TITUS
Black Yajur-Veda: Kathaka-Samhita
Part No. 17
Previous part

Sthanaka: 17  
Anuvaka: 1  
Page: 246  
Line : 1  Pada: a     dʰruvákṣitir dʰruváyonir dʰruvā́si dʰruvám̐ yónim ā́sīda sādʰyā́ /

Line : 2  Pada: b     úkʰyasya ketúṃ pratʰamáṃ juṣāṇā́śvínādʰvaryū́ sādayatām ihá tvā //

Line : 3  Pada: c     kulāyínī gʰr̥távatī púraṃdʰis syoné sīda sádane pr̥tʰivyā́ḥ /

Line : 4  Pada: d     abʰí tvā rudrā́ vásavo gr̥ṇantv imā́ bráhma pīpihi saúbʰagāya \

Pada: e     aśvínādʰvaryū́ sādayatām ihá tvā //

Line : 6  Pada: f     svaír dákṣair dákṣapitehá sīda devā́nām̐ sumné br̥haté ráṇāya /

Line : 7  Pada: g     pitévaidʰi sūnáva ā́ suśévas svāveśáyā tanvā̀ sáṃviśasva \

Pada: h     aśvínādʰvaryū́ sādayatām ihá tvā //

Line : 9  Pada: i     agnéḥ púrīṣam asy ápso nā́ma tā́ṃ tvā víśve abʰígr̥ṇantu devā́ḥ /

Line : 10  Pada: j     stómapr̥ṣṭʰā gʰr̥távatīhá sīda prajā́vad asmé dráviṇā́yajasva \

Pada: k     aśvínādʰvaryū́ sādayatām ihá tvā //

Line : 12  Pada: l     ádityās tvā pr̥ṣṭʰé sādayāmy antárikṣasya dʰartrī́ṃ viṣṭámbʰanīṃ diśā́m // ádʰipatnīṃ * bʰúvanānām
      FN Mittwede, Textkritische Bemerkungen, p. 95

Line : 13  Pada: m     ūrmír drapsó apā́m asi /

Line : 14  Pada: n     viśvákarmā ta ŕ̥ṣir

Pada: o     aśvínādʰvaryū́ sādayatām ihá tvā //

Line : 15  Pada: p     sajū́r r̥túbʰis

Pada: q     sajū́r vidʰā́bʰis

Pada: r     sajū́r devaís

Pada: s     sajū́r devaír vayonādʰaír

Pada: t     agnáye tvā vaiśvānarā́ya \

Line : 16  Pada: u     aśvínādʰvaryū́ sādayatām ihá tvā //

Pada: v     sajū́r r̥túbʰis

Pada: w     sajū́r vidʰā́bʰis

Line : 17  Pada: x     sajū́r vásubʰis

Pada: y     sajū́ rudraís *
      FN emended. Ed.: rudaís. Mittwede, Textkritische Bemerkungen, p. 95

Pada: z     sajū́r ādityaís

Pada: aa     sajū́r víśvair devaír vayonādʰaír

Pada: ab     agnáye tvā vaiśvānarā́ya \

Line : 18  Pada: ac     aśvínādʰvaryū́ sādayatām ihá tvā //

Pada: ad     prāṇáṃ me pāhi

Pada: ae     vyānáṃ me pāhi \

Line : 19  Pada: af     apānáṃ me pāhi

Pada: ag     cákṣur ma urviyā́ víbʰāhi

Pada: ah     śrótraṃ me ślokaya \

Pada: ai     apáḥ pinva \

Line : 20  Pada: aj     óṣadʰīr jinva

Pada: ak     dvipā́d ava

Pada: al     cátuṣpāt pāhi

Pada: am     divó vā vr̥ṣṭím éraya //


Anuvaka: 2  
Page: 247  
Line : 1  Pada: a     triyavir vayas \

Pada: b     gāyatrī cʰandas \

Pada: c     dityavāḍ vayas

Pada: d     triṣṭup cʰandaḥ

Pada: e     pañcāvir vayas \

Line : 2  Pada: f     virāṭ cʰandas

Pada: g     trivatso vayas \

Pada: h     uṣṇihā cʰandas

Pada: i     turyavāḍ vayas \

Pada: j     anuṣṭup cʰandaḥ

Line : 3  Pada: k     paṣṭʰavāḍ vayas \

Pada: l     br̥hatī cʰandas \

Pada: m     ukṣā vayaḥ

Pada: n     kakup cʰandas \

Pada: o     dʰenur vayas \

Pada: p     jagatī cʰandas \

Line : 4  Pada: q     anaḍvān vayaḥ

Pada: r     paṅktiś cʰandas \

Pada: s     r̥ṣabʰo vayas

Pada: t     satobr̥hatī cʰandas \

Pada: u     basto vayas \

Pada: v     yuvalaṃ cʰandas \

Line : 5  Pada: w     vr̥ṣṇir vayas \

Pada: x     viśālaṃ cʰandas \

Pada: y     vyāgʰro vayas \

Pada: z     anādʰr̥ṣyaṃ cʰandas

Pada: aa     sim̐ho vayas \

Line : 6  Pada: ab     cʰadiś cʰandaḥ

Pada: ac     puruṣo vayas

Pada: ad     tandraṃ cʰandaḥ

Pada: ae     kṣatraṃ vayas \

Pada: af     mayandaṃ cʰandas \

Line : 7  Pada: ag     viṣṭambʰo vayas \

Pada: ah     adʰipatiś cʰandas \

Pada: ai     mūrdʰā vayaḥ

Pada: aj     prajāpatiś cʰandas \

Pada: ak     viśvakarmā vayaḥ

Line : 8  Pada: al     parameṣṭʰī cʰandaḥ //


Anuvaka: 3  
Line : 9  Pada: a     indrāgnī avyatʰamānām iṣṭakāṃ dr̥m̐hataṃ yuvam /

