárim ádribudʰnam ágne mā́ him̐sīḥ paramé vyòman //

Line : 14  Pada: e     ájasram índram * aruṣáṃ bʰuraṇyúm agním īḍe pūrvácittiṃ námobʰiḥ /
      FN Mittwede, Textkritische Bemerkungen, p. 94: índum

Line : 15  Pada: f     sá párvabʰir r̥tuśáḥ kálpamānas sá gā́ṃ mā́ him̐sīr áditiṃ virā́jam //

Line : 16  Pada: g     várutrīṃ tváṣṭur váruṇasya nā́bʰim áviṃ jajñānā́ṃ rájasaḥ párasmāt /

Line : 17  Pada: h     mahī́m̐ sāhasrī́m ásurasya māyā́ṃ tā́m agne héḍaḥ pári te vr̥ṇaktu //

Line : 18  Pada: i     yó agnír agnés tápasó 'dʰi jātáś śókāt pr̥tʰivyā́ utá vā divás pári /

Line : 19  Pada: j     yéna prajā́ viśvákarmā jajā́na tám agne héḍaḥ pári te vr̥ṇaktu //

Page: 241  
Line : 1  Pada: k     imáṃ mā́ him̐sīr dvipā́daṃ paśūnā́m̐ sáhasrākṣa médʰa ā́ cīyámānaḥ /

Line : 2  Pada: l     mayúṃ paśúṃ medʰam agne juṣasva téna cinvānás tanvò níṣīda //

Line : 3  Pada: m     mayúṃ te kṣút \

Pada: n     yáṃ dviṣmás táṃ te śúg r̥ccʰatu //

Line : 4  Pada: o     imáṃ mā́ him̐sīr ékaśapʰaṃ paśūnā́ṃ kanikradáṃ vājínaṃ vā́jineṣu /

Line : 5  Pada: p     gaurám āraṇyám ánu te diśāmi téna cinvānás tanvò níṣīda //

Line : 6  Pada: q     gauráṃ te kṣút \

Pada: r     yáṃ dviṣmás táṃ te śúg r̥ccʰatu //

Line : 7  Pada: s     imám̐ sāhasrám̐ śatádʰāram útsaṃ vyacyámānam̐ sarirásya mádʰye /

Line : 8  Pada: t     gʰr̥táṃ dúhānām áditiṃ jánāyā́gne mā́ him̐sīḥ paramé vyòman //

Line : 9  Pada: u     gavayám āraṇyám ánu te diśāmi téna cinvānás tanvò níṣīda //

Line : 10  Pada: v     gavayáṃ te kṣút \

Pada: w     yáṃ dviṣmás táṃ te śúg r̥ccʰatu //

Line : 11  Pada: x     imám ūrṇāyúṃ váruṇasya nā́bʰiṃ tvácaṃ paśūnā́ṃ dvipádāṃ cátuṣpadām /

Line : 12  Pada: y     tváṣṭuḥ prajā́nāṃ pratʰamáṃ janítram ágne mā́ him̐sīḥ paramé vyòman //

Line : 13  Pada: z     meṣám āraṇyam ánu te diśāmi téna cinvānás tanvò níṣīda //

Line : 14  Pada: aa     meṣáṃ te kṣút \

Pada: ab     yáṃ dviṣmás táṃ te śúg r̥ccʰatu //

Line : 15  Pada: ac     ajó hy àgnér ájaniṣṭa śókāt só apaśyaj janitā́ram ágre /

Line : 16  Pada: ad     téna devā́ devátām ágram āyam̐s téna róham āyann úpa médʰyāsaḥ //

Line : 17  Pada: ae     śarabʰám āraṇyám ánu te diśāmi téna cinvānás tanvò níṣīda //

Line : 18  Pada: af     śarabʰáṃ te kṣút \

Pada: ag     yáṃ dviṣmás táṃ te śúg r̥ccʰatu //


Anuvaka: 18  
Line : 19  Pada: a     apāṃ tveman sādayāmi \

Pada: b     apāṃ tvodman sādayāmi \

Pada: c     apāṃ tvā bʰasmani sādayāmi \

Line : 20  Pada: d     apāṃ tvā jyotiṣi sādayāmi \

Pada: e     apāṃ tvāyane sādayāmi \

Pada: f     arṇave tvā sadane sādayāmi

Line : 21  Pada: g     samudre tvā sadane sādayāmi

Pada: h     sarire tvā sadane sādayāmi \

Pada: i     apāṃ tvā kṣaye sādayāmi \

Line : 22  Pada: j     apāṃ tvā sadʰiṣi sādayāmi \

Pada: k     apāṃ tvā sadane sādayāmi \

Page: 242  
Line : 1  Pada: l     apāṃ tvā sadʰastʰe sādayāmi \

Pada: m     apāṃ tvā yonau sādayāmi \

Pada: n     apāṃ tvā purīṣe sādayāmi \

Line : 2  Pada: o     apāṃ tvā pātʰiṣi * sādayāmi
      FN Mittwede, Textkritische Bemerkungen, p. 94