Line : 10  Pada: b     pr̥ṣṭʰena dyāvāpr̥tʰivī antarikṣaṃ ca vibādʰase //

Line : 11  Pada: c     rājñy asi prācī dik \

Pada: d     virāḍ asi dakṣiṇā dik

Pada: e     samrāḍ asi pratīcī dik

Line : 12  Pada: f     svarāḍ asy udīcī dik \

Pada: g     adʰipatny asi br̥hatī dik \

Pada: h     āyur me pāhi

Pada: i     prāṇaṃ me pāhi

Line : 13  Pada: j     vyānaṃ me pāhi \

Pada: k     apānaṃ me pāhi

Pada: l     cakṣur me pāhi

Pada: m     śrotraṃ me pāhi

Pada: n     mano me pinva

Line : 14  Pada: o     vācaṃ me jinva \

Pada: p     ātmānaṃ me pāhi

Pada: q     jyotir me yaccʰa

Pada: r     mā cʰandaḥ

Line : 15  Pada: s     pramā cʰandaḥ

Pada: t     pratimā cʰandas \

Pada: u     asrīvayaś cʰandaḥ

Pada: v     paṅktiś cʰandas \

Pada: w     uṣṇihā cʰandas \

Line : 16  Pada: x     anuṣṭup cʰandas \

Pada: y     virāṭ cʰandas \

Pada: z     br̥hatī cʰandas \

Pada: aa     gāyatrī cʰandas

Pada: ab     triṣṭup cʰandas \

Pada: ac     jagatī cʰandaḥ

Line : 17  Pada: ad     pr̥tʰivī cʰandas \

Pada: ae     antarikṣaṃ cʰandas \

Pada: af     dyauś cʰandas

Pada: ag     samā cʰandas \

Pada: ah     nakṣatrāṇi cʰandas \

Line : 18  Pada: ai     vāk cʰandas \

Pada: aj     manaś cʰandaḥ

Pada: ak     kr̥ṣiś cʰandas \

Pada: al     hiraṇyaṃ cʰandas \

Pada: am     gauś cʰandas \

Line : 19  Pada: an     ajā cʰandas \

Pada: ao     aśvaś cʰandas \

Pada: ap     agnir devatā

Pada: aq     vāto devatā

Pada: ar     sūryo devatā

Line : 20  Pada: as     candramā devatā

Pada: at     vasavo devatā

Pada: au     rudrā devatā \

Pada: av     ādityā devatā

Pada: aw     maruto devatā

Line : 21  Pada: ax     viśve devā devatā \

Pada: ay     indro devatā

Pada: az     varuṇo devatā

Pada: ba     br̥haspatir devatā

Pada: bb     mūrdʰāsi rāṭ \

Line : 22  Pada: bc     dʰruvāsi dʰaruṇā

Pada: bd     dʰartry asi dʰaraṇī \

Pada: be     āyuṣe tvā

Pada: bf     varcase tvā

Pada: bg     kr̥ṣyai tvā

Pada: bh     kṣemāya tvā

Line : 23  Pada: bi     yantrī rāṭ \

Pada: bj     yantry asi yamanī

Pada: bk     dʰruvāsi dʰaritrī \

Pada: bl     iṣe tvā \

Pada: bm     ūrje tvā

Pada: bn     rayyai tvā

Line : 24  Pada: bo     poṣāya tvā //


Anuvaka: 4  
Page: 248  
Line : 1  Pada: a     āśus trivr̥t \

Pada: b     bʰāntaḥ pañcadaśas \

Pada: c     vyomā saptadaśaḥ

Pada: d     pratūrtir aṣṭādaśas

Pada: e     tapo navadaśas \

Line : 2  Pada: f     abʰīvartas savim̐śas \

Pada: g     dʰaruṇa ekavim̐śas \

Pada: h     varco dvāvim̐śas

Pada: i     saṃbʰaraṇas trayovim̐śas \

Line : 3  Pada: j     yoniś caturvim̐śas \

Pada: k     garbʰāḥ pañcavim̐śas \

Pada: l     ojas triṇavaḥ

Pada: m     kratur ekatrim̐śaḥ

Line : 4  Pada: n     pratiṣṭʰā trayastrim̐śas \

Pada: o     bradʰnasya viṣṭapaṃ catustrim̐śas \

Pada: p     nākaṣ ṣaṭtrim̐śas \

Line : 5  Pada: q     vīvarto aṣṭācatvārim̐śas \

Pada: r     dʰartraṃ catuṣṭomas \

Pada: s     agner bʰāgo 'si

Pada: t     dīkṣāyā ādʰipatyam \

Line : 6  Pada: u     brahma spr̥tam \

Pada: v     trivr̥t stomas \

Pada: w     indrasya bʰāgo 'si

Pada: x     viṣṇor ādʰipatyam \

Line : 7  Pada: y     kṣatram̐ spr̥tam \

Pada: z     pañcadaśas stomas \

Pada: aa     nr̥cakṣasāṃ bʰāgo 'si

Pada: ab     dʰātur ādʰipatyam \

Line : 8  Pada: ac     janitram̐ spr̥tam \

Pada: ad     saptadaśas stomas \

Pada: ae     mitrasya bʰāgo 'si

Pada: af     varuṇasyādʰipatyam \

Line : 9  Pada: ag     divo vr̥ṣṭir

Pada: ah     vātas spr̥tas \

Pada: ai     ekavim̐śas stomas \

Pada: aj     vasūnāṃ bʰāgo 'si

Pada: ak     rudrāṇām ādʰipatyam \

Line : 10  Pada: al     catuṣpāt spr̥tam \

Pada: am     caturvim̐śas stomas \

Pada: an     ādityānāṃ bʰāgo 'si

Pada: ao     marutām ādʰipatyam \

Line : 11  Pada: ap     garbʰās spr̥tāḥ

Pada: aq     pañcavim̐śas stomas \

Pada: ar     adityā bʰāgo 'si

Line : 12  Pada: as     pūṣṇa ādʰipatyam

Pada: at     ojas spr̥tam \

Pada: au     triṇavas stomas \

Pada: av     devasya savitur bʰāgo 'si

Line : 13  Pada: aw     br̥haspater ādʰipatyam \

Pada: ax     samīcīr diśas spr̥tās \

Pada: ay     catuṣṭomas stomas \

Pada: az     yavānāṃ bʰāgo 'si \

Line : 14  Pada: ba     ayavānām ādʰipatyam \

Pada: bb     prajās spr̥tās \

Pada: bc     catuścatvārim̐śas stomas \

Pada: bd     r̥bʰūṇāṃ bʰāgo 'si

Line : 15  Pada: be     viśveṣāṃ devānām ādʰipatyam \

Pada: bf     bʰūtaṃ niśāntam \

Pada: bg     trayastrim̐śas stomaḥ //


Anuvaka: 5  
Line : 16  Pada: a     ekayāstuvata

Pada: b     prajā adʰīyanta

Pada: c     prajāpatir adʰipatir āsīt

Pada: d     tisr̥bʰir astuvata

Line : 17  Pada: e     brahmāsr̥jyata

Pada: f     brahmaṇaspatir adʰipatir āsīt

Pada: g     pañcabʰir astuvata

Pada: h     bʰūtāny asr̥jyanta

Line : 18  Pada: i     bʰūtānāṃ patir adʰipatir āsīt

Pada: j     saptabʰir astuvata

Pada: k     saptarṣayo 'sr̥jyanta

Pada: l     dʰātādʰipatir āsīt \

Line : 19  Pada: m     navabʰir astuvata

Pada: n     pitaro 'sr̥jyanta \

Pada: o     aditir adʰipatny āsīt \

Pada: p     ekādaśabʰir astuvata \

Line : 20  Pada: q     ārtavā asr̥jyanta \

Pada: r     r̥tavo 'dʰipataya āsan \

Pada: s     trayodaśabʰir astuvata

Line : 21  Pada: t     māsā asr̥jyanta

Pada: u     saṃvatsaro 'dʰipatir āsīt

Pada: v     pañcadaśabʰir astuvata

Pada: w     kṣatram asr̥jyata \

Pada: x     indro 'dʰipatir āsīt

Line : 22  Pada: y     saptadaśabʰir astuvata

Pada: z     paśavo 'sr̥jyanta

Pada: aa     br̥haspatir adʰipatir āsīt \

Line : 23  Pada: ab     navadaśabʰir astuvata

Pada: ac     śūdrāryā asr̥jyetām

Pada: ad     ahorātre adʰipatnī āstām

Page: 249  
Line : 1  Pada: ae     ekavim̐śatyāstuvata \

Pada: af     ekaśapʰāḥ paśavo 'sr̥jyanta

Pada: ag     varuṇo 'dʰipatir āsīt

Line : 2  Pada: ah     trayovim̐śatyāstuvata

Pada: ai     kṣudrāḥ paśavo 'sr̥jyanta

Pada: aj     pūṣādʰipatir āsīt

Line : 3  Pada: ak     pañcavim̐śatyāstuvata \

Pada: al     āraṇyāḥ paśavo 'sr̥jyanta

Pada: am     vāyur adʰipatir āsīt

Line : 4  Pada: an     saptavim̐śatyāstuvata

Pada: ao     dyāvāpr̥tʰivī vyaitām \

Pada: ap     vasavo rudrā anuvyāyan \

Pada: aq     ta evādʰipataya āsan

Line : 5  Pada: ar     navavim̐śatyāstuvata

Pada: as     vanaspatayo 'sr̥jyanta

Pada: at     somo 'dʰipatir āsīt \

Line : 6  Pada: au     ekatrim̐śatāstuvata

Pada: av     prajā asr̥jyanta

Pada: aw     yavāś cāyavāś cādʰipataya āsan \

Line : 7  Pada: ax     trayastrim̐śatāstuvata

Pada: ay     bʰūtāny aśāmyan

Pada: az     prajāpatiḥ parameṣṭʰy adʰipatir āsīt //


Anuvaka: 6  
Line : 9  Pada: a     agne jātān praṇudā nas sapatnān praty ajātāñ jātavedo nudasva /

Line : 10  Pada: b     adʰi no brūhi sumanā aheḍañ śarman te syāma trivarūtʰa udbʰau //

Line : 11  Pada: c     sahasā jātān praṇudā nas sapatnān praty ajātāñ jātavedo nudasva /

Line : 12  Pada: d     adʰi no brūhi sumanasyamāno vayam̐ syāma praṇudā nas sapatnān //

Line : 13  Pada: e     catuścatvārim̐śas stomas \

Pada: f     varco draviṇam \

Pada: g     ṣoḍaśas stomas \

Pada: h     ojo draviṇam //

Line : 15  Pada: i     pr̥tʰivyāḥ purīṣam asy apso nāma tāṃ tvā viśve abʰigr̥ṇantu devāḥ /

Line : 16  Pada: j     stomapr̥ṣṭʰā gʰr̥tavatīha sīda prajāvad asme draviṇāyajasva //

Line : 17  Pada: k     evaś cʰandas \

Pada: l     varivaś cʰandas \

Pada: m     śambʰūś cʰandaḥ

Pada: n     paribʰūś cʰandas \

Pada: o     āccʰac cʰandas \

Pada: p     manaś cʰandas \

Line : 18  Pada: q     vyacaś cʰandas

Pada: r     sindʰuś cʰandas

Pada: s     samudraṃ cʰandas

Pada: t     sariraṃ cʰandaḥ

Pada: u     kakup cʰandas

Line : 19  Pada: v     trikakup cʰandaḥ

Pada: w     kāvyaṃ cʰandas \

Pada: x     aṅkupaṃ cʰandaḥ

Pada: y     kṣuro bʰrajaś cʰandas \

Pada: z     akṣarapaṅktiś cʰandaḥ

Line : 20  Pada: aa     padapaṅktiś cʰandas \

Pada: ab     viṣṭārapaṅktiś cʰandas \

Pada: ac     āccʰac cʰandaḥ

Pada: ad     praccʰac cʰandas

Line : 21  Pada: ae     saṃyac cʰandas \

Pada: af     viyac cʰandas \

Pada: ag     br̥hac cʰandas \

Pada: ah     ratʰantaraṃ cʰandas \

Pada: ai     nikāyaṃ cʰandas \

Pada: aj     vīvadʰaś cʰandas \

Line : 22  Pada: ak     giraś cʰandas \

Pada: al     bʰrājaś * cʰandas
      FN Mittwede, Textkritische Bemerkungen, p. 95

Pada: am     sam̐stup cʰandas \

Pada: an     anuṣṭup cʰandas \

Pada: ao     evaś cʰandas \

Page: 250  
Line : 1  Pada: ap     varivaś cʰandas \

Pada: aq     vayaś cʰandas \

Pada: ar     vayaskr̥c cʰandas \

Pada: as     viśālaṃ cʰandas \

Pada: at     viṣpardʰāś cʰandas \

Line : 2  Pada: au     cʰadiś cʰandas \

Pada: av     dūrohaṇaṃ cʰandas

Pada: aw     tandraṃ cʰandas \

Pada: ax     aṅkāṅkaṃ * cʰandaḥ //
      FN emended. Ed.: aṅkaṅkaṃ. Raghuvira, KpS, xxv. Mittwede, Textkritische Bemerkungen, p. 95


Anuvaka: 7  
Line : 3  Pada: a     raśmir asi

Pada: b     kṣayāya tvā

Pada: c     kṣayaṃ jinva

Pada: d     pretir asi

Pada: e     dʰarmaṇe tvā

Pada: f     dʰarma * jinva \
      FN Mittwede, Textkritische Bemerkungen, p. 96

Line : 4  Pada: g     anvitir asi

Pada: h     dive tvā

Pada: i     divaṃ jinva

Pada: j     saṃdʰir asi \

Pada: k     antarikṣāya tvā \

Pada: l     antarikṣaṃ * jinva
      FN emended. Ed.: antakṣiṃ. Mittwede, Textkritische Bemerkungen, p. 96

Line : 5  Pada: m     pratidʰir asi

Pada: n     pr̥tʰivyai tvā

Pada: o     pr̥tʰivīṃ jinva

Pada: p     viṣṭambʰo 'si

Pada: q     vr̥ṣṭyai tvā

Line : 6  Pada: r     vr̥ṣṭiṃ jinva

Pada: s     pravāsi \

Pada: t     ahne tvā \

Pada: u     ahar jinva \

Pada: v     anuvāsi

Pada: w     rātryai tvā

Pada: x     rātrīṃ jinva \

Pada: y     uśig asi

Line : 7  Pada: z     vasubʰyas tvā

Pada: aa     vasūñ jinva

Pada: ab     praketo 'si

Pada: ac     rudrebʰyas tvā

Pada: ad     rudrāñ jinva

Line : 8  Pada: ae     suditir asi \

Pada: af     ādityebʰyas tvā \

Pada: ag     ādityāñ jinva \

Pada: ah     ojo 'si

Pada: ai     pitr̥bʰyas tvā

Pada: aj     pitr̥̄ñ jinva

Line : 9  Pada: ak     tantur asi

Pada: al     prajābʰyas tvā

Pada: am     prajā jinva

Pada: an     pr̥tanāṣāḍ asi

Pada: ao     paśubʰyas tvā

Pada: ap     paśūñ jinva

Line : 10  Pada: aq     revad asi \

Pada: ar     oṣadʰībʰyas tvā \

Pada: as     oṣadʰīr jinva \

Pada: at     abʰijid asi yuktagrāvā \

Pada: au     indrāya tvā \

Pada: av     indraṃ jinva \

Line : 11  Pada: aw     adʰipatir asi

Pada: ax     prāṇāya tvā

Pada: ay     prāṇaṃ jinva

Pada: az     dʰaruṇo 'si \

Pada: ba     apānāya tvā \

Pada: bb     apānaṃ jinva

Line : 12  Pada: bc     sam̐sarpo 'si

Pada: bd     cakṣuṣe tvā

Pada: be     cakṣur jinva

Pada: bf     vayodʰā asi

Pada: bg     śrotrāya tvā

Line : 13  Pada: bh     śrotraṃ jinva

Pada: bi     trivr̥d asi

Pada: bj     trivr̥te tvā

Pada: bk     savr̥d asi

Pada: bl     savr̥te tvā

Pada: bm     pravr̥d asi

Pada: bn     pravr̥te tvā \

Line : 14  Pada: bo     anūvr̥d asi \

Pada: bp     anūvr̥te tvā

Pada: bq     sam̐roho 'si

Pada: br     viroho 'si

Pada: bs     praroho 'si \

Pada: bt     anūroho 'si

Line : 15  Pada: bu     vasuko 'si

Pada: bv     vasyaṣṭir asi

Pada: bw     veṣaśrīr asi

Pada: bx     devasya savituḥ prasave br̥haspataye stuta //


Anuvaka: 8  
Line : 17  Pada: a     rājñy asi

Pada: b     prācī dik \

Pada: c     vasavas te devā adʰipatayas \

Pada: d     agnir hetīnāṃ pratidʰartā

Line : 18  Pada: e     trivr̥t tvā stomaḥ pr̥tʰivyām̐ śrayatu \

Pada: f     ājyam uktʰam avyatʰāya stabʰnātu

Line : 19  Pada: g     ratʰantaram̐ sāma pratiṣṭʰityā antarikṣam

Pada: h     r̥ṣayas tvā pratʰamajā deveṣu divo mātrayā variṇā pratʰantu

Line : 20  Pada: i     vidʰartā cāyam adʰipatis

Pada: j     te tvā sarve saṃvidānā nākasya pr̥ṣṭʰe svarge loke yajamānaṃ ca sādayantu

Line : 21  Pada: k     virāḍ asi

Pada: l     dakṣiṇā dik \

Page: 251  
Line : 1  Pada: m     rudrās te devā adʰipatayas \

Pada: n     indro hetīnāṃ pratidʰartā

Pada: o     pañcadaśas tvā stomaḥ pr̥tʰivyām̐ śrayatu

Line : 2  Pada: p     praugam uktʰam avyatʰāya stabʰnātu

Pada: q     br̥hat sāma pratiṣṭʰityā antarikṣam

Line : 3  Pada: r     r̥ṣayas tvā pratʰamajā deveṣu divo mātrayā variṇā pratʰantu

Line : 4  Pada: s     vidʰartā cāyam adʰipatis

Pada: t     te tvā sarve saṃvidānā nākasya pr̥ṣṭʰe svarge loke yajamānaṃ ca sādayantu

Line : 5  Pada: u     samrāḍ asi

Pada: v     pratīcī dik \

Pada: w     ādityās te devā adʰipatayas

Line : 6  Pada: x     somo hetīnāṃ pratidʰartā

Pada: y     saptadaśas tvā stomaḥ pratʰivyām̐ śrayatu

Line : 7  Pada: z     marutvatīyam uktʰam avyatʰāya stabʰnātu

Pada: aa     vairūpam̐ sāma pratiṣṭʰityā antarikṣam

Line : 8  Pada: ab     r̥ṣayas tvā pratʰamajā deveṣu divo mātrayā variṇā pratʰantu

Line : 9  Pada: ac     vidʰartā cāyam adʰipatis

Pada: ad     te tvā sarve saṃvidānā nākasya pr̥ṣṭʰe svarge loke yajamānaṃ ca sādayantu

Line : 10  Pada: ae     svarāḍ asi \

Pada: af     udīcī diṅ *
      FN < diś

Pada: ag     marutas te devā adʰipatayas \

Line : 11  Pada: ah     varuṇo hetīnāṃ pratidʰartā \

Pada: ai     ekavim̐śas tvā stomaḥ pr̥tʰivyām̐ śrayatu

Line : 12  Pada: aj     niṣkevalyam uktʰam avyatʰāya stabʰnātu

Pada: ak     vairājam̐ sāma pratiṣṭʰityā antarikṣam

Line : 13  Pada: al     r̥ṣayas tvā pratʰamajā deveṣu divo mātrayā variṇā pratʰantu

Pada: am     vidʰartā cāyam adʰipatis

Line : 14  Pada: an     te tvā sarve saṃvidānā nākasya pr̥ṣṭʰe svarge loke yajamānaṃ ca sādayantu \

Line : 15  Pada: ao     adʰipatny asi

Pada: ap     br̥hatī dik \

Pada: aq     viśve te devā adʰipatayas \

Line : 16  Pada: ar     br̥haspatir hetīnāṃ pratidʰartā

Pada: as     triṇavatrayastrim̐śau tvā stomau pr̥tʰivyām̐ śrayatām \

Line : 17  Pada: at     vaiśvadevāgnimārute uktʰe avyatʰāya stabʰnītām \

Pada: au     śākvararaivate sāmanī pratiṣṭʰityā antarikṣam

Line : 18  Pada: av     r̥ṣayas tvā pratʰamajā deveṣu divo mātrayā variṇā pratʰantu