Pada: p     gāyatreṇa tvā cʰandasā sādayāmi

Line : 3  Pada: q     traiṣṭubʰena jāgatenānuṣṭubʰena pāṅktena tvā cʰandasā sādayāmi //


Anuvaka: 19  
Line : 4  Pada: a     ayáṃ puró bʰū́s

Pada: b     tásya prāṇó bʰauvāyanás \

Pada: c     vasantáḥ prāṇāyanás \

Pada: d     gāyatrī́ vāsantī́

Line : 5  Pada: e     gāyatryā́ gāyatrám \

Pada: f     gāyatrā́d upām̐śúr

Pada: g     upām̐śós trivŕ̥t

Pada: h     trivŕ̥to ratʰantarám \

Line : 6  Pada: i     vásiṣṭʰa ŕ̥ṣiḥ

Pada: j     prajā́patigr̥hītayā tváyā prāṇáṃ gr̥hṇāmi prajā́bʰyas \

Pada: k     ayáṃ dakṣiṇā́ viśvákarmā

Line : 7  Pada: l     tásya máno vaiśvakarmaṇám \

Pada: m     grīṣmó mānasás

Pada: n     triṣṭúb graiṣmī́

Line : 8  Pada: o     triṣṭúbʰas svārám \

Pada: p     svārā́d antaryāmás \

Pada: q     antaryāmā́t pañcadaśáḥ

Pada: r     pañcadaśā́d br̥hát \

Line : 9  Pada: s     bʰarádvāja ŕ̥ṣiḥ

Pada: t     prajā́patigr̥hītayā tváyā máno gr̥hṇāmi prajā́bʰyas \

Line : 10  Pada: u     ayáṃ paścā́d viśvávyacās

Pada: v     tásya cákṣur vaiśvavyacasám \

Pada: w     varṣā́ṇi cākṣuṣā́ṇi

Pada: x     jágatī vārṣī́

Line : 11  Pada: y     jágatyā ŕ̥ksamam

Pada: z     ŕ̥ksamāc cʰukrás \

Pada: aa     śukrā́t saptadaśás

Pada: ab     saptadaśā́d vairūpám \

Line : 12  Pada: ac     jamádagnir ŕ̥ṣiḥ

Pada: ad     prajā́patigr̥hītayā tváyā cáskṣur gr̥hṇāmi prajā́bʰyas \

Pada: ae     idám uttarā́t svàs

Line : 13  Pada: af     tásya śrótram̐ sauvám \

Pada: ag     śarác cʰrautrī́ \

Pada: ah     anuṣṭúp śāradī́ \

Pada: ai     anuṣṭúbʰa aiḍám

Pada: aj     aiḍā́n mantʰī́

Line : 14  Pada: ak     mantʰína ekavim̐śás \

Pada: al     ekavim̐śā́d vairājám \

Pada: am     viśvā́mitra ŕ̥ṣiḥ

Pada: an     prajā́patigr̥hītayā tváyā śrótraṃ gr̥hṇāmi prajā́bʰyas \

Line : 15  Pada: ao     iyám upári matís

Pada: ap     tásyā vā́ṅ mātyā́

Line : 16  Pada: aq     hemantó vācyáḥ

Pada: ar     paṅktír haimantī́

Pada: as     paṅktyā́ nidʰánavat \

Pada: at     nidʰánavata āgrāyaṇás \

Line : 17  Pada: au     āgrāyaṇā́t triṇavatrayastrim̐śaú

Pada: av     triṇavatrayastrim̐śā́bʰyām̐ śākvararaivaté

Line : 18  Pada: aw     viśvákarmárṣiḥ

Pada: ax     prajā́patigr̥hītayā tváyā vā́caṃ gr̥hṇāmi prajā́bʰyaḥ //

Line : 19  Pada: ay     lokáṃ pr̥ṇa ccʰidráṃ pr̥ṇā́tʰo sīda dʰruvā́ tvám /

Line : 20  Pada: az     indrāgnī́ tvā bŕ̥haspátir asmín yónā asīṣadan //

Line : 21  Pada: ba     tā́ asya sū́dadohasas sómam̐ śrīṇanti pŕ̥śnayaḥ /

Line : 22  Pada: bb     jánman devā́nāṃ víśas triṣv ā́ rocané diváḥ //


Anuvaka: 20  
Page: 243  
Line : 1  Pada: a     sámiddʰo adyá mánuṣo duroṇé devó devā́n yajasi jātavedaḥ /

Line : 2  Pada: b     ā́ ca vaha mitramahaś cikitvā́n tváṃ dūtáḥ kavír asi prácetāḥ //