Line : 19  Pada: aw     vidʰartā cāyam adʰipatis

Pada: ax     te tvā sarve saṃvidānā nākasya pr̥ṣṭʰe svarge loke yajamānaṃ ca sādayantu //


Anuvaka: 9  
Line : 21  Pada: a     ayaṃ puro harikeśas sūryaraśmis

Pada: b     tasya ratʰakr̥tsaś * ca ratʰaujāś ca senānīgrāmaṇyau
      FN Mittwede, Textkritische Bemerkungen, p. 96: ratʰagr̥tsaś

Line : 22  Pada: c     puñjigastʰalā * ca kr̥tastʰalā cāpsarasau
      FN Mittwede, Textkritische Bemerkungen, p. 96: puñjikastʰalā

Pada: d     yātudʰānā hetis \

Line : 23  Pada: e     rakṣām̐si prahetis

Pada: f     te naḥ pāntu

Pada: g     te no 'vantu

Pada: h     te yaṃ dviṣmo yaś ca no dveṣṭi tam eṣāṃ jambʰe dadʰāmi \

Page: 252  
Line : 1  Pada: i     ayaṃ dakṣiṇā viśvakarmā

Pada: j     tasya ratʰasvanaś ca ratʰecitraś ca senānīgrāmaṇyau

Line : 2  Pada: k     menakā ca sahajanyā cāpsarasau

Pada: l     daṅkṣṇavaḥ paśavo hetiḥ

Line : 3  Pada: m     pauruṣeyo vadʰaḥ prahetis

Pada: n     te naḥ pāntu

Pada: o     te no 'vantu

Pada: p     te yaṃ dviṣmo yaś ca no dveṣṭi tam eṣāṃ jambʰe dadʰāmi \

Line : 4  Pada: q     ayaṃ paścād vidadvasus

Pada: r     tasya ratʰaprotaś cāsamaratʰaś ca senānīgrāmaṇyau

Line : 5  Pada: s     pramlocantī cānumlocantī cāpsarasau

Pada: t     vyāgʰrā hetis

Line : 6  Pada: u     sarpāḥ prahetis

Pada: v     te naḥ pāntu

Pada: w     te no 'vantu

Pada: x     te yaṃ dviṣmo yaś ca no dveṣṭi tam eṣāṃ jambʰe dadʰāmi \

Line : 7  Pada: y     ayam uttarāt saṃyadvasus

Pada: z     tasya tārkṣyaś cāriṣṭanemiś ca senānīgrāmaṇyau

Line : 8  Pada: aa     viśvācī ca gʰr̥tācī cāpsarasau \

Pada: ab     āpo hetir

Pada: ac     vātaḥ prahetis

Line : 9  Pada: ad     te naḥ pāntu

Pada: ae     te no 'vantu

Pada: af     te yaṃ dviṣmo yaś ca no dveṣṭi tam eṣāṃ jambʰe dadʰāmi \

Line : 10  Pada: ag     ayam upary arvāgvasus

Pada: ah     tasya senajic ca suṣeṇaś ca senānīgrāmaṇyau \

Line : 11  Pada: ai     urvaśī ca pūrvacittiś cāpsarasau \

Pada: aj     avaspʰūrjad dʰetir

Pada: ak     vidyut prahetis

Pada: al     te naḥ pāntu

Line : 12  Pada: am     te no 'vantu

Pada: an     te yaṃ dviṣmo yaś ca no dveṣṭi tam eṣāṃ jambʰe dadʰāmi //



Anuvaka: 10  
Line : 13  Pada: a     āyos tvā sadane sādayāmy avataś cʰāyāyām \

Pada: b     namas samudrāya

Pada: c     namas samudrasya cakṣase //

Line : 15  Pada: d     protʰad aśvo na yavase 'viṣyan yadā mahas saṃvaraṇe vyastʰāt /

Line : 16  Pada: e     ād asya vāto anuvāti śocir adʰa sma te vrajanam astu kr̥ṣṇam //

Line : 17  Pada: f     prajāpatis tvā sādayatu pr̥tʰivyāḥ pr̥ṣṭʰe jyotiṣmatīm \

Pada: g     viśvasmai prāṇāya vyānāyāpānāya viśvaṃ jyotir yaccʰa \

Line : 18  Pada: h     agniṣ ṭe 'dʰipatis \

Pada: i     viśvakarmā tvā sādayatv antarikṣasya pr̥ṣṭʰe jyotiṣmatīm \

Line : 19  Pada: j     viśvasmai prāṇāya vyānāyāpānāya viśvaṃ jyotir yaccʰa

Line : 20  Pada: k     vāyuṣ ṭe 'dʰipatiḥ

Pada: l     parameṣṭʰī tvā sādayatu divaḥ pr̥ṣṭʰe jyotiṣmatīm \

Line : 21  Pada: m     viśvasmai prāṇāya vyānāyāpānāya viśvaṃ jyotir yaccʰa

Line : 22  Pada: n     sūryas te 'dʰipatir

Pada: o     madʰuś ca mādʰavaś ca vāsantikā r̥tū

Pada: p     agner antaśśleṣo 'si //

Page: 253  
Line : 1  Pada: q     kalpetāṃ dyāvāpr̥tʰivī kalpantām āpa oṣadʰayaḥ /

Line : 2  Pada: r     kalpantām agnayaḥ pr̥tʰaṅ mama jyaiṣṭʰyāya savratāḥ //

Line : 3  Pada: s     ye 'gnayas samanaso 'ntarā dyāvāpr̥tʰivī /

Line : 4  Pada: t     ime vāsantikā r̥tū abʰikalpamānā indram iva devā abʰisaṃviśantu //

Line : 6  Pada: u     śukraś ca śuciś ca graiṣmā r̥tū

Pada: v     nabʰaś ca nabʰasyaś ca vārṣikā r̥tū

Pada: w     iṣaś corjaś ca śāradā r̥tū

Line : 7  Pada: x     sahaś ca sahasyaś ca haimantikā r̥tū

Pada: y     tapaś ca tapasyaś ca śaiśirā r̥tū

Line : 8  Pada: z     agner antaśśleṣo 'si //

Line : 9  Pada: aa     kalpetāṃ dyāvāpr̥tʰivī kalpantām āpa oṣadʰayaḥ /

Line : 10  Pada: ab     kalpantām agnayaḥ pr̥tʰaṅ mama jyaiṣṭʰyāya savratāḥ //

Line : 11  Pada: ac     ye 'gnayas samanaso 'ntarā dyāvāpr̥tʰivī /

Line : 12  Pada: ad     ime śaiśirā r̥tū abʰikalpamānā indram iva devā abʰisaṃviśantu //

Line : 13  Pada: ae     sahasrasya pramāsi

Pada: af     sahasrasya pratimāsi

Pada: ag     sahasrasyonmāsi

Pada: ah     sāhasro 'si

Line : 14  Pada: ai     sahasrāya tvā \

Pada: aj     imā me agna iṣṭakā dʰenavas santu \

Pada: ak     ekā ca daśa ca

Pada: al     daśa ca śataṃ ca

Line : 15  Pada: am     śataṃ ca sahasraṃ ca

Pada: an     sahasraṃ cāyutaṃ ca \

Pada: ao     ayutaṃ ca prayutaṃ ca

Pada: ap     prayutaṃ ca niyutaṃ ca

Line : 16  Pada: aq     niyutaṃ cārbudaṃ ca \

Pada: ar     arbudaṃ ca nyarbudaṃ ca

Pada: as     samudraś ca madʰyaṃ ca \

Pada: at     antaś ca parārdʰaś ca

Line : 17  Pada: au     tā me agna iṣṭakā dʰenavas santu \

Pada: av     r̥tavas stʰartāvr̥dʰas \

Pada: aw     r̥tuṣṭʰās stʰartuspr̥śas \

Line : 18  Pada: ax     gʰr̥taścuto madʰuścutas \

Pada: ay     ūrjasvatīs svadʰāyinīr

Pada: az     virājo nāma kāmadugʰās

Pada: ba     tā me agna iṣṭakā dʰenavas santu //


Anuvaka: 11  
Line : 20  Pada: a     tát púruṣāya vidmahe mahādevā́ya dʰīmahi * /
      FN emended. Ed.: dʰī́mahi. Mittwede, Textkritische Bemerkungen, p. 97

Line : 21  Pada: b     tán no rudráḥ pracodáyāt //

Page: 254  
Line : 1  Pada: c     námas te rudra manyáve bāhúbʰyām utá te námaḥ /

Line : 2  Pada: d     utó ta íṣave námaḥ //

Line : 3  Pada: e     yā́ te rudra śivā́ tanū́r ágʰorā́pāpakāśinī /

Line : 4  Pada: f     táyā nas tanvā̀ śáṃtamayā gíriśantābʰícākaśīhi //

Line : 5  Pada: g     yā́m íṣuṃ giriśanta háste bibʰárṣy ástave /

Line : 6  Pada: h     śivā́ṃ giritra tā́ṃ kuru mā́ him̐sīḥ púruṣaṃ jágat //

Line : 7  Pada: i     śivéna vácasā tvā gíriśā́ccʰā vadāmasi /

Line : 8  Pada: j     yátʰā nas sárvam íj jágad ayakṣmám̐ sumánā ásat //

Line : 9  Pada: k     ádʰyavocad adʰivaktā́ pratʰamó daívyo bʰiṣák /

Line : 10  Pada: l     áhīm̐ś ca sárvāñ jambʰáya * sárvāś ca yātudʰānyàs \
      FN Mittwede, Textkritische Bemerkungen, p. 97: jambʰáyan

Pada: m     adʰarā́cīḥ párāsuva //

Line : 11  Pada: n     asaú yás tāmró aruṇá utá babʰrús sumaṅgálaḥ /

Line : 12  Pada: o     yé cemé rudrā́ abʰíto dikṣú śritā́s sahasraśás \

Pada: p     ávaiṣām̐ héḍa īmahe //

Line : 13  Pada: q     asaú yò 'vasárpati nī́lagrīvo vílohitaḥ /

Line : 14  Pada: r     utaínaṃ gopā́ adr̥śrann utaínam udahāryàḥ /

Line : 15  Pada: s     utaínaṃ víśvā bʰūtā́ni sá dr̥ṣṭó mr̥ḍayāti naḥ //

Line : 16  Pada: t     námo astu nī́lagrīvāya sahasrākṣā́ya mīḍʰúṣe /

Line : 17  Pada: u     átʰo yé asya sátvāno 'háṃ tébʰyo 'karaṃ námaḥ //

Line : 18  Pada: v     prámuñca dʰánvanas tvám ubʰáyor ā́rtnyor jyā́m /

Line : 19  Pada: w     yā́ś ca te hásta íṣavaḥ párā tā́ bʰagavo vapa //

Line : 20  Pada: x     víjyaṃ dʰánuḥ kapardíno víśalyo bā́ṇavān utá /

Line : 21  Pada: y     áneśann asyéṣava ābʰū́r asya niṣaṅgátʰiḥ //

Line : 22  Pada: z     yā́ te hetír mīḍʰuṣṭama háste babʰū́va te dʰánuḥ /

Line : 23  Pada: aa     táyāsmā́n viśvátas tvám ayakṣméṇa páribʰuja //

Page: 255  
Line : 1  Pada: ab     pári te dʰánvano hétir asmā́n vr̥ṇaktu viśvátaḥ /

Line : 2  Pada: ac     átʰo yá iṣudʰís távāré asmán nídʰehi tám //

Line : 3  Pada: ad     námām̐si ta ā́yudʰāyā́nātatāya dʰr̥ṣṇáve /

Line : 4  Pada: ae     ubʰā́bʰyām utá te námo bāhúbʰyāṃ táva dʰánvane //

Line : 5  Pada: af     avatátya dʰánus tvám̐ sáhasrākṣa śáteṣudʰe /

Line : 6  Pada: ag     niśī́rya śalyā́nāṃ múkʰam̐ śivó nas sumánā bʰava //

Line : 7  Pada: ah     yā́ ta íṣuś śivátamā śiváṃ babʰū́va te dʰánuḥ /

Line : 8  Pada: ai     śivā́ śaravyā̀ yā́ táva táyā no mr̥ḍa jīváse //


Anuvaka: 12  
Line : 9  Pada: a     námo híraṇyabāhave senānyè

Pada: b     diśā́ṃ ca pátaye námas \

Pada: c     námo vr̥kṣébʰyo hárikeśebʰyaḥ

Line : 10  Pada: d     paśūnā́ṃ pátaye námas \

Pada: e     námaś śaṣpíñjarāya tvíṣīmate

Pada: f     patʰīnā́ṃ pátaye námas \

Line : 11  Pada: g     námo babʰluśā́ya vyādʰíne \

Pada: h     ánnānāṃ pátaye námas \

Pada: i     námo hárikeśāyopavītíne

Line : 12  Pada: j     puṣṭā́nāṃ pátaye námas \

Pada: k     námo bʰavásya hetyaí

Pada: l     jágatas pátaye námas \

Line : 13  Pada: m     námo rudrā́yātatāyíne

Pada: n     kṣétrāṇāṃ pátaye námas \

Pada: o     námas sūtā́yā́hantvāya

Line : 14  Pada: p     vánānāṃ pátaye námas \

Pada: q     námo róhitāya stʰapátaye

Pada: r     vr̥kṣā́ṇāṃ pátaye námas \

Line : 15  Pada: s     námo mantríṇe vāṇijā́ya

Pada: t     kákṣāṇāṃ pátaye námas \

Pada: u     námo bʰuvantáye vārivaskr̥tā́ya \

Line : 16  Pada: v     óṣadʰīnāṃ pátaye námas \

Pada: w     náma ākrandáyata uccaírgʰoṣāya

Pada: x     sáttvānāṃ * pátaye námas \
      FN Mittwede, Textkritische Bemerkungen, p. 97: sátvanāṃ

Line : 17  Pada: y     námaḥ kr̥tsaṃvītā́ya * dʰā́vate
      FN Mittwede, Textkritische Bemerkungen, p. 97: kr̥tsnavītā́ya

Pada: z     pattīnā́ṃ pátaye námas \

Pada: aa     námas sáhamānāya nivyādʰíne \

Line : 18  Pada: ab     āvyādʰínīnāṃ pátaye námas \

Pada: ac     námo niṣaṅgíṇe kakubʰā́ya

Line : 19  Pada: ad     stenā́nāṃ pátaye námas \

Pada: ae     námo váñcate pariváñcate

Pada: af     stāyūnā́ṃ pátaye námas \

Line : 20  Pada: ag     námo nicarā́ya paricarā́ya \

Pada: ah     áraṇyānāṃ pátaye námas \

Pada: ai     námo niṣaṅgíṇa iṣudʰimáte

Line : 21  Pada: aj     táskarāṇāṃ pátaye námas \

Pada: ak     námas sr̥kāyíbʰyo jígʰām̐sadbʰyas \

Pada: al     muṣṇatā́ṃ pátaye námas \

Page: 256  
Line : 1  Pada: am     námo 'simádbʰyo náktaṃ cáradbʰyaḥ

Pada: an     prakr̥ntā́nāṃ pátaye námas \

Line : 2  Pada: ao     náma uṣṇīṣíṇe giricarā́ya

Pada: ap     kuluñcā́nāṃ pátaye námaḥ //


Anuvaka: 13  
Line : 3  Pada: a     náma iṣukŕ̥dbʰyo dʰanvakŕ̥dbʰyaś ca vo námas \