Line : 3  Pada: c     tánūnapāt patʰá r̥tásya yā́nān mádʰvā samañján svadayā sujihva /

Line : 4  Pada: d     mánmāni dʰībʰír utá yajñám r̥ndʰán devatrā́ ca kr̥ṇuhy adʰvaráṃ naḥ //

Line : 5  Pada: e     ājúhvāna ī́ḍyo vándyaś cā́ yāhy agne vásubʰis sajóṣāḥ /

Line : 6  Pada: f     tváṃ devā́nām asi yahva hótā sá enān yakṣīṣitó yájīyān //

Line : 7  Pada: g     prācī́naṃ barhíḥ pradíśā pr̥tʰivyā́ vástor asyā́ vr̥jyate ágre áhnām /

Line : 8  Pada: h     vy ù pratʰate vitaráṃ várīyo devébʰyo áditaye syonám //

Line : 9  Pada: i     vyácasvatīr urviyā́ víśrayantāṃ pátibʰyo ná jánayaś śumbʰámānāḥ * /
      FN Mittwede, Textkritische Bemerkungen, p. 94: śúmbʰamānāḥ

Line : 10  Pada: j     dévīr dvāro br̥hatīr viśvaminvā́ * devébʰyo bʰavata suprāyaṇā́ḥ //
      FN Mittwede, Textkritische Bemerkungen, p. 94: viśvaminvā

Line : 11  Pada: k     ā́ suṣváyantī yajaté úpāke uṣā́sānáktā sadatāṃ ní yónau /

Line : 12  Pada: l     divyé yóṣaṇe br̥hatī́ surukmé ádʰi śríyam̐ śukrapíśaṃ dádʰāne //

Line : 13  Pada: m     daívyā hótārā pratʰamā́ suvā́cā mímānā yajñáṃ mánuṣo yájadʰyai /

Line : 14  Pada: n     pracodáyantā vidátʰeṣu kārū́ prācī́naṃ jyótiḥ pradíśā diśántā //

Line : 15  Pada: o     ā́ no yajñáṃ bʰā́ratī tū́yam * etv íḍā manuṣvád ihá cetáyantī /
      FN emended. Ed.: tūyám. Mittwede, Textkritische Bemerkungen, p. 94

Line : 16  Pada: p     tisró devī́r barhír édám̐ syonám̐ sárasvatī svápasas sadantu //

Line : 17  Pada: q     yá imé dyā́vāpr̥tʰivī́ jánitrī rūpaír ápim̐śad bʰúvanāni * víśvā /
      FN emended. Ed.: bʰuvánāni. Mittwede, Textkritische Bemerkungen, p. 94

Line : 18  Pada: r     tám adyá hotar iṣitó yájīyān deváṃ tváṣṭāram ihá yakṣi vidvā́n //

Line : 19  Pada: s     upā́vasr̥ja tmányā samañján devā́nāṃ pā́tʰa r̥tutʰā́ havī́m̐ṣi /

Line : 20  Pada: t     vánaspátiś śamitā́ devó agnís svádantu * havyáṃ mádʰunā gʰr̥téna //
      FN emended. Ed.: svadantu. Mittwede, Textkritische Bemerkungen, p. 94

Line : 21  Pada: u     sadyó jātó vyàmimīta yajñám agnír devā́nām abʰavat purogā́ḥ /

Line : 22  Pada: v     asyá hótuḥ pradíśy r̥tásya vācí svā́hākr̥tam̐ havír adantu devā́ḥ //


Anuvaka: 21  
Page: 244  
Line : 1  Pada: a     agnír hótā no adʰvaré vājī́ sán páriṇīyate /