Pada: b     náma íṣumadbʰyo dʰanvāyíbʰyaś ca vo námas \

Line : 4  Pada: c     náma ātanvānébʰyaḥ pratidádʰānebʰyaś ca vo námas \

Pada: d     náma āyáccʰadbʰyó 'syadbʰyaś ca vo námas \

Line : 5  Pada: e     námo visr̥jádbʰyo vídʰyadbʰyaś ca vo námas \

Pada: f     námas svapádbʰyo jā́gradbʰyaś ca vo námas \

Line : 6  Pada: g     námaś śáyānebʰya ā́sīnebʰyaś ca vo námas \

Line : 7  Pada: h     námas tíṣṭʰadbʰyo dʰā́vadbʰyaś ca vo námas \

Pada: i     námas sabʰā́bʰyas sabʰā́patibʰyaś ca vo námas \

Line : 8  Pada: j     námó 'śvebʰyó 'śvapatibʰyaś ca vo námas \

Pada: k     náma āvyādʰínībʰyo vivídʰyadbʰyaś ca vo námas \

Line : 9  Pada: l     náma úgaṇābʰyas tr̥m̐hatī́bʰyaś ca vo námas \

Pada: m     námo vrā́tebʰyo vrā́tapatibʰyaś ca vo námas \

Line : 10  Pada: n     námo gaṇébyo gaṇápatibʰyaś ca vo námas \

Line : 11  Pada: o     námaḥ kr̥ccʰrébʰyaḥ kr̥ccʰrápatibʰyaś ca vo námas \

Pada: p     námo vírūpebʰyo viśvárūpebʰyaś ca vo námas \

Line : 12  Pada: q     námas sénābʰyas senānī́bʰyaś ca vo námas \

Pada: r     námo ratʰíbʰyo varūtʰíbʰyaś ca vo námas \

Line : 13  Pada: s     námo mahádbʰyo 'rbʰakébʰyaś ca vo námas \

Pada: t     námo yúvabʰya āśinébʰyaś ca vo námas \

Line : 14  Pada: u     námaḥ kṣattŕ̥bʰyas saṃgrahītŕ̥bʰyaś ca vo námas \

Pada: v     námas tákṣabʰyo ratʰakārébʰyaś ca vo námas \

Line : 15  Pada: w     námaḥ kúlālebʰyaḥ karmā́rebʰyaś ca vo námas \

Line : 16  Pada: x     námaḥ puñjíṣṭʰebʰyo niṣādébʰyaśca vo námas \

Pada: y     námaś śvaníbʰyo mr̥gayúbʰyaś ca vo námas \

Line : 17  Pada: z     námaś śvábʰyaś śvápatibʰyaś ca vo námas \

Pada: aa     námo bʰavā́ya ca rudrā́ya ca

Pada: ab     námaś śarvā́ya ca paśupátaye ca

Line : 18  Pada: ac     námo nī́lagrīvāya ca śitikáṇṭʰāya ca

Pada: ad     námo vyùptakeśāya ca kapardíne ca

Line : 19  Pada: ae     námas sahasrākṣā́ya ca śatádʰanvane ca //


Anuvaka: 14  
Page: 257  
Line : 1  Pada: a     námo giriśā́ya ca śipiviṣṭā́ya * ca
      FN emended. Ed.: śipiviṣṭʰā́ya. Mittwede, Textkritische Bemerkungen, p. 97

Pada: b     námo mīḍʰúṣṭamāya céṣumate ca

Line : 2  Pada: c     námo hrasvā́ya ca vāmanā́ya ca

Pada: d     námo br̥haté ca várṣīyase ca

Pada: e     námo vr̥ddʰā́ya ca savŕ̥dʰvane ca

Line : 3  Pada: f     námó 'gryāya ca pratʰamā́ya ca

Pada: g     náma āśáve cājirā́ya ca

Line : 4  Pada: h     námaś śī́bʰāya ca śīgʰrā́ya ca

Pada: i     náma ū́rmyāya cāvasvanyā̀ya ca

Pada: j     námo nādyā́ya ca dvī́pyāya ca

Line : 5  Pada: k     námo jyeṣṭʰā́ya ca kaniṣṭʰā́ya ca

Pada: l     námaḥ pūrvajā́ya cāparajā́ya ca

Line : 6  Pada: m     námo madʰyamā́ya cāpagalbʰā́ya ca

Pada: n     námo budʰnyā̀ya ca jagʰanyā̀ya ca

Line : 7  Pada: o     námas sóbʰyāya ca pratisaryā̀ya ca

Pada: p     náma āśúṣeṇāya cāśúratʰāya ca

Line : 8  Pada: q     námo bilmíne ca kavacíne ca

Pada: r     námo varmíṇe ca varūtʰíne ca

Pada: s     námaś śū́rāya cāvabʰedíne ca

Line : 9  Pada: t     námaś śrutā́ya ca śrutasenā́ya ca

Pada: u     námo yā́myāya ca kṣémyāya ca

Line : 10  Pada: v     náma urvaryā̀ya ca kʰályāya ca

Pada: w     námaś ślókyāya cāvasānyā̀ya ca

Line : 11  Pada: x     námaś śravā́ya ca pratiśravā́ya ca

Pada: y     námo ványāya ca kákṣyāya ca

Line : 12  Pada: z     námo dundubʰyā̀ya cāhananyā̀ya ca

Pada: aa     námo dʰr̥ṣṇáve ca pramr̥śā́ya ca

Pada: ab     námo niṣaṅgíṇe ceṣudʰimáte ca

Line : 13  Pada: ac     námas tīkṣṇéṣave cāyudʰíne ca

Pada: ad     námas svāyudʰā́ya ca sudʰánvane ca //



Anuvaka: 15  
Line : 15  Pada: a     námas sŕ̥tyāya ca pátʰyāya ca

Pada: b     námaḥ kā́ṭyāya ca nī́pyāya ca

Pada: c     námo nādyā́ya ca vaiśantā́ya ca

Line : 16  Pada: d     námaḥ kúlyāya ca sarasyā̀ya ca

Pada: e     námaḥ kū́pyāya cāvaṭyā̀ya ca

Line : 17  Pada: f     námo várṣyāya cāvarṣyā̀ya ca

Pada: g     námo megʰyā̀ya ca vidyutyā̀ya ca

Line : 18  Pada: h     námo vī́dʰryāya cātapyā̀ya ca

Pada: i     námo vā́tyāya ca réṣmyāya ca

Line : 19  Pada: j     námo vāstavyā̀ya ca vāstupā́ya ca

Pada: k     námas sómāya ca rudrā́ya ca

Pada: l     námas tāmrā́ya cāruṇā́ya ca

Line : 20  Pada: m     námaś śaṃgáve ca paśupátaye ca

Pada: n     náma ugrā́ya ca bʰīmā́ya ca

Line : 21  Pada: o     námo hantré ca hánīyase ca

Pada: p     námo 'grevadʰā́ya ca dūrevadʰā́ya ca

Page: 258  
Line : 1  Pada: q     námo vr̥kṣébʰyo hárikeśebʰyas \

Pada: r     námas tārā́ya

Pada: s     námaś śaṃbʰáve ca mayobʰáve ca

Line : 2  Pada: t     námaś śaṃkarā́ya ca mayaskarā́ya ca

Pada: u     námaś śivā́ya ca śivátarāya ca

Pada: v     námaḥ kim̐śilā́ya ca kṣayaṇā́ya ca

Line : 3  Pada: w     náma iriṇyā̀ya ca prapatʰyā̀ya ca

Pada: x     námaḥ pulastíne ca kapardíne ca

Line : 4  Pada: y     námo góṣṭʰyāya ca gŕ̥hyāya ca

Pada: z     námas tálpyāya ca gehyā̀ya * ca
      FN Mittwede, Textkritische Bemerkungen, p. 97: géhyāya

Line : 5  Pada: aa     námaḥ pāryā̀ya cāvāryā̀ya ca

Pada: ab     námaḥ pratáraṇāya cottáraṇāya ca

Line : 6  Pada: ac     námas tī́rtʰyāya ca kū́lyāya ca

Pada: ad     námḥ pʰényāya ca śáṣpyāya ca

Line : 7  Pada: ae     námas sikatyā̀ya ca pravāhyā̀ya ca

Pada: af     námo hradávyāya * ca niveṣyā̀ya * ca
      FN Mittwede, Textkritische Bemerkungen, p. 97
      FN Mittwede, Textkritische Bemerkungen, p. 97: niveṣyyā̀ya

Line : 8  Pada: ag     námaḥ kā́ṭyāya ca gahvareṣṭʰā́ya ca

Pada: ah     námaś śúṣkyāya ca harityā̀ya ca

Pada: ai     námo lópyāya colapyā̀ya ca

Line : 9  Pada: aj     námaḥ pām̐savyā̀ya ca rajasyā̀ya ca

Pada: ak     námas sū́rmyāya córmyāya ca

Line : 10  Pada: al     námaḥ párṇyāya ca parṇaśādā́ya ca

Pada: am     náma ākʰidaté ca prakʰidaté ca

Line : 11  Pada: an     námo 'bʰigʰnaté cāpagurámāṇāya ca

Pada: ao     náma ākʰidā́ya ca vikʰidā́ya ca //


Anuvaka: 16  
Line : 13  Pada: a     námo vaḥ kirikébʰyo devā́nām̐ hŕ̥dayebʰyas \

Pada: b     námo vicinvatkébʰyas \

Pada: c     námo vikṣīṇakébʰyas \

Line : 14  Pada: d     náma ānirhatébʰyaḥ //

Line : 15  Pada: e     drā́pe ándʰasas pate dáridra nī́lalohita /

Line : 16  Pada: f     āsā́ṃ prajā́nām eṣā́ṃ púruṣāṇām eṣā́ṃ paśūnā́m /

Line : 17  Pada: g     mā́ bʰair mā́ rauṅ mā́ naḥ kíñcanā́mamat //

Line : 18  Pada: h     imā́ rudrā́ya taváse kapardíne kṣayádvīrāya prábʰarāmahe matī́ḥ /

Line : 19  Pada: i     yátʰā naś śám ásad dvipáde cátuṣpade víśvaṃ puṣṭáṃ grā́me asmínn anāturám //

Line : 20  Pada: j     yā́ te rudra śivā́ tanū́ś śivā́ viśvā́ha bʰeṣajī́ /

Line : 21  Pada: k     śivā́ rutásya bʰeṣajī́ táyā no mr̥ḍa jīváse //

Line : 22  Pada: l     pári ṇo rudrásya hetír vr̥ṇaktu pári tveṣásya durmatír agʰāyóḥ /

Line : 23  Pada: m     áva stʰirā́ magʰávadbʰyas tanuṣva mīḍʰvas tokā́ya tánayāya mr̥ḍa //

Page: 259  
Line : 1  Pada: n     mī́ḍʰuṣṭama śívatama śivó nas sumánā bʰava /

Line : 2  Pada: o     paramé vr̥kṣá ā́yudʰaṃ nidʰā́ya kŕ̥ttiṃ vásāna úccara

Pada: p     pínākaṃ bíbʰrad úccara //

Line : 3  Pada: q     víkiriḍa vílohita námas te astu bʰagavaḥ /

Line : 4  Pada: r     yā́s te sahásram̐ hetáyo 'nyè 'smán * nívapantu tā́ḥ //
      FN Mittwede, Textkritische Bemerkungen, p. 98: 'nyám asmán

Line : 5  Pada: s     sahasradʰā́ sahásrāṇi hetáyas táva bāhvóḥ /

Line : 6  Pada: t     tā́sām ī́śāno bʰagavaḥ parācī́nā múkʰā kuru //

Line : 7  Pada: u     ásaṃkʰyātā sahásrāṇi yé rudrā́ ádʰi bʰū́myām /

Line : 8  Pada: v     téṣām̐ sahasrayojané 'va dʰánvāni tanmasi //

Line : 9  Pada: w     yè 'smín mahaty àrṇavè 'ntárikṣe bʰavā́ ádʰi /

Line : 10  Pada: x     téṣām̐ sahasrayojané 'va dʰánvāni tanmasi //

Line : 11  Pada: y     yé nī́lagrīvāś śitikáṇṭʰā dívaṃ rudrā́ úpaśritāḥ /

Line : 12  Pada: z     téṣām̐ sahasrayojané 'va dʰánvāni tanmasi //

Line : 13  Pada: aa     yé nī́lagrīvāś śitikáṇṭʰāś śarvā́ adʰáḥ kṣamācarā́ḥ /

Line : 14  Pada: ab     téṣām̐ sahasrayojané 'va dʰánvāni tanmasi //

Line : 15  Pada: ac     yé váneṣu śaṣpíñjarā nī́lagrīvā vílohitāḥ * /
      FN emended. Ed.: vílīhitāḥ. Raghuvira, KpS, xxv. Mittwede, Textkritische Bemerkungen, p. 98

Line : 16  Pada: ad     téṣām̐ sahasrayojané 'va dʰánvāni tanmasi //

Line : 17  Pada: ae     yé 'nneṣu vivídʰyanti pā́treṣu píbato jánān /

Line : 18  Pada: af     téṣām̐ sahasrayojané 'va dʰánvāni tanmasi //

Line : 19  Pada: ag     yé bʰūtā́nām ádʰipatayo viśikʰā́saḥ kapardínaḥ /

Line : 20  Pada: ah     téṣām̐ sahasrayojané 'va dʰánvāni tanmasi //

Line : 21  Pada: ai     yé patʰīnā́ṃ * patʰirákṣaya aiḍamr̥dā́ yavyúdʰaḥ /
      FN Mittwede, Textkritische Bemerkungen, p. 98

Line : 22  Pada: aj     téṣām̐ sahasrayojané 'va dʰánvāni tanmasi //

Page: 260  
Line : 1  Pada: ak     yé tīrtʰā́ni pracáranti sr̥kā́vanto niṣaṅgíṇaḥ /

Line : 2  Pada: al     téṣām̐ sahasryojané 'va dʰánvāni tanmasi //

Line : 3  Pada: am     yá etā́vanto vā bʰū́yām̐so vā díśo rudrā́ vitastʰiré /

Line : 4  Pada: an     téṣām̐ sahasrayojané 'va dʰánvāni tanmasi //

Line : 5  Pada: ao     námo astu rudrébʰyo yé diví yéṣāṃ varṣám íṣavas

Pada: ap     tébʰyo dáśa prā́cīr dáśa dakṣiṇā́ dáśa pratī́cīr dáśódīcīr dáśordʰvā́s

Line : 6  Pada: aq     tébʰyo námo astu

Pada: ar     té no mr̥ḍayantu

Line : 7  Pada: as     té yáṃ dviṣmó yáś ca no dvéṣṭi tám eṣāṃ jámbʰe dadʰāmi /

Pada: at     námo astu rudrébʰyo yè 'ntárikṣe yéṣāṃ vā́ta íṣavas

Line : 8  Pada: au     tébʰyo dáśa prā́cīr dáśa dakṣiṇā́ dáśa pratī́cīr dáśódīcīr dáśordʰvā́s

Line : 9  Pada: av     tébʰyo námo astu

Pada: aw     té no mr̥ḍayantu

Pada: ax     té yáṃ dviṣmó yáś ca no dvéṣṭi tám eṣāṃ jámbʰe dadʰāmi /

Line : 10  Pada: ay     námo astu redrébʰyo yé pr̥tʰivyā́ṃ yéṣām ánnam íṣavas

Line : 11  Pada: az     tébʰyo dáśa prā́cīr dáśa dakṣiṇā́ dáśa pratī́cīr dáśódīcīr dáśordʰvā́s

Line : 12  Pada: ba     tébʰyo námo astu

Pada: bb     té no mr̥ḍayantu

Pada: bc     té yáṃ dviṣmó yáś ca no dvéṣṭi tám eṣāṃ jámbʰe dadʰāmi //



Anuvaka: 17  
Line : 14  Pada: a     áśmann ū́rjaṃ párvate śiśriyāṇā́m adbʰyá óṣadʰībʰyo vánaspátibʰyó 'dʰi sáṃbʰr̥tām /

Line : 16  Pada: b     tā́ṃ na ū́rjaṃ dʰatta marutas saṃrarāṇā́ áśman te kṣúd yáṃ dviṣmás táṃ te śúg r̥ccʰatu //

Line : 18  Pada: c     samudrásya tvā́vakayā́gne párivyayāmasi /

Line : 19  Pada: d     anyā́m̐s te asmát tapantu hetáyaḥ pāvakó asmábʰyam̐ śivó bʰava //

Line : 20  Pada: e     himásya tvā jarā́yuṇā́gne párivyayāmasi /

Line : 21  Pada: f     anyā́m̐s te asmát tapantu hetáyaḥ pāvakó asmábʰyam̐ śivó bʰava //

Page: 261  
Line : 1  Pada: g     úpa jmánn úpa vetasé 'vatara nadī́ṣv ā́ /

Line : 2  Pada: h     ágne pittám apā́m asi máṇḍūki tā́bʰir ā́gahi /

Line : 3  Pada: i     sémáṃ no yajñáṃ pāvakávarṇam̐ śiváṃ kr̥dʰi //

Line : 4  Pada: j     apā́m idáṃ nyáyanam̐ samudrásya vimócanam /

Line : 5  Pada: k     anyā́m̐s te asmát tapantu hetáyaḥ pāvakó asmábʰyam̐ śivó bʰava //

Line : 6  Pada: l     ágne pāvaka rocíṣā mandráyā deva jihváyā /

Line : 7  Pada: m     ā́ devā́n vakṣi yákṣi ca //

Line : 8  Pada: n     pāvakáyā yáś citáyantyā kr̥pā́ kṣā́mā rurucá uṣáso ná ketúnā /

Line : 9  Pada: o     turó ná yā́mann étaśasya nū́ ráṇa ā́ yó gʰr̥ṇé ná tatr̥ṣāṇó ajáraḥ //

Line : 10  Pada: p     námas te hárase śocíṣe námas te astv arcíṣe /

Line : 11  Pada: q     anyā́m̐s te asmát tapantu hetáyaḥ pāvakó asmábʰyam̐ śivó bʰava //

Line : 12  Pada: r     nr̥ṣáde véṭ \

Pada: s     vanr̥ṣáde * véṭ \
      FN Mittwede, Textkritische Bemerkungen, p. 98: vanarṣáde

Pada: t     apsuṣáde véṭ \

Pada: u     barhiṣáde véṭ

Pada: v     svarvíde véṭ //

Line : 13  Pada: w     yé devā́ devā́nāṃ yajñíyā yajñíyānām̐ saṃvatsarī́ṇam úpa bʰāgám ā́sate /

Line : 14  Pada: x     ahutādo haviṣo yajñe asmin svayaṃ pibantu madʰuno gʰr̥tasya //

Line : 15  Pada: y     ye devā devebʰyo adʰi devatvam āyan ye brahmaṇaḥ puraetāro asya /

Line : 16  Pada: z     yebʰyo narte pavate dʰāma kiṃcana na te divo na pr̥tʰivyā adʰi snuṣu //

Line : 17  Pada: aa     prāṇadā vyānadā apānadā varcodā varivodāḥ /

Line : 18  Pada: ab     anyām̐s te asmat tapantu hetayaḥ pāvako asmabʰyam̐ śivo bʰava //


Anuvaka: 18  
Line : 19  Pada: a     sa ā no yonim̐ sadatu preṣṭʰo br̥haspatir viśvavāro yo asti /