Line : 2  Pada: b     devó devéṣu yajñíyaḥ //

Line : 3  Pada: c     pári triviṣṭy àdʰvaráṃ yā́ty agnī́ ratʰī́r iva /

Line : 4  Pada: d     ā́ devéṣu práyo dádʰat //

Line : 5  Pada: e     pári vā́japatiḥ kavír agnír havyā́ny akramīt /

Line : 6  Pada: f     dádʰad rátnāni dāśúṣe //

Line : 7  Pada: g     ájaid agnír ásanad vā́jam \

Pada: h     ní devó devébʰyo havyā́vāṭ

Pada: i     prā́ñjobʰir hinvānás \

Line : 8  Pada: j     dʰénābʰiḥ kálpamānas \

Pada: k     yajñásyā́yuḥ pratirán \

Pada: l     úpa préṣya hotar havyā́ devébʰyas \

Pada: m     daívyāś śamitāra utá ca manuṣyā̀ ā́rabʰadʰvam

Line : 9  Pada: n     úpanayata médʰyā dúras \

Pada: o     āśā́sānā médʰapataye médʰam \

Line : 10  Pada: p     prā́smā agníṃ bʰarata

Pada: q     str̥ṇītá barhír

Pada: r     ánv enaṃ mātā́ manyatām ánu pitā́nu bʰrā́tā ságarbʰyas \

Line : 11  Pada: s     ánu sákʰā sáyūtʰyaḥ //

Pada: t     udīcī́nām̐ asya padáḥ kr̥ṇutāt

Line : 12  Pada: u     sū́ryaṃ cákṣur gamayatāt \

Pada: v     vā́taṃ prāṇám anvávasr̥jatāt \

Pada: w     antárikṣam ásum \

Line : 13  Pada: x     pr̥tʰivī́m̐ śárīram

Pada: y     ekadʰā́sya tvácam ā́ccʰyatāt

Pada: z     purā́ nā́bʰyā apiśáso vapā́m útkʰidatāt \

Line : 14  Pada: aa     antár evóṣmā́ṇaṃ vārayadʰvāt \

Pada: ab     śyenám asya vákṣaḥ kr̥ṇutāt

Pada: ac     praśásā bāhū́

Line : 15  Pada: ad     śalā́ doṣáṇī

Pada: ae     kaśyápevā́m̐sā \

Pada: af     áccʰidre śróṇī

Pada: ag     kaváṣorū́

Pada: ah     srekáparṇāṣṭʰīvántā *
      FN Mittwede, Textkritische Bemerkungen, p. 95

Line : 16  Pada: ai     ṣáḍvim̐śatir asya váṅkrayas

Pada: aj     tā́ anuṣṭʰuyóc cyāvayatāt \

Pada: ak     gā́traṃgātram asyā́nūnaṃ kr̥ṇutāt \

Line : 17  Pada: al     ūvadʰyagoháṃ pā́rtʰivaṃ kʰanatāt \

Pada: am     asnā́ rákṣas sám̐sr̥jatāt \

Pada: an     vaniṣṭʰúm * asya mā́ rāviṣṭa \
      FN emended. Ed.: vaniṣṭúm. Mittwede, Textkritische Bemerkungen, p. 95

Line : 18  Pada: ao     úrūkaṃ mányamānās \

Pada: ap     néd vas toké tánaye rávitā rávat \

Pada: aq     ádʰrigo śamīdʰvám̐ suśámi śamīdʰvam̐ śamīdʰvám adʰrigo //

Line : 20  Pada: ar     juṣásva saprátʰastamaṃ váco devápsarastamam /

Line : 21  Pada: as     havyā́ júhvāna āsáni //

Page: 245  
Line : 1  Pada: at     imáṃ no yajñám amŕ̥teṣu dʰehīmā́ havyā́ jātavedo juṣasva /

Line : 2  Pada: au     stokā́nām agne médaso gʰr̥tásya hótaḥ prā́śāna pratʰamó niṣádya //

Line : 3  Pada: av     gʰr̥távantaḥ pāvaka te stokā́ś ścotanti médasaḥ /

Line : 4  Pada: aw     svádʰarman devávītaye śréṣṭʰaṃ no dʰehi vā́ryam //

Line : 5  Pada: ax     túbʰyam̐ stokā́ gʰr̥taścútó 'gne víprāya santya /

Line : 6  Pada: ay     ŕ̥ṣiś śréṣṭʰas sámidʰyase yajñásya prāvitā́ bʰava //

Line : 7  Pada: az     túbʰyam̐ ścotanty adʰrigo śacīvas stokā́so agne médaso gʰr̥tásya /

Line : 8  Pada: ba     kaviśastó br̥hatā́ bʰānúnā́gā havyā́ juṣasva medʰira //

Line : 9  Pada: bb     ójiṣṭʰaṃ te madʰyató méda údbʰr̥taṃ prá te vayáṃ dadāmahe /

Line : 10  Pada: bc     ścótanti te vaso stokā́ ádʰi tvací práti tā́n devaśó vihi //

Line : 11  Pada: bd     hótā yakṣad bŕ̥haspátiṃ cʰā́gasya vapā́yā médaso juṣátām̐ havír

Pada: be     hótar yája

Line : 12  Pada: bf     hótā yakṣad aśvínā cʰā́gasya vapā́yā médaso juṣétām̐ havír

Pada: bg     hótar yája

Pada: bh     hótā yakṣat sárasvatīṃ meṣyā̀ vapā́yā médaso juṣátām̐ havír

Line : 13  Pada: bi     hótar yája

Pada: bj     hótā yakṣad índraṃ meṣásya vapā́yā médaso juṣátām̐ havír hótar yája //


Line : 15  Pada: bk     iti śrīyajuṣi kāṭʰake carakaśākʰāyām iṭʰimikāyām agnivīśikā nāma ṣoḍaśaṃ stʰānakaṃ smāpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.