Line : 20  Pada: b     kāmo rāyas suvīryasya taṃ dāt parṣan no ati saścato ariṣṭān //

Page: 262  
Line : 1  Pada: c     tam̐ śagmāso aruṣāso aśvā br̥haspatim̐ sahavāho vahanti /

Line : 2  Pada: d     sahaś cid yasya nīlavat sadʰastʰaṃ nabʰo na rūpam aruṣaṃ vasānāḥ //

Line : 3  Pada: e     br̥haspatiḥ pratʰamaṃ jāyamānaḥ //

Line : 4  Pada: f     tam ā no arkam amr̥tāya juṣṭam ime dʰāsur amr̥tāsaḥ purājāḥ /

Line : 5  Pada: g     śucikrandaṃ yajataṃ pastyānāṃ br̥haspatim anarvāṇam̐ huvema //

Line : 6  Pada: h     sa hi śuciś śatapatras sa śundʰyur hiraṇyavāśīr iṣiras svarṣāḥ /

Line : 7  Pada: i     br̥haspatis sa svāveśa r̥ṣvaḥ purū sakʰibʰya āsutiṃ kariṣṭʰaḥ //

Line : 8  Pada: j     evā pitre viśvadevāya vr̥ṣṇe yajñair vidʰema namasā havirbʰiḥ /

Line : 9  Pada: k     br̥haspate suprajā vīravanto vayam̐ syāma patayo rayīṇām //

Line : 10  Pada: l     pra vāṃ dam̐sām̐sy aśvinā avocam asya patis syām̐ sugavas suvīraḥ /

Line : 11  Pada: m     uta paśyann aśnuvan dīrgʰam āyur astam ivej jarimāṇaṃ jagamyām //

Line : 12  Pada: n     atāriṣma tamasas pāram asya prati stomaṃ devayanto dadʰānāḥ /

Line : 13  Pada: o     purudam̐sā purutamā purājāmartyā havate aśvinā gīḥ //

Line : 14  Pada: p     yo ha sya vāṃ ratʰirā vasta usrā ratʰo yujānaḥ pariyāti vartiḥ /

Line : 15  Pada: q     tena naś śaṃ yor uṣaso vyuṣṭau ny aśvinā vahataṃ yajñe asmin //

Line : 16  Pada: r     tribandʰureṇa trivr̥tā ratʰena tricakreṇa suvr̥tā yātam arvāk /

Line : 17  Pada: s     pinvataṃ gā jinvatam arvato no vardʰayatam aśvinā vīram asme //

Line : 18  Pada: t     sarasvatīṃ devayanto havante sarasvatīm adʰvare tāyamāne /

Line : 19  Pada: u     sarasvatīm̐ sukr̥to ahvayanta sarasvatī dāśuṣe vāryaṃ dāt //

Line : 20  Pada: v     sarasvaty abʰi no neṣi vasyo māpa spʰarīḥ payasā mā na ā dʰak /

Line : 21  Pada: w     juṣasva nas sakʰyā veśyā ca mā tvat kṣetrāṇy araṇāni ganma //

Line : 22  Pada: x     imā juhvānā //

Line : 23  Pada: y     pāvīravī kanyā citrāyus sarasvatī vīrapatnī dʰiyaṃ dʰāt /

Line : 24  Pada: z     gnābʰir accʰidram̐ śaraṇam̐ sajoṣā durādʰarṣaṃ gr̥ṇate śarma yam̐sat //

Page: 263  
Line : 1  Pada: aa     indras sutrāmā /

Pada: ab     tasya vayam //

Line : 2  Pada: ac     trātāram indram avitāram indram̐ havehave suhavam̐ śūram indram /

Line : 3  Pada: ad     hvayāmi śakraṃ puruhūtam indram̐ svasti no magʰavā dʰātv indraḥ //

Line : 4  Pada: ae     ugro jajñe vīryāya svadʰāvāñ cakrir apo naryo yat kariṣyan /

Line : 5  Pada: af     jagmir yuvā nr̥ṣadanam avobʰis trātā na indra enaso mahaś cit //

Line : 6  Pada: ag     adʰa smā te carṣaṇayo yad ejān indra trātota bʰavā varūtā /

Line : 7  Pada: ah     asmākāso ye nr̥tamāso arya indra sūrayo dadʰire puro naḥ //

Line : 8  Pada: ai     svastaye vājibʰiś ca praṇetaḥ //


Anuvaka: 19  
Line : 9  Pada: a     yuvam̐ surāmam aśvinā namucā āsure sacā /

Line : 10  Pada: b     vipipānā śubʰas patī indraṃ karmasv āvatam //

Line : 11  Pada: c     hotā yakṣad aśvinā sarasvatīm indram̐ sutrāmāṇam̐ somānām̐ surāmṇāṃ juṣantāṃ vyantu pibantu somān surāmṇas \

Line : 12  Pada: d     hotar yaja //

Line : 13  Pada: e     putram iva pitarā aśvinobʰendrāvataṃ kāvyair dam̐sanābʰiḥ /

Line : 14  Pada: f     yat surāmaṃ vyapibaś śacībʰis sarasvatī tvā magʰavann abʰiṣṇak //

Line : 15  Pada: g     ā devo yātu savitā suratno 'ntarikṣaprā vahamāno aśvaiḥ /

Line : 16  Pada: h     haste dadʰāno naryā purūṇi niveśayañ ca prasuvañ ca bʰūma //

Line : 17  Pada: i     asmabʰyaṃ tad divo adbʰyaḥ pr̥tʰivyās tvayā dattaṃ kāmyaṃ rādʰa āgāt /

Line : 18  Pada: j     śaṃ yat stotr̥bʰya āpaye bʰavāty uruśam̐sāya savitar jaritre //

Line : 19  Pada: k     evā vandasva varuṇaṃ br̥hantaṃ namasyā dʰīram amr̥tasya gopām /

Line : 20  Pada: l     sa naś śarma trivarūtʰaṃ viyam̐sat pātaṃ no dyāvāpr̥tʰivī upastʰe //

Line : 21  Pada: m     tat tvā yāmi //

Line : 22  Pada: n     yad atra śiṣṭaṃ rasinas sutasya yasyendro apibac cʰacībʰiḥ /

Line : 23  Pada: o     tenāham adya manasā sutasya somaṃ rājānam iha bʰakṣayāmi //

Line : 24  Pada: p     iṣireṇa te manasā sutasya bʰakṣīmahi pitryasyeva rāyaḥ /

Line : 25  Pada: q     ahānīva sūryo vāsarāṇi prā ṇa āyur jīvase soma tārīḥ //

Page: 264  
Line : 1  Pada: r     nānā hi devaiś cakr̥pe sado vāṃ mā sam̐sr̥kṣātʰāṃ parame vyoman /

Line : 2  Pada: s     surā tvam asi śuṣmiṇī soma eṣa mā mām̐ him̐siṣṭaṃ yat svaṃ yonim āviśātʰaḥ //

Line : 4  Pada: t     tvam̐ soma surayā saṃvidānaḥ prajām anyaḥ kṣatram anyaḥ pipartu /

Line : 5  Pada: u     yuvaṃ no atra varivaḥ kr̥ṇutaṃ vayam̐ syāma patayo rayīṇām //

Line : 6  Pada: v     indrāgnī maitaṃ nirhvetʰāṃ yam̐ somaṃ papimā vayam /

Line : 7  Pada: w     ihaiṣo astu bʰakṣitaś śivaś śivābʰir ūtibʰiḥ //

Line : 8  Pada: x     dve sr̥tī aśr̥ṇavaṃ pitr̥̄ṇām ahaṃ devānām uta martyānām /

Line : 9  Pada: y     tābʰyām idaṃ viśvaṃ bʰuvanam̐ sameti yad antarā pitaraṃ mātaraṃ ca //

Line : 10  Pada: z     yas te rājan varuṇa druhaḥ pāśo gāyatraccʰandāḥ pr̥tʰivīm anvāviveśa brahmaṇi pratiṣṭʰitas taṃ ta etad avayaje tasmai svāhā

Line : 11  Pada: aa     yas te rājan varuṇa druhaḥ pāśas triṣṭupcʰandā antarikṣam anvāviveśa kṣatre pratiṣṭʰitas taṃ ta etad avayaje tasmai svāhā

Line : 13  Pada: ab     yas te rājan varuṇa druhaḥ pāśo jagaccʰandā divam anvāviveśa viśi pratiṣṭʰitas taṃ ta etad avayaje tasmai svāhā

Line : 14  Pada: ac     yas te rājan varuṇa druhaḥ pāśo 'nuṣṭupcʰandā diśo 'nvāviveśa paśuṣu pratiṣṭʰitas taṃ ta etad avayaje tasmai svāhā //


Line : 17  Pada: ad     iti śrīmadyajuṣi kāṭʰake carakaśākʰāyām iṭʰimikāyāṃ dʰruvakṣitir nāma saptādaśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.